View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Запись Асылъярның “Карлыгачлар” җырына 15 ел икән! [видео] впервые появилась Tatar Today - татар яңалыклары..

Җырчы Асылъяр тамашачыны сәхнәдә дә, телевидениядә дә сирәк чыгышлары белән генә куандыра. Сәбәпләре турында ул Tatar Today хәбәрчесенә сөйләде.

“Насыйп булса, концертларымны тамашачыга тәкъдим итәчәкмен. Сәхнәгә чыгарга атлыгып тормыйм… Инстаграмда булмаган бердәнбер җырчы миндер, мөгаен. Анда утыра башласам, гел нинди дә булса мәгълүмат кертеп барырга туры киләчәк. Ә минем вакытым юк… Бүгенге көндә миңа кинода төшәргә сценарий бирүче юк. Чын тулы мәгънәле роль булса, уйнар идем. Буш роль миңа кирәкми…”, дип сөйләде Асылъяр.

Запись Асылъяр кайчан сәхнәгә кире кайтачак? Инстаграмда юклыгы, кинога төшүгә фикере нинди? [видео] впервые появилась Tatar Today - татар яңалыклары..

Күпләрнең күңеленә “яланаяклы кыз” булып кереп калган моңлы тавышлы җырчы Асылъяр сәхнәдән югалып тору сәбәбен үзен гаиләгә, балаларына багышлау белән бәйле, дип әйткән иде. Татар Тудейга җырчы моның ни өчен шулай булуын сөйләде.

Җырчы Асылъяр: 

– Балалар тугач, төп игътибарымны гаиләгә юнәлттем. Һәрбер хатын-кызның бурычы – баларын тәрбияләп, аларга дөрес юлдан тайпылмаска булышу. Һәр милләттә төп кыйммәтләрнең берсе ул – гаилә. Безнең татар милләтендә инде бигрәк тә, гаилә – төп кыйммәтләрнең нигезе дияр идем. Гаиләле кешегә бөтенләй башка караш белән, төпле кеше итеп карыйлар. Бәхетнең формуласы юк. һәр гаиләдә аның үз рецепты була. Аны беркем дә төгәл итеп әйтеп бирә алмый. Ул – күңел, йөрәк, тоемлау эше.

Запись Асылъяр нигә сәхнәне түгел, ә гаиләне, балаларын сайлый? Җырчының бәхет формуласы нинди? [видео] впервые появилась Tatar Today - татар яңалыклары..

ТНВ каналында “Адәм белән Һава” тапшыруының ябылуы тамашачыларны борчуга салды. Күп тамашачы үз тарафыннан, телеэкраннарда дәрәҗәле урын алган әлеге тапшыруның ябылуына каршы булуын белдерде. “Адәм белән Һава”  тапшыру гына түгел, ә зәвыклы концерт-тамаша да. Казанның Филармония залында 9 гыйнвар узган әлеге концерт, тапшырудагы кебек үк кеше белән бер элемтәдә, интерактив форматында узды, һәм хәтта, эстрададан югалып торган, ләкин тамашачы күңелен яулаган артистларны да халык хозурына чыгарды.

Концертта чыгыш ясаган артистларның бөтенесе диярлек “Адәм белән Һава” тапшыруының геройлары. Сәхнәгә халык күңелен күптәннән яулаган, әмма соңгы арада эстрадада сирәк күренгән җырчылар да катнашты. Алар арасында Асылъяр һәм Дәниф Шәрәфетдинов иде. Моның өчен тамашачы оештыручыларга аерым рәхмәт сүзләрен белдерде. Асылъяр исә, Ләйлә Дәүләтова әйдәп барган тапшыруда катнашмаган бердәнбер җырчыдыр мөгаен:

— Ләйлә белән без күптәннән таныш. Баштан, аның турында, әлбәттә, шигырьләренә язылган җырларны тыңлап белдем, аннан үзе белән танышып аралаша башладык. Бүгенге көндә мин башкарган бер генә җырыбыз бар, ул да булса “Мәхәббәт көче” дип атала, алга таба тагын уртак иҗат җимешләребез булыр дип өметләнәм. Ләйлә оештырган концертта җырлау бик рәхәт, чөнки ниндидер бер табигый, иркен нотада уза тамаша, дип сөйләде Асылъяр.

Сүз уңаеннан, җырчы “Адәм белән Һава” тапшыруын бик рәхәтләнеп караганын әйтте, һәм аның ябылуы хакында Татар тудей хәбәрчеләреннән генә белгән икән. Асылъяр бу күренешкә үз фикерен белдерде.

— Бу тапшыруны гаиләбез белән карыйбыз һәм аның ябылуы хакында сездән  беренче ишетәм, һәм әйтәсем килә, андый тапшыру бетәргә тиеш түгел. Гомүмән, һәр милләттә гаилә кыйммәте-иң төп кыйммәтләрнең берсе, ә татарда инде ул бигрәк тә. Гаиләле кешегә бөтенләй икенчерәк караш бит бездә, гаиләле-төпле кеше димәк дип карыйлар бит. Милли кыйммәтләребезнең төп нигезләренең берсе-гаилә, минемчә. Шуңа күрә, мондый тапшыру булырга тиеш. Беренчедән, ул тапшыру тамашачыга гаилә кыйммәтләренең әһәмиятен күрсәтсә, икенчедән, татар телебезне саклауда һәм үстерүдә зур ярдәм куя, чөнки бүгенге көндә телебез бетте диярлек, бары тик аһәңнәре генә калды. “Адәм белән Һава” телне саклауның бер юнәлеше иде. Мондый тапшырулар булырга тиеш, чөнки анда төрле гаиләләрне күрсәтәләр, гаилә булгач балаларга да сораулар бирәләр, фикерләрен беләләр. Тапшыруны бит олылар гына түгел, балалар да карый, ә телевизордан, интернеттан күрсәткән күренешләр популяр дип санала. диде җырчы.

Тамаша җырлар белән генә чикләнмәде, сәхнәдән пародияләр дә яңгырады. Халык тарафыннан аерым җылы кабул ителгән һәм алкышларга күмелгән чыгышларның берсе Фирдүс Тямаев һәм Русия президенты Владимир Путинга ясалган пародия иде. Пародияләрне, концертны алып барган Айнур Сөләйманов башкарды. Путинга ясалган пародиядә “Адәм белән Һава” тапшыруы ябылуы телгә алынды. Имеш тә нәкъ менә шул сәбәпле Путин бирегә килгән һәм әлеге мәсьәләне чишәргә җыена.

Популяр җырчы Дәниф Шәрәфетдиновның сәхнәгә чыгуы тамашачыларның күңелен тагын да күтәрде. Җырчының эстрададан югалып торуы халыкны борчуга салган булган. Искәртеп үзганча, тамаша интерактив рәвештә барды, тамашачылар Дәниф Шәрәфетдиновка сораулар яудырып, аның сәламәтлеге хакында, кайчан концертлары башлануы хакында сорашты һәм концертны оештыручы Ләйлә Дәүләтовага мондый артистларны күрергә мөмкинлек биргән өчен олы рәхмәтләрен белдерде.

Тамашада катнашкан популяр инстаблогер, инвалид арбасында булган Миләүшә Зарипова “Адәм белән Һава” тапшыруы аның тормышын ничек үзгәрткәне турында сөйләде.

— Бер көнне кибеттә булган вакытта “Эх, “Адәм белән Һава” тапшыруында катнашсам иде” дип хыялланып алдым. Ышанасызмы, биш минут та үтми Ләйлә Дәүләтова “Миләүшә, сезне тапшыруымда катнашырга чакырмакчы идем”, дип шалтырата. Чын могҗиза булды бу. Ул вакытта нәкъ инстаграмымны үстергән чакларым иде, шушы тапшыруда катнашканнан соң, бик күп кеше минем белән кызыксына, таный башлады. Шуның өчен мин Ләйлә Дәүләтовага бик рәхмәтлемен. Ул артистларны гына түгел, безнең кебек, әйтик мөмкинлекләре чикле булган, кешеләрне дә чакырып халыкка таныта. Бу бик мөһим һәм әлеге тапшыруның әһәмияте дә шунда иде. Инде тапшыру ябыла дигәч мин үзем дә бик борчылдым. Миңа калса, тапшыруны бетерергә ярамый, һәм Ләйлә моңа юл да куймас, ул барыбер берәр җаен табып тапшыруны алга таба да дәвам итәчәк дип өметләнәм, диде безгә Миләүшә ханым.

Әйе, дөрестән дә, тапшыруның авторы һәм алып баручысы Ләйлә Дәүләтова тапшыруны ябарга җыенмый. Барлык нечкәлекләрен безгә сөйләмәсә дә, тапшыруның һичшиксез дәвамы булачагы турында әйтте.

— Концертта катнашкан барлык артистларга да зур  рәхмәт, чакырганнары да, чакырмаганнары да килде. Ә тапшыруга килгәндә, кайгырырга кирәк түгел. Әйе, ул ябылды, ләкин халыкның моңа карата булган көчле реакциясе, үземә зур көч өстәде һәм, Аллаһ бирсә, ачырбыз дип уйлыйм. Төп төгәл ничек һәм кайчан икәнен әлегә әйтә алмыйм, ләкин “Адәм белән Һава” алга таба да тамашачыны яңа геройлар белән сөендерәчәк һәм тагын да яхшырак һәм кызыклы булачак. Тапшыруның форматын үзгәртәсем, яңалык өстисем килә. Әлегә шул үзгәртү өстендә эш алып барабыз. Камиллекнең чиге юк, шуңа күрә тагын да кызыграк итеп эшләргә ният, чөнки кеше нәрсә карарга тели -аңа шуны бирергә кирәк, дип әйтте Татар тудейга шагыйрә Ләйлә Дәүләтова.

“АДӘМ БЕЛӘН ҺАВА”НЫҢ УЗГАН ЕЛГЫ КОНЦЕРТЫ

Запись “Адәм белән Һава” концертында тамашачылар, җырчылар ТНВда тапшыруның ябылуына каршылык белдерде [видео] впервые появилась Tatar Today - татар яңалыклары..

– Ничә еллап сәхнәдә күренми тордыгыз?

– 2012 нче елны минем соңгы сольный концертым узды. 2013 нче елда – улыбыз, 2016 нчы елда кызыбыз туды. Балаларны калдырып, сәхнә эшчәнлегенә бөтенләй кереп китүне дөрес дип тапмадым инде. Әлбәттә, әниләргә дә калдыру мөмкинлеге бар иде. Һәрберсе 3 яшькә кадәр, балалар бакчасына тапшырганчы, минем кулда булдылар инде.

– Әни җылысын тоеп үсәргә тиеш бала, шулай бит?

– Әйе, аннан соң уйлый идем инде мин, балаларның бу вакытларын берничек тә кайтарып алып булмый. Нинди генә зур теләгең, акча булса да. Аларның шушы күз карашларын, аның исләрен, беренче адымнарын, сүзләрен берничек тә кире кайтарып булмый. Менә мин шул якларын уйладым. Ә җырым һәрвакыт минем белән. Аны миннән беркем дә ала да алмый. Җырларымны яздыра киләм, интернет челтәренә әле дә куя барам. Хәзер менә эшкә чыктык, иҗат та әкренләп кенә үз юнәлешен ала.

– Асылъяр балалар тәрбияләгән арада сәхнә үзгәргәнме?

– Аның асылы шул ук калган. Ә менә төсмерләр үзгәргән, яңа җырчылар, юнәлешләр барлыкка килгән. Аларның кайсылары күңелемә хуш килә, кайсыларын кабул итеп бетерә алмыйм. Ул яклары бар. Ничек кенә булмасын, безнең эстрада сәнгате барыбер үсештә дип уйлыйм. Үзебезнең милләткә генә хас бизәкләребез ул җыр сәнгатендә дә чагыла. Менә шушы үзенчәлекләрне өскә күтәреп алып чыгып, дөнья күләмендә ишеттерәсе килә. Һәр җырчы үз урынында.

– Стилегезне үзгәртергә җыенасызмы яисә үз сукмагыгыздан барачаксызмы?

– Үз юлымнан барырга уйлыйм. Миллилекне саклап, яңа алымнарны кушып иҗат юнәлешемне дәвам итәсем килә.

Запись Асылъяр: “Менә мин шул якларын уйладым”. “Карлыгачлар”ны таныткан җырчы нигә сәхнәдән югалып тора? [видео] впервые появилась Tatar Today - татар яңалыклары..

– Соңгы арада тамашачы мине югалтты. Яңа җырларым язылып торды, ләкин балалар кечкенә булганлыктан концертларга һәм гастрольләргә чыгып китәргә теләмәдем. Башка артистлар иҗат итү өчен вакыт таба, тик мин балалар кечкенә булгач, чыгыш ясарга кыенсындым. Бөтен игътибарымны якыннарыма юнәлттем, үземне аларга багышладым. Хәзер олысына – 5, кечкенәсенә – 2 яшь. Мин концертларда булганда дәү әниләре белән кала алалар. Иҗат итәргә, эшләргә керештем. Татар халык җырларын яратып башкарам, ләкин хәзер заманадан калышып булмый. Алга таба репертуарны баетырга, заманча стильдә берничә җыр эшләп карарга планлаштырдым. Тик халыкчанлыкны алып ташлап булмый. Кайбер җырчыларда халык җырларын башкару осталыгы юк, миндә ул сәләт бар һәм мин аның белән горурланам.

– Асылъяр, сәхнәдә бик тыйнак һәм килешле киенәсең.

– Әйе, чөнки мин ачык киемнәр кияргә оялам. Аз гына ачык кием кисәм дә, үземне уңайсыз хис итәм. Каушый һәм җырларымның сүзләрен оныта башлыйм. Гомумән, татар хатын-кызлары һәрвакыт тыйнак киенергә тиеш. Сәхнә матурлыкны ярата, тик чамасын белергә кирәк. Без тамашачыны җырларыбыз белән генә түгел, үз үрнәгебездә дә тәрбиялибез.

– Бик нык ябыккансың, сере нәрсәдә?

– Яшь барган саен кайбер кеше тазара, кайбер кеше ябыга бит. Минем тән авырлыгым шундый ук, аз гына йөз-битем үзгәрде. Камыр ризыкларын үлеп яратам, шуңа күрә диеталар тотканым юк.

Фото: Салават Камалетдинов

intertat.tatar

Запись “Йөз-битем үзгәрде” – Асылъяр ни өчен сәхнәдән югалып торган? впервые появилась Tatar Today - татар яңалыклары..