Архивы кыш - Tatar Today - татар яңалыклары.

Тагын буран була, диләр…

Алсу Мансурова — Fri, 26 Feb 2021 11:49:58 +0000

Татарстан синоптиклары буран, бозлавык һәм кар көртләре хакында кисәтә.
Һава шартлары начараю аркасында күз күреме 500-1000 метрга кадәр кимиячәк.

Иртәгә, 28 февральдә, Татарстанда һава шартларының начараюы көтелә.

ТР Гидрометеорология һәм әйләнә-тирә мохитне күзәтү идарәсенең матбугат хезмәтеннән хәбәр итүләренчә, төнлә һәм иртән республика территориясендә, Казанны да кертеп, көчле кар явачак. Төнлә дә, көндез дә буран чыгуы көтелә, буран вакытында күз күреме 500-1000 метрга кадәр кимиячәк.

Моннан тыш, җилнең тизлеге урыны белән секундына 15-18 метрга кадәр җитәчәк (республика башкаласында җил төнге сәгатьләрдә көчәер дип көтелә). Юлларда бозлавык һәм кар көртләре барлыкка киләчәк.

Чыганак : "Татар - информ" МА

Запись Тагын буран була, диләр… впервые появилась Tatar Today - татар яңалыклары..

Һава торышы тагын үзгәрә… Яхшыгамы?

Алсу Мансурова — Thu, 25 Feb 2021 04:33:02 +0000

25 февральдә, Татарстанда һава шартларының начарлануы көтелә.

Иртән һәм көндез республиканың көнбатыш районнарында, Казанны да кертеп, буран көтелә. Моннан тыш,секундына 15-18 метрга кадәр көчле җил булачак, дип хәбәр итә ТР Гидрометеорология үзәге.

Чыганак : "Татар - информ" МА

Запись Һава торышы тагын үзгәрә… Яхшыгамы? впервые появилась Tatar Today - татар яңалыклары..

Татарстанда көчле җил көтелә

Алсу Мансурова — Tue, 23 Feb 2021 17:01:27 +0000

Иртәгә Татарстан территориясендә көчле җил көтелә. Бу хакта республика халкын Гидрометеоүзәгендә хәбәр иттеләр.

Төнлә һава торышы начарлану көтелә. Җил тизлеге секундына 15-17 метрга җитәргә мөмкин.

«2021 елның 24 февралендә төнлә Республика территориясендә көчле җил булачак» диелә синоптикалар хәбәрендә.

Чыганак: "Втаным Татарстан"

Запись Татарстанда көчле җил көтелә впервые появилась Tatar Today - татар яңалыклары..

Ял көннәрендә Татарстанда тагын да ныграк суытачак!

Алсу Мансурова — Sat, 20 Feb 2021 09:08:44 +0000

Соңгы көннәрдә Татарстан территориясендә аномаль суыклар күзәтелә. Киләсе атнага алар тагын да көчәячәк.

Иртәгә республикада бераз гына кар көтелә, термометр баганасы -31 гә кадәр төшә. 21 һәм 22 февраль көннәрендә төнлә һәм иртән 24-31 градус салкын була, урыны белән термометр -38 градус күрсәтәчәк
дип фаразлана. Көндезге температура -22-27 градус тәшкил итәчәк. Синоптиклар аномаль суыклар 26 февральгә кадәр сузылачак дигән фараз җиткерә.

Чыганак: "Шәһри Казан"

Запись Ял көннәрендә Татарстанда тагын да ныграк суытачак! впервые появилась Tatar Today - татар яңалыклары..

Татарстанда -35 кә кадәр суыта

Алсу Мансурова — Wed, 17 Feb 2021 10:58:25 +0000

17 февральдә, Татарстан территориясендә антициклон йогынтысында элек урнашкан аномаль салкын һава торышы саклана.

ТР Гидрометеорология үзәге хәбәр итүенчә, төнлә һәм иртән төбәк буенча һава температурасы -25..-30 градус, аязганда -35 градуска кадәр булуы көтелә. Көндез һава температурасы 17-22 градуска кадәр салкын булачак.

Республикада алмашынучан-болытлы һава торышы көтелә, явым-төшем булмый. Талгын җил исәчәк. Җил юнәлешен көньяк-көнбатыштан көньяк-көнчыгышка таба үзгәртә.

Юлларда бозлавык хасил була.

Чыганак: "Татар-информ" МА

Запись Татарстанда -35 кә кадәр суыта впервые появилась Tatar Today - татар яңалыклары..

Атна азагында… яз килә?!

Алсу Мансурова — Tue, 19 Jan 2021 12:36:36 +0000

Атна ахырында Россиянең Европа өлеше үзәгендә температура 0 градуска кадәр күтәреләчәк дип яза “РИА Новости” РФ Гидрометеоүзәгенең фәнни җитәкчесе Роман Вильфандка сылтама белән.

Көнбатыштан һәм көньяк-көнбатыштан искән җил температураның күтәрелүенә китерәчәк, дип фаразлый синоптик. Чәршәмбегә каршы төндә -20 градус тирәсе салкын булса да, көндез һава җылынып, -10 градус тәшкил итәчәк.

Алга таба көннәр тагын да җылынып, төнлә температура -10… -15, көндез -3…-5 градустан артмаячак икән.

Атна ахырында исә температура 0 градуска якынаер дип көтелә, дип фаразларын җиткергән Роман Вильфанд.

Запись Атна азагында… яз килә?! впервые появилась Tatar Today - татар яңалыклары..

Татарстанда -34 градуска кадәр суыта

Алсу Мансурова — Mon, 18 Jan 2021 09:15:28 +0000

Бүген, 18 гыйнвар көнне Татарстанда салкын һава торышы саклана, дип кисәтә синоптиклар.

Республикада алмашынучан болытлы һава торышы вәгъдә итә алар. Урыны белән кар явачак. Җил төньяк-көнбатыштан, тизлеге 3-8 м/с.

Юлларда бозлавык саклана. Кайбер районнарда томан булуы ихтимал.

Төнлә һава температурасы -23…-28 градус, аязган вакытта – 34 градуска кадәр төшәчәк. Көндез исә -18…- 23 градус булачак диелә синоптиклар фаразларында.

Запись Татарстанда -34 градуска кадәр суыта впервые появилась Tatar Today - татар яңалыклары..

Урамда салкын, бу – кышмы инде? Халык синоптигы ниләр фаразлый

Лейла — Tue, 17 Nov 2020 08:38:21 +0000

Урамда салкын. Җылы көннәрдән соң кинәт килгән суыклар бераз гына битне чеметеп куйды. Димәк, кышка ерак калмаган! Балтач районының Яңгул авылында яшәүче Әмир Шәрәфиев тә моны, салкыннар кыш килү билгесе, ди.

– Мондый ук көз көтмәгән идем. Кеше аяк асты пычрак булганны яратмый. Аларга җир катырып куйсын! Әмма авыл хуҗалыгын да уйларга кирәк. Инде алтынчы ел рәттән җир коры кала, – ди ул, борчылып. – Руслар аны кышның беренче репетициясе дип әйтә. Әмма әлегә бөтен табигать кышка әзерләнеп бетмәде. Мондый салкыннар бик сөендерми әле. Суыклар атна-ун көн торыр дигән фаразым бар. Аннары тагын бераз җылытып алачак. Җылытыр алдыннан кар явар дип көтәм. Шуның белән туфракка бераз дым керер.
Әмир абый быел чикләвекнең күп булганлыгын искә төшерде. «Димәк, кыш салкын киләчәк», – ди ул.
Ютазыда яшәүче 92 яшьлек Нурзия әби Гафарова табигатьне үзенчә күзәтә икән.
– Махсус дәфтәр тутырмыйм. Инде күп еллар күзәтеп барам. Ел фасыллары да үз вакытында килә. Бер дә саташканнары юк әле, – ди ул. – Соңгы арада һава торышы үзгәрмәде, кешеләр әллә нишләде. Безгә барысы да тиз кирәк. Башта җәй көтәбез. Көннәр эссе торса, кешеләрнең тизрәк башын суга тыгасы килә. Салкын эзлиләр. Суыклар башланса, яңадан зарланалар. Без үзебезне ишетмибез һәм табигатькә ял бирмибез. Быел вирус булу әйләнә-тирәлекне яңартты. Хәзер күк йөзе дә башкача, яфраклар да матур, – ди ул.
КФУның Экология һәм табигатьтән файдалану институтының метеорология, климатология һәм атмосфера экологиясе кафедрасы мөдире Юрий Переведенцев сүзләренә караганда, әле кар яуса да эреп бетәчәк.
– Карлы кыш 18–21 ноябрьдә киләчәк. Бу вакытта яуган кар бүтән эреми. Ноябрь, декабрь, гыйнвар айларында һава температурасы нормада булачак. Кыш ахырында: февраль азагы – март башында температура нормадан югарырак булыр дип көтелә, – ди ул.

Чыганак: Ватаным Татарстан

Запись Урамда салкын, бу – кышмы инде? Халык синоптигы ниләр фаразлый впервые появилась Tatar Today - татар яңалыклары..

Яшел суганны кышын ничек сакларга?

Гульназ Рашитова — Thu, 23 Jul 2020 08:05:19 +0000

2 ысул тәкъдим ителә.

1 нче ысул. Боз формасына вак итеп туралган яшел суганны салырга, өстенә су салырга. Туңдыргычка алып куярга. Каткач, бу боз кисәкләрен контейнер яисә пакетка салып, яңадан туңдыргычка «озатырга».

2 нче ысул. Суган, укроп, петрушка һәм башка төр яшелчәлекләр тулы банкага үсемлек мае салырга. Болгатырга. Өстен капрон капкач белән ябарга, шул килеш сакларга.

Чыганак: Ватаным Татарстан

Запись Яшел суганны кышын ничек сакларга? впервые появилась Tatar Today - татар яңалыклары..

Иртәгә безне нинди һава торышы көтә?

Алина — Wed, 02 Jan 2019 14:54:28 +0000

Иртәгә, 3 гыйнварда, Татарстанда төнлә һәм иртән урыны белән томан, пыскак кар һәм бозлавык көтелә. Бу хакта Татарстан Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Төбәктә аязучан болытлы һава торышы саклана. Бераз кар явачак.

Татарстанда төнлә – 13 градус булачак. Көндез һава температурасы -4…-9 градус фаразлана.

tatar-inform

Запись Иртәгә безне нинди һава торышы көтә? впервые появилась Tatar Today - татар яңалыклары..