Архивы хит - Tatar Today - татар яңалыклары.

Танылган эстрада җырчысы вафат

Гульназ Рашитова — Fri, 14 Aug 2020 17:30:03 +0000

Җырчы Валентина Легкоступова 14 августта вафат була.

“Бүген 15:30 сәгатьтә искиткеч якты кеше, иң яхшы әни, кыз һәм әби вафат булды”, – дип җырчының кызы Анетта Бриль үзенең Инстаграм битендә язган.

Валентина Легкоступова-эстрада җырчысы, Русиянең атказанган артисты. Ул 1985 елда дебютта катнаша, ә 80 нче еллар ахырында яшь башкаручылар конкурсларында призлы урыннар яулый. Артисткага 1987 елның 1 гыйнварында “Голубой огонёк” программасында беренче тапкыр яңгыраган “Ягода-малина” җыры аеруча зур танылу китерде.

Җырчыны баш травмасы белән хастаханәгә салулары турында 11 августта билгеле булган иде. Мәскәү хастаханәсенә авыр хәлдә китергәннәр. Ул бик каты имгәнгән булган.

Фото: Анетта Бриль инстаграмыннан

Чыганак: РИА Новости

Запись Танылган эстрада җырчысы вафат впервые появилась Tatar Today - татар яңалыклары..

Лилиана Ирназарова Уразова-Хәкимовларның 15нче сезон концертларында нигә бәхәс уятуларын ачыкларга тырыша

Гузель — Fri, 28 Sep 2018 10:22:26 +0000

27 сентябрь Буа районының Дүртиле авылында Гүзәл Уразова һәм Илдар Хәкимовның 15 еллык юбилей концертлары булды. Тамашага тамада, җырчы Лилиана Ирназарова да барган. Ул Инстаграмда концерттан алган хис-кичерешләре белән бүлешә.

View this post on Instagram

A post shared by Liliana Irnazarovа (@liliana_irnazarova)

“Кичә @guzelurazova и @ihakimov концертында булдым. Фикерем чуалды… Әллә инде яхшы гына, әллә бик яхшы үтте тамаша. Белмим. Иң башта шуны әйтәсе килә. Шоу-бизнеста артык индивидуальлек тә, уңышка ирешү дә хупланмый. Бәлки шуңа күрә дә, йолдызларның чыгыш костюмнары, җырлары, биюләре һәрчак бәхәс уятып торды…

Тәнкыйтьчеләрне кайгыртырмын дип куркам, әмма бу юлы (һәрвакыттагыча кебек) чыгыш костюмнары бик нәфис һәм купшы иделәр. Шуны да әйтеп китәргә кирәк, быелгы киемнәре теге елгы костюмнардан күпкә аерыла. Минемчә, Гүзәл 10 гына тапкыр кием алыштыргандыр. Сәхнә дә бик шәп әзерләнгән. Дөресен генә әйткәндә, зур шәһәрләрдә “солянка” концертлары да болай бизәлми. Ә җырлары…Мин чын ләззәт алдым. Тавышлары да матур. 15 ел эчендә тупланган барлык хитлар. Яңа трэклар да әйбәт. @ildus_davlyanov , әфәрин! Кыскачы, барыгыз, дуслар! Бик матур һәм затлы тамаша!”, дип язган.

Фото: Лилиана Ирназарованың Инстаграмыннан алынды

Запись Лилиана Ирназарова Уразова-Хәкимовларның 15нче сезон концертларында нигә бәхәс уятуларын ачыкларга тырыша впервые появилась Tatar Today - татар яңалыклары..

Татар әбиләре “Әпипә”гә түгел, “Тает лед” хитына өздереп бии [видео]

Чулпан — Sun, 07 May 2017 12:42:07 +0000

Свердловск өлкәсе Кече Турыш авылы нәрсә белән дан тотканын беләсезме? Кечкенә генә татар авылында пенсионерлар бал кортлары урынына эшли – крем-бал җитештерәләр. //Интертат//

Авылда завод бар. Аны татар кызы Гүзәл Сәнҗапова ачып җибәрде һәм шул рәвешле туган авылындагы әби-бабайларга эш булдырды.

Бу әбиләр һәм бабайлар – позитив үрнәге

Запись Татар әбиләре “Әпипә”гә түгел, “Тает лед” хитына өздереп бии [видео] впервые появилась Tatar Today - татар яңалыклары..

Илназ Гарипов “Ятим бала”ны “әниле” итә [видео]

Гузель — Thu, 20 Apr 2017 22:33:21 +0000

Шушы көннәрдә автор-башкаручы Илназ Гариповның үзе язган “Ятим бала” җыры хәзер Илсөя Бәдретдинова дуэты белән берлектә чыгачак. Алар инде җырга “яңа сулыш” өреп, студиядә яздырган. Илназ Гарипов “Ятим бала”ның килеп чыгу, язылу тарихы белән бүлешә. //Tatar Today//

View this post on Instagram

A post shared by Ильназ Гарипов (@ilnaz_garipov)

Артист әйтүенчә, ул жырны Арча педагогия көллиятендә укыгында Лилия Габдрахманова сүзләренә язган булган. Үзенең беренче (сольный) концертында “Ятим бала” ны үзе генә башкарган. Аннан Казанда үткән икенче концертында, шулай ук дуэтлар белән чыгыш ясаган концертта ул Илсөя Бәдретдинова белән бергә башкарылган вариантын халыкка чыгарырга булган.

Әле күптән түгел генә Илназ Гариповның әнисе фани дөньялардан китеп барган иде… Бу аның өчен зур югалту булды. Җырчы белән халык бергә сыкранды, борчылды, кайгысын уртаклашырга теләде… Шуңа да, җырда үзәк урынны алып торган ятимлек темасы, кызганычка каршы, Илназ Гарипов өчен чит түгел. Ул үзе дә шушы ук фикердә.

“6 яшьтә әтиемне югалттык. Әни белән әби мине һәм абыемны тәрбияләп үстерделәр. 35 көн элек әниемне җирләдек. Ятимлек темасы миңа чит түгел. Бәлки, “Ятим бала” шуңа күрә язылгандадыр”, дип әйтә.

2-3 көн дигәндә, Илназ Гариповның үзе генә башкарган җыры Илсөя Бәдретдинова белән яздырган вариантында көтелә. Тамашачылар күңелләргә уелып керә торган, сүзләренә тетрәндергеч мәгънә салынган “Ятим бала” җырын дуэт буларак яңача кабул итәр кебек тоела.

http://tatar-today.ru/wp-content/uploads/2017/04/c6e53b3b11.360.mp4

Запись Илназ Гарипов “Ятим бала”ны “әниле” итә [видео] впервые появилась Tatar Today - татар яңалыклары..

“5 ел сәхнәдә!” Фирдүс Тямаевның юбилей концертлары була [афиша]

Редактор1 editor1 — Sat, 24 Dec 2016 07:28:37 +0000

Танылган автор башкаручы, “Татар җыры”, TMTV каналының премия лауреаты, “ЖырлаОКе” телевизион шоу алып баручы – Фирдүс Тямаев тиздән УНИКС концертлар залында! Сез яраткан хитлар белән! Биш ел сәхнәдә! Биш көн Казанда! 1 март 18:30, 2 март 18:30, 3 март 18:30, 4 март 18:30, 8 март 17.00. //Tatar Today//

Концертка билетлар булдыру – 8нче мартка менә дигән бүләк! Юбилей концерты, көчле энергетика, танылган хитлар! Язны Фирдүс Тямаев белән каршы алыйк!

Запись “5 ел сәхнәдә!” Фирдүс Тямаевның юбилей концертлары була [афиша] впервые появилась Tatar Today - татар яңалыклары..

Казанда Tatarkaның 1нче чыгышында ук 100ләгән яшьләр “Алтын”ны җырлый [видео]

Редактор1 editor1 — Thu, 15 Dec 2016 17:34:11 +0000

14 декабрьда Казанда үткән “Little Big” концертының соңгы номеры булып Ирина Смелая “ТАТАРКА – АЛТЫН” җырын башкарды. “Алтын” хиты белән танылып өлгергән җырчы беренче тапкыр халык алдында чыгыш ясады. //Tatar Today//

Халык Смелаяны күрүгә, җырның музыкасын ишетүгә үк сикерә, кул чаба, ташкан хис-тойгылары белән бүлешә башлады. Җырчы хитын үзе башкармады да диярлек, аның урынына халык үзе җырлады. Бу хит чын вирус сыман, кешеләрне кабыза, җырларга, сүзләрне кабатларга, ятларга этәрә.

Элегрәк әйтеп үткәнчә, видеоблогер Ирина Смелаяның бу беренче клибы. Тумышы белән ул Чаллыдан. Ирина “Татарские будни” блогын алып баручы буларак танылган. Бу клипның режиссеры – хезмәттәше, иптәше Эльдар Джахаров, ә сүзләр авторы булып, Yummy Music Казан лейблы директоры Ильяс Гафаров тора.

Запись Казанда Tatarkaның 1нче чыгышында ук 100ләгән яшьләр “Алтын”ны җырлый [видео] впервые появилась Tatar Today - татар яңалыклары..

Elvin Grey`ны “Роза” җырын җырларга нәрсә этәрә? [видео]

Редактор1 editor1 — Sun, 11 Dec 2016 19:44:37 +0000

11 декабрь Elvin Grey`ның җанатарлары өчен бик әһәмиятле көн. Башкаручының “Роза”дигән җырының премьерасы булды. //Tatar Today//

Социаль челтәрләрдә бу бәхетсез мәхәббәт турындагы җырга төрле бәяләр бирелде: берәүләргә башкортча варианты күбрәк ошаган, кемдер җыргә нәрсәдер җитми дип саный.

Радик үзе бу комментарийларга җавабында: “Мин тәнкыйтне тыныч кабул итәм” дип яза. Әмма күпчелек тыңлаучыларның күңеленә җыр хуш килгән, уңай бәяләмәләр бермә-бер артык. Ә беренче татар блогеры Татар Малай уз сәхифәсендә дустын котлап, “Роза” җырын ”хит” дип атады.

Запись Elvin Grey`ны “Роза” җырын җырларга нәрсә этәрә? [видео] впервые появилась Tatar Today - татар яңалыклары..