3нче август, Татарстанның һәм Башкортстанның атказанган артисты Ришат Төхвәтуллин туры эфирга чыкты. “Элвин Грей белән дуэт булачак”, дип хәбәр итте.

Туры эфирда: “Элвин Грей белән дуэт булачакмы?”-дигәч, “Мин каршы түгел, булыр, Алла Боерса”- дип җавап бирде Ришат Төхвәтуллин. Җырчы язылучыларның теләкләрен дә үтәде: гитарада уйнап, өч җыр башкарды! Элвин Грейның “Роза” җырын да үз вариантында, гитарада уйнап, җырлап күрсәтте.

Видео Ришат Төхвәтуллин инстаграмыннан

Запись Ришат Төхвәтуллин туры эфирда: “Элвин Грей белән дуэт…” [видео] впервые появилась Tatar Today - татар яңалыклары..

“Безнең җырларның мәгънәсе, моңы, җаны бар. Менә шушы җанны югалтмас өчен хөкүмәт тарафыннан уйланып эшләнгән худсовет булырга тиеш дип уйлыйм. Чөнки бар кешенең дә телефонда гына җырын яздырып, радиодан бирергә мөмкинлеге бар. Менә шушы булмасын иде. Җырларның 30 проценты гына булса да иләктән үтсә, бик әйбәт булыр иде”, – ди ул.

Җырчы һәвәскәр шагыйрьләр элек тә булганын, худсовет аларны төшереп калдырганын әйтте. Ул худсоветның зыянлы якларын да булганын, мондый оешма сайлаган җырчыларга йөрмәү ихтималын да аңлаганын әйтте. Шул ук вакытта ул татар җырының асылын саклап калу өчен коллектив фикер белән хәл ителгән стратегия кирәк дип саный.

“Кемгә төртеп күрсәтмә, һәр икенчесе шагыйрь, композитор. Яза беләме-юкмы, үзен шагыйрь санап, шигырьләрен бастыра. Анда рифма да, мәгънә дә, бер әйбер дә юк. Шушы шигырьне үзен композитор дигән кеше эләктереп алып, тегеннән-моннан көй дә язып куя. Һәм өченче шундый дәрәҗәдәге берәр җырчы, аңламыйча да, шул җырны җырлый”, – ди җырчы.

Ришат Төхвәтуллин фикеренчә, мондый җырчылар булуында күпмедер дәрәҗәдә тамашачы да гаепле. “Барысы да сәхнәгә менәргә тырыша. Тыңлаучысы, алкышлаучысы булгач, андый җырчылар көннән-көн күбәя. Кайвакыт аптырап та калам, халык юк-бар нәрсәне үз итә, яхшыны яманнан аера белми. Менә шунысы начар”, – диде ул.

Җырчы вазгыятьне өметсез дип әйтә алмавын белдерде. “Урта буын иҗатчылары арасында Альфред Якшимбетов, Зөфәр Хәйретдинов, Фирзәр Мортазин, Рәис Ханнанов, Зифа апа Нагаевалар тулы көчкә иҗат итәләр. Зөлфәт Вәлиуллин, Гөлназ Закирова җырлары миңа бик ошый. Профессионал композиторлар булуы белән горурланам”, – диде ул.

Фото: соцсети

Запись Ришат Төхвәтуллин: “Кемгә төртеп күрсәтмә, һәр икенчесе…” впервые появилась Tatar Today - татар яңалыклары..

Мәхәббәт аңлату киче

Халык телендә “сандугач” исемен алган Ришат­ның концертларына Уфада да, Казанда да, Мәскәүдә дә халык зал тутырып килде. “Пирамида”да концерт буласы көнне махсус кызыксындым: кассада ике билет калган иде!

Төхвәтуллинның иҗат төркеме өчен юбилей сәфәре көтелмәгән вакыйга белән башланып китә: Уфадагы концерттан соң микрофон юкка чыга. Аның югалу сәбәпләрен әле дә ачыклый алмыйлар.

Аның каравы “моңлы сан­дугач”ның Казанда – “Пирамида” залындагы кон­церты ярату сүзләрен­нән башланды. Беренче чыгышыннан соң ук аңа чәчәк бәйләмнәре, изге теләкләре белән ак яулыклы апа менде. “Концерт саен сиңа: “Яратам”, – дияргә киләм дә әйтә алмый кайтып китәм. Бүген әйтәм: яратам! Безнең мә­хәббәт сине саклап йөрт­сен!” – диде бу ханым. Җыр­чы үзе дә туган җиренә, әти-әни­сенә, туган теленә, ос­таз­ларына мәхәббәт аңлат­ты. Иң зур хөрмәт һәм ярату хисен аның тамашачысы тойды, чөнки Ришат халыкка мәхәб­бәтен җырлары аша аңлатты. “Сезнең өчен таңга кадәр җырларга да әзер мин”, – диде ул тамаша башында.

Концертта Ришатның иҗатташ дуслары да катнашты. Фәйзи Гаскәров исемендәге дәүләт академия халык биюләре ансамбле, Татарстанның атказанган артисты Филүс Каһиров, Чулпан Йосыпова, Алия Карачурина юбилей хуҗасы белән бергә сәхнә тотты.

– Җырларымны тартып алсалар да, тамашачымны тартып ала алмадылар. Күп авырлыклар аша узарга туры килде. Ул сынаулар мине чыныктырды. Шул вакытта да тамашачым терәк булды. Авыр чакларыгызда җырла­рым сезгә терәк булса, мин бик бәхетле булыр идем! – дип әйтте Ришат Төхвәтуллин кичә ахырында.

“Малай гына түгелмен!”

Ришат Төхвәтуллинның юбилей концертын караганнан соң сәхнә артына рәхмәт белдерергә дип кергән кешеләр күп иде. Чәчәкләр, бүләкләр, алкышлар… Концерт тәэсиреннән әле суынып та өлгермәгән җырчы белән без дә сөй­ләшеп алдык. Сүз иярә сүз китеп, концерт киче­реш­ләре турында сорап кына чикләнмәдек.

– 30 яшьлек Ришат – кем ул?

– Хәзер, аз гына булса да, тәҗрибәм бар. Бөтенләй үк малай гына да түгелмен. Шул ук вакытта әллә ни үзгәрдем дип тә әйтә алмыйм. Туганнар да, дус-иш тә: “Элек нинди идең, шулай калдың”, – ди. Үземне эш белән күрсәтәм. Кай җирдә усалрак та буламдыр, бире­шәсе килми.

– Концерт программагыз бүген кыскартылган төсле тоелды. Уфаныкы белән чагыштырып утырдым, ишетергә теләгән бер-ике җырны ишетә алмадым…

– Максатыбыз тизрәк концертны бетерү, кыскарту түгел иде. Бары тик урыны белән берничә җырның туры килмәве генә сәбәп булды. Әмма концерт озак барды бит.

– Махсус туган көн концертларына багышланган сценарий була, дигән идегез. Элеккеге программаларыгыз бе­лән охшаш яклар да булмады түгел. Өйләнүегез, кайбер җырларның тарихларын сөйләвегез, мә­сәлән…

– Бу программа минем хит җырлардан эшләнгән, әмма быелгы җырларны кертмәсәм, халык ошатмас иде бит. Сез әйткән урыннар җыр белән җыр арасын ялгап китү өчен, бәйләп җибәрү өчен кулланылды. Концертта хыялым чынга ашты: Фәйзи Гаскәров исе­мендәге бию ансамбле катнашты. Бу – минем өчен зур дәрәҗә.

– Сезне Уфа күбрәк үз итәме, әллә Казанмы?

– Икесе дә үз итә! Әмма Казандагы тамашачы Уфаныкыннан аерыла. Хәзер халык миңа яратып, аңлап йөри, җырга-моңга сусаганнары сизелә. Элек, зал тутырып килсәләр дә, салкынрак кабул итәләр иде. Тамашачылар миңа ошады, үз тамашачым килгән иде. Авызыма гына карап тордылар, “Пирамида”ны бер­гәләп җылыттык.

– Иҗатташ дусларыгызны да чакыргансыз. Сезнең белән дус булу өчен нинди булырга ки­рәк?

– Әллә кем булырга кирәкми. Кеше булырга ки­рәк! Кешедә гадилекне үз итәм. Дусларымны тегенди-мондыйга аермыйм. Журналистлар арасында да яхшы мөгамәләдә булганнары бар. Авылданмы ул кеше, нәни баламы, дәрәҗәле урыннан берәүме – барысын да бертигез күрәм. Кеше сайлап утырмыйм.

– Филүс Каһиров Америкага барып кайтты, Сезне дә якын киләчәктә чит илләрдәге милләт­тәшләр күрә алырмы?

– Минем дә шундый теләгем туды. Хыялда бар. Тормышка ашар дип уйлыйм.

– Затлы Ришаттан затлы, мәгънәле клиплар кү­рербез икән? Соңгы арада төшерелгән клип­ла­рыгыз тамашачыны ике­гә бүлеп бетерде…

– Сыйфат сүзен төрле яклап карарга мөмкин. Видео сыйфатына килгәндә, элекке клиплар белән бү­генгеләрен чагыштырсаң, җир белән күк арасы. Мәгъ­нә дигәннән, гел дә бер­төр­ле төшереп булмый. Мин кабатланырга яратмыйм. Максатыбыз да форматны үзгәртү, сюжет барлыкка китерү иде. Клипларым шуны сөйли. Без әле өйрәнеп киләбез. Сыйфатсыз дисә­гез дә, мәсәлән, “Мәхәббә­тем” клибы бик күп караулар җыйды.

– Сыйфатсыз димим, мәгънә ягыннан ныгыту кирәк, дим. Мәсәлән, “Мин бәхетле” клибын тамашачы Ришат спорт белән шөгыльләнгәнгә бәхетле икән дип аңлады.

– Бу җырга әллә ни ки­рәкми дә бит. Клипта бәхет­ле мизгелләрне күрсәтеп чыктык. Якты уйлар белән уянып китәм, иректә, матурлыкта йөрим. Кирәк урында очып та йөрим, йөгереп тә. Кеше шулай да бәхетле була ала.

(Чулпан Гарифуллина /“Ватаным Татарстан”, /№ 36, 08.03.2019/)

Фото: җырчының шәхси аккаунтыннан

Запись Ришат Төхвәтуллин аңлата: “Кеше шулай да бәхетле була ала” впервые появилась Tatar Today - татар яңалыклары..

Күбесе Гөлназ алып баручыларның туры бәреп Ришатка кияүгә чыгарга теләү-теләмәвен сорауларын ошатмаган дип уйлыйлар. Концертның сценарий авторы Сөмбелә аларга: «Сценарий Гөлназның үзе белән килешенгән иде», дип җавап бирде.

Шулай ук Уфадагы концертта микрофон югалган. Микрофонны бөтен кешедән дә эзләп чыкканнар. Гөлназ Асаевага шул ошамаган диючеләр дә булды, дип хәбәр итә Сәхнә.

Гөлназ үзенең инстаграмында Уфадагы концерттан видео куйган, ул пост астына бер язылучы «Казанга ярамаган тагын, дидегезме сон? Ник без лаек түгел идекме сезнең дуэтны тыңларга? Бөтен кәеф төште шуңа» дип язып та куйган.

Гөлназның ни өчен үпкәләвенең чын сәбәбе әлегә билгеле түгел.

Фото җырчының шәхси аккаунтыннан

Запись Гөлназ Асаеваны Ришат Төхвәтуллинның микрофонын урлауда гаеплиләр? впервые появилась Tatar Today - татар яңалыклары..

Казанның Пирамида залында 8 декабрьдә узган “Болгар радиосы” VI милли музыка премиясен тапшыру тантанасында 33 җырчы”Алтын йолдыз” сыны белән бүләкләнде. Кичәне радионың баш мөхәррире Илфар Кәримов, атказанган артист Рөстәм Гайзуллин һәм Миләүшә Кашапова алып бардылар. Быелның иң мөһим һәм әһәмиятле “Татар эстрадасының легендасы” номинациясе Флера Сөләймановага тапшырылды, Виталий Агаповны “Ел продюсеры” дип игълан иттеләр.

Иң беренче булып “Алтын йолдыз” сынын быел милли премиядә беренче тапкыр катнашучы өч бала әнисе Ләйсән Гыймаева алды. Ул Зифа Нагаева иҗат иткән “Алан җиләге” җыры белән “Иң үзенчәлекле тавыш” номинациясендә җиңү яулады.

“Иң лирик җыр” номинациясе быел Мурат Гайсинныкы булды. Ул Венер Фәттәхов сүзләренә үзе иҗат иткән “Агыла моң” җырын башкарды.

Татарстанның атказанган җырчысы Гөлдания Хәйруллинаны “Иң тынгысыз җырчы” дип игълан иттеләр. “Мин үземне яңа чыгып килә торган җырчы итеп кенә хис итәм әле. Гомер буе эзләнүдә булдым. Үзгәрешләргә яхшы карыйм, критиканы да уңай кабул итәм. Эшләмәгән кешегә генә сүз әйтеп булмый ул. Эзләнгән кеше ялгышырга да мөмкин. Бернигә дә карамыйча алга таба эшләргә, эзләнергә һәм иҗат итәргә кирәк”, диде Гөлдания Хәйруллина.

“Елның гаилә дуэты” – Динә һәм Рафаэль Латыповлар, “Иң моңлы дуэт” – Илмира Нәгыймова һәм Руслан Кираметдинов, “Тамашачы мәхәббәте” – Дилә һәм Булат Нигъмәтуллиннар, “Иң лирик дуэт” – Алсу һәм Флорид Гыйздәтуллиннар, “Иң романтик дуэт” – Айгөл һәм Ришат Шәйхетдиновлар, “Иң креатив дуэт” – Ләйсән Мәхмүтова һәм Винарис Ильегет, “Иң халыкчан дуэт” исеменә – Зинира һәм Ризат Рамазановлар лаек булдылар. Милли премиядә дүртенче мәртәбә катнашучы Зинира һәм Ризат Рамазановлар шушы бүләк өчен тамашчыларга чиксез рәхмәт белдерделәр.

“Ходай шушы тамашачылардан аермасын. Безне хөрмәт итеп концертларыбызга йөрүче, радиодан һәрдаим җырларыбызны яңгыратуны сорап торучы тыңлаучыларыбыз булганда без бик бәхетле”, диде Ризат.

Җыр ничек хитка әйләнә һәм ни өчен эстрада чүпләнә?

Башка тантаналардан аермалы буларак, “Болгар радиосы” милли музыка премиясендә җырның авторларын һәм композиторларын да бәяләп үттеләр.

“Без, ягъни композиторлар, бөтен күңелебезне биреп язган җырларны җырчы җиренә җиткереп башкара алса, ул җыр хитка әйләнә. Әлбәттә, һәр җырның үз башкаручысы була, тиешле җырчысына эләгү дә мөһим роль уйный”, дип Альфред Якшимбетов хит җырларның ничек барлыкка килүе турында сөйләде.

Россия авторлар җәмгыятенең Татарстан бүлеге рәисе Зөфәр Хәйретдинов авторлык хокуклары бозылу очраклары һәм җыр урлашу кебек ямьсез күренешләр, низаглар турында фикерен әйтте. “Авторлык хокуклары бозылу буенча җырчылар байтак мөрәҗәгать итә. 16 ел Россия авторлар җәмгыятенең Татарстан бүлеген җитәклим. Беренче елларда мондый нәрсәләр гомумән юк иде. Моны мин яңа технологияләр, интернет һәм социаль челтәрләр актив эшли башлау галәмәте дип кабул иттем. Хәзерге җырларны берсеннән берсен аерып алу бик кыен. Базарның бик чуарланганын аңлата бу. Элек җырчылар аз булгач, җырлары да азрак иде. Ә хәзер җырчылар да күп, репертуарлары да киң. Шулкадәр җырны кайдан табып бетерәләрдер. Булдыра аламы, алмыймы теләсә кем җыр яза. Шулар белән җыр сәнгате чүпләнә, низаглар килеп чыга”, диде “Иң халыкчан автор-башкаручы” номинациясе җиңүчесе Зөфәр Хәйретдинов.

“Популяр җырлар авторы” номинациясе быел Айдар Тимербаевка, ә “Халык күңеленә кергән җырлар авторы” исеме Зифа Нагаевага тапшырылды.

Атказанган җырчы Илназ Баһ: “Кашыкларда, шешәләрдә уйныйм”

“Заманча яңгыраш” – Лилия Гыйматдинова, “Иң эзләнүчән җырчы” – ИлСаф, “Иң моңлы җырчы” – хатын-кыз җырчылар арасында Бәширә Насырова, ир-ат җырчылар арасында Идрис Газиев, “Иң романтик җырчы” – Раяз Фасыйхов, “Иң зәвыклы җырчы” – Лилиана Ирназарова, “Ел ташкыны” – Гүзәл Диникиева, “Иң лирик җырчы” – Илсөя Бәдретдинова, ә “Күпкырлы җырчы” номинациясендә Илназ Баһ бүләкләнде.

“Хәзер заманасы шундый, күпкырлы булырга кирәк”, дип алып баручылар әле күптән түгел генә атказанган артист исеменә лаек булган Илназ Баһны сәхнәгә чакырды. Бу Илназның икенче “Алтын йолдыз”ы икән.

“Җырлар язам, күп төрле уен коралларында: гитарада, курай, гармун, баянда, кашыкларда, шешәләрдә уйныйм. Насыйп булса, киләсе елга милли премиядә хатыным Гүзәл белән дуэт буларак катнашырга уйлап торабыз”, дип сөйләде Илназ Баһ.

Азат белән Гөлсирин милли премиядә нигә җырламады?

“Ел җырчысы” – Айдар Галимов, “Татар җыр сәнгатенә керткән өлеше өчен” – Венера Ганиева, “Милли музыка үсешенә керткән өлеше өчен” – Илмир Низамов, “Йөрәкләргә үтеп кергән җыр” – Филүс Каһиров, “Иң җор телле җырчы” – Данир Сабиров, “Халык мәхәббәте” – хатын-кызлар арасында Зәйнәп Фәрхетдинова, ир-атлар арасында Ришат Төхвәтуллин, ә “Өметле җырчы” исеменә Алия Карачурина ия булды.

Гөлсирин Абдуллина белән Азат Абитов күптән билгеләнгән гастрольләргә китү сәбәпле Болгар радиосы” VI милли музыка премиясендә җырламадылар. Хәтерләсәгез, берничә көн элек “Кайнар хит”ның нәтиҗәләре Рифат Фәттәховның ачуын чыгарган иде. Бәхәс уңай хәл ителгән, күрәсең. Җитәкчелек белән сөйләшеп, яшьләрне “Милли моңнарны саклап калуга зур өлеш керткән өчен” номинациясендә бүләкләделәр. “Алтын йолдыз”ны Ваһапов фонды җитәкчесе Рифат Фәттахов чыгып алды.

“Бу Азат Абитов белән Гөлсирин Абдуллинаның җиңүе генә түгел, бу сезнең җиңү дә. Безнең Азат белән Гөлсирин “Кайнар хит”ның соңгы тапшыруларында бик уңышлы чыгыш ясадылар һәм алар өчен сезнең тарафтан бик күп тавышлар килде. Рәхмәт. Инде безнең яшьләребезне күреп алган, гаделлек принципларына тугры булып калган, безнең яшьләргә стимул биргән һәм аларны шундый бүләккә лаек дип тапкан “Болгар радиосы”на, ТНВ җитәкчелегенә аерым зур рәхмәт”, диде продюсер Рифат Фәттахов.

Фотогалерея: Татар тудей//Алмаз Шәмсиев һәм Рөстәм Исхакый 

Запись Айдар, Ришат, Данир, Илсөя, Филүсләр милли премия алды: “Болгар радиосы” гаделлек принципларына тугрымы? [фотогалерея] впервые появилась Tatar Today - татар яңалыклары..

“Нигә күңелсезләнеп тавышлашып йөри башлады соң бу артистлар?”, дип соңгы арада тамашачылар борчуга калды. Көн саен диярлек татар эстрадасы йолдызлары арасында бәхәсләр туып тора. Иң кызганычы, җырчылар хәзер килеп туган бәхәсне үзара хәл итмичә, социаль челтәрләрдә яктыртып, халык алдына чыгарып сала. Тегеләре чәйни, гайбәт куера. Күп җырчылар шул рәвешле үзләрен тагын да таныта. Артистлар моны үзара кара пиар дип атый. Ришат Төхвәтуллинның моңарчы берәү белән дә бәхәскә кергәне булмады. Җырчыга кем сүз әйткән? Әлеге сүзләре белән ул кемгә мөрәҗәгать итә? Әллә инде моңлы сандугачыбыз да башкалардан калышмаска тырышып кара пиар ясап карамакчы булганмы?

“Мин конфликтлар һәм кирәкмәгән сөйләшүләр яклы түгелмен. Җырчылар арасындагы үзара кирәкмәгән сөйләшүләр гадәттә зур концертлар вакытында сәхнә артында була. Минем фикеремчә, җырчы уңышының 10%ы таланттан, ә 90%ы көндәлек тырышлыктан тора. Әгәр дә сез үзегезне талантлырак дип санасагыз, сәхнәгә чыгыгыз да исбатлап күрсәтегез. Фестивальләрдә түгел, ә үзегезнең концертларыгызда”, дип яза Ришат Төхвәтуллин үзенең инстаграмында.

View this post on Instagram

A post shared by Ришат Тухватуллин 🎶 (@rishat_thv)

“Ни булды? Кем сезгә сүз әйтте?”, дигән сорауларга Ришат җавап бирми.

Запись “Үзегезне талантлырак дип санасагыз исбатлагыз. Фестивальләрдә түгел, концертларыгызда” – Ришат Төхвәтуллин кемгә дәгъва белдерә? впервые появилась Tatar Today - татар яңалыклары..

Быелгы яңа исемнәр рәтенә исә Миндияр Шәймәрданов кергән. “Татар җыры” кастингы җиңүчесе тамашачы яратып өлгергән һәм бик тиз арада популярлык казанган “Синең карашларың” җырын башкарачак.

Традиция буенча“Татар Җыры” тантанасының кунаклары арасында республика җитәкчелеге, мәдәният, сәнгать һәм спорт өлкәсендә танылган шәхесләр, бизнес вәкилләре һәм җәмәгать эшлеклеләре булуы көтелә. Быелгы фестивальнең эчтәлеге генә түгел, бизәлеше дә һәръяклап уйланылган, югары дәрәҗәдә булачак, дип ышандыра оештыручылар.

“Иң яхшы җырчы”, “Иң яхшы дуэт”, “Ел ачышы”, “Иң яхшы клип” – барлыгы 26 номинация булыр дип көтелә. Елдан-ел дәрәҗәсе һәм бәһасе үскән “Алтын барс” сынына быел кайсы җырчылар лаек булыр соң? Лауреатларны кемнәр игълан итәр? ТТөп сорауларга җаваплар һаман да сюрприз булып кала.  Һәркемне дә гаҗәпләндерерлек серләр 22 декабрь көнне чишеләчәк.

Запись Быелгы “Татар җыры”нда беренче тапкыр чыгыш ясаучылар билгеле впервые появилась Tatar Today - татар яңалыклары..

View this post on Instagram

A post shared by Тат Плагиат (@tat_plagiat)

Чит ил һәм рус эстрадасындагы җырларны урлап, үзгәртеп, халыкка үзләренеке дип тәкъдим итүче татар-башкорт җырчыларын инстаграм дөньясына фаш итү белән шөгыльләнә башлаган “Tat_plagiat” аккаунтының Элвин Грейны җыр үзләштерүдә гаепләве һәм башка җырчыларны кисәтүе хакында әле күптән түген генә язган идек.

“Без бәйсез музыка экспертлары. Татар-башкорт эстрадасында плагиат очраклары күп булуын сизеп алдык. Җырчыларның кеше җырларын үзләренеке итеп күрсәтеп тамашачыны алдалауларын теләмибез”, дип аккаунтны алып баручы кеше “Tat_plagiat”ның эшчәнлеге турында аңлатма бирде.

– Моның өчен җырчыларга нәрсә булачак? – дигән сорауга: “Үзегез күрерсез”, дип җавап кайтарды.

Ришат Төхвәтуллинның “Карамалы-Гобәй” җыры чыннан да урланганмы, юкмы икәнен белү өчен җырчының үзе белән элемтәгә кердек.

“Бу җыр мин студент чагында иҗат ителде, әле ул вакытта популяр җырчы түгел идем. Әйе, “Карамалы-Гобәйнең” көе төрекнеке. Мин моны бер вакытта да яшермәдем, үземнеке дип тә күрсәтмәдем. Сүзләрен әнием Розалия Төхвәтуллина иҗат итте. Мин монда бернинди урлау, плагиат очрагын да күрмим. Хәзерге вакытта чит ил җырларының көйләренә сүзләр яздырып, җыр иҗат итү белән шөгыльләнмим. Бүгенге көндә без профессиональ композиторлар белән генә эшлибез”, диде Ришат Төхвәтуллин.

Запись “Карамалы-Гобәй” җыры кемнеке? – “урланган”диючеләргә Ришат Төхвәтуллин Татар тудей аша җавап бирде впервые появилась Tatar Today - татар яңалыклары..

Күптән түгел генә Гүзәл Уразованы карак дип атаган Элвин Грейның үзен дә җыр үзләштерүдә гаеплиләр. Бу турыда инстаграмда “Тat_plagiat” аккаунты хәбәр итә.

Әлеге аккаунт, чит ил һәм рус эстрадасындагы җырларны урлап, үзгәртеп халыкка үзләренеке дип тәкъдим итүче татар-башкорт җырчыларын инстаграм дөньясына фаш итү белән шөгыльләнәчәк. “Тat_plagiat” иң беренче булып популяр җырчы Элвин Грейның намусын тикшерергә булган. Радик Юлъякшинның “Сиңа барам очып” җыры белән Нананың “Na-na Ney” җырлары арасындагы охшашлыкны күрсәтеп, сораштыру үткәрә. Нәтиҗәдә 100дән артык кешенең 55% бу җырны плагиат дип атый.

https://www.instagram.com/p/BqXGL0dh_I4/?utm_source=ig_share_sheet&igshid=15kdp3lxvea4t

Элвин Грей исеменнән җавап бирүче “Leybl_elvin_grey_music”ка бу ошамый. “Без монда плагиат күрмибез! Яңгырашлары төрле. Бетерегез, юкса instagram үзе бетерәчәк (без әлеге видеога шелтә белдерәчәкбез)” – дип яза “Leybl_elvin_grey_music”.

“Барысы да тәүлек эчендә социаль челтәрдә таралачак. Куллары чиста булмаган башка җырчыларга да кагыла бу!”, – дип яза “Тat_plagiat”. Алга таба, чиратта кемнәр торуын да ассызыклап, “Бәхетле” төркеме, Бабек Мамедрзаев, Гүзәл Уразова, Ришат Төхвәтуллин һәм Әнвәр Нургалиев та гөнаһлары өчен җавап бирәчәген әйтә.Озак та үтми, хакыйкать эзләүче “Тat_plagiat” җырчы Әнвәр Нургалиевка хат юллый. “Барлык артистларга да әйт, аларны да шундый ук язмыш көтә! Аеруча Уразованы, Төхвәтуллинны, Айдарны, “Бәхетле”не, Иркәне, Нигъмәтҗанованы, Каһировны һәм башкаларны. Юлъякшинны инде капладык!” – ди “Тat_plagiat”.

Татар җырчылары аптырашта. “Тat_plagiat” җибәргән смс-хатларны үзара таратып, бу кешенең кем икәнен ачыкларга тырышалар. Чөнки социаль челтәрләрдә таралган мәгълүматлар җырчыларның күп еллар дәвамында казанган абруена зыян китерергә мөмкин.

Запись Элвин Грейга “һөҗүм” ясыйлар, Әнвәр Нургалиевны кисәткәннәр: “Чиратта Гүзәл Уразова белән Ришат Төхвәтуллин” впервые появилась Tatar Today - татар яңалыклары..

“Кем якынрак: Гүзәл Уразовамы, әллә Элвин Греймы?” дип сорыйлар аннан.

Җырчы әлеге сорауга Гүзәл Уразова һәм Илдар Хәкимов белән бергә төшкән фотоны куеп җавап биргән. Элвин Грей белән мөнәсәбәтләрен тигез (ровные) дип атаган.

Запись Ришат Төхвәтуллинга кем якынрак: Гүзәл Уразовамы, әллә Элвин Греймы? впервые появилась Tatar Today - татар яңалыклары..