Архивы буран - Tatar Today - татар яңалыклары.

Тагын буран була, диләр…

Алсу Мансурова — Fri, 26 Feb 2021 11:49:58 +0000

Татарстан синоптиклары буран, бозлавык һәм кар көртләре хакында кисәтә.
Һава шартлары начараю аркасында күз күреме 500-1000 метрга кадәр кимиячәк.

Иртәгә, 28 февральдә, Татарстанда һава шартларының начараюы көтелә.

ТР Гидрометеорология һәм әйләнә-тирә мохитне күзәтү идарәсенең матбугат хезмәтеннән хәбәр итүләренчә, төнлә һәм иртән республика территориясендә, Казанны да кертеп, көчле кар явачак. Төнлә дә, көндез дә буран чыгуы көтелә, буран вакытында күз күреме 500-1000 метрга кадәр кимиячәк.

Моннан тыш, җилнең тизлеге урыны белән секундына 15-18 метрга кадәр җитәчәк (республика башкаласында җил төнге сәгатьләрдә көчәер дип көтелә). Юлларда бозлавык һәм кар көртләре барлыкка киләчәк.

Чыганак : "Татар - информ" МА

Запись Тагын буран була, диләр… впервые появилась Tatar Today - татар яңалыклары..

Атна азагында… яз килә?!

Алсу Мансурова — Tue, 19 Jan 2021 12:36:36 +0000

Атна ахырында Россиянең Европа өлеше үзәгендә температура 0 градуска кадәр күтәреләчәк дип яза “РИА Новости” РФ Гидрометеоүзәгенең фәнни җитәкчесе Роман Вильфандка сылтама белән.

Көнбатыштан һәм көньяк-көнбатыштан искән җил температураның күтәрелүенә китерәчәк, дип фаразлый синоптик. Чәршәмбегә каршы төндә -20 градус тирәсе салкын булса да, көндез һава җылынып, -10 градус тәшкил итәчәк.

Алга таба көннәр тагын да җылынып, төнлә температура -10… -15, көндез -3…-5 градустан артмаячак икән.

Атна ахырында исә температура 0 градуска якынаер дип көтелә, дип фаразларын җиткергән Роман Вильфанд.

Запись Атна азагында… яз килә?! впервые появилась Tatar Today - татар яңалыклары..

Сак булыгыз! Татарстанда давыл котыра

Лэйсирэ — Mon, 18 Feb 2019 17:06:03 +0000

Татарстанда шторм кисәтүләре игълан ителде. Бу хакта Татарстан Республикасы Гидрометеорология һәм әйләнә-тирә мохитне күзәтү идарәсендә хәбәр иттеләр, дип яза Татар-информ.

«18 февральдә кич белән һәм 19 февральдә төнлә Татарстан Республикасы территориясендә төньяк җиленең секундына 21-26 метрга кадәр көчәюе көтелә» , – диделәр идарәдә.

Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә республика халкына һәм кунакларына һава торышы начар булганда куркынычсызлык чаралары турында искә төшерәләр.

Урамда булганда, бина эченә керергә тырышырга кирәк. Агачлар астында яки йорт диварлары кырыена качарга кирәкми, чөнки җил агач ботакларын сындырырга, түбәне яки андагы карны алып атырга мөмкин. Электр тапшыру линияләре астында булу һәм өзелгән үткәргечләргә якын килү үлем куркыныч белән яный.

Машина йөртүчеләргә ерак юлга чыгудан һәм торак пунктлардан читкә китүдән тыелып торырга кирәк. Хәрәкәт вакытында тизлек режимын сакларга, кискен үзгәртеп коруларны һәм кинәт тормозга басуны булдырмаска киңәш ителә.

Запись Сак булыгыз! Татарстанда давыл котыра впервые появилась Tatar Today - татар яңалыклары..

Татарстанда көчле бураннарның күпме дәвам итәчәге билгеле

Лэйсирэ — Mon, 24 Dec 2018 15:19:44 +0000

Татарстан территориясенә көньяк-көнбатыштан килгән циклон йогынтысында кар-бураннар өч көн булачак. Бу хакта Татарстан Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә, дип яза Татар-информ.

Республикада бүген көн ахырына кадәр 5 – 7 мм күләмендә кар явачак. 25, 26 һәм 27 декабрьдә республикада аязучан болытлы һава торышы саклана, вакыт-вакыт көньяк-көнчыгыштан искән көчле җилнең тизлеге 18 метрга кадәр җитә.

Шул ук вакытта буран һәм кар явуы көтелә. 26 декабрьдә көндез һәм 27 декабрьдә төнлә урыны белән көчле буран көтелә. Юлларда бозлавык һәм кар көртләре хасил була. Синоптиклар бу көннәрдә 10–15 мм кар явачак, дип фаразлый.

Иртәгә, 25 декабрьдә, төнлә һава температурасы – 13 градус, аязганда – 16 градус була. Көндез бераз җылыта һәм -6, -11 градус салкын көтелә.

26 декабрьдә төнлә -15 градус, аязганда -20 градус, ә көндез -5, -10 градус булуы көтелә. 27 декабрьдә көндез -3 градус салкын була,диелгән әлеге хәбәрдә.

Моңа кадәр “Татар-информ” Татарстандла ЮХИДИ хезмәткәрләренең машина йөртүчеләргә шәһәрдән читкә чыгудан тыелып торырга киңәш итүен хәбәр итте.

Фото: tatar-inform

Запись Татарстанда көчле бураннарның күпме дәвам итәчәге билгеле впервые появилась Tatar Today - татар яңалыклары..

Буранга кемнәр сөенә, кемнәр көенә… [фото]

Чулпан — Mon, 05 Feb 2018 10:29:11 +0000

Һава торышы үзен көйсез яктан күрсәтә. Татарстанда айлык явым-төшемнең яртысыннан артыгы күләмендә кар ява дигәннәре хак булды. Бөтен Татарстан кар астында. //Tatar today//

Шулай да мондый һава торышына сөенүчеләр дә, көенүчеләр дә бар. Инстаграмга күзәтү ясадык.

Бу – метрога чират торучылар һәм бүгенгә ябык дип игълан ителгән “Мега” сәүдә үзәге. Бөкеләр дә юк түгел.

View this post on Instagram

A post shared by Мамы Казани и РТ. Блогер (@kazan_mama)

Гөлназ Сафарова мондый буранлы кышка шатлана гына.

View this post on Instagram

A post shared by Gulnaz Safarova (@saffarka)

Ландыш балаларын кайсын-кая илтеп урнаштырган, “җыеп алып булырмы?” ди.

View this post on Instagram

A post shared by LandyshNigmatjanova (@landyshnigmatjanova)

Универсиада авылыннан күренеш.

View this post on Instagram

A post shared by Деревня Универсиады (@universiadevillage)

https://www.instagram.com/p/BezohIKHrE6/?taken-by=vkazani_interesno_

Запись Буранга кемнәр сөенә, кемнәр көенә… [фото] впервые появилась Tatar Today - татар яңалыклары..

Татарстанда кабат көчле бураннар көтелә, сак булыгыз!

Редактор1 editor1 — Sun, 19 Feb 2017 13:09:42 +0000

Гидрометеорология һәм әйләнә-тирә мохитне күзәтү идарәсе 20 февральдә төнлә һәм көндез һава торышы начарлануы турында кисәтә //T атар информ//.

Татарстанның кайбер районнарында һәм Казанда 500-1000 метр күз күреме белән буран (Казанда төнлә һәм иртән); көньяк-көнбатыштан секундына 17-22 метр тизлектәге җил (Казанда секундына 15-18 метрга кадәр); бозлавык (Казанда төнлә һәм иртән); кар көртләре, аяк астында кар боткасы булыр дип көтелә.

Запись Татарстанда кабат көчле бураннар көтелә, сак булыгыз! впервые появилась Tatar Today - татар яңалыклары..

Урамда буран, юлларда бөкеләр [һава торышы]

Редактор1 editor1 — Tue, 14 Feb 2017 10:34:48 +0000

Казанда һава торышының үзгәрүе сәбәпле юллардагы вазгыять начарланып китте. Көчле буран юл-транспорт һәлакәтләре һәм бөкеләр тудырды. //Татар-информ, Tatar Today//

«Яндекс. Бөкеләр» сервисы мәгълүматлары буенча Казан юлларында тыгынлык 7 баллга җитте. Иң зур бөке Җиңү проспектында академик Сахаров урамыннан Өченче транспорт дамбасына кадәр күзәтелә. Бу бөке һәлакәт булу нәтиҗәсендә барлыкка килгән.

Ямашев проспектында да шундый ук тыгынлык күзәтелә. Хәрәкәт Әмирхан проспектыннан Өченче транспорт дамбасына кадәр тукталган. Болардан тыш Оренбург трактыннан Универсиада проспектына кадәр Әмәт магистралендә бөке сузылган.

Иртәнге өч сәгать эчендә кизү частена 60лап юл-транспорт һәлакәте турында хәбәр килеп ирешкән.

Менә шушындый бөкеләр белән Казан урамнары тулды. Кемдер укырга, эшкә соңга калып, һава торышын тәрәзә аша каһәрләп баргандыр бүген.

бөкеләр

Запись Урамда буран, юлларда бөкеләр [һава торышы] впервые появилась Tatar Today - татар яңалыклары..

Иртәгә һава шартлары начарланачак

Редактор1 editor1 — Mon, 05 Dec 2016 15:06:41 +0000

6 декабрьдә, Татарстанда, шул исәптән Казанда төнлә һәм көндез һава шартларының начарлануы көтелә. Бу хакта ТР Гидрометеорология үзәге хәбәр итә.

Көчле кар явачак, буранлаячак, күз күреме 500-1000 м булыр дип фаразлана. Көньяк-көнбатыштан 17-22 м/с тизлектә көчәючән җил көтелә.

Республика юлларында кар көртләре.

Татар-информ

Запись Иртәгә һава шартлары начарланачак впервые появилась Tatar Today - татар яңалыклары..

Юллар үлем шугалагына әйләнә: Әлмәт районында ике кеше үлгән [видео]

Редактор1 editor1 — Sat, 03 Dec 2016 16:19:25 +0000

Әлмәт районында ике кеше үлеменә китергән һәлакәт булган, дип хәбәр итә Россия Гадәттән тыш хәлләр министрлыгының Татарстан буенча баш идарәсе матбугат хезмәте.

Әлмәт – Азнакай трассасының 12 чакрымындагы һәлакәт турындагы хәбәр 112 бердәм диспетчерлык хезмәте номерына 11.15тә алынган. «Фольксваген Поло» һәм 13нче модель “Лада” бәрелешү нәтиҗәсендә илдә җитештерелгән автомобильне йөртүче 35 яшьлек ир-ат һәм 38 яшьлек пассажир үлгән. Чит ил машинасын йөртүче 26 яшьлек егет күкрәк читлеге җәрәхәтләнеп хастаханәгә озатылган.

Татар-информ

Запись Юллар үлем шугалагына әйләнә: Әлмәт районында ике кеше үлгән [видео] впервые появилась Tatar Today - татар яңалыклары..

Казанда 69 яшьлек пенсионер хатын юл һәлакәтенә очрап, умыртка баганасын сындыра

Редактор1 editor1 — Mon, 31 Oct 2016 19:48:23 +0000

Кичә башкалабыз Казанда булган тагын бер юл һәлакәте ачыкланды. 69 яшьлек ханым Оренбург трактында үзе йөрткән «Фольксваген» машинасында юл кырыена төшеп китеп умыртка баганасын сындыра. Сәбәбе – тиешледән артык тизлекне арттыру. Аны ашыгыч ярдәм белән хастаханәгә алып китәләр.

Татар-информ

Запись Казанда 69 яшьлек пенсионер хатын юл һәлакәтенә очрап, умыртка баганасын сындыра впервые появилась Tatar Today - татар яңалыклары..