Архивы Илназ Баһ - Tatar Today - татар яңалыклары.

“Үз өстендә эшләми” – “Акчарлак”ка Салават аннан күпне өмет итеп, күңелен төшергән җырчыны атый

Alfia — Fri, 24 Jan 2020 09:53:10 +0000

// Татар Тудей // Татар Бүген //

Халык артисты Салават Фәтхетдинов “Акчарлак”ка биргән интервьюсында үзе күп өметләр баглаган җырчы, Татарстанның атказанган артисты Илназ Баһ, турында сөйли.

“Кумирым – Илназ Баһ иде. Тик соңгы вакытта үз өстендә эшләми, югалып калды. Аннан күпне өмет иткән идем. Минем урынга калачак җырчы, дип тә уйлаган идем”, – ди Салават Фәтхетдинов әлеге әңгәмәдә.

Запись “Үз өстендә эшләми” – “Акчарлак”ка Салават аннан күпне өмет итеп, күңелен төшергән җырчыны атый впервые появилась Tatar Today - татар яңалыклары..

Илназ Баһ һәм Гүзәл Идрисова гаиләсе белән Төркиядә ял иткән вакытта күңелсез хәл була

Alfia — Wed, 16 Oct 2019 06:09:25 +0000

// Татар Тудей // Татар Бүген //

Татарстанның атказанган артисты Илназ Баһ һәм Гүзәл Идрисова гаиләләре белән Төркиядә ял иткән вакытта күңелсез хәл була, аларның туй балдакларын, Гүзәлнең алтын йөзекләрен урлыйлар. Бу хакта Илназ Баһ инстаграмда хәбәр итә.

“Бар да яхшы, күңелле, рәхәт иде, тик бүген кич бөтен кәефне төшерделәр. Ишеткәнемчә, Төркиядә каракларны нык жәзалыйлар. Без дә шуңа ышанып, әллә ни борчылмадык. Туйда бер-беребезгә бүләк иткән туй балдакларын һәм Гүзәлгә бик кадерле булган алтын йөзекләрен бүлмәбездән урлаганнар.

Шунысы кызык, акчалар, паспортлар,телефон, планшет – бар да урынында. Иң кызыгы: минем туй балдагы муенсага тагылган иде, муенсаны калдырганнар, ә йөзеген юк”, – ди Илназ Баһ.

https://www.instagram.com/p/B3p0zAJIIpv/?igshid=1j9s5kfgt9e7q

Мәгълүмат Илназ Баһ инстаграмыннан

Запись Илназ Баһ һәм Гүзәл Идрисова гаиләсе белән Төркиядә ял иткән вакытта күңелсез хәл була впервые появилась Tatar Today - татар яңалыклары..

Гүзәл Идрисова: “Һәм мин шунда бөтен нәрсә уйлаганнарымны чәчеп салдым. Болай ярамый…”

Alfia — Tue, 08 Oct 2019 21:22:24 +0000

// Татар Тудей // Татар Бүген //

7 октябрь Казанның Филармония залында җырлы гаилә Илназ Баһ һәм Гүзәл Идрисованың “Пар алма” дип исемләнгән концертлары узды.

“Пар алма” дигән исем концерттагы һәр күренешкә, чыгышка юнәлтелгән иде. Парлы гаилә дуэтлары чыгышы, алып баручылар, уртак тормыш турындагы мәзәкләр – болар барысы да моңа ачык дәлил булып тора. Хәтта алып баручылар уенга да парлап килгән гаиләләрне дәшеп алды һәм гаилә тормышына караган үзенчәлекле сорау-биремнәр яудырып, аларга бүләкләр өләшеп, тамашачының күңелен күрде.

Әйе, әлеге кичәне, чын мәгьнәсендә гаилә бәйрәме дияргә була. Алар үзләре дә аны шулай дип атады. Илназ Баһ белән Гүзәл Идрисованың бергә гомер итүләренә 10 ел. Программа аларның бу бәйрәменең асылын тулысынча ачып бирде. Баһлар гаиләсенең тулы составта искиткеч мәгънәле җыр башкаруы гына да ни тора иде.

Концертта җылы мохит тудыруда Илназ һәм Гүзәлнең тамашачы белән ихлас аралашуы да мөһим роль уйнады. 10 ел бергә үткән юлларының хатирәләре белән бүлеште алар.
⠀
“Гаилә булгач, төрле хәлләр була. Ләкин барыбер гаиләбездә күңелле мизгелләр күбрәк булды, Аллага шөкер”, – диде Гүзәл Идрисова.

Моннан 10 ел элек булган уртак хатирәләрне дә искә төшереп үтте Баһлар гаиләсе. Бервакыт Арчага җырларга чакыргач, Казанда бөкеләр булу сәбәпле, ике араны 23 минутта үткәннәр алар. Ләкин концерт 1 сәгатькә соңрак башланган. “Һәм мин шунда бөтен нәрсә уйлаганнарымны чәчеп салдым. Болай ярамый. Әле матур гына гаилә корасы бар, сәламәтлек мөһим, әз генә соңга калсак та була дидем”, – ди Гүзәл Идрисова. Хәзер инде гаилә белән булганда, Илназ Баһ тизлекне арттырып йөрми икән.

Гомумән, җырлы гаиләнең әлеге концерты үзенчәлекле иде, чөнки биредә 10 ел элек булган хәлләрдән бүгенге көнгә кадәр “җыр күпере” салынган. Ә Хәния Фәрхи репертуарыннан “Ышан бары йөрәк авазыңа” дигән җыр башкарылганнан соң, тамашачының аягүрә басып Баһлар гаиләсен алкышлавы аерым игьтибарга лаек. Чыгыш ясаган дуслары-туганнары, шулай ук сәхнәгә менеп котлаган якыннарының җылы сүзләре дә моңа тагын бер сәбәп булып торадыр, мөгаен.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Татар-информ фотолары

Запись Гүзәл Идрисова: “Һәм мин шунда бөтен нәрсә уйлаганнарымны чәчеп салдым. Болай ярамый…” впервые появилась Tatar Today - татар яңалыклары..

“Йолдызлы хит-парад”ның җырчылары һәм кайларга баруы билгеле

Гузель — Wed, 24 Jul 2019 12:52:13 +0000

//Tatar today//

Шушы көннәрдә Винарис Ильегет Пермь краенда гөрләтеп концертлар куеп йөри. Ул “Йолдызыл хит-парад” катнашучылары белән Сабантуй мәйданнарын шаулата.

Концертта Гүзәл Асылбаева, Ләйсән Мәхмүтова, Илназ Баһ, Гүзәл Идрисова, Мөнир Рахмаева, Рамил Закиров һәм Римма Никитина катнаша.

View this post on Instagram

A post shared by Ведущий свадеб Казань (@vinaris_ilyeget)

25 июльдән концертлар Башкортстанда дәвам итәчәк.

25 июль – Албай

26 июль – Иске Калмаш

27 июль – Калмашбаш

28 июль – Рәжәп

29 июля – Таулар

Октябрь аеннан “Йолдызлы хит-парад”, киңәйтелгән состав белән, Татарстан районнарына кузгалачак.

View this post on Instagram

A post shared by Ведущий свадеб Казань (@vinaris_ilyeget)

Сүз уңаеннан, бу проектны оештыручы да нәкъ менә Винарис Ильегет. “Йолдызлы хит-парад” турында ул болай дип сөйләгән иде: «Бу бик көчле, кызыклы, яңа сулышлы проект. Ул 3 ел элек оешкан иде, аннары бераз туктап торды. Хәзер исә без яңадан ныклап эшли башладык”.

Запись “Йолдызлы хит-парад”ның җырчылары һәм кайларга баруы билгеле впервые появилась Tatar Today - татар яңалыклары..

Илназ Баһтан “Җиләкле алан” торты рецепты [фото]

Лэйсирэ — Wed, 13 Jun 2018 17:08:14 +0000

«Алтын Барс» (дистәгә якын!), «Алтын йолдыз» милли музыкаль премияләре лауреаты, автор-башкаручы Илназ Баһны бер дә өйдә туры китерерлек түгел икән. Бер карыйсың – хәләле Гүзәл белән әле Төмән якларында, әле Мәскәүдә…

«Аңла йөрәгемне», «Бер күрешү үзе бер гомер», «Мин сине көтәрмен», «Ярый әле син бар, туганым» – тамашачы аны әнә шушы җырлары белән кабул итте, яратты… Казан афишаларыннан да Илназ Баһ–Гүзәл Идрисова исемнәренең төшеп торганы юк. Әти-әнисенә ияреп, уллары Камил белән Рамил дә еш чыга сәхнәгә. Хәтта бәләкәйләре – икенче яше белән генә барган Марсельләре дә әтисенең концерт баянына барып ябышырга гына тора, артист балалары шул!

Артист гаиләсе белән якыннанрак танышу, бер уңайдан аш-су дәресе дә уздырырбыз, дип аларга кунакка барып кайттык. Бик тәмле бәйрәм торты пешереп күрсәтте Илназ. Якыннарын куандырырга теләгән ир-егетләребез өчен менә дигән рецепт.

Кирәк:
(камыр өчен)
2 йомырка;
1 стакан шикәр комы;
1 стакан кефир;
1 стакан җиләк кайнатмасы (теләсә нинди кайнатма да ярый, әмма төшсез булырга тиеш);
1 кап камыр күперткеч (10 г);
1 кап ванильле шикәр (10 г)
1,5 стакан он.

Крем өчен:
1 стакан кибет каймагы;
140 г эремчекле сыр («Творожный сыр»);
ярты стакан шикәр оны (пудра);
тортның өстен бизәр өчен бер-ике уч җиләк тә кирәк (катырылганы да ярый).

Эш барышы:
Тирән эчле савытка йомырка сытып, шикәр комын кушабыз һәм бик яхшылап күпертәбез. Кул белән озаграк булыр, блендер белән күпертсәгез – эш тизрәк барачак.

Икенче бер савытта кефир белән кайнатманы һәм ванильле шикәрне бергә кушабыз. Соңыннан күпертелгән йомыркага кайнатмалы кефирны салып, камыр изәбез. Онны кулланыр алдыннан гына иләргә һәм коры килеш камыр күперткечне кушып болгатырга кирәк.

Камырда төерләр булмаска, һәм ул куе каймакны хәтерләтергә тиеш. Әйткәнебезчә, блендер белән тугласагыз тизрәк тә, уңайрак та була.

Әзер камырны төбе мул итеп майланган табага агызып, кайнар мичкә куябыз. Әзерлеген коры шырпы батырып белергә мөмкин, шырпы коры чыкса, димәк, пешкән.
Крем белән бизи башлаганчы, торт суынырга тиеш.

Крем ясау:
тирән эчле савытка каймак һәм шикәр оны салып, яхшылап туглыйбыз. Аннары эремчекле сыр өстәп, блендер белән күпертәбез. Кремны ярты сәгатькә суыткычка тыгып торсаң – әйбәт.

Суынган торт өстенә мул итеп крем ягабыз. Тортны табынга пешкән савыты белән чыгарабыз, чөнки ул бик матур. Әгәр дә аны табадан бушатасы булса, кремны тортның кырыйларына да ягасы.

Тортның өстен туңдырылган каен җиләге белән бизибез. Монда инде тулы ирек – кем ничек булдыра ала, шулай бизи. Каен җиләген теләсә нинди җимеш – кура җиләге, карлыган, бөрлегән дә алыштыра ала.

syuyumbike.ru

Запись Илназ Баһтан “Җиләкле алан” торты рецепты [фото] впервые появилась Tatar Today - татар яңалыклары..

Илназ Баһ үзенең туган көнендә хатынына кулга тотмаслык бүләк ясаган

Редактор1 editor1 — Mon, 28 Nov 2016 20:02:42 +0000

7 ноябрьдә эстраданың популяр җырчысы Илназ Баһка 33 яшь тулды. Бу уңайдан Илназ Казанда «33 яшькә – 33 җыр» исемле, чын мәгънәсендә гаилә бәйрәменә әверелгән концерт-тамаша оештырды.

Концерт Илназ турында төшерелгән видеосюжет белән башланып китте. Анда җырчының укытучылары, остазлары, якын дуслары Илназ белән бәйле якты хатирәләрне искә алды, туган көне белән котлап изге теләкләрен җиткерде. Концертны җор телле Фәнил Вакказов алып барды. Ул да, тамашада чыгыш ясаган Резеда Шәрәфиева, Рәсим Низамов, ИлСаф, Азат Фазлыев, Айгөл һәм Ришат Шәйхетдиновлар Илназ иҗат иткән җырларны башкарды. Җырчының туган ягы – Арчадан балалар бию төркеме килгән иде. Алар Илназ рәсеме төшерелгән футболкалар киеп чыгыш ясады.

Өч бала әтисе Илназ Баһ тормыш иптәше, җырчы Гүзәл Идрисова өчен махсус «Бишек җыры» язган. «Күптән мондый рухтагы җыр җырлыйсым килә иде, ниһаять, өченче балабыз тугач, Илназ язып бирде», – ди Гүзәл. Аны башкарганда, быел бәби тапкан җырчы әниләр дә балалары белән сәхнәгә чыкты. Баһларның олы уллары Камил дә әтисенең туган көненә әзерләнгән, үзе генә җыр башкарды. Илназ исә «Улларыма» дип исемләнгән тирән мәгънәле яңа җырын тәкъдим итте. Илназның зур тату гаиләсен күреп күпләр сокланып карады. Бу кичтә чәчәк бәйләмнәренең, бүләкләрнең чиге юк иде. Бәйрәм концерты соңында сәхнәгә туган көн бәлеше чыкты!

Интертат.ру

Запись Илназ Баһ үзенең туган көнендә хатынына кулга тотмаслык бүләк ясаган впервые появилась Tatar Today - татар яңалыклары..

Гүзәл Баһ интернетка сабыйларның фотоларын куеп шау-шу уята [фото]

Редактор1 editor1 — Sat, 12 Nov 2016 08:03:01 +0000

Интернеттан башка тормышны күз алдыбызга да китереп булмый. Вконтакте, фейсбук, инстаграм челтәрендә кемнәр генә утырмый! Йолдызлар өчен дә интернет тамашачылары белән аралашу, күбрәк танылу мөмкинлеге бирә.

Җырчы Илназ Баһның тормыш иптәше, шулай ук татар эстрадасы йолдызы Гүзәл Идрисова бу көннәрдә инстаграм челтәрендә яңа туган сабыйларның фотоларын урнаштырды. “Хөрмәтле дуслар!!! Конкурс игълан итәм. Бу фотоларда быел туган кайсы артист әниләренең бәбиләре бар? Кайсыгыз җавапны төгәл әйтә, 27 ноябрьдә Илназ Баһ концертына билет бүләк итәбез. Бу сабыйлар әле конертта Алла Бирсә үзләре дә катнашачак”, дигән җырчы.

хормэтле дуслар!!! Конкурс игьлан итэм! Бу фотоларда быел туган , кайсы артист энилэрнен бэбилэре бар? кайсыгыз жавапны тогэл эйтэ 27 НОЯБРЬДЭ @ilnaz_bah_official концертына билет булэк итэбез. бу сабыйлар эле концертта Алла бирса узлэре дэ катнашачак???? #ильназбах#гузельидрисова#27ноябрьпирамида???

Фото опубликовано Гузель Идрисова Певица (@guzelbah) Ноя 11 2016 в 2:04 PST

Сабыйларның күркәм фотолары игътибарсыз калмады. Әлбәттә, бик күпләр бушка билет алырга теләп, җавапларын яза башлады. Исегезгә төшерәбез, быел бик күп җырчы-артистлар бер вакытта әни булды.

Ләкин шул ук вакытта, Гүзәлне гаеп итүчеләр дә табылды. “Сабый фотоларын куеп, үзегезгә реклама ясау дөрес микән” кебек комментарияләр калдырдылар, хәер, тиз арада аларны бетереп тә аттылар. Әмма хатын- кызлар: “Әллә нинди каты күзле кешеләр бар, ник куясыз сабыйларны”, дип язуларын дәвам итте.

Гүзәлне яклап чыгучылар да күренде: “Балаларның әниләре үзләре беләләрдер. Ул балалар хәзер зур бит инде”, дип яздылар.

Запись Гүзәл Баһ интернетка сабыйларның фотоларын куеп шау-шу уята [фото] впервые появилась Tatar Today - татар яңалыклары..

Илназ Баһ шәфкать туташына гашыйк була [видео]

Габдулла Тукай — Fri, 30 Sep 2016 14:34:39 +0000

Татар эстрадасының популяр җырчысы Илназ Баһның “Йөрәгем яна” исемле җырына төшерелгән клибы табадан төште. Шаян рухта төшерелгән бу клипның сюжеты бик мавыктыргыч һәм кызыклы. Анда гади авыл халкы белән бергә таныш йөзләрне дә күрергә мөмкин.

– Клипны быел җәй ахырында Питрәч районы Шәле авылында режиссер, сценарист Замирә Рәҗәпова белән төшердек. Бу – Замирә белән башкарылган беренче уртак хезмәтебез. Ә клипның эчтәлеге болайрак: авыл медпунктына шәһәрдән шәфкать туташы кайта. Бу рольне Башкортстан кызы башкара. Аның чибәрлеге авыл егетләрен, шул исәптән мине дә таң калдыра. Шәһәр кызына тәмам гашыйк булгач, аны урларга ниятлибез. Ләкин әни янына өйгә алып кайткач, аның шәфкать туташы түгел, ә әбисе булуы ачыклана. Клипны төшерүдә ярдәм иткәннәре өчен Питрәч районы хакимиятенә, мәдәният бүлеге башлыгы Айгөл Хикмәтуллинага, Шәле авылы халкына, аеруча әбиләренә, “Рәвешләр” егетләренә, Замирәгә һәм аның төркеменә рәхмәтемне белдерәм, – дип сөйләде Intertat.ruхәбәрчесенә Илназ Баһ.

– Илназ, шаян сюжетлы клип кирәк, дип мөрәҗәгать иткәч, күз алдыма шушы сюжет килеп басты. Шәле авылында кыз урлау гадәте әле дә саклана икән, шуңа күрә бу идеяны юкка гына кертмәдек. Мин профессиональ актерлар белән эшләргә яратам. Ә кайбер җырчыларның моңа сәләте булмый, уйный белмиләр. Илназда исә актерлык осталыгы көчле. Ул куйган максатны тулысынча башкара алды. Кайбер күренешләр хәтта беренче дубльдан ук килеп чыкты, – дип белдерде популяр алып баручы, режиссер, сценарист Замирә Рәҗәпова.

Әйтергә кирәк, Замирә тарафыннан төшерелгән клипларның һәркайсы эчтәлекле һәм профессиональ булуы белән үзенчәлекле. Соңгы арада ул Вадим Захаров, Алсу һәм Азат Фазлыевларга клип төшерде, хәзер Рәфинә Ганиуллина, Зөлфия Шакирова кебек талантлы артистларга клип төшерү белән мәшгуль.

Запись Илназ Баһ шәфкать туташына гашыйк була [видео] впервые появилась Tatar Today - татар яңалыклары..

Илназ Баһның йөкле җәмәгате Гүзәлдән Габдерәхим кемне көтүләрен белмәкче була

Габдулла Тукай — Mon, 02 May 2016 07:42:30 +0000

Тинчурин театрында “Арча якташлыгы” оешмасының концерты була! Арча якларында туып-үскән җырчы-артистлар катнаша биредә.“Арча якташлыгы” оешмасының рәисе – Тинчурин театрының мактаулы директоры, көрәшче Фәнис Мөсәгыйтов булып чыкты.

– Фәнис әфәнде, “Арча якташлыгы” кайчан оешты?

– 2003тә.

– Син үзең Казанбаштан. Авылыгыз ни хәлдә?

– Аллага шөкер, бик әйбәт, танылган авыл. Бездә Мөхәммәт Мәһдиев укыткан, шунда кызы Гәүһәр туган. Гариф Ахуновның әтисенең кабере безнең йорттан 100 метр ераклыкта гына. Күптән түгел Гариф абыйның улы Рәшитне алып кайтып шунда җирләделәр. Ул – коммунистлар зираты дип атала, өч кенә кеше иде, хәзер дүртәү булдылар инде.

– Нигезегез сакланамы?

– Саклана. Анда Дамир абый яши. Әнигә быел 87 яшь тула. Абый төзелеш белән шөгыльләнә. Киленнәр фермада эшли.

– Үзең авылыңа булышасыңмы?

– Ничек булышмыйм ди?! Ел саен Сабантуй үткәрәбез. Зират тирәләрен әйләндереп, яңартып, зурайтып, чистартып, бик матур итеп төзекләндереп куйдык.

– Авылда эш бармы?

– Бездә ике яңа ферма салдылар, өченчесен дә төзиячәкләр. Авыл дигәннән, Кәрим Тинчурин Салих Сәйдәшев белән кайтып, 1933 елда “Кандыр буе” пьесасын безнең авылда язганнар.

– Театрда кризис сизеләме?

– Сизелә. Кассадан 20 % кына билет сатыла. Калганнарын оешмалар белән эшлибез.

– Билет бәясен күтәрдегезме?

– Артык түгел, иң кыйбаты 600 сум. Халыкның акчасы юк бит.

– Көрәш белән әле дә шөгыльләнәсеңме?

– Әйе. Районнарда батыр калганым бар. Фитнеска йөрим, волейбол уйныйм. Кабинетымда гер тора, көн саен күтәрәм.

– Көрәштә күп кеше имгәнеп кала диләр…

– Андый әйбер бар инде ул. Үземнең дә җилкә чыккан, чәнти бармак ике җирдән сынган, бер бармак кәкрәйгән, колак та сынган…

Көрәшче директор белән сүзне тәмамлагач, сәхнә артына юл тоттым. Грим бүлмәсеннән олпат җырчы Шамил Әхмәтҗанов чыгып килә!

– Шамил абый, нинди яңалыкларыгыз бар?

– Яңалык нәрсә соң ул? Ул – проб-лема. Әни әйтә торган иде: “Таң туды исә – проблема”, – дип.

– Сезнең нинди проблема?

– Ничек итеп гомернең ахырына барып җитәргә дим…

– Ахырын ничә яшьтә дип күзаллыйсыз?

– Анысына чик куймыйм. Бер генә уй борчый: кешелек дөньясында тынычлык булсын иде. Россия сугышсыз тора алмый. Сугыш – буыннарга суга торган нәрсә ул. 1941 елгы сугышны тоеп үстем… Тукайның бер сүзе бар: “Тилмереп торса бу ачлар, безгә бәйрәм ни ямь?”

– Сез гел кара уйлар белән генә яшисез кебек, якты уйлар юкмы?

– Юк. Мин – пессимист.

– Элек тә шулай идегезме?

– Юк. Брежнев вакытында яшәү дәрәҗәсе хәлләнеп киткән иде, аннары яңадан бетте. Бүген хезмәт хаклары түбән, эшсезлек, студентларның акчасы юк. Мондый тормыш кешене җинаятькә, урлашырга мәҗбүр итә.

– Үкенечләрегез калдымы?

– Бар. Җыр һәм бию ансамблендә күп вакыт бер генә җыр белән чыктым. 25 ел “Сорнай моңы”н башкардым. Бригада белән чыккан булсам, күбрәк җыр җырлаган булыр идем. Җыр һәм бию ансамбле чит илләрдә йөри башлагач, шул да кызыктырды. 27 илдә булдык бит.

– Кызыгызның җырчы булып китүенә каршы түгелме сез?

– Юк. Ике тапкыр консерватория тәмамлады. Дирижерлык һәм җыр бүлеген. Кире уйласа, укыту юлы белән китә ала.

– Кияүгә чыкмадымы?

– Юк.

– Кемнәр белән йөри, ата кеше буларак кызыксынасызмы?

– Кысылмыйм.

– Рус кешесенә кияүгә чыкса?

– Анысы юк инде! Үзебезнең халыкка чыксын, баламны рус кешесе өчен үстермәдем.

– Кызыгызга бу турыда әйттегезме?

– Бик яхшы белә. Бүтән диндәге кеше бусагамнан атлап керергә тиеш түгел, Алла сакласын!

Ярый, сәхнәдә ниләр бара икән, карап килим әле… Бәтәч, Рәбига Сибгатуллина басып тора ич!

– Рәбига ханым, җырлап, концертлар куеп йөрисегез киләме?

– Ничек килмәсен, дустым! Балтач кунакханәсенә барып, шунда торасым килә. Шул районны тагын бер әйләнеп кайтыр идем. Сине күргәч, хәтер яңарып китте әле…

– Әйдә, фотога төшерим әле үзегезне, фотолар әзер булгач кунакка килермен.

– Кил, чәй эчеп китәрсең.

– Массаж да ясыйммы соң?

– Ясарсың…

Сәхнә артында йөреп арылды да, киредән грим бүлмәләре ягына атладым.

Көтмәгәндә каршымда Илназ Гарипов пәйда булды!

– Илназ, синдә горурлык хисләре бармы? Сез бит инде Тукай якташлары….

– Җиңелрәк сорау бир инде…

– Арча халкы ниндирәк ул, аңлатып кит әле?

– Бик тыйнак. Азнакай, Апас якларында концертта кычкырып, кул чабып утырсалар, безнекеләр матур итеп концерт карый белә, кычкырып утырмыйлар. Тыйнаклык бар, шул вакытта әзрәк хәйләкәрлек, үҗәтлек тә.

Чибәр җырчы Гүзәл Идрисовага килеп төртелдем, авырлы икән.

– Гүзәл, матур кыз, кемне көтәсез?

– Алла боерса, белерсез, әлегә сер.

– Билгеле түгелме?

– Күз тиюдән куркам.

– Ничә айлык?

– Алла боерса, бер ай калып бара инде.

– Корсаклы килеш тә җырлыйсыңмы, комачауламыймы?

– Юк. Җырлап энергия генә алам, авыр түгел.

Кемне күрәм! Вәис Бәйрәмов!

– Вәис, син кемне көтәсез? Арчаның кайсы авылыннан?

– Симетбаш.

– Арчада тууың белән горурланасыңмы?

– Бик тә!

– Авылыгыз яшиме?

– 50-60 хуҗалык.

– Нигез?

– Нигез бар, әнием исән-сау, энекәш гаиләсе белән яши. Рәхәтләнеп кайтыр җир бар. Энекәш йортны яңартып тора.

– Килен?

– Килен почтада.

– Җырлар язасыңмы?

– Язам.

– Аны сатасыңмы?

– Сатканда сатасың, сатмаганда юк…

Шул вакыт безнең яннан Фәрит Хатыйпов узып бара иде, аңа эндәштем:

– Фәрит абый, Вәис Бәйрәмов җырларымны сатам, ди.

– Сатып алалармы? – дип Вәискә эндәште Фәрит абый. – Иң зурысын күпмегә тәкъдим иттең? Өч? Биш? Ун? Әллә унбишме?

– Ун-унбиш тирәсе, – диде Бәйрәмов.

– Менә, череп байый кеше, ә син сатасыңмы соң, Фәрит абый?

– Юк инде, сорарга да уңайсызланам.

Сәхнәдә концерт гөрли. Ә мин тиле кебек буфетка чыгып утырдым. Көтмәгәндә, “Туган җир” тапшыруын алып баручы Рамил Гарипов килеп керде!

– Рамил, нишләп концерт карамыйсың?

– Нурлат районыннан кайтып килеш. Ашатмадылар. Чәй эчәсе иде…

– “Туган җир” тапшыруы проблемаларны яктыртмый, матур якларын гына күрсәтә, диләр.

– Туры килгәндә начар якларын да күрсәтәбез. Өченче көн Яшел Үзән районы Кече Ачасырда булып кайттык. Анда халыкка сөт акчасын түләмиләр.

– Сездән соң нәрсә булса да үзгәрәме соң?

– Ике ел элек барып төшергән идек, түли башлаганнар иде, тагын туктатканнар. Кемдер тонна ярым, кемдер бер тонна сөткә акча алмаган.

– Райондагы проблемаларны каян беләсез?

– Авыл халкы шалтырата.

– Арчадагы йортыңда умарта асрыйсың дип ишеттем, ничә баш?

– Өч.

– Арча үзәгендә корт асрарга закон рөхсәт итәме?

– Минем кортлар чакмый. Чакмый торган кортлар белән Алабугадагы Морт авылында бер әби шөгыльләнә. Шуннан алып кайттым.

– Син әле дә 13нче каттагы фатирыңа җәяү менәсеңме? Әллә инде ялкаулык бастымы?

– Җәяү менмим, кичен 6 чакрым җәяү йөреп кайтам.

– Кайсы тирәдән?

– Азинода. “Южный” кибете аша Нокса авышлыгына төшеп әйләнеп кайтам.

Концерт шулай дәвам итсен, ә мин, ярар, кайтам. Әни дә борчыла торгандыр…

Запись Илназ Баһның йөкле җәмәгате Гүзәлдән Габдерәхим кемне көтүләрен белмәкче була впервые появилась Tatar Today - татар яңалыклары..