Запись Венера Ганиеваның тормыш иптәше Камил Фәйзрахманов вафат булган впервые появилась Tatar Today - татар яңалыклары..

Профессионал җырчы Илнар Ялалов ул табышмак кебек. Тикмәгә, 5 октябрь Казанның Филармония залында узачак чираттагы концертына “Табышмак” дип исем кушмагандыр. Ул үзе бер яктан гади, тыныч, шау-шуларсыз, үз тавышы, моңы булган җырчы. Икенче яктан ул да үзенә бик күп вакыйга-тарихларны сыйдырган, бу елларда югалып та алды, менә тагын күренә башлады. Атлавы сәер, нидер булганмы, авария-мазарга эләкмәгәндер бит, Аллам сакласын. Әәә, татар җырчылары белән футбол уйнаганда имгәткәнен күрсәткән иде бит Инстаграммында. Сүзебез автоматом шул вакыйдан башланды.

– Илнар, күптән түгел футбол уйнаганда аягын авырттырдың. Хәзер хәлең ничек?

– Саулык Аллага шөкер. Тик аяк әле дә авырта. Без җырчылар белән Саба районында “Туплы тамаша” проектын оештырган идек. Аңа хәтле дә җәрәхәт бар иде инде, хәзер тагын да көчәйде. Икенче көнне аякка баса алмадым. Әзрәк аксаклап та йөрештерәм.

– Син уенда кем булып уйнадың?

– Күбрәк сакчы булып уйныйм.

 – Аягың авырткан килеш, концерт уздырырга ничек батырчылык иттең?

– Концерт бик зур җаваплылык, аның датасы да җаваплы бит әле. Бөтен сорауларга да җавапны шул көнне табарсыз дип ышанам, әлегә сер булып калсын.

– Концертыңда футбол сөючеләр булачакмы?

– Әйе, әлбәттә. Мин аларны кунак итеп чакырдым.

View this post on Instagram

A post shared by Ильнар Ялалов (@ilnaryalalov)

– Син бик шаян егет, шулай бит? Пародияләр ясарга уйламыйсыңмы?

– Шаянлыкка әйе, төрттерергә яратам. Ә пародияләр бәлки булыр, әлегә сер булып калсын

– Халык артисты Венера Ганеева синең төп остазыңмы?

– Әйе, ул минем чыгышларым буенча гел фикерең әйтеп тора, гел аралашабыз. Аның киңәшләренә колак салырга тырышам.

– Данир Сабиров кебек Венера Ганеева белән шаян клип төшерергә уйламыйсыңмы?

– Минем формат икенче. Киләчәктә шаян клиплар да булыр. Шушы гаилә концертыннан соң ныклап клиплар турында уйлый башлаячакбыз. Әлегә төгәл җыры да юк. Планда гына бар.

– Эстрададан китеп торсаң да, Сабантуйларда чыгыш ясагансыңдыр бит?

– Әйе, әлбәттә. Эстрададан читләшеп торсам да, үземне белдереп тордым.

– Инстаграмга да фотолар бик куймыйсың ахры?

– Мин социаль челтәрләрдә сирәк утырам. Күбрәк күрешеп аралашу яклы. Беләм хәзерге заманда анда утыру бик кирәк, бәлки ешрак фотолар урнаштыра башлармын. Тиздән үземнең сәхифәдә шәп бәйге игълан итәргә торабыз.

View this post on Instagram

A post shared by Ильнар Ялалов (@ilnaryalalov)

– Балаларың телефонда еш утырамы соң?

– Без аларга бик рөхсәт итмибез. Тик алар күрмәгәндә генә алып уйнарга мөмкиннәр. Минекенә кагылганнары юк.

– Синең балаларың бик сәләтле. Улыңны “Лучше всех” тапшыруына алып барасың килмиме?

– Һәр нәрсәнең үз вакыты бар. Мин һәрвакыт эшне җиренә җиткерү яклы. Шул ук җыр өлкәсендә дә бер көнлек җырчылар күбәйде.

[Дәвамы бар]

View this post on Instagram

A post shared by Ильнар Ялалов (@ilnaryalalov)

Запись Илнар Ялалов Данир Сабиров кебек остазы Венера Ганиева белән шаян клип төшерәчәкме? [видео] впервые появилась Tatar Today - татар яңалыклары..

Халык артистлары Салават Фәтхетдинов һәм Венера Ганиева арасыннан кара мәче үткән иде.

Бу айда алар бер-берсе белән дус булуларын студентлар арасында Казан дәүләт мәдәният һәм сәнгать институтында күрсәтсәләр, Венера Ганиева 9 июль Салават Фәтхетдинов белән төшкән яшьлек фотоларын инстаграм битендә урнаштырды.

Фотолар Венера Ганиеваның инстаграм битеннән

Запись Салават Фәтхетдинов белән Венера Ганиева дуслашканнар? впервые появилась Tatar Today - татар яңалыклары..

Казанның Пирамида залында 8 декабрьдә узган “Болгар радиосы” VI милли музыка премиясен тапшыру тантанасында 33 җырчы”Алтын йолдыз” сыны белән бүләкләнде. Кичәне радионың баш мөхәррире Илфар Кәримов, атказанган артист Рөстәм Гайзуллин һәм Миләүшә Кашапова алып бардылар. Быелның иң мөһим һәм әһәмиятле “Татар эстрадасының легендасы” номинациясе Флера Сөләймановага тапшырылды, Виталий Агаповны “Ел продюсеры” дип игълан иттеләр.

Иң беренче булып “Алтын йолдыз” сынын быел милли премиядә беренче тапкыр катнашучы өч бала әнисе Ләйсән Гыймаева алды. Ул Зифа Нагаева иҗат иткән “Алан җиләге” җыры белән “Иң үзенчәлекле тавыш” номинациясендә җиңү яулады.

“Иң лирик җыр” номинациясе быел Мурат Гайсинныкы булды. Ул Венер Фәттәхов сүзләренә үзе иҗат иткән “Агыла моң” җырын башкарды.

Татарстанның атказанган җырчысы Гөлдания Хәйруллинаны “Иң тынгысыз җырчы” дип игълан иттеләр. “Мин үземне яңа чыгып килә торган җырчы итеп кенә хис итәм әле. Гомер буе эзләнүдә булдым. Үзгәрешләргә яхшы карыйм, критиканы да уңай кабул итәм. Эшләмәгән кешегә генә сүз әйтеп булмый ул. Эзләнгән кеше ялгышырга да мөмкин. Бернигә дә карамыйча алга таба эшләргә, эзләнергә һәм иҗат итәргә кирәк”, диде Гөлдания Хәйруллина.

“Елның гаилә дуэты” – Динә һәм Рафаэль Латыповлар, “Иң моңлы дуэт” – Илмира Нәгыймова һәм Руслан Кираметдинов, “Тамашачы мәхәббәте” – Дилә һәм Булат Нигъмәтуллиннар, “Иң лирик дуэт” – Алсу һәм Флорид Гыйздәтуллиннар, “Иң романтик дуэт” – Айгөл һәм Ришат Шәйхетдиновлар, “Иң креатив дуэт” – Ләйсән Мәхмүтова һәм Винарис Ильегет, “Иң халыкчан дуэт” исеменә – Зинира һәм Ризат Рамазановлар лаек булдылар. Милли премиядә дүртенче мәртәбә катнашучы Зинира һәм Ризат Рамазановлар шушы бүләк өчен тамашчыларга чиксез рәхмәт белдерделәр.

“Ходай шушы тамашачылардан аермасын. Безне хөрмәт итеп концертларыбызга йөрүче, радиодан һәрдаим җырларыбызны яңгыратуны сорап торучы тыңлаучыларыбыз булганда без бик бәхетле”, диде Ризат.

Җыр ничек хитка әйләнә һәм ни өчен эстрада чүпләнә?

Башка тантаналардан аермалы буларак, “Болгар радиосы” милли музыка премиясендә җырның авторларын һәм композиторларын да бәяләп үттеләр.

“Без, ягъни композиторлар, бөтен күңелебезне биреп язган җырларны җырчы җиренә җиткереп башкара алса, ул җыр хитка әйләнә. Әлбәттә, һәр җырның үз башкаручысы була, тиешле җырчысына эләгү дә мөһим роль уйный”, дип Альфред Якшимбетов хит җырларның ничек барлыкка килүе турында сөйләде.

Россия авторлар җәмгыятенең Татарстан бүлеге рәисе Зөфәр Хәйретдинов авторлык хокуклары бозылу очраклары һәм җыр урлашу кебек ямьсез күренешләр, низаглар турында фикерен әйтте. “Авторлык хокуклары бозылу буенча җырчылар байтак мөрәҗәгать итә. 16 ел Россия авторлар җәмгыятенең Татарстан бүлеген җитәклим. Беренче елларда мондый нәрсәләр гомумән юк иде. Моны мин яңа технологияләр, интернет һәм социаль челтәрләр актив эшли башлау галәмәте дип кабул иттем. Хәзерге җырларны берсеннән берсен аерып алу бик кыен. Базарның бик чуарланганын аңлата бу. Элек җырчылар аз булгач, җырлары да азрак иде. Ә хәзер җырчылар да күп, репертуарлары да киң. Шулкадәр җырны кайдан табып бетерәләрдер. Булдыра аламы, алмыймы теләсә кем җыр яза. Шулар белән җыр сәнгате чүпләнә, низаглар килеп чыга”, диде “Иң халыкчан автор-башкаручы” номинациясе җиңүчесе Зөфәр Хәйретдинов.

“Популяр җырлар авторы” номинациясе быел Айдар Тимербаевка, ә “Халык күңеленә кергән җырлар авторы” исеме Зифа Нагаевага тапшырылды.

Атказанган җырчы Илназ Баһ: “Кашыкларда, шешәләрдә уйныйм”

“Заманча яңгыраш” – Лилия Гыйматдинова, “Иң эзләнүчән җырчы” – ИлСаф, “Иң моңлы җырчы” – хатын-кыз җырчылар арасында Бәширә Насырова, ир-ат җырчылар арасында Идрис Газиев, “Иң романтик җырчы” – Раяз Фасыйхов, “Иң зәвыклы җырчы” – Лилиана Ирназарова, “Ел ташкыны” – Гүзәл Диникиева, “Иң лирик җырчы” – Илсөя Бәдретдинова, ә “Күпкырлы җырчы” номинациясендә Илназ Баһ бүләкләнде.

“Хәзер заманасы шундый, күпкырлы булырга кирәк”, дип алып баручылар әле күптән түгел генә атказанган артист исеменә лаек булган Илназ Баһны сәхнәгә чакырды. Бу Илназның икенче “Алтын йолдыз”ы икән.

“Җырлар язам, күп төрле уен коралларында: гитарада, курай, гармун, баянда, кашыкларда, шешәләрдә уйныйм. Насыйп булса, киләсе елга милли премиядә хатыным Гүзәл белән дуэт буларак катнашырга уйлап торабыз”, дип сөйләде Илназ Баһ.

Азат белән Гөлсирин милли премиядә нигә җырламады?

“Ел җырчысы” – Айдар Галимов, “Татар җыр сәнгатенә керткән өлеше өчен” – Венера Ганиева, “Милли музыка үсешенә керткән өлеше өчен” – Илмир Низамов, “Йөрәкләргә үтеп кергән җыр” – Филүс Каһиров, “Иң җор телле җырчы” – Данир Сабиров, “Халык мәхәббәте” – хатын-кызлар арасында Зәйнәп Фәрхетдинова, ир-атлар арасында Ришат Төхвәтуллин, ә “Өметле җырчы” исеменә Алия Карачурина ия булды.

Гөлсирин Абдуллина белән Азат Абитов күптән билгеләнгән гастрольләргә китү сәбәпле Болгар радиосы” VI милли музыка премиясендә җырламадылар. Хәтерләсәгез, берничә көн элек “Кайнар хит”ның нәтиҗәләре Рифат Фәттәховның ачуын чыгарган иде. Бәхәс уңай хәл ителгән, күрәсең. Җитәкчелек белән сөйләшеп, яшьләрне “Милли моңнарны саклап калуга зур өлеш керткән өчен” номинациясендә бүләкләделәр. “Алтын йолдыз”ны Ваһапов фонды җитәкчесе Рифат Фәттахов чыгып алды.

“Бу Азат Абитов белән Гөлсирин Абдуллинаның җиңүе генә түгел, бу сезнең җиңү дә. Безнең Азат белән Гөлсирин “Кайнар хит”ның соңгы тапшыруларында бик уңышлы чыгыш ясадылар һәм алар өчен сезнең тарафтан бик күп тавышлар килде. Рәхмәт. Инде безнең яшьләребезне күреп алган, гаделлек принципларына тугры булып калган, безнең яшьләргә стимул биргән һәм аларны шундый бүләккә лаек дип тапкан “Болгар радиосы”на, ТНВ җитәкчелегенә аерым зур рәхмәт”, диде продюсер Рифат Фәттахов.

Фотогалерея: Татар тудей//Алмаз Шәмсиев һәм Рөстәм Исхакый 

Запись Айдар, Ришат, Данир, Илсөя, Филүсләр милли премия алды: “Болгар радиосы” гаделлек принципларына тугрымы? [фотогалерея] впервые появилась Tatar Today - татар яңалыклары..

Әлфия Авзалованың фестивале турында тискәре фикерләр күп булды. Гала-концертны, мәсәлән, халыкара “солянка”га әйләнде дип тә сөйләделәр. Бәйгенең жюри рәисе Венера Ганиева бу сүзләр белән килешмәде. Ул безгә акча артыннан кумавын, чын күңелдән иҗат, шәкертләрен укыту белән шөгыльләнүен сөйләде.

– Халыкара “солянка” дип әйтү дөрес түгел. Бу безнең тар күңелле булуыбызны күрсәтә. Әлегә кадәр республикабызда узучы бер бәйге турында да уңай фикер ишеткәнем булмады. “Татар моңы”, “Үзгәреш җиле”, Ваһапов фестиваль-концертыннан соң да “менә ичмасам шәп узды” дип язмадылар. Бәйге булгач фикерләр дә төрле була, моны дөрес аңларга кирәк,  дип башлады сүзен Әлфия Авзалова фестиваленең жюри рәисе.

– Венера ханым, ни өчен мәшһүр татар халык җырчысы фестивалендә әллә ни билгеле булмаган чит ил кешеләрен чакыртып җырлату, биетү кирәк иде?

– Конкурсның нигезләмәсе әзер булгач, Әлфия апаның кызы белән кияве Зөлфия һәм Равил Нигъмәтҗановлар, бәйгенең дәрәҗәсен күтәрү ниятеннән Европа ассоциациясенә мөрәҗәгать иттеләр. Европада узучы конкурсларда катнашу өчен бөтен дөньядагы музыкантлар, җырчылар һәм биючеләр шушы ассоциация аша анкета тутыра. Чит илдән килгән катнашучыларыбыз да безгә әнә шулай үзләре теләк белдереп килделәр. Килешәм, безнең биюләр белән аларныкын чагыштырып та булмый. Махсус шушы бәйге өчен барлык чыгымнарны үзләре күтәреп Һиндстаннан, Американың Монтана штатыннан килгән катнашучыларны гала-концертта күрсәтмичә кире борып кайтару безнең тарафтан матур булмас иде. Читтән килгән кунакларны ачык йөз белән каршы алып, мең еллык Казаныбызның истәлекле урыннарын күрсәтеп, тиешле дәрәҗәдә кунак итеп озатып җибәрә алуыбыз белән без бәхетле.

– Алып баручылар Салават Фәтхетдиновны да жюри әгъзасы дип әйтте, Салават әфәнде безгә, минем монда бернинди катнашым юк диде. Моны ничек аңларга?

– Конкурсның генераль продюсеры итеп Салават Зәки улының кулы куелды һәм ул җюри әгъзасы булып билгеләнде. Аның килү-килмәве миннән тормый. Шуңа күрә кеше өчен җавап бирә алмыйм. Бәйгегә килмәгәч, жюрида утырмагач нәрсә дисен инде? Әлбәттә катнашым юк, дип әйтәчәк. Минемчә, продюсер ул бик зур вазыйфа. Әлеге фестивальгә ул да үзенең өлешен кертә ала иде. Бәлки, соңгы нәтиҗәләргә йогынты да ясаган булыр иде. Ләкин ул килмәде.

– Венера ханым, Әлфия Авзалова фестивале сезнең укучылардан торган “йолдызлар фабрикасы”на охшап калды дигән фикерләр әйттеләр. Моңа бит җирлек бар, катнашучылар, җиңүчеләр арасында сезнең укучылар балкыды!? Нигә сез гел үзегезнең укучыларны гына үстерү яклы?

– Минем укучыларым җырлый белгәнгә мин гаепле түгел бит! Жюри әгъзалары абруйлы шәхесләр. Алар белән ике көн дәвамында сайлап алу турларын үткәрдек. Җиңүчеләрне дә гадел итеп, бер фикергә килеп барладык. Гран-прины бирү буенча гына бераз канәгатьсезлек белдерүчеләр булды. Ләкин минем намусым чиста. Илнар Миранов эстрада жанрында, ә халыкчан җырлау буенча Лилия Хөсәенова гран-прига ия булды. Әлфия апа җырчы булгач, гран-прины да җыр жанрларына бирергә булдык. Үзем жюри рәисе буларак, концертта шәкертем Марсель Вәгыйзов белән җырладым. Конкурста “Элмәлек”не Лилиана Ирназаровадан да яхшырак җырлаучылар булмады. Илнар Мирановны алкышлаган кебек берәүне дә алкышламадылар. Илнар Ялаловка килгәндә, ул триода, ә Раяз Фасыйхов ялгыз җырлады. Алинә Шәрипҗанова жюрида утырды һәм концертта кунак буларак катнашты. Укучыларым яхшы җырлаганга минем гаеп юк. Яхшы укытучы булсаң, шәкертләрең дә яхшы булачак. Җиңүчеләр арасында сезнең укучылар балкыды, дисез. Минем укучыларым бик сәләтле һәм актив. Бу безнең алар белән уртак тырышлыгыбыз нәтиҗәсе. Мин теләгәнгә генә түгел, алар үз тырышлыклары белән сәхнәгә менгән җырчылар. Бүгенге көндә Ваһапов фондында хезмәт куючы җырчыларның дүртесе дә минем укучыларым. Җыр һәм бию дәүләт ансамблендә дә, “Бермәнчек”тә, Опера театрында, Айдар Фәйзрахмановның ансамблендә, Казан шәһәр филармониясендә һәм тагын бик күп дәрәҗәле урыннарда эшли миндә белем алып, тәҗрибә туплап чыгып киткән укучыларым. Шуннан чыгып безнең институтны йолдызлар чыгаручы фабрика дип атарга була. “Йолдызлар фабрикасы” дигән сүз дә минем күңелемә хуш килә.

– Фестиваль дәүләт һәм спонсорлар ярдәме белән үтте. Нигә катнашучылардан 2 мең сум акча җыярга кирәк булды?

– Финанслау бик әз булды. Гомумән, конкурсның чыгымнары күп. Мисал өчен “Татар моңы” конкурсын уздырырга 5 миллион, Ваһапов фондына 12 миллион бирсәләр, Әлфия Азвалова исемендәге бәйгегә нибары 600 мең сум күчерелде. Гомер буе татар җыр сәнгатенә хезмәт иткән олугъ җырчыны шулай түбән бәяләргә ярамый дип саныйм. Конкурс кысаларында Әлфия апага кабер ташын да куярга теләгән идек. Президенттан акча бирелүгә карамастан, таш әлегә кадәр әзерләнеп бетмәде, кызганыч.

– Ни өчен үзегезгә шулкадәр күп авырлык аласыз – “Үзгәреш җиле“, “Сөембикә“ операсы, Әлфия Авзалова фестивале... Жюри рәисе булырга, оештыручы эшләрен үз өстенә алучы башка шәхес юкмы, әллә үзегез теләк белдердегезме?

– Фонд оешты, конкурс уздырасым килә. Әни үлгәч бәйгеләрен уздырырбыз, ярдәм итәрбез, дип вәгъдәләр биргәннәр иде. Оныттылар. Барысы да үз эшләре белән мәшгулъ, дип март аенда Зөлфия ханым аптырап миңа мөрәҗәгать итте. Бәйгеләр уздыру буенча тәҗрибәм дә булгач, бик теләп ризалаштым. Юк, бу бернинди дә авырлык түгел, рәхәтлек кенә. Мәсәлән, Салават “Татар моңы”ның жюри рәисе, Зилә Сөнгатуллина “Йолдызлык” (“Созвездие”) та утыра. Шушы дәрәҗәле конкурсның жюри рәисе булып миңа нигә утырмаска?

Минем күптән укып бетергән шәкертләрем дә бар. Алар күбесе “Үзгәреш җиле” фестивалендә катнаша. Әгәр алар начар җырласа, анда катнашмаслар инде. Чөнки анда начар җырлаган берәүне дә тотмыйлар. Начар җырлаучылар конкурстан төшеп кала бара. Анда алга таба яңа катнашучылар булачак. Мин аларны ел буе барлыйм. Аларга репертуарлар туплыйм, аранжировкага җибәрәм. Минем өчен бу бер рәхәтлек кенә. Мин сәнгатьтә үз урынымны таптым. Файдалы кеше булып яшәргә кирәк. Тегесе начар, монысы начар дип сүз болгатып утыру кирәкми.

Шулкадәр күп авырлык аласыз, дисез. Хезмәт беркайчан да җиңел булмый. Ничек уйлыйсыз, айлар буе гастрольләрдә йөргән Салаватка авыр түгелме?  Тавышым, Аллага шөкер ялтырап тора әле. Гастрольләргә дә йөри алам. Ләкин мин акча артыннан кумыйм, башка юл сайладым. Бүгенге көндә иң зур байлыгым – ике театрда күп көч һәм хезмәт куеп тупланган тәҗрибәмне укучыларыма өләшәм, аларга төпле белем биреп, зур сәхнәгә әзерлим. Бу минем изге бурыч.

Запись Айлар буе гастрольләрдә йөргән Салаватка авыр түгелме? Мин акча артыннан кумыйм, ди Венера Ганиева впервые появилась Tatar Today - татар яңалыклары..

Салават фестивальдән баш тарткан?

Катнашучылар ике көн дәвамында хореография, вокал, нәфис сүз осталыгы буенча көч сынашты. Җырчылар Әлфия Авзалова репертуарыннан да җырлар башкарды. Бәйгенең географиясе киң иде. Кытай, Америка, Һиндстан, Палестина, БДБ илләреннән, Россия төбәкләреннән бик күп җырчылар, биючеләр, нәфис сүз осталары килгән иде. Аларга бәяне җыр буенча халык артистлары – Венера Ганиева белән Зилә Сөнгатуллина, Хәмдүнә Тимергалиева һәм атказанган артист Алинә Шәрипҗанова бирделәр. Нәфис сүз сөйләүчеләрне шулай ук халык артистлары – Рәшит Сабиров белән Гүзәл Мостафина бәяләде. Биючеләрне Айрат Хәмитов сайлады. Мәртәбәле жюри әгъзалары арасында Салават кына күренмәде. Алдан аны фестиваль белән бәйләп, жюри әгъзасы дип тәкъдим иткәннәр иде, тик җырчы бу сүзләрне кире какты.

“Минем фестивальгә бернинди катнашым да юк. Мин Әлфия апаны исән чагында кадерләдем, бик хөрмәт иттем, хәзер дә яратам. Фестивальгә катнашым булмаса да килдем. Әлфия апага багышлап җырымны җырлыйм да, кайтып китәм” – диде Салават әфәнде. Мәшһүр җырчыбыз Әлфия апа Авзалованың беренче фестивалендә рухына дога булырлык чыгыш, чакырылмаган кунак, халык артисты Салават Фәтхетдиновныкы булды. Сүз уңаеннан, остазның бер укучысы да әлеге бәйгедә катнашмады.

Нәфис сүзгә игътибар аз

Җиденче яртыда башланачак концерт программасын режиссерга кичке дүрт тирәсендә генә тапшырылуын ишеткәч, чара оешкан төстә уза дип әйтергә буламы икән? Концертны Венера Иванова-Аитова белән Байбулат Батулла алып бардылар. Дөрес, тамашачы алып баручы ролендә бик күп еллар Әлфия апа Авзалова төркемендә эшләгән Рәшит Сабировны көткән иде. Ләкин бу вазыйфаны яшьләргә тапшыруны кулай күргәннәр. Рәшит әфәнде үзенең аһәңле көр тавышы белән Лена Шагыйрьҗанның “Татар артисты” әсәрен укыды. Тел, милләт, нәфис сүзнең киләчәге турында борчылуын әйтте.

“Ниһаять, татар халкының бөек җырчысы, моңлы сандугачы, милләт кызы Әлфия апа Авзаловага багышлап Казанда халыкара бәйге-фестиваль оештырылды. Моңарчы конкурсларда нәфис сүзгә бернинди дә игътибар булмады. Бүген республика мәктәпләрендә татар балаларына ана телен укытырга кирәкме? – дигән мәгънәсез сорау туган вакытта, әлбәттә, нәфис сүзгә дә игътибар кимеде. Әлфия Авзалова конкурсы нәфис сүз осталарын барлауны башлады. Киләчәктә республикада нәфис сүз буенча бәйгеләр игълан ителсен иде. Телне саклыйк дисәк мондый конкурслар бик кирәк”, дип Рәшит әфәнде бәйгенең киләчәгенә зур өметләр баглады.

Чакырып китерелгән Голливуд йолдызы “Күбәләк”нең канатын сындырды

Америкадан махсус чакырылган кунак Лесли Стивенс фестивальдә “Күбәләк” җырын башкарды. Илле еллык сәхнә стажы булган Хәмдүнә Тимергалиева Голливуд йолдызының чыгышын күргәннән соң, “Сындырдылар “Күбәләк”нең канатын”, дип тел шартлатты.

“Әлфия апа көчле тавышлы, халык тыңлый торган җырчыларны ярата иде. Тавышым калын булгач, мине дә бик яратты. Сеңлем, миннән кала иң көчле җырчыларның берсе син, дип әйтә килде. Мине сәхнәдә алиһә диде ул. “Концертта ул булса, мин килмим”, дип талантлы кешеләрне үзләренә якын җибәрмәүче җырчылар бар бездә. Әлфия апаның андый күңел хәерчелеге булмады, ул талантлы кешеләрне яратты”, дип хәтирәләре белән уртаклашты Хәмдүнә ханым. Җиңүчеләрне билгеләгән вакытта бу минем укучым, моны урынсыз калдырырга ярамый, дигән вакытлар булдымы? – дигән сорау биргән идек. Соравыгызның юнәлеше дөрес, дигән кебек елмайды да, “Мин андый вак мәсьәләләргә игътибар итмим, үземнең сүземне, фикеремне генә әйтәм”, диде халык артисты. Шул рәвешле ул сәхнә артындагы серләрне ачмаска булды. Әлеге сорауны бирүебез очраклы түгел иде. Гала-концерт алдыннан социальчелтәрләрдә Кирам Сатиев язган түбәндәге юллар таралды:

Конкурста кемнәр җиңә?

I урын: Кемнең кесәсе калын

II урын: Кемнең укытучысы яки яклаучысы җюрида утыра

III урын: Чын талант

Ә гран-при кемгә?

Кемнең итәге кыска яки “төсе” туры килә! (Кирам Сатиев)

Әлфия апаның кызы Зөлфия ханым җырлый

Беренче коймак төерле

Тамашачылар арасында халык артистлары, җырчылар һәм башка сәнгать әһелләре дә бар иде. Залның ярым буш булуы, кайбер җырчыларның чыгышлары күңелләренә шом салган булса кирәк. Сәхнәдән башкарылган
җырларның күбесенә “Үзгәреш җилләре” тигән – көйләре башка, моң качкан. Тәнәфескә чыккач барысы да тәмләп “беренче коймакның” төерләрен санадылар.

“Бу фестивальнең киләчәге юк, акча туздыру гына! Түли-түли Америкадан кеше китерү көлке. Әлфия апаның Американы форточка аша да күргәне булмады. Татарстан районнарыннан барла син талантларны, шуларга түлә, үстер. Америкалар үзләре акча түләп безне карарга килсеннәр, менә булыр дәрәҗә” – диде исемен әйтергә теләмәгән билгеле шәхес.

Венера Ганиеваның үзенең дә фикерен белергә булдык, “Гадел үттеме бу фестиваль?” дигән соравыбызга, “Гадел әлбәттә, без монда профессионаллар утыргач, шунда ук ишетәбез, кеше талантка ияме, юкмы”, дип җавап бирде жюри рәисе.

Әлеге фестиваль-бәйгене оештырырга Әлфия апаның кызлары бик күп көч куйган. Концертта иң ихлас кешеләр шулар булдылар.

“Фестиваль ике елга бер тапкыр уздырылачак. Безнең максат – талантлы яшьләрне ачыклау, үстерү, аларга ярдәм итү. Әни талантлы кешеләрне бик ярата иде. Бүген бик дулкынланам, моңланам. Күңелемнән аның белән сөйләшеп йөрим. Концертка килгәндә дә юл буе еладым”, дип Әлфия апаны искә алды Зөлфия Нигъмәтҗанова.

Әлфия Авзалованың һәйкәле булачакмы?

Тиздән Әлфия апаның һәйкәле булачак. Безнең чыганаклар әйтүенчә, президенттан акча күчкән инде. Әлбәттә, бөтен гомерен сәнгатькә багышлаган моң алиһәсе моңа лаек, ди бер тавыштан сәнгать әһелләре.

“Бүген яшьләр Әлфия апаның иҗаты белән кызыксына, җырларын өйрәнеп җырлый икән – бу үзе зур һәйкәл. Әлфия апаның җырлары беркайчан да яңгыраудан туктамасын, җырчылар шул җырларның моңын, эчтәлеген югалтмыйча киләчәк буыннарга тапшырсыннар иде. Әлфия Авзалова исемен йөрткән фестивальнең киләчәге дәвамлы булсын”, дип халык артисты Зилә Сөнгатуллина теләкләрен җиткерде.

Язманы укучыларга чыгарырга әзерләнгәдә татар сайтларында концертны караган кешеләрнең фикерләре дә безнеке белән аваздаш булуын күрдек.

“Татар моңын йөрәге аша үткәреп, үзенең мәңге кабатланмас тавышы белән татар халкының моңлы сандугачына әйләнгән, ничә буын җырчыларга якты маяк булып янып торган Әлфия апабызны искә алу концертын төрле милләт вәкилләренең чыгышы белән чуарлау ник кирәк булды икән? Әгәр үзе исән булса бөтен барлыгын, гомерен, көчен милләтенә багышлаган моң алиһәбез моңа риза булмас иде”, дигән Галия Фәрхетдинова.Tatar-today.ru 

Запись “Күбәләк”нең канатын сындырдылар” – Венера Ганиева Әлфия Авзалованың фестивален халыкара “солянка”га әйләндерә? [видео] впервые появилась Tatar Today - татар яңалыклары..

“Тамашачы сыйфатлы җырлар тыңларга тырыша. Ул сикертә, биетә торган җырларны да һәм җитди репертуарны да яхшы аңлый. Кызганыч, ләкин җитди репертуарга кытлык бар. Мәгънәле, тирән эчтәлекле җырлар җитми”, – диде ул.

Үзенең чыгышында Венера Ганиева Башкортстан артистларына концертлар белән Татарстанга ешрак килергә тәкъдим итте. “Шәкертләрем бик күп, алар “Туган тел” каналына җырларын ротациягә бирә. Бәяләр кыйммәт түгел. Үзләрен шулай таныталар, аннан соң гастрольләргә йөриләр. Башкортстан артистлары безгә бик сирәк килә. “Нишләп Башкортстан артистлары безгә килмиләр икән?”- дип танышларым да сорый. Дөрестән дә, безгә Башкортстан артистларының солянка концертын оештырырга кирәк. Татар солянкасы гына түгел, башкортларныкы да булсын әле”, – диде ул.

Ләйлә Хәкимова

Фото: Султан Исхаков

tatar-inform

Запись Венера Ганиева танышлары соравы буенча өр-яңа солянка оештырмакчы впервые появилась Tatar Today - татар яңалыклары..

Комментарийлардан күренгәнчә, тамашачылары апалы-энеле парны игезәкләр урынына күреп охшата. Венера Ганиева Фәрит әфәнденең элек мыек йөтүен һәм бик матур җырлавын да яза. Әсхәт исемле төпчек энеләре булуын да әйтеп үткән. Җырчы аның белән дә фотога төшеп инстаграмга куячагын белдергән.

#БертуганЭнемФаритАхатовичБелэнБикОхшагансызДилэрСезНичекУйлыйсыз

Публикация от Винера Ганеева (@vinera_ganeeva_official) 8 Авг 2018 в 1:30 PDT

Запись Винера Ганиева бертуган энесен күрсәтә – охшаганнармы? [фото] впервые появилась Tatar Today - татар яңалыклары..

“Фонд исеменнән министрлыкка хат аша үзебезнең мөрәҗәгатьне юлладык. Хәзер аны мәдәният министрлыгында карыйлар, тик алар бик акрын эшли. Хат бер кабинеттан икенче кабинетка күчеп тик йөри. Вакыт күп уза бит. Әлфия Авзалова каберенә һәйкәлне бер ел буе куя алмый йөрибез. Җитезрәк эшләсеннәр иде. Скульптор сайланган, эшне ахырына җиткерер өчен матди яктан ярдәм генә кирәк”, – диде җырчы.

Әлфия Авзалова исемендәге фонд та җырчының исемен мәңгеләштерү юнәлешендә төрле чаралар уздыра. Легендар җырчының кызы Зөлфия Нигъмәтҗанова әйтүенчә, фонд 2009 елда җырчының үзе исән вакытта ук ачылса да, аның эше соңгы елда гына активлаша. Октябрь аенда алар Халыкара фестиваль үткәрүгә әзерләнә. Җырчының кызы һәйкәл куюны фестивальгә кадәр өлгертергә тели.

“Фестивальдә җиңүчеләрне әни җирләнгән зиратка алып барасы идек. Шуңа күрә һәйкәл ясатуның эшен төгәлләргә кирәк”, – диде ул.

Җырчының туган ягы Актанышта да зур эшләр башкарылган: район мәдәният йорты, Актаныштагы бер урам, мәктәп аның исемен йөртә. Әлфия Авзалованың шәхси әйберләрен туплаган музей эшләп килә.

“Татар-информ”, Ләйлә Хәкимова

Фото: архив

Запись Авзаловага һәйкәл куелмауның сәбәбен Венера Ганиева белдерде. Ул бик гади впервые появилась Tatar Today - татар яңалыклары..

Менә 2 декабрьдә ул Инстаграммда үзенчәлекле фото урнаштырган. Кешеләр бу фотога карап, гаҗәпкә калганнардыр, мөгаен.

Ваннага күбекле су тутырып төшкән фотосы астында ул: “Кайчандыр шушы ваннада Венера апа белән рәхәтләнгән идек”, дип язган. Бу ду китергән фотодан соң, фикер алышу да шактый гына. “Син бигрәк әшәке малай икәнсең!”, “Шуны уйлап хыялланып яту инде бу”, “Эй, ятсыз!”, дигән фикерләр дә бар.

Сүз уңаеннан, Данир Сабировның 4 декабрьгә кадәр Казанның Филармония залында юбилей концертлары бара.

View this post on Instagram

A post shared by Данир Сабиров (@danir_sabirov87)

Tatar Today

Запись Данир Сабиров: “Кайчандыр шушы ваннада Венера апа белән рәхәтләнгән идек” [фото] впервые появилась Tatar Today - татар яңалыклары..