Архивы Артист - Tatar Today - татар яңалыклары.

Ләйсән Мәхмүтова: “Әти-әни рухлары шат, тыныч булсыннар”

Лейла — Sat, 11 Sep 2021 06:58:24 +0000

Татарстанның халык артисткасы Исламия апа Мәхмүтова кабер ташы куйганнар.

View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

– Искә төшергәнегез өчен, догаларыгыз өчен мең рәхмәт. Әнигә дип, таш эзләгәндә, “Әйдә матурракны, зурракны куябыз, хәзер ниндиләре генә юк” – дигән идем Лилия апага.
“Кирәкми, әтигә әни ташны үзе ошатып сайлаган иде, аерылып тормасыннар икесе дә бер булсыннар, парлы булсын”, – диде.

“Кыр казлары артыннан” дип, әнинең почергы белән язылган, ди Татарстанның атказанган артисткасы Ләйсән Мәхмүтова @laismaxm

Исламия һәм Хәлил Мәхмүтовлар Самосырово мөселман зиратына җирләнгән.

Запись Ләйсән Мәхмүтова: “Әти-әни рухлары шат, тыныч булсыннар” впервые появилась Tatar Today - татар яңалыклары..

Илсөя Бәдретдинова 3 көн генә кая ял итеп кайтты? [видео]

Лейла — Sat, 11 Sep 2021 06:12:45 +0000

Җырчы Илсөя Бәдретдинова администраторы Гүзәл Кәрәмиева белән Сочида ял итеп кайтты.

Алар андагы матурлыкка, чиста һавага, агачлар үсеп утырган биек тауларга исләре китеп, сокланып йөриләр.

– Тиз генә… Өч кенә көнгә… – дип язып куйган җырчы Илсөя Бәдретдинова үзенең Инстаграм битендә.

Запись Илсөя Бәдретдинова 3 көн генә кая ял итеп кайтты? [видео] впервые появилась Tatar Today - татар яңалыклары..

РСФСРның халык артисты вафат

Гульназ Рашитова — Sun, 16 Aug 2020 15:02:13 +0000

16 августта 78 яшендә артист һәм Мәскәү Думасы депутаты Николай Губенко вафат булды.

Губенко -элеккеге Совет һәм Россия театр һәм кино актеры, кинорежиссер һәм сценарист. «Таганка актерлары берлеге» театрына нигез салучы һәм сәнгать җитәкчесе. РСФСРның халык артисты. 1989-1991 елларда-СССР мәдәният министры. II һәм III чакырылыш Дәүләт Думасы депутаты, Мәскәү Думасы депутаты. 2009 елдан Мәскшү Думасы Рәисе урынбасары булып эшли.

“Ул озак авырды”,— дип хәбәр итте МДДДӘ мәдәният һәм массакүләм коммуникацияләр буенча комиссия рәисе Евгений Герасимов. Николай Губенконың йөрәге туктады, дип хәбәр итте Мәскәү Думасы Рәисе Алексей Шапошников.

Губенко әфәнде вафатына бәйле рәвештә, Мәскәү мэры Сергей Собянин һәм Русия Президенты Владимир Путин кайгыларын уртаклашты.

Фото: culture.ru

Чыганак: Коммерсантъ

Запись РСФСРның халык артисты вафат впервые появилась Tatar Today - татар яңалыклары..

Марат Шәйбәков белән Әнвәр Нургалиев дуслармы? Җырчы булганчы ул кем була? [видео]

Лейла — Thu, 12 Sep 2019 14:54:04 +0000

//Татар Тудей//

Башкортстанның атказанган артисты Марат Шәйбәков Татар Тудейга Казанда кайсы концерт залы ошавын, Татарстанның кайсы районнарын аеруча истә калдыруын сөйләде. Якташы, танылган җырчы Әнвәр Нургалиевның юбилеенда нигә ул булмавын да әйтте. “Сез дуслармы?” дигән сорауга да җавап бирде. Ә сүзне без тиздән башланачак гастрольләреннән башладык.

— Марат быел да Татарстанга киләсез дип күрдек, кайларда буласыз?

— Киләм, 16 октябрьдә. Узган ел Ленин мәдәният йортында куйган идек, быел да шунда булачак. Концертларны тора-бара Казанның Филармония залында куярга исәп.

— Башкортстанда да гастрольләрегез барамы?

— 25, 26, 27 октябрьдә Уфа шәһәрендә өч концертым булачак. Аннары Баулыдан соң янә Башкортстан буенча йөриячәкбез. Себер якларына да барырга ниятләп торабыз.

— Төркемегез яңартылдымы? Чибәр кызларны каян табасыз?

— Төркем шул ук, биючеләр яңартылып тора. Кызларны кастинг аша сайлыйбыз.

— Репертуар ничек, яңа җырлар булачакмы?

— 7-8 яңа җыр эшлим. Айдар Тимербаевтан бер җыр алдым. Аранжировкасын эшләдем, тавыш яздырасы бар. Бик матур җыр килеп чыкты. Үзебез дә язабыз, тегеннән дә алабыз – шулай эшлибез инде. Хәзер җыр сайлавы бик авыр. Алып карыйсың – матур кебек, җырлап карыйсың – бөтенләй туры килми. Алдың да, эшләп китте дигән сүз түгел. Җыр күңелгә ятмаса, җырламыйм.

— Татарстан белән Башкортстанда концерт куюның нинди үзенчәлеге бар?

— Бәләкәй чакта йокларга яткач, әти Казан радиосын куша иде. Ул нинди радио булгандыр, хәтерләмим. Без ике сәгать шул радионы тыңлый идек. Ул вакытта Казан минем өчен әллә кайда еракта сыман иде. Хәзер Казанга бакчага чыгып кергән кебек кенә кайтам. Мин бит килеп җырлыйм да, кайтып китәм. Төнлә йокы килсә, туктап чәй эчеп алам.

— Татарстанның кайсы районы аеруча истә калды?

— Берсен дә аерып әйтәсе килми. Бөтен җирдә дә әйбәт каршы алалар. Азнакайлылар бәлешләр пешереп алып килгәннәр иде. Былтыр Чаллы, Түбән Камада булган идем, тагын да күбрәк районга чыгарга исәп. Быел тальян белән дә җырлыйсы иде.

View this post on Instagram

A post shared by Марат Шайбаков (@maratshaibak)

— Җырчы булмасагыз, кайсы һөнәр иясе булыр идегез?

— Бәләкәйдән үк, артист булам дип иншалар яза идем. Башка бер нәрсә дә килми иде. Бәләкәйдән үк гармун уйнап үскәч, баянчы булырга хыялландым. Филармониядә эшли башлагач, җырлап карадым да, халык дәррәү кул чапты, тагын җырлавымны сорадылар. Ул вакытта алып баручы Марат Кәбиров «Аның бүтән җыры юк» – дигәч, «уянып» киттем.

— Сез хәзер Уфада Филармония артистымы?

— Юк, мин үземә – үзем артист. Филармонидә бик күп еллар баянчы булып эшләдем. Фән Вәлиәхмәтов, Кәтүк бабай (“Кызык мәзәк төркеме”), Ризван Хәкимовларга уйнадым.

View this post on Instagram

A post shared by Марат Шайбаков (@maratshaibak)

— Әнвәр Нургалиев белән сез дуслармы? Төрле сүзләр йөри башлады, көнләшмисезме дип тә сорадылар…

— Электән үк бергә. Без дошман түгел. Гаиләләр белән дусларның туган көннәренә йөрибез. Әлегә бер-беребезнең концертларда чыгыш ясарга уйламыйбыз. Һәр кешенең үз эше бит, гастрольләр дигәндәй.

— Аның Уфада узган юбилеенда да булмадыгыз кебек..

— Юк, Себердә гастрольдә булдым. Әнвәр белән без дуслар, барсы да тәртиптә, конфликт булганы юк.

View this post on Instagram

A post shared by Марат Шайбаков (@maratshaibak)

Запись Марат Шәйбәков белән Әнвәр Нургалиев дуслармы? Җырчы булганчы ул кем була? [видео] впервые появилась Tatar Today - татар яңалыклары..

Җырчы Иркә белән Эльмира Сөләймановага мәдәният министры дәрәҗәле исем бирә

Алина — Sat, 27 Oct 2018 17:13:45 +0000

Эстрада җырчылары Иркә белән Эльмира Сөләймановага “Татарстаның атказанган артисты” дигән мактаулы исеме бирелде. Дәүләт бүләген бүген 27 октябрь “Пирамида” концертлар залында узган “Татар радиосы хитлар” концертында Татарстанның мәдәният министры Ирада Әюпова тапшырды.

Бу хакта җырчы Иркә үзенең инстаграм битендә дә хәбәр итте.

“Чын күңелдән рәхмәт әйтәсем килә, шушы дәрәҗәле исем өчен. Минем иҗатымны күргән өчен, зур бәя биргән өчен беренче чиратта безнең президентыбыз Рөстәм Минихановка , шулай ук Мәдәният министры Ирада Хафизяновнага рәхмәт әйтәм. Һәм әлбәттә Барс МЕДИА Татар медиа группасына… Әти әнигә гаиләмә зур рәхмәт! Иң мөһиме , кадерле яраткан тамашачыларыма зур рәхмәт!”, ди җырчы.

View this post on Instagram

A post shared by Иркә | Певица (@irke_official)

Запись Җырчы Иркә белән Эльмира Сөләймановага мәдәният министры дәрәҗәле исем бирә впервые появилась Tatar Today - татар яңалыклары..

“Галиябану”ның Хәлиле, “Зөләйха”ның ире, артист, режиссер Гафур Каюмовны соңгы юлга озаттылар

Габдулла Тукай — Fri, 27 Jul 2018 17:27:53 +0000

27 июль татар җәмәгатьчелеге драматург, режиссер Гафур Каюмов белән хушлашты. Ул Арчаның “Җидегән чишмә” халык театрында репетиция вакытында баскычтан егылып торба кисәгенә килеп төшә һәм район хастаханәсендә җан бирә.

Гафур Каюмовны туган авылы – Арча районы Яңа Сәрдә авылында җирлиләр. Аны белгән кешеләр Азатлыкка Гафур Каюмов турында истәлекләрен сөйләде.

Данил Салихов

Данил Салихов, Татарстан Язучылар берлеге рәисе: Без Гафур Гаюмов белән сабакташлар идек. Ул Казан театр училищесына армиядә хезмәт итеп кайткач килде һәм аны икенче курска кабул иттеләр. Без – Фәрит Бикчәнтәев, Роберт Мортазин, Венера Шакирова, Камил Камал – бергә укыдык. Гафур укып бетергәннән соң Актанышка китте. Бер ара Түбән Камада, аннан Тинчурин, Камал, Әлмәт театрларында эшләде. Аңа кадәр телевидение, мәдәният министрлыгы… Соңгы эш урыны Арча халык театры булды менә… Гафур – бик тырыш егет иде. Гаиләләре белән шундый алар. Бер эштән дә, минеке түгел бу дип, тайчынмады. Драматургиясенә килгәндә, аз язды, әмма берәгәйле итеп язды. Әсәрләре тирән, мәгънәле булды.

Гөлнара Кәшипова

Гөлнара Кәшипова, Татарстанның атказанган артисты: Гафур Каюмов Әлмәт драма театрында үзе язган “Сагынырсың син дә бер” дигән драмасын куйды. Бу 1998-1999нчы еллар, әле мин үзем дә театрда яшь актерларның берсе. Гафур абый, сиңа ышанып тапшырам дип, баш рольгә билгеләде. Гөлсинә – катлаулы, авыр роль, ләкин без бергәләп бу образга җан өрә алдык дип уйлыйм. Спекталь уңыш белән барды, тамашачылар соравы белән аның видеокассеталарын әзерләделәр, ул да сатылып бетте. Әлеге спектакльне чакыру белән килеп әзерләсә, берничә елдан соң ул Әлмәт театрына баш режиссер итеп билгеләнде. Әлмәт театрында аның “Мирас” спектакле дә зур уңыш белән барды.

Гафур Каюмов – иркен кеше. Бәлкем шуңа да туктаусыз эзләнгән, бер җирдән икенче җиргә күченеп йөргәндер ул. Гаҗәеп дәрәҗәдә киң күңелле, спектакльгә кирәк дисәләр, аягындагы башмагын салып бирә ала иде. Аның бөтен хыялы – кече театр оештыру булды. Татарның үзенең кече театры булырга тиеш дия иде. Һәм Әлмәттә эшләгән дәвердә шушы хыялына беркадәр якынлашты. Кече театр ихласлык таләп итә, анда ялган кабул ителми, юри елап, юри уйнап булмый. Анда сәхнәдә яшәргә кирәк. Хыялына бик якын килсә дә, югарыдан ярдәм булмаганга, тормышка ашыра алмады булса кирәк. Ләкин ул, эшем белән мондый театрның кирәклеген раслап күрсәтәм дип әйтә иде.

"Зөләйха" фильмыннан өзек

Аерым дөнья кешесе иде бит ул. Зәмһәрир суыкта тукталышта нәп-нәзек плащта, яланбаш, җәйге ботинкадан чыгып басканы күз алдында. Туңмыйм ди, миңа исә ул вакытта өши, ләкин үзен шушындый салкыннарга, дөнья гаделсезлекләренә әзерли кебек тоелды.

Нияз Игъламов

Нияз Игъламов, театр тәнкыйтьчесе: Кызганыч, ул бер җирдә дә төпләнеп эшли алмады, аның каравы бөтен җирдә эшләп карады. Бөтен театрларда, министрлыкта, телевидениедә, язучылар берлегендә. Без бергә “Идел-йорт” халык театрлары фестивалендә эшләдек. Пьесалары бөтен театрларда барды. Якты кеше иде… Бәлкем аңа уңыш дигәнең җитеп бетмәгәндер. Аңа бер генә әйбер дә җиңел бирелмәде чөнки. Туктаусыз хәрәкәттә булды, бәлкем шушы сыйфат та комачаулагандыр. Бу хәбәрне бик авыр кичерәм. Ул бит әтиемнең шәкерте. Бик көчле курс иде ул. Без якыннан аралаша идек, дустымны югалттым… 59 яшендә китеп барды.

Гафур Каюмов (сулдан икенче) сәхнәдә

Резедә Гарифуллина, “Җидегән чишмә” Арча халык театры артисты: Ул шулкадәр якты кеше, без аны бик сөенеп каршы алдык. Аталарча кайгыртучан, җылы мөгамәләдә, бөтен нәрсәне сабыр итеп аңлатып бирә иде, беркайчан да тавыш күтәрмәде. Кызганыч, нибары бер спектакль чыгара алдык, гәрчә планнар зурдан иде. Кичә исә Арчада барган күчмә утырыш кунакларына Әнгам Атнабаевның “Балакайларым”, “Бабайлар чуагы” спектакльләреннән өзекләрне әзерләдек. Репетиция вакыты иде, барыбыз да сәхнәдә мәш килеп әзерләнәбез. Кем бишек аса, кем өстәлне әзерли. Гафур абый әле генә безнең белән иде, кай арада юкка чыккан. Пәрдә артына баскыч куеп, шуннан менгәндә егылган ул. Әллә йөрәге тоткан, әллә аягы тайган – монысын инде хәзер бер Ходай белә…

Тавышын ишетеп килгәндә, Гафур абый идәндә иде инде. Ашыгыч ярдәм Арча хастаханәсенә алып китте, ләкин йөрәге операцияне күтәрмәгән диләр. Без бөтен коллектив җыелдык һәм, беләсезме, соңгы көннәрендә ашкынып, безгә рәхмәтле булып эшләп йөргәнен искә алабыз да, ярый әле шушындый шәхескә, чын мәгънәсендә иҗат кешесенә бәхетле мизгелләр бүләк итә алганбыз дип, шөкер итәбез.

Гафур әфәнде “Зөләйха” фильмында да төшә, Зөләйха ире ролендә

Азатлык радиосы язмасы (чит ил агентлыгы)

Запись “Галиябану”ның Хәлиле, “Зөләйха”ның ире, артист, режиссер Гафур Каюмовны соңгы юлга озаттылар впервые появилась Tatar Today - татар яңалыклары..

Татар эстрадасы йолдызлары нинди студент булган? [сораштыру]

Чулпан — Fri, 02 Feb 2018 12:50:19 +0000

25 январьдә Студентлар көне булып узды. Студент булган вакытлар һәркемнең күңелендә уелып кала. “Бер алманы бишкә бүлгән” чакларын татар эстрадасы йолдызлары хәтерлиме икән? //Акчарлак//

Булат Җиһаншин (җырчы):

– Казан Социаль Мәгариф Академиясенең психология факультетында белем алдым. Уку белән беррәттән студиядә дә эшләдем. Яңа җырлар яздырып, дөньямны онытып, дәресләргә соңга калып йөри идем. Институтта яратып укыдым, шуңа да яхшы билгеләр алдым. Конкурсларда җырлаган өчен дәрескә соңга калуыма күз йомдылар. Ә бервакыт мондый хәл булды: гадәттәгечә студиядә җырлап, дәрескә соңга калып килдем. Дәресне яңа укутучы алып бара, аның миңа бик нык ачуы килде. Контроль эш башланды. Мин әйбәт кенә башта үземнекен эшләдем, аннан дусларыма ярдәм иттем. Ә ахырда теге укытучы дусларыма “бишле”, миңа “өчле” куйды. Укытучыдан: “Ник миңа “өчле”, мин дөрес итеп эшләдем бит?” – дип сорагач: “Соңга калганга!” – дип кенә җавап бирде. Менә шулай итеп бишлелек эшкә өчле алып кайткан чак та булды.

Айгөл Хәйруллина (“Болгар радиосы” алып баручысы):

– Мин 1996 елда Казан дәүләт мәдәният һәм сәнгать академиясенең театр факультетының актерлык курсына укырга кердем. Илдар Хәйруллин һәм Наил Дунаев – мастерларым иде. Без курста бик аз кеше укыдык. Унбер кеше алдылар, шуларның тугызы укып чыкты. Безнең актерлык осталыгы буенча дәресләр Камал театры бинасында үтә иде. Авылдан килгән балага Камал театрының түбәсенә менеп карау һәркемгә дә бирелә торган мөмкинлек түгел. “Костюмерная”да ул вакытта Рәхилә исемле апа эшләде. Ул безгә шыпырт кына алып кереп, элекке спектакльләрдә киелгән костюмнарны күрсәтә, һәрберсенең тарихын сөйли иде. Студент еллары шуның белән истә калды.

Венера Ганиева (җырчы):

– Мәктәпне тәмамлагач, музыка училищесына укырга кердем. Нәрсәсе белән истә калды дисезме? Беренче курста укыганда минем “икеле”ләр булды, менә шуның белән… Училищеда укуы авыр булды, чөнки мин татар мәктәбен тәмамлап килгән идем. Философия, тарих кебек фәннәр русча, ә мин татарча фикер йөртәм. Менә шунда Тукай теле белән Пушкин теле бик каты бәрелештеләр инде (көлә). Мин рус телен үзләштергәнче бер еллап вакыт узды. Аннан әкрен генә русча да фикер йөртә, сөйләшә башладым. Тырыша торгач, училищены кызыл дипломга тәмамладым бит!

Аннан консерваториягә укырга кердем. Анда да киртәләр булды. Мине башта әлеге уку йортына алмадылар, тагын шул “икеле”не куйдылар. Ләкин документларны кире алырга килгәч, минем бәхеткә коридорда Нәҗип Җиһановны очраттым. Кәефсез булуымны күреп алып: “Синең бит тавышың бар, әйдә әле”, – дип үзенең ректор бүлмәсенә алып керде һәм бөтен укытучыларны җыеп, мине укырга алырга кушты. Нәҗип абый җырлавымны имтиханда ишеткән булган. Ә мин аның “Алтын чәч” ариясен җырлаган идем. Консерваториядә укыган елларым да бик кызыклы булды. 5 курска күчкәч, мине театрга стажерлар труппасына алдылар. Кайбер студентларны консерватория тәмамлагач та алмыйлар, ә мине 5 курска күчүгә чакырдылар.

Искиткеч остазларда укыдым мин. Хәзер генә аңа бәя бирәсең икән. Җырчы өчен иң мөһиме – яхшы кулга эләгү. Һәрбер шәкерт өчен шулай ул. Менә мин хәзер остаз буларак шәкертләрем алдында бик зур җаваплылык тоям, чөнки киләчәккә юл күрсәтүче, нигез салучы ул – остазлар.

Ренат Галиәскәр (шагыйрь, шоумен):

– Студент һәм солдаттан да тапкыррак, шуграк кеше юктыр безнең Рәсәйдә… Мин 2005 – 2010 елларда КГАСУның автомобиль юлларын төзү факультетында укыдым. Укыган чакта биш ел буе тулай торакта яшәү бәхете тәтеде. Бүлмәдә өчәү яшибез: мин, минем группадаш, Минзәлә егете – Марсель, Стәрлетамактан – Олег. Без, Марсель белән, беренче сменада укыйбыз. Төшке аш вакытында бүлмәгә кайтып ашап-эчеп, ятып торабыз. Олег икенче сменадаукый. Без кайтып ятып, күзне йомуга будильнигы шалтырый башлый моның. Тик ул торырга ашыкмый, сүндереп куя да, борылып ята. Көн дә шул ук хәл. Ачуны чыгара башлады бит бу. “Олег, – минәйтәм, – барыбер тормыйсың, куйма ул будильнигыңны”, – дим. Олег әйтә: “Мин, егетләр, шул будильникка уянам да, дәрескә барырга микән, әллә инде барып тормасам да зыянлы булмыймы, дип уйлыйм, дөрес фикер мизгел эчендә килә – бармаска!” – ди.

Тулай торакта егетләр табак-савытны ашар алдыннан, керне, гадәттә, кияргә кием калмагач, юалар. Олег та миннән арендага 3 пар носки алып торганнан соң, бер көнне кухнядагы бауга керләрен юып элеп куйган. Бер бауның буеннан буена носкилар гына. Кызык өчен санап карарга булдым. Төп-төгәл 57 штук носки (пар түгел). Олегка кереп әйттем мин моны. Көләсе килә бит инде. Олег бернинди көлкеле сүзләрсез, бик җитди генә итеп әйтеп салды: “Бер штугы артык, димәк, ташларга кирәк!” Менә шундый оптимистлар укыды безнең КГАСУда!

Запись Татар эстрадасы йолдызлары нинди студент булган? [сораштыру] впервые появилась Tatar Today - татар яңалыклары..

Әбри Хәбриев: «Тиздән туктар кебек барсы да…»

Чулпан — Sun, 17 Dec 2017 10:32:19 +0000

“ТАТАР РАДИОСЫ” алып баручысы,”РӘВЕШЛӘР” эстрада миниатюралары театры артисты Әбри Хәбриев әле шагыйрь дә икән. Инстаграмына күптән түгел үзе иҗат иткән бер шигырен элә ул. //Tatar today//

Шигырьне мактаучылар да, “Нишләп мондый шигырь яздың?” дип уйга калучылар да бар. Сезгә дә шигырьне күрсәтәбез:

“Тиздән туктар кебек бар(ы)сы да:
Бетәр таш юл, күчер такырга.
Тизлек кимер, акрынаер адым,
Килеп җиткәч сукмак тын суга…
*
Элпә томан эленеп торыр анда,
Җәлеп итеп, сыек көзгегә…
Рәшә, нурлар, тынлык… Рәхәт… Җылы…
Куенына чорнар мәңгегә…
*
Тынычланыр җаным иреклектә,
Газапларын чәчеп, бушанып.
Каурый-күбәләктәй әйләнгәләп,
Күлгә тамыр бер тамчы булып.
*
Боҗра-дулкын, таралыплар китер,
Тагын бер Җан артыр ул суда…
Дулкын туктар, тынлык дәвам итәр,
Әзерләнеп яңа тамчыга…
*
Тиздән туктар кебек барсы да…
*
15.12-02:17 – 16.12-00:24″

View this post on Instagram

A post shared by Әбри Хәбриев (@abri_xabrieff)

Запись Әбри Хәбриев: «Тиздән туктар кебек барсы да…» впервые появилась Tatar Today - татар яңалыклары..

Җырчы Чәчкәгә “няня” кирәк, кем таба?

Чулпан — Fri, 20 Oct 2017 09:00:42 +0000

Татар эстрадасының бердәнбер Чәчкәсе кызы Весна өчен тәрбияче, ягъни няня эзли. //ТМТВ//

“Концертлар белән чыгып китү сәбәпле, кызыбызны калдырып китәргә кирәк. Үзебез белән юлга алып чыгу куркыныч, кечкенәбез өчен зыянлы да, дип белдерде җырчы.

Ноябрь айларында башланачак гастроль турына Чәчкә шул рәвешле әзерлек башлаган. Беренче булып кызы өчен тәрбияче эзли. Әгәр дә сезнең арагызда белемле, балалар ярата торган, бу өлкәдә күпме дә булса тәҗрибәсе булганнар бар икән, Чәчкәгә мөрәҗәгать итә аласыз.

Запись Җырчы Чәчкәгә “няня” кирәк, кем таба? впервые появилась Tatar Today - татар яңалыклары..

Ландыш Нигъмәтҗанова гаилә архивыннан кеше ышанмаслык фактны ача [видео]

Гузель — Sun, 23 Apr 2017 11:10:16 +0000

Җырчы Ландыш Нигъмәтҗанова һәрвакыттагыча тамашачыларын тормышы белән таныштырып яши. Эстрада артисты тагын бер гаҗәеп видео белән бүлешкән. Дөрестән дә, сокландыргыч вә гаҗәеп күренеш! Нинди? Хәзер белербез. //Tatar Today//

View this post on Instagram

A post shared by LandyshNigmatjanova (@landyshnigmatjanova)

Ландышның өч баласы: ике малай һәм кызы булуын беләбез. Аларның һәркайсы белән җырчы һәрдаим фото һәм видеолар урнаштырып тора. Иң кечкенәсе – Гомәр белән йөкле булганда, ул рәхәтләнеп концерт куеп йөргән булган. Әле ничәнче айда, нинди атнада диярсез? Шаккаттыргыч! Менә-менә табам дип йөргән 9 айда, ягъни 38 атнада булган бу хәл.

Карынындагы бәбие күренми дә диярлек. Килешле күлмәкне сайлаган ул. Үзе дә үзгәрмәгән, озын үкчәле түфлиләр дә кигән.

“14 февраль! Гашыйклар көне…. Ике атнадан Гомәр (Әнисе аны ягымлы итеп “Гумәч” ди) туды. 28 февральдә”, дип яза Ландыш Нигъмәтҗанова.

Кешеләр моңа шаккатып фикерләрен җиткерә: “Сез гел тазармыйсыз мени? Бәбиле вакытта да?”, “Мин бәбиләргә ике атна калгач, йөри дә алмадым диярлек. Ә Ландыш рәхәтләнеп күңел ача. Әфәрин!”, “Монда корсак юк бит! Үкчә дә, үзе!”, “Гаҗәеп, сокланам”, “Бәби тудыру йортына сәхнәдән генә китмәдегезме сез?” дигәннәр.

Запись Ландыш Нигъмәтҗанова гаилә архивыннан кеше ышанмаслык фактны ача [видео] впервые появилась Tatar Today - татар яңалыклары..