Архивы юл һаләкәте - Tatar Today - татар яңалыклары.

Яңа Чишмә районында зур юл һаләкәте: өч машина бәрелешә

Алина — Sat, 08 Dec 2018 11:25:46 +0000

7 декабрь Татарстанның Яңа Чишмә районында “БМВ” кроссоверы йөртүчесе каршы як полосага чыгып авария китереп чыгарган. Нәтиҗәдә ике кеше һәлак булган. Бу хакта “Татар-информ”га Татарстан буенча Эчке эшләр министрлыгының матбугат хезмәтендә хәбәр иттеләр.

“Авария җомга көнне, 7 декабрьдә, кичке 17:00 сәгатьләр тирәсендә Казан – Оренбург трассасында булган. Беренчел мәгълүматлар буенча, “БМВ” йөртүчесе куркынычсыз тизлекне саклый алмыйча каршы як полосага чыккан һәм “Шевроле” белән бәрелешкән”, – диделәр ведомствоның матбугат хезмәтендә.

Бәрелешү нәтиҗәсендә немец кроссоверы “Шевроле” артыннан барган 4 модельле “Жигули” машинасына бәрелгән.

Авария нәтиҗәсендә “БМВ” машинасындагы 60 яшьлек пассажир хатын һәм “Жигули” йөртүчесе урында ук һәлак булган. “Жигули” машинасындагы 46 яшьлек пассажирны төрле имгәнүләр белән Чистай хастаханәсенә алып киткәннәр.

Чыганак: Татар- информ
Фото: novoshishminsk.ru

Запись Яңа Чишмә районында зур юл һаләкәте: өч машина бәрелешә впервые появилась Tatar Today - татар яңалыклары..

Казанда машина йөртүче алты машинаны бәрдерә һәм үзе хастаханәдә үлә

Алина — Tue, 04 Dec 2018 12:33:51 +0000

3 декабрь Казанда “Форд” машинасы йөртүчесе, үзен начар хис итеп, берничә машинаны бәрдергән һәм соңрак хастаханәдә үлгән. Бу хакта “Татар-информ”га шәхси чыганаклардан билгеле булды.

Һәлакәт бүген иртән “Бакчалар” (“Сады”) җәмәгать транспорты тукталышы янында килеп чыккан. Беренчел мәгълүматлар буенча, “Форд” машинасы, юл кырыена чыгып китеп, берничә машинаны бәрдергән.

Социаль челтәрләрдә барлыкка килгән видеоязмадан күренгәнчә, юл-транспорт һәлакәтендә кимендә алты машина зыян күргән.

Агентлыкка шәхси чыганак хәбәр итүенчә, машина йөртүченең хроник авыру өянәге башланган, үзен начар хис иткән. Ир-ат идарәне югалтып, һәлакәт китереп чыгарган.

“Татар-информ”га Татарстан Сәламәтлек саклау министрлыгы матбугат хезмәтендә “Форд” машинасы йөртүченең башы җәрәхәтләнүдән хастаханәдә үлүен әйттеләр. Әлеге һәлакәттә зыян күргән тагын ике кеше хастаханәдә ятудан баш тарткан.

tatar-inform
Видео: Татар-информ ютуб каналы

Запись Казанда машина йөртүче алты машинаны бәрдерә һәм үзе хастаханәдә үлә впервые появилась Tatar Today - татар яңалыклары..

Азнакайда ике кешенең үлеменә китергән юл һаләкәте була

Алина — Mon, 03 Dec 2018 07:10:38 +0000

2 декабрь Азнакай районында «Лада» автомобиле 59 яшьлек хатын-кыз һәм аның 8 яшьлек оныгын бәрдергән. Бу хакта ТР буенча Эчке эшләр министрлыгының матбугат хезмәте хәбәр итә.

Кичә, 2 декабрь көндезге өчләр тирәсендә Чемодур авылында «Лада Гранта» автомобилен идарә итүче 29 яшьлек ир-ат зур тизлектә юл читенә чыккан һәм 59 яшьлек хатын-кыз белән аның оныгын таптаткан.

Әби белән онык икесе дә шунда ук үлгән.

Хәзерге вакытта ЮХИДИ хезмәткәрләре авариянең нечкәлекләрен ачыклый.

tatar-inform

Запись Азнакайда ике кешенең үлеменә китергән юл һаләкәте була впервые появилась Tatar Today - татар яңалыклары..

ММЧ: “Татарстан кешесе Чувашиядә ЮХИДИ инспекторын бәрдерә”

Алина — Wed, 28 Nov 2018 10:55:30 +0000

27 ноябрь Чувашиядә Татарстаннан булган фура йөртүче ЮХИДИ инспекторын бәрдергән. Бу хакта “Татар-информ”га Россия Эчке эшләр министрлыгының Чувашия Республикасы буенча матбугат хезмәтеннән хәбәр иттеләр.

Кичә көндез Ядрин районында М7 юлының 574 километрында фура юлда торган “Лада” автомобиленә килеп бәрелгән һәм аның хуҗасының документларын тикшерүче автоинспекторны бәрдергән.

Полиция өлкән лейтенанты хастаханәгә озатылган, аның хәле канәгатьләнерлек.

Фура йөртүче, башка транспорт чарасы белән бәрелешмәс өчен, шундый борылыш ясавын әйткән. Полиция хезмәткәрләре фура йөртүчесеннән сорау ала.

Чыганак: Татар-информ
Фото:21.мвд.рф

Запись ММЧ: “Татарстан кешесе Чувашиядә ЮХИДИ инспекторын бәрдерә” впервые появилась Tatar Today - татар яңалыклары..

Хатын-кыз идарә иткән машинага бәрелеп, автобус каплана, 15 кеше имгәнә[видео]

Алина — Sun, 30 Sep 2018 11:33:40 +0000

Мәскәү янында коточкыч юл һәлакәтендә автобус һәм зур җиңел машина бәрелешкән. Шуннан соң автобус юл кырыена төшеп киткән һәм капланган. Авария урыныннан кадрларны 29 сентябрьдә РЕН ТВ каналы күрсәтте.

Капланган автобус трасса янында яткан. Биредә полиция хезмәткәрләре эшләгән. Соңгы мәгълүматлар буенча, 15 кеше имгәнә. Шуларның өчесен «ашыгыч ярдәм» машинасы алып киткән. Бу кешеләр бик авыр хәлдә, диелгән әлеге хәбәрдә.

РЕН ТВ җиңел машина белән 62 яшьлек хатын-кыз идарә итүен ачыклаган. Аны хәзер полиция хезмәткәрләре сораштыра. Бу хатынның иңбаш сөяге сынган.

Чыганак:Интертат электрон газетасы Видео:Федераль яңалыклар агентлыгы

Запись Хатын-кыз идарә иткән машинага бәрелеп, автобус каплана, 15 кеше имгәнә[видео] впервые появилась Tatar Today - татар яңалыклары..

Татарстанда куркыныч юл-транспорт һәлакәте була. Ике кеше үлә

Алина — Fri, 14 Sep 2018 17:23:31 +0000

14 сентябрь иртән Татарстанның Баулы районында ике кеше һәлак була. Авария сәгать 8:00да Казан-Оренбург трассасының 377 нче чакрымында булган.

Алдан алынган мәгълүматларга караганда, «КИА Сид» автомобиле идарә иткән машина йөртүчесе тизлекне арттырган һәм каршы як полосага чыгып «КИА Спектра»машинасына бәрелә. Бәрелүдән ике машина да металл өеменә әверелгән.

Юл һәлакәте нәтиҗәсендә «Киа Спектра» автомобиленең 27 яшьлек йөртүчесе һәм аның 50 яшьлек пассажиры алган җәрәхәтләрдән шунда ук үлә. «Киа Сид» йөртүчесе һәм пассажиры , шулай ук “Киа спектр ” машинасында булган пассажир хатын- кыз авыр тән җәрәхәтләре ала. Яраланган кешеләр ашыгыч рәвештә хастаханәгә урнаштырыла.

Чыганак: КazanFirst

Запись Татарстанда куркыныч юл-транспорт һәлакәте була. Ике кеше үлә впервые появилась Tatar Today - татар яңалыклары..

Казаннан Челәбегә баручы автобус йөк машинасы белән бәрелешә [фото]

Редактор1 editor1 — Fri, 05 Aug 2016 06:57:51 +0000

Казаннан Челәбегә баручы автобус авыр йөк машинасы белән бәрелешкән.

Юл һәлакәте бүген, 5 августта, иртәнге сәгать 9да Самара-Уфа-Челәбе юлының 1545 кмда була.

Һәлакәт вакытында автобус салонында 38 кеше булган дип хәбәр ителә. Беренчел мәгълүматларга караганда, DAF автобусы каршы юлга чыгып, авыр йөк машинасы белән бәрелешкән.

Автобус йөртүчесенә зыян килгән. Хәзерге вакытта Һәлакәт урынында полиция хезмәткәрләре эшли, тикшерү эшләре алып барыла.

Запись Казаннан Челәбегә баручы автобус йөк машинасы белән бәрелешә [фото] впервые появилась Tatar Today - татар яңалыклары..