Архивы салат - Tatar Today - татар яңалыклары.

Салаттан… аяк киеме ясыйлар [фото]

Лэйсирэ — Wed, 10 Oct 2018 11:07:27 +0000

Франциянең Rombaut бренды астындагы компания мода өлкәсендә яңалык кертеп, салатка охшатып шлепанцы ясаган, дип яза Islam-today. Дизайнер Мэтс Ромбаут күп еллар буе сәламәт яшәү рәвеше алып бара һәм вегетарианнарча туклана икән.

Мондый үзенчәлекле аяк киеменең бәясе $105. Модельер бу аяк киемен уйлап табып балык вегетарианнарга бүләк ясарга теләгән. Әлегә заказ буенча нибары 50 пар чыгарылган. Тиздән веганнар өчен кызыл салаттан да шундый ук шлепанцылар чыгар дип планлаштырыла.

Фото: https://islam-today.ru

Запись Салаттан… аяк киеме ясыйлар [фото] впервые появилась Tatar Today - татар яңалыклары..

9 май: кайда, нәрсә, ничәдә? [бәйрәм чаралары исемлеге]

Чулпан — Mon, 08 May 2017 15:35:14 +0000

Казанда Бөек Ватан сугышында Җиңүнең 72 еллыгына багышланган бәйрәм чаралары программасы билгеле булды. //Татар – информ//

9 Май, иртәнге 8.00 сәгатьтә, сугышчылар җирләнгән Арча һәм Архангельск зиратларында тантаналы төстә чәчәкләр һәм венок салу булачак.

9.00 сәгатьтә Җиңү паркында Мәңгелек утка һәм Аналарга һәм Толларга монуметына чәчәкләр һәм гирляндалар салыначак.

Төп бәйрәм чаралары Меңъеллык мәйданында узачак.

09.45 сәгатьтә чара ике мең артист катнашында зур театральләшкән тамаша белән ачылачак. Аннан соң ике мең хәрби хезмәткәр һәм хәрби училищеда, кадет классларында, яшь армиядә тәрбияләнүчеләр катнашында Казан гаризоны гаскәренең парады булачак. Бәйрәм парады ахырында мәйдан буйлап механикалашкан хәрби техника узачак.

Көн дәвамында иртәнге 10.00 сәгатьтән 19.00 сәгатькә кадәр Җиңү паркында халык күңел ачачак. Кунаклар өчен тематик мәйданчыклар оештырылачак, Россиянең 32 төбәгеннән килгән иҗат коллективы катнашында «Җиңү варислары» фестивале үтәчәк. Биредә «Фанфары Победы» дип аталган тынлы оркестр традицион балалар фестивале дә булачак. Бәйрәм сәхнәсендә беренче тапкыр «Жизнелюб» социаль проекты катнашучылары чыгыш ясаячак.

Бәйрәм программасы кичке 22.00 сәгатькә кадәр дәвам итәчәк һәм бәйрәм салюты белән тәмамланачак. Казан мэры Илсур Метшин белдерүенчә, 9 Май – үзенчәлекле бәйрәм. Мэр казанлыларны ветераннарга һәм тыл хезмәтчәннәренә тиешле хөрмәт күрсәтергә, аларны кайгыртырга һәм игътибарсыз калдырмаска чакырды.

Запись 9 май: кайда, нәрсә, ничәдә? [бәйрәм чаралары исемлеге] впервые появилась Tatar Today - татар яңалыклары..

“Бунито” салаты рецепты

Редактор1 editor1 — Mon, 13 Mar 2017 09:12:35 +0000

Кирәк булачак:

250г тавык ите, 3-4 йомырка, 125г корейча ясалган кишер, 100г сыр, майонез, тоз, петрушка-укроп.

Ясау тәртибе:

Тавык итен тозлы суда пешерәбез, вак итеп турыйбыз – бу салатның беренче катламы.

Икенче катлам итеп кишер салына. Майонез белән сыларга.

Сырны вак угыч аша үткәреп, шулай ук бер катлам итеп салабыз.

Пешкән йомыркаларның сарысын агыннан аерабыз.

Дүртенче катлам итеп угычтан чыгартылган йомырканың агы салына. Майонез сылыйбыз.

Ахырдан йомырканың сарысын сибәбез.

Теләсәгез, салатны укроп, петрушка белән бизәргә була.

Запись “Бунито” салаты рецепты впервые появилась Tatar Today - татар яңалыклары..

“Кызыл диңгез” салаты рецепты

Редактор1 editor1 — Sat, 04 Feb 2017 05:27:10 +0000

Кирәк булачак:

250 г краб таякчыклары, 2-3 помидор, 1 болгар борычы (кызыл), 150 г сыр, сарымсак, майонез.

Ясау тәртибе:

Краб таякчыкларын һәм яшелчәләрне озынчалап турыйбыз.

Сырны угыч аша чыгартабыз.

Сарымсакны пресс ярдәмендә изәбез.

Барлык ингредиентларны кушып, майонез белән бутыйбыз.

Запись “Кызыл диңгез” салаты рецепты впервые появилась Tatar Today - татар яңалыклары..

Кәбестәле һәм тавыклы салат рецепты

Редактор1 editor1 — Fri, 27 Jan 2017 06:53:26 +0000

Кирәк булачак:

500 г пешкән тавык ите, 400 г кәбестә, 0,5 стакан уылган сыр, киптерелгән ипи, тоз, майонез яки каймак.

Ясау тәртибе:

Кәбестәне вак итеп турарга, тоз сибәргә һәм берничә минутка калдырып торырга. Кәбестәне яхшылап уарга.

Пешкән тавыкны суытырга, турарга.

Кәбестә, сыр, тавык итен майонез яки каймак салып бутарга.

Салатны шакмаклап туралган кипкән ипи белән бизәргә.

Ашларыгыз тәмле булсын!!!

Запись Кәбестәле һәм тавыклы салат рецепты впервые появилась Tatar Today - татар яңалыклары..

Коймак белән тавык салаты рецепты

Редактор1 editor1 — Tue, 17 Jan 2017 11:22:05 +0000

Кирәк булачак:

500 г тавык ите, 7 йомырка, консерваланган кукуруз, тоз, борыч, майонез.

Ясау тәртибе:

Тавык итен пешереп суытырга һәм вак итеп турарга.

Коймак пешерәбез: һәр йомыркага тоз сибеп, яхшылап болгатып, аерым-аерым кызган табада коймакларны пешереп алабыз, суытабыз. Коймакларны озынча итеп турыйбыз.

Тавык,кукуруз, коймакларны бергә кушып, майонез салып болгатабыз.

Ашларыгыз тәмле булсын.

Запись Коймак белән тавык салаты рецепты впервые появилась Tatar Today - татар яңалыклары..

Тавык һәм пекин кәбестәсеннән салат рецепты

Редактор1 editor1 — Thu, 12 Jan 2017 21:36:11 +0000

Кирәк булачак:

300 г тавык ите, 300 г помидор, 150 г сыр, 400 г пекин кәбестәсе, тоз, борыч, лимон суы, каймак

Ясау тәртибе:

Тавык итен пешереп суытырга. Бик вак булмаган кисәкләргә турарга.

Помидорны ярымтүгәрәк итеп турарга.

Кәбестәне турап, лимон суы белән сиптертеп алырга.

Сырны вак угычтан чыгартырга.

Салатны катлам-катлам ясыйбыз: кәбестә, помидор, тавык. Тоз,борыч сибеп каймак белән майларга. Өстенә сыр сибәргә. Шул-ук тәртиптә тагын берничә катлам ясарга мөмкин.

Запись Тавык һәм пекин кәбестәсеннән салат рецепты впервые появилась Tatar Today - татар яңалыклары..

“Әкият” салаты рецепты

Редактор1 editor1 — Sun, 01 Jan 2017 08:29:17 +0000

Яңа ел табыны тәмле ризыклардан ташып торса да, бәйрәмнәрдән соң җиңел ризыклар ашыйсы килә. Бу сәламәтлек өчен дә бик мөһим. Шуңа да сезгә җиңел, файдалы салат рецепты тәкъдим итәбез.

Шулай итеп, безгә кирәк булачак:

салат яфраклары (яисә пекин кәбестәсе),

пешкән тавык ите,

базилик, петрушка,

анананс,

тоз,

каймак.

Тавык итен, ананасны шакмаклап турыйбыз. Салат яфракларын, базиликны эзгәләп савытка салабыз да, тоз, каймак өстәп яхшылап болгатабыз. Әлеге ризыкта иң төп ингредиентлар салат белән базилик булырга тиеш.

Ашларыгыз тәмле булсын!

Запись “Әкият” салаты рецепты впервые появилась Tatar Today - татар яңалыклары..

Әтәч елына сезгә бездән “Әтәч” салаты [аш-су]

Редактор1 editor1 — Tue, 27 Dec 2016 16:48:15 +0000

Быел булачак Әтәч елы уңаеннан, сезгә табыныгызның төп ризыгын – “Әтәч” салатын тәкъдим итәбез. //Кулинарка-лучшие рецепты//

Ингредиентлар:

– 1 тозлы балык (селедка)

– 1 суган, 1 чөгендер, 2 бәрәңге, 3-4 кишер, 100 грамм майонез, тәмгә карап борыч һәм тоз.

Ашамлыкларны әзерләп куябыз. Яшелчәләрне төрлесен төрле савытка, төрле вакыт аралыгына пешерергә куябыз: бәрәңгене 20 минутка, кишерне 40 минутка, чөгендерне 1 сәгатькә. Суган әрчибез. Балыкны чистартабыз. Сөякләрен мөмкин кадәр алабыз.

Бәрәңгене пешкәч, кабыгыннан чистартабыз да, кыргычта уабыз. Аннан аны салат буласы савытка урнаштырабыз. Шунда ук, бәрәңгедән әтәч формасы ясарга тырышабыз. Бәрәңге өстеннән бераз гына майонез сылыйбыз.

Икенче катлам – балык һәм суган. Суганны вак итеп турыйбыз.

Өченчесе – кишер һәм майонез. Яшелчәләрне бераз тозларга да онытмыйбыз.

Соңгы катлам – чөгендер һәм аның өстеннән майонез белән әтәчне бизибез, формасын бирәбез. Аның өчен кондитер капчыгын кулланырга да мөмкин. Майонез аннан күпме кирәк, шуның кадәр генә чыга. Әтәчнең күзе урынына зәйтүн куябыз.

Әтәчнең кикриген, томшыгын кишердән ясагыз. Зәйтүнне вак кына итеп озынчага киссәгез, әтәчнең каурыйларын куерга була. Салат тәмле булсын өчен, 30 минут көтеп торырга кирәк.

Запись Әтәч елына сезгә бездән “Әтәч” салаты [аш-су] впервые появилась Tatar Today - татар яңалыклары..

“Кышкы төн” салаты рецепты

Редактор1 editor1 — Sat, 03 Dec 2016 12:08:01 +0000

Кирәк булачак:

5 йомырка,

200 г тавык ите,

200 г гөмбә,

100-150 г сыр,

укроп-петрушка,

йогурт яки майонез.

Әзерләү тәртибе:

Йомырканың агын сарысыннан аерырга, вак угыч аша чыгарырга. Сырны шулай ук угыч аша чыгарабыз, калган ингредиентларны вак итеп турыйбыз.

Салат катлам-катлам ясала: ит, гөмбә, йогурт, йомырка агы, йогурт, сыр, йогурт, йомырка сарысы, укроп-петрушка.

Запись “Кышкы төн” салаты рецепты впервые появилась Tatar Today - татар яңалыклары..