3 августтан кызу Казаннан кызу Төркиягә чартер рейслар ачыла.
⠀
Очышлар атнаның алты көнендә башкарылачак: Анталия, Фетхия һәм Мармариска. Әмма Анталиягә бераз соңрак – 9 августтан гына очу мөмкинлеге булачак.
⠀

Очыш алдыннан, коронавируска тест үтү мәҗбүри түгел, әмма самолетларда пассажирлардан анкета тутырта торган булачаклар. Анда шәхси мәгълүмат, кресло номеры, ял вакытында торачак урынны һәм сәламәтлек дәрәҗәсен билгеләргә кирәк булачак. Самолеттан төшкәнче температура үлчәү дә карала.

Туроператорлар хәбәр иткәнчә, әгәр дә ялда көтелмәгән хәлләр килеп чыкса, турагентлык һәрбер очракны аерым карап, компенсация соравын чишәчәк.
⠀
Төркиядән кала, Русия аэропортларыннан Бөек Британия һәм Танзаниягә дә очып булачак.

Чыганак: РБК сайты⠀

Запись 1 августтан кайда очып булачак? впервые появилась Tatar Today - татар яңалыклары..

21 апрель Төркиянең Анталья шәһәреннән юлчылар белән тулы очкыч Казанга кайтты. Очкычта 171 кеше, шул исәптән, 24 бала иде. Аларны Яшел Үзән районының “Васильево” шифаханәсенә 14 көнгә мәҗбүри карантинга яптылар. Һиндстанның Гоа төбәгеннән кайтучылар да шунда урнаштырылды. 22 апрельгә каршы төндә Гоадан Казанга кайткан 171 туристның 76сы татарстанлы иде.

Төркиядән кайтып “Васильево” шифаханәсенә обсервациягә ябылган Татарстан егете Азатлыкка андагы шартларның начар булуын хәбәр итте. Ул исемен күрсәтмәүне сорап, яшәү шатрлары һәм кешеләргә карата мөнәсәбәт турында сөйләде.

Сүз уңаеннан, бүген аларга тестларның барысы да тискәре булуын, коронавирус булмавын хәбәр иткәннәр.

— Сезне ничек каршы алдылар Казанда?

— Без Анталья–Казан рейсы белән иртәнге бишенче яртыда кайттык. Роспотребнадзордан кешеләр керде дә һәрберебезгә хөкүмәт карарын өләште. Аннан без “Васильево” шифаханәсендә обсервация үтәчәкбез дип ризалык бирдек, кәгазьләр имзаладык. Ул кәгазьләрне тутырмыйча, чикне чыгып булмый, чик саклаучылар мөһер сукмый. Карарның бер күчермәсе үзеңдә, икенчесе Роспотребнадзор кешесендә кала.

Очкыч тулы иде. Температураны да тикшерделәр. Авыручылар юк иде, шөкер. Дүрт сәгатьлек рейста беркем төчкермәде, беркемнең дә температурасы күтәрелмәде, беркем дә хәленә зарланмады.

— Бу махсус рейс идеме?

— Бу Төркиядән Русия ватандашларын чыгаручы очкыч иде. Аны бушлай дип уйлыйлар. Билетның бәясе бер якка гына 200 еврога төште. Мин “Төрек һава юллары” белән Казаннан Истанбулга һәм кире Казанга 25 мең сумга сатып ала идем. Ә монда “Урал һава юллары” очкычы, ашатмыйлар да, анысын уйламыйсың инде, имин генә кайтып җитсә ярар иде дип утырдык.

Багажны обсерваторда алырсыз, шунда китерәләр диделәр. Барыбызны да шифаханәгә автобуста илттеләр. Юлчылар арасында Татарстан кешеләре генә түгел, анда Идел буе төбәкләреннән дә кешеләр бар иде. 171 кеше идек. Башкортстан, Удмуртия, Пермь крае, Самар һәм Ульян өлкәсе вәкилләре иртәнге ашны ашады да, аларны алырга килгән автобусларга утырып киттеләр. Үзләрендә обсерваторда утырачаклар.

— Сезне нинди бүлмәләргә, ни рәвешле урнаштырдылар?

— Нинди принцип белән урнаштырдылар – белмибез. Бер бүлмәдә икешәр кеше. Бүлмәләре таушалган. Ятаклар арасында ара — 10-15 см гына. Кешеләр бер-берсенә бик якын ята. Бүлмәләр кысан. 2 метр социаль араны саклагыз дип әйтәләр, ләкин монда андый нәрсә мөмкин түгел. Бүлмәдә телевизор тора, ләкин ул эшләми. Суыткыч бар, әмма ул янып чыккан. Шөкер, хет электр чәйнек эшли! Душ бик пычрак, чәчләр тыгылган, күгәрекләр… Күргәч, бик җирәндем. Кайнар да, салкын суы да бар, бәдрәфе эшли.

“Васильево” шифаханәсе. Обсервация

Урын-җир әйберләре бик пычрак һәм ертылып беткән. Ничектер хайванга, халык дошманына кебек карыйлар дигән хис туды.

— Тагын нинди уңайсызлыклар бар?

— Телефон бик начар тота. Wi-Fi бөтенләй юк. Бөтен территория буйлап полиция, Росгвардия вәкилләре уратып алган, тегендә-монда йөриләр. Беркемне урамга чыгармыйлар. Урамга түгел, коридорга да чыгарга ярамый. Бүлмәгездә генә утырыгыз, борыныгызны да чыгармагыз дип әйттеләр.

— Бүлмәләрдә балкон бармы?

— Балкон бар. Ләкин ул да куркыныч хәлдә. Андагы тоткыч тегендә-монда уйнап йөри. Теләсә-кайсы вакытта төшеп китәрсең кебек. Имин түгел. Чыкмау хәерлерәк.

Безне 4 майда чыгарачаклар. Ничек түзәсе икән дип аптырап утырам. Мондый шакшылыкны күргәнем булмады бер дә. Бу, чыннан да, төрмә төсле. Ашарга заказ ясап булмый. Кибеттән дә берни китертеп булмый. Алар ашаргә нәрсә бирә, шуннан башка берни юк.

Көненә өч тапкыр ашаталар. Бүлмәгә китерәләр. Нәрсә бирәбез, шуны ашыйсыз диделәр. Мин шәхсән хәләл ризык сорадым. Әйе, хәләл диделәр. Моны раслаучы документлар бармы дип сорагач, “юк” дип әйттеләр. Мин аларга ничек ышана алам? Хәләл түгел дип уйлыйм. Хәләл булса, раслаучы документлары булыр иде. Иртәнге ашка ботка, кәтлит, диңгез кәбестәсеннән салат, кабартма, ике кисәк ипи бар иде.

— Башка кешеләр белән аралашасызмы? Алар шифаханәдәге шартлар турында нәрсә сөйли?

— Без күбрәк Telegram аша аралашабыз. Очкычта ук төркем булдырган идек. Гоадан килгән кешеләр төркемен табып аралаша башладык. Монда беркемгә дә ошамый. Әйтәм бит, төрмә сыман.

— Шартлар турында җитәкчелеккә җиткердегезме?

— Монда кичә урнаштык. Кешеләр төне буе талашып, үз хәлләрен яхшыртырга теләде. Шуннан соң сүгә-сүгә, көч белән бүлмәләргә куып керттеләр. Иртәнге биштә Гоадан килүчеләрне урнаштырдылар. Алар белән дә шул ук хәл булды. Тавыш купса, бөтен җиргә ишетелә.

— Берәр төрле үзгәрешләр булачагы турында әйттеләрме?

— Юк, әйтелмәде.

— Истанбулда калу мөмкинлеге бар идеме? Ни өчен кайтырга булдыгыз? Мондый шартларда яшәячәгегезне алдан уйламадыгызмы?

— Мин обсервациягә ябачакларын белә идем. Әмма мондый шартларда, мондый сыйфатта булачагын күз алдына да китерә алмадым. Татарстанда мондый урыннар була алганы һаман да башыма сыймый.

Мин һәр җәйне Казанга кайтам. Халыкара рейслар август-сентябрьдә генә ачылачак. Кайтмасам, мин бөтен җәйне Төркиядә уздырырга тиеш булыр идем, соңрак кайта алмасмын, хәзер кайтырга кирәк дип юлга чыктым. Ватаныма кайттым, әмма шундый мөнәсәбәт көтмәдем.

Чагыштыру өчен

Круиз лайнерында эшләп сәяхәт иткән һәм сәфәренең кызыклы мизгелләрен Азатлык укучылары белән уртаклашып барган Наилә Хисамова дөнья тирәли сәяхәтен тәмамлап, Мәскәүгә кайтып төште һәм шулай ук Мәскәү янындагы бер шифаханәгә обсервациягә ябылды. Андагы яшәү шартлары бераз башка.

Чыганак: чит ил агентлыгы

Запись “Ничектер хайванга кебек карыйлар”: Татарстанга читтән кайтучылар карантин шартларына зарлана [фото] впервые появилась Tatar Today - татар яңалыклары..

Төркиянең көнчыгышында җир тетрәү нәтиҗәсендә һәлак булучылар саны 35 кешегә җитте. Бу хакта илнең вице-президенты Фуат Октай хәбәренә сылтамасы белән РИА Новости хәбәр итә.

Мәгълүмат: tatar-inform.tatar

Запись Төркиядә җир тетрәү нәтиҗәсендә һәлак булучылар саны һаман арта бара впервые появилась Tatar Today - татар яңалыклары..

Гадәттән тыш хәлләр агентлыгы мәгълүматларына караганда, каза күрүче районында 28 Төркия провинциясеннән 493 коткаручылар командасы эшли. Җир тетрәү зонасына 1689 палатка, 1656 карават һәм 9200 юрган китерелгән. Кәрәзле элемтә операторлары Элязыг һәм Малатьяда бушлай элемтә хезмәтләре турында игълан итте.

Төркия Президенты Рәҗәп Тайип Эрдоган хәлне күзәтүен әйтте. Ул белдергәнчә, учрежденияләр җир тетрәү нәтиҗәләрен бетерү өчен барлык кирәкле чараларны күрә.

Мәгълүмат Кызыл таң

Запись Төркиядәге җир тетрәүнең коточкыч нәтиҗәләре впервые появилась Tatar Today - татар яңалыклары..

Зыян күрүчеләр арасында Екатеринбургтан 3,5 һәм 10 яшьлек ике бала бар. Әтисе сүзләренә караганда, барлыгы сигез кеше зыян күргән.
Бу хәл кичке аш вакытында була. Пешекче тамаша вакытында ялгыша һәм янган май кешеләргә чәчелә. “Дөресен әйткәндә, кешеләр янды. Бүген, аларның яраларын кабат бәйләгәндә, бинтлар белән бергә тиреләре суелып төште», – ди ул. Бер баланың тире капламының 27 проценты пешкән. Икенчесенең кулы һәм башы янган.
Отель бу хәл өчен җаваплылыкны үз өстенә алган һәм дәвалану өчен түли. Моннан тыш, отель җитәкчелеге балаларны киләчәктә дә дәвалауга акча биргән.

Чыганак: Кызыл таң

Запись Төркиядә балаларга кайнап торган май сибәләр [видео] впервые появилась Tatar Today - татар яңалыклары..

Видеоязмаларда Төркия халкы аркан тарта, капчык киеп чаба, гомумән анда чын Сабан туй оештырганнар. “Өчтән соң санавы авырлашты”, – дип Зөлфәт Зиннуров берсеннән берсе матур кызларны санаганда буталып калды.

Бу видеоларны карагач, кешеләргә чыннан да безнең милли бәйрәмебезнең уеннары охшаган дигән фикер туа. Диңгез ярында рәхәтлнеп күңел ачканнар.

View this post on Instagram

A post shared by Зульфат Зиннуров (@zulfat_zinnurov)

Запись “Өчтән соң санавы авырлашты” – Зөлфәт Зиннуров ялда ничек күңел ачканын күрсәтте впервые появилась Tatar Today - татар яңалыклары..

Авариядә җиде кеше үлгән, 46сы зыян күргән, дип хәбәр итә шәһәр губернаторы Васип Шахин. Урында табиблар һәм коткаручылар эшли.

Состав Конья шәһәренә барган.Авария шәһәр яны поезды белән бәрелешү аркасында килеп чыккан, дип белдерделәр Төркия Транспорт министрлыгында.

Россия илчелеге зыян күрүчеләр арасында россиялеләр бармы-юкмы икәнлеген ачыклый.

tatar-inform

Запись Анкарада тиз йөрешле поезд рельстан чыга впервые появилась Tatar Today - татар яңалыклары..

18нче октябрь көнне ханым тукталган отель хезмәткәрләре Лилиянең туроператорына шалтыратып, аның хәзерге вакытта больницада булуын хәбәр иткән. Шаһитлар әйтүенчә, отельдән ерак түгел генә ханымны яңа танышы кыйнап ташлаган. Кешеләр килгәндә, ул инде авыр хәлдә җирдә яткан була. Тирә-ягында күп кан, авырлык белән генә тын алган. Хастаханәдә исә ханыма ике операция ясыйлар: башына һәм үпкәләренә зыян килгән. Хәзерге вакытта ул комада, дип хәбәр ителде.

ЯНЫЙ БАШЛАГАН

Лилия Төркиягә 14нче октябрьдә китә. Отельгә урнаша, рәхәтләнеп ял итә. Бу аның бирегә беренче мәртәбә генә килүе булмый. Беренче тапкыр Лилия Төркиягә август аенда бара, шунда Исмәгыйль белән танышып кала, курорт романыннан соң да, берничә ай интернетта аралашып торалар. Ханымның дус кызы «Татар-информ»га сөйләгәннәргә таянсаң шул аңлашыла – Исмәгыйль бик тәмле телле булган, матур сүзләр сөйләгән, Русиядә үз бизнесы барлыгын әйткән. Ләкин бераз соңрак Лилия боларның ялган булуын аңлый башлаган. Соңрак аралашуларына нокта куярга җыенган. Тик Исмәгыйль ханымны җиңел генә югалтырга теләмәгән. 14нче октябрьдә ялга киләсен ишеткәч тә, аңа үзе өчен дә отельдән бер номер алуын таләп итә, гел язып тора. Соңыннан хәтта яный ук башлый. «Син минем мәхәббәтем, ләкин мине саттың. Мин сине күрә алмыйм! Килүеңне өч ай көттем. Яки барысын да төзәтәсең, яки моның нәтиҗәләре булачак», – дигән смс мәсәлән, шундый куркытулы мөрәҗәгатьләрнең берсе.

– Аның болай язуларыннан Лилия бик курыкты. Исмәгыйль аны отель янында гел саклап торган. Күзәткән. Лилия хәтта сакчылардан бу ирне отельгә кертмәүләрен сорарга мәҗбүр булган, – дип сөйли зыян күрүченең дус кызы журналистларга.

Шулай да, Исмәгыйль үз сүзендә тора – Лилиядән үч ала.

ЭКЗОТИКА ЭЗЛӘҮМЕ?

Интернетта пәйда булган бу мәгълүмат астында төрле фикерләр яздылар. «Шул кирәк! Йөрмәсен иде! Экзотика теләгәнме? Алсын!», «Менә сиңа мә! Экзотика кирәк булган берәүгә. Ир-ат белән очрашу өчен Төркиягә кадәр кит әле син! Үзебездә ир-атлар беткәнмени?», «Төркиядә бер солтан табып, җәннәттә кебек яшәрмен, дип хыяллангандыр. Бер танышым сөйләде – ул да Төркиядә ял иткәндә бер ир белән танышып, соңрак аңа кияүгә чыгып киткән булган. Ә вакытлар узгач, ир аны кыйный башлаган. Моңа түзеп тора алмаудан, ике баласын алып, кире Русиягә кайткан» дип язучылар шактый. Дөрес, араларында ханымны кызганып, аның яклы булучылар да юк түгел: «Әйе, бәлки чынлап та экзотика теләгәндер, күрше тавыгы күркә булып күренә диләр бит. Нәрсәләр булганын кем белә – бәлки мондый кабахәт иргә очраклы гына тап булгандыр. Үзебезнең илдәге ир-атлар – иң яхшылары, ирләрне океан, диңгезләр артыннан эзләү кирәкми. Ә инде чит өлкәгә ялга килгәнсең икән, бераз тыйнаграк та булу кирәк. Бәлки бу хатын үзен тиешенчә тотмагандыр?», «Ачуланмагыз аны. Фотоларына карагач та күренә бит – ялгыз ханым, җитмәсә фигурасы да менә дигән. Ә гомер, яшьлек тиз үтә – бу кыска вакыт аралыгында үз принцыңны очратасы килә. Аның белән мондый хәл килеп чыгуы бик кызганыч», – дип тә язалар.

Фикер алышучыларның күбесе ханымның социаль челтәрләргә куйган фотоларыннан гаеп эзли. Чынлап та, Лилия үз профильләренә җиңел холыклы хатын-кызлар позасында, артык кыска, ачык һәм тар киемнәр белән төшкән фотоларын гына урнаштырган. Аның белән килеп чыккан бу күңелсез хәлдә, бәлки әнә шулай җиңел холыклы кебек күренүе дә йогынты ясамый калмагандыр, дип фаразлыйлар.

ТӨРЕКЛӘР НИ УЙЛЫЙ?

Төркиянең массакүләм мәгълүмат чараларында бу хәл турында бер генә яңалык та юк. Интернет басмаларда да, газеталарда да. Мәгълүматны бәлки яшереп саклыйлардыр, дигән фаразлар бар. Ләкин бу вакыйга хакында фикерләрен белешәсе килеп, без Төркиянең төрле шәһәрләрендә яшәүче ир-егетләргә сорауларыбызны бирдек. Күбесе бу очракта Лилиянең үзен гаепле дип уйлавын белдерде. Алар сүзенчә, мондый кыска киемнәрдән фотога төшкән кыз җитди мөнәсәбәтләр корырга әзер түгел. Бәлки шуңа күрә башка ир-егет белән хыянәт иткәндер, төрек ирләре хатын-кызга бер сәбәпсез кул күтәрмәс, ди алар.

Туристларны күп күргән, Төркиянең Бодрум шәһәрендә туризм өлкәсендә шактый еллар эшләгән Фетих Думан исә, бу хәл килеп чыгуында Лилияне түгел, үз ватандашын гаепли:

– Бу ирнең фотоларын караганнан соң, шуны әйтеп була: бер җирдә: отельдәме, ресторандамы хезмәт күрсәтүче персонал булып эшли. Аларга артык күп түләмиләр, шуңа күрә Лилия Исмәгыйль белән акча өчен генә мөнәсәбәтләр башлагандыр дип әйтеп булмый. Ләкин шунысы бар – йөзенә генә карап та, бу ирнең әллә ни укымышлы булмавын, мантыйк белән фикер йөртмәвен, холыксыз икәнлеген чамаларга мөмкин. Төрек ир-атларына хас бер әйбер бар: хатын-кыз белән бер күрешү, берничә ай аралашу да җитә – алар үзләрен аның хуҗасы итеп тоя башлый. Анталиядә бергә вакыт уздырганнан соң, Исмәгыйль дә Лилияне «Бу хәзер минеке», – дип уйлый башлагандыр. Ни өчен кыйнаган соң, дигән сорауга 90 процент дөреслеккә туры килердәй җавап бу – көнләшкән. Араларында көнчелек белән бәйле тарткалашулар булгандыр дип, ышанып әйтә алам.

Ир аны отель янында саклап торган

– Төркиядә ирләрнең хатын-кызларга кул күтәрүе еш күзәтелә торган әйберме?

– Күзәтелә. Бездә хатын-кызлар мондый кыска итәкләрдән, күкрәкләрен ачып фотога төшми билгеле. Шуңа күрә болар көнләшү белән бәйле килеп чыккан кул күтәрүләр түгел. Гадәттә безнең хатын-кызларыбыз эшләми. Һәммәсе дә димим, әмма Төркиядә яшәүче хатыннарның шактые өйдә утыра. Ашарга пешерә, балалар үстерә. Ирнең эшләгән акчасы гына җитмәгән очраклар күп. Гаиләдә моның белән бәйле талашлар чыга башлый. Кызу канлы ир булса, билгеле, моның ахыры хатынының кыйналуы белән бетә. Иң төп һәм беренче сәбәп – бу.

Тагын бер сәбәп, кайбер гаиләләрдә, бигрәк тә көртләр арасында хатын кызның, кызларның һичбер әйбергә хакы юк. Мәсәлән бер кыз бар ди, әтисе сөйләгән егеткә кияүгә чыгарга тиеш. Ничә яшьләрендә булулары мөһим түгел – кызга егерме, иргә алтмыш яшь тә булырга мөмкин. Әгәр гаиләсе аларның өйләнешүен теләсә, алар өйләнешергә тиеш. Әгәр дә кыз кияүгә чыгарга теләмәсә һәм Истанбул, Бурса кебек зур шәһәрләргә качып китсә, аның абыйлары, ир-ат кардәшләре булса, кызны эзләп чыгарлар, тапсалар – үтерерләр. Әйткәнемчә, бу көртләрдә еш очрый торган хәл. Тагын бер сәбәп – безнең ир атлар арасында хатынына хәмер аркасында кул күтәргәннәр бар. Русиядәге кебек еш очрый торган хәл түгел, әмма бар.

Төрек ирләренең хатын-кызны яралау, кыйнау, үтерү кебек күренешләре аерылышканнан соң еш очрый. Мәсәлән, иренең ялкаулыгыннан туеп, хатыны аерылыша. Бераз вакыттан, ир «кире кушылыйк» дигән тәкъдим белән янына килә. Хатын риза булмый. Соңыннан ир аны бер җирдә табып кыйнап үтерә. Мондый хәлләр бездә аз түгел.

– Русия хатын-кызлары төрекләрне бик ярата дигән фикер яши. Сезнеңчә моның сәбәбе нәрсә?

– Мин бер мәртәбә дә Русиядә булмадым һәм анда яшәмәдем. Ләкин монда килгән хатын-кызларның миңа әллә ничә мәртәбә аңлатканы булды – Русиядә яшәүче ир-атларның күбесе хатын кызга кадер-хөрмәт күрсәтми. Моны еш ишеттем. Ни кадәр дөрестер, ни кадәр ялгандыр – анысын белмим. Бездә гадәт мондый – әгәр дә төрек хатын-кызны ярата икән, ул аңа зур кадер-хөрмәт күрсәтер. Бу хатын-кызларның да күңеленә хуш килер. Хатын-кыз моның кадәр игътибарны элек бөтенләй күрмәгән булырга мөмкин. Төрек ир-атларының күбесе үзенең хатын-кызын һәр нәрсәдән сакларга омтыла. Ул аны саклап кына калмый, кирәк икән яклап та чыгачак. Яраткан, ошаткан, бергә булган хатын-кызына бер кешедән дә сүз әйттермәс. Һәм менә шул сыйфатлар өчен төрекләрне бик ярата Русия кызлары. Аннан соң Төркия бик гүзәл ил. Монда яшәргә күченеп китү турында хатын-кызлар арасында хыялланучылар шактый. Һәм алар төрек ир-егете белән мөнәсәбәтем булса, монда күченеп китә алырмын дип фикер йөртә. Шуңа күрә һәр туган мөмкинлектән файдаланырга тырышып, ватандашыгыз Лилия кебек авызы пешкәннәр дә була.

– Ә төрекләр Русия хатын-кызларын нидән шул кадәр якын күрә? Алар да бит безнекеләрне бик ярата.

– Әйе, ярата, чөнки Русия хатын-кызларының күбесе гүзәл. Тагын бер сәбәп – сезнекеләрнең күбесен җиңел генә түшәккә яткырып була. Бу иң төп сәбәбе. Төрек кызлары белән болай җиңел булмас. Булса да, ир атның яки бик-бик бай, яки бик-бик чибәр булуы кирәк. Бай булмаган, гади кыяфәтле бер ир-атка төрек кызы белән мөнәсәбәтләр башлау җиңел түгел. Төрек кызы янына якынлашу авыр. Мәсәлән, үрнәк: бер татар, рус кызы Төркиягә килеп, кафеда утырган вакытта аның янына килеп: «Хәерле көн, яныгызга утырырга мөмкинме?» – дип сорасаң, ул каршы килмәс, авыр бер әйбер түгел сезнең янга утыру. Ә төрек кызы рөхсәт бирмәс. «Юк, утырма. Син кем?» – дияр, коры җаваплар бирер. Аннан соң төрек кызы, артык чибәр булмаса да, көзге янына килеп: «Мин матурмы-юкмы?» дигән сорау биреп тормастан, үзен дөньяның иң матур кешесе кебек хис итәр. Дөньяда аннан башка бер кыз да юк кебек кыланыр. Беркемне дә ошатмас. Шактые шундый. Ә Русия кызлары мондый түгел. Шуңа күрә, артык бай һәм артык матур булмаган төрек егете монда һичкемне таба алмаганда, Русиядән килгән һәм бик-бик матур булган кызны үзенә җиңел генә карата алыр.

СЫНАП КАРАУ КИРӘК

Соңгы елларда Төркия-Русия гыйшыклары артканнан-арта. Моның турында укыган, күргән кызларның да «җиңел тормышта», «Солтан Сөләйман кебек көчле» ир белән яшисе килә күрәсең – хәзерге вакытта үзенә танышу сайтларыннан да төрекләр эзләүчеләр аз түгел. Ватандашыбыз Лилия кебек авызлары пешмәсен өчен, кызларга нинди киңәш бирергә мөмкин соң? Бу сорауны әңгәмәдәшем Фетих Думанга да бирдем.

– Беренче чиратта, интернетта танышкан төрек ир-атлары белән ашыгып очрашмасыннар. Кимендә 3-4 ай аралашсыннар, аның чын йөзен ачарга тырышсыннар. Төрек ирләренең күбесе гүзәл сүзләрне күп сөйли, матур сөйләшә, яхшы психологик анализ ясый белә. Шуңа күрә еш кына үзе теләгәнне, үзе хис иткәнне түгел, хатын-кызның аннан нинди сүз ишетәсе килә, шуны сөйләр. Бу уңайдан алдану куркынычы зур.

Беренче мәртәбә күрешкәндә Русиядә очрашсыннар, Төркиягә килергә ашыкмасыннар. Төрек ир-егетенең чын ниятен белү өчен хәйләләсеннәр: «Син монда кил, отельдә үзеңә бүлмә ал. Көндезләрен мин эшләрмен, кичләрен күрешербез, танышырбыз, берәр җирдә сөйләшеп утырырбыз. Соңыннан һәркем үз өенә кайтып китәр», – дисен. Ягъни аның белән түшәккә ятмаячагын белдерсен. Әгәр дә ир-атның нияте җитди түгел икән, ул моны кабул итмәс. Яки кабул итәр, «Соңыннан кире уйлар да, минем белән йоклар», – дип өметләнеп, монда килер. Кыз аның белән йокламаса, башка килмәс, югалыр. Шуңа күрә, ир-атның кем булуын белү өчен башта аны озак вакытлар тикшереп карасыннар.

СОҢГЫ СҮЗ

Төрек танышы тарафыннан кыйналган Лилиянең бертуган абыйсы «Татар-информ»га сөйләвенчә, сеңлесенең мондый мәхәббәт романы барлыгы турында бер туганы да белмәгән. Шунысын да ачыклаганнар – Исмәгыйльнең өч баласы бар, хатыныннан аерылган булган. Шулай ук бу ирнең үз әнисен кыйнаган очраклары да билгеле. Әлегә ирне полиция тикшерә, диләр.

Фетих Думан әйтүенчә, Төркия кануннары буенча, ватандашыбызны кыйнаган Исмәгыйльгә озак еллар төрмәдә утыру куркынычы яный. Барысы да Лилиянең сәламәтлегенә бәйле. Комадагы ханым әле дә аңына килмәгән. Әгәр ул андый-мондый хәл булып, үлеп китсә, ирне 20-25 елга кадәр төрмәгә утыртачаклар. Ләкин моңа карап кына, зыян күрүченең туганнарына җиңелрәк булмас шул.

Айгөл ЗАКИРОВА

Запись “Эзләп чыгарлар, тапсалар – үтерерләр”: Төркиядә комадагы хатын аңына килми впервые появилась Tatar Today - татар яңалыклары..

“Наталья һәрвакыт ачык, ярдәмчел кеше булды. Күпләр аның беркатлы һәм ярдәмчел булуыннан файдалана иде. Ул матур киенергә, үзен карап торырга бик яратты. Һәрвакыт ир-атлар игътибарын тоеп яшәде. Үз яшендә шулай яхшы күренүеннән күпләр көнләште”, – дип сөйләде зыян күргән хатынның дусты Оксана.

Наталья 14 октябрьдә Төркия ял итәргә китә. Ханым отельгә урнаша, ялын яхшы уздыра.

19 октябрьгә каршы төндә аны Садыйк исемле бер ир кыйнаган.

Натальяның бертуган абыйсы сүзләре буенча, ир-ат аны отель янында кыйнаган. Шаһитләр ачыргаланып кычкырган тавышка сискәнеп, йөгереп килгәндә, хатын асфальтта яткан, авырлык белән генә тын алган. Ә тирә-ягында бик күп кан булган.

Кыйнаган ирне отель сакчылары кулларыннан тотып, хатыннан аралап алган. Натальяның башы җәрәхәтләнгән, аны “Ашыгыч ярдәм” машинасында хастаханәгә алып киткәннәр.

Ханымга ике операция ясаганнар, ләкин табиблар аның исән калачагын, үләчәген төгәл генә әйтә алмый. Натальяны үпкәләрне ясалма вентеляцияләү аппаратына тоташтырганнар. Хәзерге вакытта ул кома хәлендә.

Зыян күрүченең иптәш хатыны сөйләгәнчә, Наталья Садыкны берничә ай белгән. Ул августта беренче тапкыр Төркиягә ял итәргә очкан һәм шунда әлеге ир белән танышкан.

Алар арасында курорт романы барлыкка килә, кайтып киткәннән соң да интернет аркылы аралашып торганнар.

“Ул аңа карата бик тәмле телле булды. Россиядә бизнесы бар дип сөйләде. Дөрес, соңыннан Наталья боларның әкият икәнен аңлый башлады”, – дип сөйләде Натальяның дусты.

Бер мизгелдә Наталья бу төрек ире белән аралашуны туктатырга уйлый һәм моны аңа төрлечә сиздерә. Тик ир-ат мөнәсбәтләргә нокта куярга җыенмаган. Алай гына да түгел, Натальяның 14 октябрьдә ялга киләсен белгәч, аның белән элемтәгә керергә тырышкан.

“Натальядән отельдә үзенә номер алуны таләп итте, гел язып торды. Соңыннан яный башлады. Миндә хәтта ул җибәреп барган хатлар да сакланды. Ул аңа янады”, – дип сөйләде Оксана.

Чыннан да, алар язышкан хатларның кайбер өлешләрендә янау сүзләре бар.

“Син, минем мәхәббәтем, мине саттың. Мин сине күрә алмыйм! Синең килүеңне өч ай көттем. Яки син барысын да төзәтәсең, яки моның нәтиҗәләре булачак”, – дип укыды Натальяның дусты Садыйктан килгән хатларны.

Бактың исә, сөяркә Оксананың үзенә дә язган. Ул Натальяны отельдә үзе өчен номер алырга күндерергә ярдәм итүен сораган. Тик Оксана баш тарта һәм мессенджерларда аны кара исемлеккә өстәп куя.

“Наташа курыккан иде. Ул аны отель янында саклап торган. Күзәткән. Аңа сакчылардан ирне кунакханәгә кертмәүләрен сорарга туры килгән. Ул отельгә икенче ишектән кергән, мөгаен, яр буеннандыр”, – дип сөйләде иптәш хатыны.

Әмма ир Натальяны кунакханәгә кайтып барган вакытта тотып ала.

Натальяның дус хатыны аның белән күрешергә өлгермәвен үкенеч белән сөйләде. Әйтерсең, ханым хәвеф буласын сизгән.

“Ул китәр алдыннан аның белән ачуланышып алдык. Ул минем әни янына килгән, дуслашырга ярдәм итүен сораган. Аның белән башка күрешә алмавыбызны сизгән кебек булган. Минем белән очрашырга теләгән, тик өлгермәде”, – дип исенә төшерә Оксана.

Натальяның туганнары аның төрек белән аралашуы турында берни дә белмәгән.

Натальяның бертуган абыйсы бу хакта нык соң белүен әйтте.

Ул Садыйкның аерылган, өч баласы бар икәнен һәм үз әнисен кыйнаганын ачыклаган.

Туганнары якын көннәрдә Наталья ята торган хастаханәгә, Төркиягә очарга тиеш. Анда аның киләчәк тормышы хәл ителәчәк. Туганнары сүзләренчә, табиблар ханымны аппаратлардан аерырга туры киләчәк, дигән. Ял вакытына теркәлгән иминиятләштерү бетеп килә. Натальяны алга таба хастаханәдә тоту өчен туганнарының акчасы юк.

“Хастаханәдә хатынның хәле бик авыр дип хәбәр иттеләр. Ике операция кичергән, әмма ул исән калырга мөмкин. Табиблар аның туганнарын көтә”, – дип сөйләде безгә “Анталья татарлары” җәмгыяте вәкиле Оксана Назарова.

Сүз уңаеннан, Төркиянең массакүләм мәгълүмат чараларында бу хәл турында бер генә яңалык та юк. Интернет басмаларда да, газеталарда да. Бу хакта мәгълүматны яшереп тотулары да мөмкин, дип уйлый безнең әңгәмәдәшләр.

Автор: Елена СӘЛӘХОВА, sntat.ru

intertat.tatar

Запись Фаҗигале курорт романы: Төркиядә кыйналып комага киткән казанлы турында тулырак мәгълүмат чыкты впервые появилась Tatar Today - татар яңалыклары..

Әти-әнисе һәм турагентлык хезмәткәрләре бу фаҗига турында тулырак мәгълүмат белергә теләп, соцчелтәрләр аша ярдәм сорап мөрәҗәгать итә.  Чит илдәге вакыйганың берничә шаһиты алар белән элемтәгә чыккан.

Беренче фаразлар буенча, җинаятьче – Төркия кешесе, аңа 33 яшь. Соцчелтәрдәге шәхси битләре аның Татарстанга катнашы булуын күрсәтә. Казаннан килгән әлеге хатын-кыз белән моңарчы интернетта язышып аралашкан булырга мөмкин диелә.

Хәзер якташыбыз бик авыр хәлдә комада. Ул үпкәләргә ясалма сулыш өрдерү аппаратына тоташтырылган.

Чыганак: tatarstan24

Фото: скриншот

Запись Төркиядә Казаннан килгән хатын-кызны кыйныйлар – ул авыр хәлдә комада впервые появилась Tatar Today - татар яңалыклары..