20 сентябрь, Казанда «Ак Барс» белән «Сочи» арасында хоккей матчы алдыннан стадионда Россия флагы күтәрелде.  Ләкин флагның төсләрен дөрес түгел иде. Бу хәлгә Сочи командасы матбугат хезмәте игътибар итте.

Россия флагының төсләре буталган, ак, зәңгәр һәм кызыл урынына – ак, кызыл, зәңгәр итеп куйганнар .
«Без форма стилен үзгәрттек, әмма Россия флагына тугры калдык», — дип яза матбугат хезмәте үзенең социаль челтәрендә.

Чыганак: Бизнес Online

Запись Казанда матч алдыннан Россия флагы төсләрен бутаганнар впервые появилась Tatar Today - татар яңалыклары..

Лилия Галимова сүзләренчә, Татарстан Президенты Рөстәм Миңнеханов кадрлар буенча мәсьәләләрне хәл итү буенча вәкаләтләрне клубның генераль спонсорына тапшырган.

“Сезон төгәлләнгәннән соң, Рөстәм Миңнеханов кадрлар буенча мәсьәләләрне хәл итү буенча вәкаләтләрне тулысынча генераль спонсорга тапшырды. Генераль спонсор Зиннәтулла Билалетдинов белән киңәшкәннән соң, ике як та риза булган карар кабул ителде. Ул әлегә карьерасын туктатып торырга планлаштыра”, – диде Галимова.

“Зиннәтулла Хәйдәровичны бик хөрмәт итәбез. Аның зирәк җитәкчелегендә “Ак Барс” командасы күп тапкырлар төрле җиңүләр яулады”, – дип әйтте Казан Кремле вәкиле.

Зиннәтулла Билалетдинов тренер булганда “Ак Барс” хоккейчылары өч тапкыр Гагарин кубогын отты. 2009, 2010, 2018 елларда “Ак Барс” Гагарин кубогын Казанга алып кайтты. Шулай ук клуб 2006 елда суперлига чемпионы булды.

Фото: “Ак Барс” сайтыннан

Запись Зиннәтулла Билалетдинов “Ак Барс”тан китә. Сәбәбе билгеле впервые появилась Tatar Today - татар яңалыклары..

― Эмиль, Казанда намаз бүлмәсе булган компьютер клубы нинди максаттан, кайчан ачылачак?

― Казанда түгел, Мәскәүдә ачу планлаштырыла. Компьютер клубы ул. Киберспорт уеннары клубы. Җайланмаларда футбол, хоккей уйнап булачак. Дин ягыннан карасаң, бәлки ул бик әйбәт әйбер дә түгелдер инде. Әмма без анда намаз бүлмәсе дә булдырырга уйладык. Кеше уйнаса да, намаз вакыты килсә, кереп намаз укый алу мөмкинлеге булачак.

― ​Ислам динен тотуыгыз күпләргә билгеле. Ул сезнең тормышыгызда ничек чагыла, такымдагы иптәшләрегезнең моңа карашы нинди?

― Минем дингә килүемә биш ел. Аллаһы Тәгалә вакыты җиткәч кертеп җибәрде. Такымдагы егетләр минем диндә икәнне белә. Әлһәмдулиллаһ, такымда миннән башка тагын бер егет ислам динен тота. Такымдагы уенчылар минем ислам динендә булуымны беләләр һәм моңа әйбәт карыйлар.

― ​Такым уеннарда җиңү яулагач, сез боз өстендә үк сәҗдәгә китәсез, моңа такымдагы уенчылар нәрсә ди?

― Әйе, мин шулай итеп Аллаһы Тәгаләгә рәхмәтемне белдерәм. Такымдагы уенчылар моңа аптырамый.

― ​Барысы да сезнең гарәпчә язылган шлемыңа игътибар итә, аны кайда ясаттыгыз?

― Ярославльдә бер егет ясап бирде. Рәсемнәрен аңа җибәргән идем, ул шуннан карап ясады. Әле яңасы да ясала. Ниндирәк буласын әйтә алмыйм, чөнки үзем дә күрмәдем.

― ​Балачакта татар булганы өчен хоккейчы Николай Хәбибуллинга җан атканыгызны, аны үрнәк итеп алуыгыз турында әйтәсез. Хәзерге вакытта сезгә кем үрнәк?

― Хәбибуллин ярым татар бит. Аннан соң ул бер ел Казанда да уйнаган иде. Шул вакытта ошатып калганмындыр инде. Хәзер үрнәк итеп алган хоккейчым, кумирым юк.

― ​Татарстанның хоккей яки башка спорт төре такымнарында читтән чакырылган уенчылар түгел, ә биредә туып-үскән спортчылар уйнасын өчен нишләргә кирәк?

― Минемчә, тырышлык кирәк. Аллаһы Тәгалә синең тырышлыгыңны күрсә үзе булыша, юлларны ача.

― ​Хәзер такымда ничә татар уенчысы бар?

― Мин, Альберт Яруллин, Данис Зарипов, Рафаэл Батыршин. Безнең тренерыбыз Зиннәтулла Биләлетдинов бар.

― ​Алар белән татарча сөйләшәсезме?

― Алар татарча белми шул.

“Ак Барс” капкачылары Эмиль Гарипов (с) һәм Владислав Подъяпольский

― ​Капкачылар Шарыченков белән Подьяпольскийны көндәш дип саныйсызмы?

― Юк. Мин үз уеныма гына карыйм. Чемпионат башында җәрәхәт аркасында бер ай чамасы уйнамый тордым, минем урынга алар капканы саклады.

― ​”Ак Барс”ның кайсы уены сезнең өчен истә калырлык булды?

― Әлбәттә Гагарин касәсе финалының соңгы уенындагы җиңү инде.

― ​Гагарин касәсен алгач такымнар гадәттә касәгә шампан шәрабын салып эчәләр. Сез финалда җиңгәч нәрсә эшләдегез?

― Юк мин алай күтәрмәдем касәне. Сөендем әлбәттә. Намаз укыдым да өйгә кайтып киттем.

― ​NHLдан (Төньяк Америка хоккей лигасы​) тәкъдимнәр килгәне булдымы?

― Әйе, булды андый тәкъдимнәр…

― ​Нигә китәргә уйламадыгыз?

― Белмим.

― ​”Ак Барс”ны үз иткәнгәме әллә океан артына китәргә иртәрәк әле дип уйладыгызмы?

― Юк, иртә түгел анысы. Шулай туры килде инде, нечкәлекләрен сөйләп торасым килми.

― ​Шулай да, бәлки, анда китеп уңышка ирешә алмаган хоккейчылар тәҗрибәсен исәпкә алып бу адымга бармадыгызмы?

― Юк, һәрбер кешенең үз гамәле. Мин башка кешеләргә беркайчан да карамыйм, үз юлым, үз максатым бар.

― ​Ә Континенталь Хоккей Лигасының (КХЛ) берәр такымыннан яхшырак тәкъдим килсә, нишләр идегез?

― Китмәс идем, мөгаен. Мин бит монда туып үсеп, хоккейны монда уйныйм. Моннан ничек китим инде. Аннан соң китү-китмәү миннән генә дә тормый бит әле. Син монда кирәкмисең дип әйтсәләр, ул вакытта китәсең инде.

― Уфаның “Салават Юлаев” такымыннан яхшы тәкъдим булса, кабул итәр идегезме?

― Мин бу сорауга хәзер җавап бирә алмыйм. Болар, ул вакыттагы шартларга бәйле.

“Ак Барс” капкачысы Эмиль Гарипов

― ​”Ак барс” уеннары вакытында Татарстан гимны да башкарыла, татар җырлары яңгыратыла, җанатарлар арасында милли җанлылар күп, такым исеме дә татарча. “Рубин” футбол такымында исә бу күзәтелми, ни өчен андый аерма?

― Бу хакта берни әйтә алмыйм.

― ​”Ак Барс” Казанда уйнаганда Татарстан гимны да яңгырый. Татарстан, татар уенчылары гадәттә Татарстан гимны уйнап беткәнчегә кадәр урыннарыннан кузгалмыйлар, читтән килгән уенчылар гимн тәмамланганчы ук шуып китү ягын карый…

― Башкалар өчен әйтә алмыйм, әмма мин гимнның тәмамлануын көтәм. Гимнга хөрмәт йөзеннән шулай эшлим. Йөрәктән килә ул.

― ​Еш кына Казанда узган КХЛ уеннарында ни өчен ике гимн уйнатыла, Русиянеке дә җиткән дигән фикерләр ишетергә туры килә. Моны читтәге хоккей җанатарлары әйтә, чөнки татарстанлылар өчен бу гадәти күренеш. Азатлык “Ак Барс” такымы җанатарлары арасында уздырган сораштыруда Татарстан гимны яңгырасын, бу – безнең үзенчәлек дип әйтте, әмма шул ук вакытта Татарстанда президент атамасына, республиканың аерым Конституциясе булганына йә шикләнеп карый, йә кирәкми дип әйтә. Сезнең бу хакта фикерегез нинди?

― Татарстан президенты атамасы ничек кирәкмәсен?! Әлбәттә, кирәк! Бу ― безнең республика, Татарстан республикасы. Монда безнең татар халкы яши. Татарстан Конституциясе, Татарстан президенты атамасы моңа кадәр булган, нигә хәзер булмаска тиеш?

― ​”Ак Барс” уенын карарга Татарстан президенты килсә, яисә әти-әниегез килсә, бу сезнең уенга берәр ничек тәэсир итәме?

― Юк, барыбер, бозга чыккач хоккей турында гына уйлыйм. Җиңгәч, әйе, әти-әниең караган булса, шатланасың, әмма уен вакытында мин берни турында уйламыйм.

― ​Узган ел Татарстанда татар теле өчен тарткалаш барды, ахыр чиктә татар теле мәктәпләрдә ихтыярига калдырылды. Сез бу тел низагын күзәттегезме, моңа карата нинди фикердә торасыз?

― Мин нигә шулай эшләгәннәрен аңлый алмыйм. Хәзер татар телен кем тели, шул өйрәнә дип ясадылар. Болай барса татар теле 30-40 елдан соң бетәчәк. Мин үзем Казанның 1нче санлы спорт мәктәбендә укыдым. Татар телен мәктәпкә кергәнче белә идем. Элегрәк татарча шәбрәк сөйләшә идем, авыл кешесе кебек белә идем. Әмма, хәзер аралашу азрак, бераз сүзләр онытыла башлый. Татар теле бетә икән, татар милләте дә бетә. Телсез милләт була алмый бит инде. “Татарин” дип әйтерләр, ә теле булмас. Татарның үзенең теле булырга тиеш.

― ​Татар телен ничек саклап калырга?

― Һәрбер ата-ана үз алдына минем балам татарча белергә тиеш дип максат куярга тиеш. Аннары укыр әле, үзе өйрәнер әле дисә, тел бетәчәк.

― ​Мәктәптән тыш татар телен үзләштереп буламы?

― Безне мәктәптә күбрәк грамматикага өйрәттеләр. Өйдә татарча сөйләшкәч, мәктәптә җиңел булды. Татар теле дәресләрен яхшы укыдым дип әйтә алмыйм. Әмма мин аны белдем һәм хәзер дә яхшы сөйләшәм дип саныйм. Ә мәктәптә татар теле дәресләреннән гел бишле алучы танышларымның хәзер берсе дә татарча белми.

― ​Татар телен ничек популярлаштырып була?

― Минемчә, бу кешедән тора. Әнә, чеченнар үз телләрен беркайчан да онытмый. Бу кешедән һәм халыктан да тора, үҗәт булырга кирәк.

― ​Ә алар ничек саклый?

― Анысын белмим. Телне саклау беренче чиратта гаиләдән торадыр. Ә бездә ничек? Хәзер күп кенә татар гаиләләре дә өйләрендә татарча сөйләшми. Минем татарча белмәгән татар дусларым бар. Хәзер алар үз телләрен белмәгәнәре өченбик үкенә . Эх, белсәм иде дип йөри…

― ​Татар яшьләренә тел, дин, милләт турында ниләр әйтер идегез?

― Эчмәсеннәр, тартмасыннар, намаз укысыннар, телне сакласыннар. Үз милләтенең кешеләре белән гаилә корсыннар. Кыскасы, дөрес итеп яшәсеннәр.

Азатлык радиосы язмасы, видео һәм фотосы  (чит ил агентлыгы)

Запись “Намаз укыдым да…” – “Ак барс” капкачысы Эмиль Гарипов онытылмаслык вакыйга турында сөйли [интервью] впервые появилась Tatar Today - татар яңалыклары..

– Быел март аенда табибка күренергә бардым. Эшләрне төгәлләп чыгып китәргә җыен­ганда, ул миңа тагын бер атнадан килергә кушты. Килдем һәм миңа куркыныч хәбәр җит­керделәр: аналык җиңсәсендә яман шеш табылган, – дип сөйли Сюзанн. – Башта куркып калдым. Бәлки, анализларымны башка кешенеке белән бутаганнардыр, дип үз-үземне юаттым. Әмма миңа моның дөрес икәнен, тиз арада дәвалану кирәген әйтте­ләр. Операция ясап булмый иде. Химия терапиясе һәм нурланыш ала башладым. Шулай итеп бер ай ярым йөрдем. Аннан соң тернәкләнү өчен 4 ай вакыт кирәк булды. Миндәге кебек авыруларны Швециядә бер генә хастаханәдә дәвалыйлар. Ул бездән ерак түгел. Җитмәсә, анда минем яхшы танышым эшли. Табиблар яман шеш диагнозын куюга, сиңа башкача мөнәсәбәт барлыкка килә. Элек аяк­ларымны күрсәтер өчен ортопедка эләгүне көтә идем, чир ачыклангач, тиз арада җибәрделәр. Бездә табиблар яман шешнең башка органга күчүенә юл куймаска тырыша.

Әлбәттә, башыгызга, хоккей­чының әнисе булгач, дәвалану өчен акчасы да булгандыр, дигән уй килми калмагандыр. Баксаң, чит илдә бар да башкача икән. Кагыйдәсе шундый: авыру кеше дәвалану өчен күп дигәндә 7 мең сум акча тота ала. Шуннан арта икән, калганын дәүләт түли.

– Дәваланган вакытта хасталык кәгазе бирәләр. Тернәкләнү үт­кәндә төрлечә була. Миңа, мәсәлән, җитәкчем ял бирде. Төрле авыруларга төрлечә караш. Кайчак эш урыны саклана, 80 процент хезмәт хакын дәүләт түли, 10 процентын эш бирүче күтәрә. Бу пособиене алыр өчен, табиблар кушканны үтәргә кирәк, – ди Сюзанн ханым. – Хәзер кеше үз сәла­мәтлегенә игътибарлы була башлады. Швециядә инде кечкенә кызларга аналык җиңсәсе яман шешенә каршы вакцина ясыйлар. Күптән түгел мин дә тәмам терелеп беткәнемне белдем. Димәк, вакытында дәва­ла­нырга, чирне яшер­мәскә кирәк икән.

Антон Ландер да, аның гаи­ләсе дә хәйриячелек белән шө­гыльләнә икән. “Бу эшкә күптән алындык. Каенанам яман шештән үлеп китте. Шуңа күрә мондый хәлләргә башкача карыйбыз. Улым “Тимре” командасында уйнаганда, иптәшләре белән хас­таханәдә дәваланган балалар янына барып йөри иде. Бу эш шуннан бирле дәвам итә, – ди Сюзанн ханым. – Сездә хәй­рия­челек турында башкаларга сөй­ләргә тырышмыйлар дисезме? Ә без бу хакта башкалар да шундый эшкә алынсын өчен сөйлибез. Ярдәм итү турында барысы да белә икән, димәк, тагын кемгәдер булыша алачаклар”.

“Ак барс” хоккейчысы Антон Ландер да шул фикердә. “Хәй­риячелек белән үзеңне күрсәтү өчен шөгыльләнмиләр. Монысын барысы да белә. Сер түгел, барлык кешедә дә миндәге кебек мөмкинлек юк. Туганда ук авыру булган балалар бар. Аларга ярдәм күрсәтә, елмаю бүләк итә алуыма сөенәм. Миңа шул да җитә. Кешеләр проблемалар турында белеп торсын, башкаларга ярдәм кулы сузсын өчен, хәй­риячелек турында сөй­ләшергә кирәк”.

Гөлгенә Шиһапова

Ватаным Татарстан

Фото: ak-bars.ru

Запись “Ак барс” һөҗүмчесе Антон Ландерның әнисе ничек яман чирне җиңүен сөйли впервые появилась Tatar Today - татар яңалыклары..

Иң кызыгы, Иван Ургант тамашачыларны саф татар телендә сәламләде: “Бу – Кичке Ургант. Башлыйбыз!” – диде ул.

Запись Ак Барслылар 1 каналда кунакта булып, Иван Ургантны татарча “такылдатты” [видео] впервые появилась Tatar Today - татар яңалыклары..

Хәзер “барс”лар киләсе көндәшләрен көтә, әле Көнчыгыш конференциясендә уеннар дәвам итә. Яңа уеннар сериясе 9, 11, 13, 15, 17, 19, 21 март көннәренә билгеләнгән.

Татарстан җанатарлары җиңү шатлыгыннан әле дә айнып бетә алмый булса кирәк.

View this post on Instagram

A post shared by Хоккейный клуб «Ак Барс» (@hcakbars)

https://www.instagram.com/p/BRLHybADUEE/?tagged=%D1%85%D0%BA%D0%B0%D0%BA%D0%B1%D0%B0%D1%80%D1%81%20

https://www.instagram.com/p/BRKvVq7BxUyyWvZxNHbhj0f8eS6m61RPTqBQ1A0/?tagged=%D1%85%D0%BA%D0%B0%D0%BA%D0%B1%D0%B0%D1%80%D1%81%20

https://www.instagram.com/p/BRJ2WKzFUOs/?tagged=%D1%85%D0%BA%D0%B0%D0%BA%D0%B1%D0%B0%D1%80%D1%81%20

https://www.instagram.com/p/BRKn4s9BzftndzmVNeWBUBLjtwPhYhIQ4L9MbY0/?taken-by=g.thv%20

Запись Плей-офф көчлеләр өчен: “Ак Барс” полуфиналга чыкты! [фото+видео] впервые появилась Tatar Today - татар яңалыклары..

View this post on Instagram

A post shared by TATNEFTARENA (@tatneftarena)

Континенталь хоккей лигасында даими чемпионат төгәлләнде. 16 команда Гагарин кубогы өчен көрәшне башлап җибәрде.  Бик тиздән кубок иясен беләчәкбез. 

«Ак Барс» хоккейчылары КХЛның даими чемпионатын Көнчыгыш конференциядә 3нче урын белән япты. Шулай итеп, татарстанлыларга көндәш буларак 6нчы урында килгән команда – күршеләребез «Салават Юлаев» белән очрашырга туры киләчәк. Бүген  әлеге «яшел дербиның» беренче уенын карап булачак. Матч Казанда уза, 19:00 сәгатьтә башлана. Шунысын да әйтеп үтик: Зиннәтулла Хәйдәрович шәкертләре беренче уенны гадәти булмаган формада уздырачак. Махсус Ватанны саклаучылар көненә дип «барс»лар яшел төстәге хәрбиләрнекенә охшаш хоккей формасыннан чыгыш ясаячак.

View this post on Instagram

A post shared by Хоккейный клуб «Ак Барс» (@hcakbars)

«Ак Барс» – «Салават Юлаев» арасындагы дүрт җиңүгә кадәр дәвам итәчәк серия 22, 24, 26, 28 февральдә, кирәк булса 2, 4 һәм 6 мартта уза. 

View this post on Instagram

A post shared by Хоккейный клуб «Ак Барс» (@hcakbars)

«Яшел дербины» карарга онытмагыз! Уфа белән Татарстан «көрәше» һәрвакыт кызыклы булды, бу юлы да искәрмә булмас.«Валидол әзерләгез, дуслар!» дип шаярта «Ак Барс»  такымы җанатарлары. 

«Татнефть Арена»га килгән хоккей яратучылардан интернетка постлар агыла.

https://www.instagram.com/p/BQ0fAUbjY7f/?tagged=%D1%85%D0%BA%D0%B0%D0%BA%D0%B1%D0%B0%D1%80%D1%81%20%20%20%20

View this post on Instagram

A post shared by Almaz Gafiyatov (@almazgafiyatov)

View this post on Instagram

A post shared by Marat Khamidullin (@maratkhamidullin)

Запись Татар-башкорт көрәшенә “Ак Барс”лылар хәрби киемнән чыга впервые появилась Tatar Today - татар яңалыклары..

View this post on Instagram

A post shared by Салават Закиевич Фатхутдинов (@salavat_fatkhutdinov_official)

Видео Түбән Камада урнашкан “Нефтехимик” боз сараеннан. 23 гыйнвар сәгать 19.00 анда “Нефтихимик” һәм “Сибирь” хоккей такымнары уйнаган. Салават Фәтхетдинов та махсус хоккей карарга дип, шунда барган.

View this post on Instagram

A post shared by Салават Закиевич Фатхутдинов (@salavat_fatkhutdinov_official)

“Менә “Нефтихимик” өчен җан атарга килдем әле. “Ак барс” өчен кайгырмыйм, аларның барысы да яхшы. Чит балалар булмый, “Нефтихимик” та безнеке бит”, дип язган ул.

Запись Салават Фәтхетдинов Инстаграмдагы беренче видеосында “Нефтихимик” хоккей такымы өчен җан ата впервые появилась Tatar Today - татар яңалыклары..

Ул Мәскәү өлкәсенең Воскресенск шәһәрендә үтте.

Бозга «Ковальчук-team» һәм «Козлов-team» командалары чыкты. Соңгы команда составында 99нчы номер астында Рөстәм Миңнеханов иде. Татарстан Президенты партнерлары – Вячеслав Фетисов, Вячеслав Козлов, Андрей Квартальнов һәм башкалар булды. Көндәшләр командасында Александр Овечкин, Александр Медведев, Илья Ковальчук, Алексей Морозов, Аркадий Дворкович һәм башкалар уйнады.

Матчка рәсми стартны РФ Премьер-министры урынбасары Аркадий Дворкович бирде.

Уен 12:11 хисабы белән «Козлов-team» командасы файдасына тәмамланды.

Уеннан кергән бар акча Коломна балалар интернат-йортына тапшырылачак.

Татар-информ

Видео, фото prav.tatarstan.ru сайтыннан алынды

Запись Миңнеханов Морозов, Овечкин һәм Фетисов белән хоккей уйный [фото-видео] впервые появилась Tatar Today - татар яңалыклары..

Заводны ачу тантанасында Татарстан Премьер-министры Илдар Халиков, Чаллы мэры Наил Мәһдиев, хоккейчы, дүрт тапкыр Гагарин Кубогы иясе, өч тапкыр дөнья чемпионы Данис Зарипов катнашты.

Заводның гомум мәйданы 2500 кв метр тәшкил итә. Бүгенге көндә биредә 73 кеше хезмәт куя, киләчәктә тагын 50 эш урыны булдыру күздә тотыла. Завод хезмәткәрләре композит материаллардан хоккей кәшәкәләре җитештерү буенча уку узган, шул ук вакытта җитештерүнең һәр этабында җаваплы белгечләр билгеләнгән.

Илдар Халиков җыелучыларга сәламләү сүзе белән мөрәҗәгать итте. Аның сүзләренчә, агач һәм алюминийның иң яхшы сыйфатларын үзенә туплаган карбоннан ясалган кәшәкәләр әлегә кадәр Россиядә җитештерелмәгән. Шуңа да Чаллы заводы илдәге беренче предприятие. Ул заводның социаль-икътисади мөмкинлекләре алдан билгеләнгән территория (ТОСЭР) резиденты булганын да әйтеп узды һәм аңа киләчәктә уңышлар теләде.

Аннары кунаклар заводның җитештерү линиясе белән танышты, әзер продукцияне карады. Аңлатмаларны предприятие генераль директоры Иван Савин биреп барды. Аның сүзләренчә, әлеге проектның бер инициаторы Данис Зарипов булган.

Башлангыч исәпләүләр буенча, 2018 елда завод елына 40 мең кәшәкә җитештерүгә ирешергә җыена. Әлеге вакытка бюджетка күчерелгән салым елына якынча 60 миллион сум тәшкил итәргә тиеш.

Татар-информ, фотолар Чемпионат сайтыннан алынды.

Запись Данис Зарипов Чаллы шәһәрендә Русиядә тиңе булмаган завод ачты [фото] впервые появилась Tatar Today - татар яңалыклары..