Чыганак: Ватаным Татарстан

Запись Азат Абитов: «Бәбине көтәбез инде» впервые появилась Tatar Today - татар яңалыклары..

Комментарийлар арасында бер инстачы Гөлсирингə тыйнаклык житеп бетми дигəн. Үзенең фикерен язып калдырган: «Гөлсирин, мин сиңа киңәш итеп әйтәм. Алай бик чытлыкланма. Азатны ничек яратканыңны беләбез бит. Хатын-кызны тыйнаклык бизи. Бүген Ләйсән Гыймаева белән Булат Бәйрәмов концерты булды. Ләйсән искиткеч тыйнак. Үз-үзен тотышы белән һәркемгә үрнәк булды. Шуларны карап ал син. Син әле яшь. Өлкәннәр сүзенә колак сал яме, үскәнем. Болай сез бик матур пар. Искиткеч матур җырлыйсың. Тыйнаклык җитми сиңа. Хисләреңне иярләргә өйрән. Миңа ачуланма, киңәш итеп язуым», — ди ул.

Башкалар Гөлсирин яклы: “Алар артыгын кыйланмыйлар. Бик матур гына”.

https://www.instagram.com/p/B-cji_dBOmN/?igshid=v3w865u6gcxb

Узган туры эфирны да ошатканнар: “Бик күңелле кич утыру булды. Рəхəтлəнеп көлдек!”, – дип язалар тамашачылар.

Чыганак: Гөлсирин Абдуллинаның инстаграмы

Запись Гөлсирин Абдуллина киенгəн килеш тиз генə душ кереп чыккан впервые появилась Tatar Today - татар яңалыклары..

Р.Ваһапов исемендәге татар җыры фестиваленең яңа проектларына багышланган матбугат очрашуында әлеге һәм башка сорауларга җаваплар эзләделәр.

Татарстан камера хорының сәнгать җитәкчесе һәм баш дирижеры, «Микрофонсыз концерт» проектының музыкаль җитәкчесе Миләүшә Таминдарова әйтүенчә, оештыручылар берьюлы берничә бурычны үти:

– Беренчедән, биредә катнашкан җырчылар үз көчләрен сынаячак. Моннан тыш, проект микрофонның тамашачы һәм җырчы арасында ясаган зур киртәсен юк итәчәк. Микрофонсыз җырлау – традицияләребезгә әйләнеп кайту да бит әле. Без тамашачыны янәдән «җанлы» тавыш тыңларга өйрәтергә тиеш, – дип, фикере белән уртаклашты ул.
«Микрофонсыз концерт»ның генераль продюсеры Рифат Фәттахов исә проектта катнашырга теләк белдерүчеләрнең күп булуы турында искәртте.

– Безнең эстрадада микрофонсыз җырларга җөрьәт итүчеләр күп, һәм бу, әлбәттә, бик сөендерә. Заманында Рәшит Ваһапов һәрвакыт микрофонсыз җырлаган һәм, тавышсыз җырчы гына микрофонга «өрә», дия торган булган. Мондый проект микрофонсыз түгел, фонограммасыз җырлаучылар да бетеп барган заманда бик кирәк, минемчә.
«Микрофонсыз концерт»та Хәмдүнә Тимергалиева, Илһам Вәлиев, Илүсә Хуҗина, Татарстанның Дәүләт камера хоры, махсус кунак – Альбина Шаһиморатова һәм башка җырчыларның катнашуы көтелә.

Матбугат очрашуында фондның чираттагы проекты – «Ваһапов фестивале һәм татар җыр сәнгате» исемле халыкара фәнни-гамәли конференция турында да сүз булды.
– Соңгы елларда без татар җыр сәнгате турында бик күп сөйлибез, бәхәсләшәбез, әмма аның тарихы өйрәнелмәгән. Конференцияне без нәкъ менә шушыны исәпкә алып уздырырга булдык, – дип аңлатты Рифат Фәттахов.

Моннан тыш, «Яңа татар җыры» бәйгесе дә телгә алынды. Рифат Фәттахов, чараның таләпләре катгый булу сәбәпле, катнашучыларның да артык күп булмавын әйтте:
– Әлеге бәйгедән соң йөзләп яңа җыр тәкъдим итәргә вәгъдә бирә алмыйбыз. Безгә әсәрләрнең яңа булуы да, халык мотивлары сакланып калу да мөһим. Бүгенгә 30га якын яңа җыр тәкъдим ителде. Тиздән аларны киң җәмәгатьчелек тә ишетә алачак.
Очрашу ахырында тагын бер мәсьәлә телгә алынды. Бу исә Гөлсирин Абдуллина һәм Рифат Фәттахов арасындагы хезмәттәшлекнең вакыты тәмамлануга бәйле. Продюсер яшь җырчыга килешүне озайтырга тәкъдим иткән инде, тик Гөлсирин Абдуллина әлегә җавап бирергә ашыкмый.

– Минем хәзер гаилә хәлем дә үзгәрде. Мондый зур карарны кабул итәр өчен уйларга, якыннарым белән киңәшләшергә кирәк, – диде ул.

Лилия Гыймазова

Мәгълүмат: vatantat.ru

Запись Гөлсирин Абдуллина Рифат Фәттахов белән эшләвен дәвам итәрме? впервые появилась Tatar Today - татар яңалыклары..

Ваһапов фестивале лауреатлары Азат Абитов белән Гөлсирин Абдуллина гаилә тормышлары , Гөлсирин нинди ризыклар пешерүен сөйләде. Шулай ук иҗаттагы планнары белән дә бүлеште. Аларның җәй узган туйлары әле дә сәхнәләрдә дәвам итә.

– Гөлсирин, нинди татар халык ризыклары пешерә беләсең? Азат кайсыларын ярата?

– Азатка күберәк итле, бәрәңгеле ризыклар ошый. Баллыны бик яратып бетерми, әмма ашарга тырыша. Татар халык ризыкларыннан гөбәдия, вак бәлеш, өчпочмак пешерә беләм.

– Түбәтәйгә кергәнегез бармы? Ошыймы сезгә?

Гөлсирин:

– Миңа Түбәтәйдә бик ошый, чөнки анда миллилек, өйдәге кебек рәхәтлек хөкем сөрә. Биредә татарча, милли җыр булса бигрәк тә яхшы булыр иде.

Азат:

– Монда Гөлсириннең “Кошларым” җыры барыр иде.

– Узган ел сентябрьдә үк кар яуды, сез моңа ничек карадыгыз? Нинди хисләр кичердегез?

Гөлсирин:

– Мин тәрәзәне ачтым да, рәхәтләнеп кычкырдым.

Азат:

– Мин күптән көттем бу карны. Чөнки кыш көне, кар яугач безнең туган көннәр. Гөлсириннең дә гаиләсендә бөтенесе кәҗәмөгезләр, шуңа да алар миңа якындыр.

– Ике кәҗәмөгезгә килешүе авырмы?

Азат:

– Гөлсирин килешеп бетми. Мин үземнекен әйтәм, ул үзенекен. Бәхәс бар. Әнисенә әби дип дәшкәндә дә, җае булган саен, төзәтеп куя.

Гөлсирин:

– Мин кечкенәдән әни дип өйрәгән. Иремнең әниемә әби диеп эндәшүе минем өчен ят. Шунлыктан безнең бәхәс килеп чыга.

– Азат, Шыгырданда каян килә ул шундый үзсүзлелек? Сүзеңдә нык тору?

Азат:

– Традициягә бәйледер. Башлангыч классларда, кайчан да булса өйләнәсен белеп, әби, бабай дип дәшергә хыялланып йөрдем.

Гөлсирин:

– Минем әниемнең әнисе яшь булган, шунлыктан әти аңа әни дип дәшкән. Һәм бу, минемчә, бик дөрес һәм матур күренеш. Хәзер минем әнигә 46, Азатныкына быел 50 тула.

– Ник сезнең туйга шундый зур игътибар булды?

Гөлсирин:

– Безнең туйга кадәр сәхнәдә кул сорау булды, бәлки халыкны шул җәлеп итеп, шау-шу уяткандыр. Вагапов фестивале безне якынрак таныштырды, кавыштырды.

– Сәхнәдә, эштә сез гел бергә, армыйсызмы? Хисләр сүнмиме?

Гөлсирин:

– Мин Азатны иртә һәм кич кенә күрәм. Көндез үз эшләрем буенча йөрим. Бергә концертларга әзерләнәбез, җырлар яздырабыз, клиплар төшерәбез. Арырга вакыт юк, рәхәтләнеп бергә эшлибез.

– Туйдан соң игътибар арттымы?

Гөлсирин:

• Әйе.

Азат:

– Клип чыккач, мине төп рольдә уйнаган кыз белән бәйлиләр иде. Ул вакытта без аралаша гына идек, йөрергә тәкъдим ясаучы булмады.

– Туйда йолаларны башкарып чыгарга кыен булмадымы?

Гөлсирин:

– Миңа күбрәк йолалар үтәсе булды. Мамадышта безнең никах кына булды.

Азат:

– Шыгырданда киленне алып кайткач, изит кабул кылдык. Бу үзе бер йола.

Гөлсирин:

– Азат миңа тәкъдим ясаганнан соң, Шыгырданга алып кайтты. Анда зур өстәл ясап, бөтен туганнар җыелып, килен күрергә киләләр. Һәрбер кунак үзе белән бүләк алып килә. Икенче көнне исә мулла килә, изит кабул кылдыру була.

Азат:

– Бу никахның беренче көне. Икенче никах кызның өендә була. Никах көнне, кызның өендә җыелып, җәяүле генә ир туганның өенә баралар. Анда бәйрәм ясыйлар. Шулай берничә кешегә баралар һәм кич кире өйгә кайталар.

– Җырчы килен булганын белгәч, ничек кабул иттеләр?

Азат:

– Бик яхшы, җылы кабул иттеләр. Гөлсиринне телевизордан да күреп белгәч, җырлавын, үзен бик яраттылар.

Гөлсирин:

– “Язмыш” җыры чыкканнан соң, безне кавыштырып та куйганнар иде инде, без ул вакытта йөрмәсәк тә.

– Туйның дәвамы булачак, ул “Туйның бишенче көне” дип атала. Ни өчен аны шулай сузарга кирәк булды?

Гөлсирин:

– Беренче көнне изит кабул кылдыру. Икенче көнне никах, туйлар булды. Хәзер инде халык белән бергә уздырасы килә. Ул исә, Казан Филармония концертлар залында булачак.

– Туй күлмәкләрендә чыгасызмы? Нинди яңалыклар була?

Гөлсирин:

– Туй күлмәгеннән чыгып, чәчәк атачакмын, шуңа да кияүгә чыкмаган кызларны көтеп калам.

Азат:

– Бик тырышып әзерләнәбез. Күңелле булырга тиеш. Чөнки мин үзем дә, бар кеше дә туйларга йөрергә яратадыр. Ә ул безнең чыннан да, туй кебек булачак. Аннары безнең туй гастрольләре башланачак.

– Парлашып китүгә, уңай, тискәре фикерләргә ничек карыйсыз?

Гөлсирин:

– Буем кыска булганга башта читенсенә идем, хәзер инде ияләндем. Тискәре фикерләргә бик игътибар бирмибез.

– Балалар турында уйлыйсызмы?

Азат:

– Мин малай телим. Егетләрне үстерү дә җиңелрәк. Кызлар барыбер иркәрәк була.

– Алга таба нинди планнар?

Азат:

– Әлегә безнең беренче планда иҗат. Булдыра алганда иҗат итәсе, эшлисе килә.

– Казанга килгәч нинди хисләр кичердегез?

Гөлсирин:

– Чит илгәме, кая гына барма, барысы да үз телләрендә сөйләшә. Ә бездә бу бик сирәк күренеш. Татарстанда торып, татарча сөйләшүче татарлар бик аз. Мин һәрвакыт кергәндә исәнмесез дип керәм. Өйдә дә без һәрвакыт татарча гына сөйләшәбез.

– Удмурт халкының активисты Альберт Разин үз-үзен яндырды. Татар теленең язмышы шундый дәрәҗәгә җитәрме, ничек уйлыйсыз?

Гөлсирин:

– Безнең татар эстрадасы бар, татарча иҗат итеп, чыгышлар ясыйбыз.

Азат:

– Казанда татарча сөйләшкән кешеләрне күргәч, без сөенәбез. Ә бу алай булырга тиеш түгел. Чит илдә сөйләшкәннәрен ишетеп сөенү анысы дөрес булыр иде.

– Азат, бу өйләнү җаваплылык өстәдеме? Кайсы яктан? Акчаны ничек бүләсез, акчага кем хуҗа?

– Әйе, җаваплылыгым артты. Акча Гөлсириндә, чөнки мин акчаны дөрес тота белмим. Гөлсирин миңа караганда күбрәк хезмәт хакы ала. Мин дә иҗат белән бәйле, төпләнеп эшли торган эш эзлим.

– Гаилә буларак, нинди планнар?

Гөлсирин:

– Икебез дә үзебезнең нигезебезне булдырасы килә. Икебез дә бергә булдыра ала торган эшләрне.

Азат:

– Гаиләләр бергә эшләп, бергә үсcәләр генә яши.

– Ваһапов фестивалендә эшләү авыр йөк түгелме?

Гөлсирин:

– Бу элеккеге халык җырлары, Хәйдәр Бигичев, Илһам Шакировалар җырлары беркайчан да үлмиячәк. Мин аларны электән тыңлап үстем, чөнки минем әти-әнием дә иҗат кешеләре, мин шулардан тыңлап үстем.

Азат:

– Мин дә шундый фикердә. Миңа әти гел әйтә иде ретро, халык җырларын җырлый аласың дип. Шуңа да мин аларны тыңлып үстем.

– Сезнең Зәлилә белән ниндидер конфликт булган дигән сүз йөри, бу дөресме?

Гөлсирин:

– Мин аны бик җылы, әйбәт каршы алдым. Киңәшләр дә бирәм, бергә җырлар яздырабыз. Ул миңа апа кебек ди. Аның нечкә тавышлылыгы, үз-үзенә карата белүе, харизмасы ошый. Конфликт булган дигән сүз, дөрес түгел.

Азат:

– Мин Гөлсирингә алсалар, шушы кызны алалар дип, беренче булып әйткән идем. Чөнки аны тыңлагач, тавышы, харизмасы көчле икәне, ошыячагы сизелеп тора иде. Үз репертуары булып, киләчәге матур булыр дип ышанып калабыз. Чөнки ул бик өметле, тырыш җырчы.

– Бүгенге көндә ниләр белән мәшгүльсез?

Гөлсирин:

– Бүгенге көндә тырышып туйга, гастрольләргә әзерләнәбез. Репертуарыбызда яңадан-яңа җырлар барлыкка килеп тора. Күптән түгел 2 яңа җырыбыз чыкты, хәзер яңа дуэт әзерлибез. Азат яңа 2 җыр, мин үз җырларымны әзерлим. Аннан башкада бик күп матур җырлар булачак. Ике як “әниләребезгә” дә матур җырлар булыр дип ышанабыз. Азат та әни дип дәшер дип ышанып калам…

Азат:

– Алмаз, минем баҗай, әби-бабай дип дәшә бит. Шулай булгач, мин дә әби-бабай дип дәшәм инде.

ДӘВАМЫ БАР, БЕЗНЕҢ БЕЛӘН КАЛЫГЫЗ! (монда аларның 1нче туй видеолары)

Запись Гөлсирин Абдуллина Азат Абитовка нинди ризыклар пешерә? Туйдан соң да нәрсә тынгы бирми? [видеоинтервью] впервые появилась Tatar Today - татар яңалыклары..

«Безнең коллективта гел шулай инде: чиратлашып чирлибез! Әле кайчан гына Рәнис Габбазов авырып йөрде, аннан Азатым шырык-мырык йөреп алды, ә менә бүген чират миңа җитте. Зәлилә, сак бул! 13 декабрь Балтачта концерт, тиз генә терелергә кирәк бит! Ничек тиз арада аякка басырга?! Булышыгызчы, зинһар!» дип язган ул.

https://www.instagram.com/p/B54__PuoqVl/

Запись Гөлсирин Абдуллина: “Зәлилә, сак бул!” впервые появилась Tatar Today - татар яңалыклары..

Яшьләрне халык артисты Венера Ганиева котлап, үзенчәлекле бүләк бирде. Җыр, бию, төрле-төрле уеннар, конкурслар оештырылды. Бәби ыштаннарына акча салып, булачак балаларының кем икәнен билгеләделәр. Кыз җиңде. Гөлсирин кияүгә чыкмаган кызларга атап чәчәк атты. Кыскасы, чын туй алымнары кулланып, үзләренчә әлеге концертны кызыклы итәргә тырышалар. Сценарий авторы Гөлназ Сәфәрова булуы билгеле булды.

https://www.instagram.com/p/B4vLOkkoGj9/

Азат Абитов белән Гөлсирин Абдуллинага туйдан соң нинди сүз әле дә тынгы бирми? [видеоинтервью]

ГӨЛСИРИН АБДУЛЛИНА 1нче КОНЦЕРТЛАРЫ: ӘТИ-ӘНИСЕ, СЕҢЛЕСЕ, ЭЛВИН ГРЕЙ, РИШАТ ТӨХВӘТУЛЛИН

Татар-Информ, Салават Камалетдинов фотосы

Запись Азат белән Гөлсириннең 5 нче туй концертында бәбинең кем булачагы ачыкланды [видео] впервые появилась Tatar Today - татар яңалыклары..

Азат Абитов, телефонын югалту сәбәпле, язылучылары белән элемтәгә чыга алмый. Бу хакта ул тормыш иптәше Гөлсирин Абдуллинаның инстаграмыннан хәбәр итә. Ваһапов фест лауреатлары хәзерге вакытта Италиянең Рим шәһәрендә гастрольләрдә.

“Без Рим шәһәрендә. Телефонымны югалттым, шуңа Гөлсириннең телефонына яздырам. Мине югалтмагыз. Фотолар, видеолар төшердек, ләкин телефон югалды, нишләтәсең”, – ди Азат Абитов һәм якын арада үз инстаграмыннан язылучылары белән элемтәгә чыгарга вәгъдә итә.

https://www.instagram.com/p/B30Gm0ghq1n/?igshid=hiumi2mhj0f0

Мәгълүмат Гөлсирин Абдуллина инстаграмыннан

Запись Азат Абитов белән күңелсез хәл булган [видео] впервые появилась Tatar Today - татар яңалыклары..

Ваһапов фест лауреатлары Азат Абитов белән Гөлсирин Абдуллина 11 ноябрьдә туйларының 5 нче көне узачагын хәбәр иткәннәр иде.

Хәзер инде бу көн аларның иҗатын яратучылар өчен тагын да якынайган – билетлар Филармония кассасында да сатуга чыккан.

View this post on Instagram

A post shared by Вагаповский фестиваль (@vagapovfest)

Мәгълүмат: vagapovfest

Запись Азат Абитов белән Гөлсирин Абдуллинадан шәп яңалык впервые появилась Tatar Today - татар яңалыклары..

Азат Абитов белән Гөлсирин Абдуллина никахларын рәсми рәвештә 13 июльдә үк теркәсә дә, интернетта әле дә яңадан-яңа хәбәрләр, видеолар чыгып тора. Бу юлы җырчы Азат Абитов туйларыннан кызыклы фактлар белән уртаклашкан һәм туйның дәвамы да булачагын белдергән. 

1. Туйга 230 кеше чакырылган булса, фактта исә мәҗлестә 250 кунак була. Аларның 200 – Азат ягыннан.
⠀
2. Никахны теркәү урамда, яңгыр астында уза, ләкин һава торышы һич кенә дә кунакларның кәефен төшерми.
⠀
3. Кунаклар арасында күп кенә танылган шәхесләр була. Алар арасында: Венера Ганиева, Гамил Асхадулла, Рифат Фаттахов, Руслан Сәйфетдинов, Айнур Моратов, Рәнис Габбазов, Рамил Шәрәпов, Рөстәм Нәсыйбуллин.
⠀
4. Туйда Азат белән Гөлсирин “Әй, йөрәкләр” исемле яңа дуэт тәкъдим итәлә.
⠀
5. Мәҗлес Чувашстанда уза. Кияүнең туган авылы, Шыгырданда башланып, Батырда тәмамлана
⠀
6. Туйның иң кызык өлеше – 5 нче көне 11 ноябрьгә билгеләнгән! Теләгән һәрбер кеше килә ала.
Үткәрелү урыны – Казан, Филармония, 18:30. Билетлар kassir.ru cайтында сатуда!

View this post on Instagram

A post shared by Азат Абитов (@azat_abitov)

Азат Абитовның Инстаграмыннан алынды

Запись Азат Абитов белән Гөлсирин Абдуллина туеннан 6 кызыклы факт впервые появилась Tatar Today - татар яңалыклары..

Узган атнада Ваһапов фестивале йолдызлары Азат Абитов белән Гөлсирин Абдуллинаның туйлары булып узды. 

Әлеге туйның күңелле узуын, андагы җылы атмосфераны туйда булмаган кешеләр дә фото-видеолар аша күзәтте.  Гөлсирин Абдуллина үзенең инстаграм битендә урнаштырган чираттагы видео моны тагын бер кат дәлилли. Әлеге видеода Азат Абитов ишекне тибеп ачып, кайтып керә дә хатыныннан: “Ашарга кая?”- дип сорый.

https://www.instagram.com/p/Bz7dBcEnWlo/?utm_source=ig_web_copy_link

Мәгълүмат Гөлсирин Абдуллинаның инстаграм битеннән

Запись Азат Абитов үз туенда хатыныннан ашарга сорый впервые появилась Tatar Today - татар яңалыклары..