Архивы РишатТухватуллин - Tatar Today - татар яңалыклары.

Ришат Төхвәтуллин татар җырчылары төшергән клиплардан көлә [видео]

Лэйсирэ — Thu, 08 Nov 2018 12:00:56 +0000

Блогерлар һәм юмор осталарының шоу-бизнес йолдызларыннан дусларча көлеп, иҗатларын «Прожарка» – кыздыру форматында шаяртып барлау көнбатышта бик популяр. Хәзер ул Россиядә дә киң җәелде һәм, ниһаять, Татарстанга да килеп җитте.

“Элек-электән Аллаһ җирне, җәннәт һәм җәһәннәмне бар кылды, вә җәннәт белән җәһәннәм арасына… татар клипларын кыстырды!” – «Громкие рыбы» юмор проектының авторлары Тимур Исмаев һәм Кирилл Карамовның чираттагы «Татар клипларының прожарка»сы шушы сүзләр белән башлана. Блогер егетләрнең тапшыруында татар эстрадасының күпчелек видеоклиплары шулкадәр профессиональ түгел ки, елмаюдан тыш бернинди хис тә тудырмый дигән фикер сугарыла.

Әлеге проектка кунак буларак чакырылган Ришат Төхвәтуллин моңа җавап итеп: “Техник яктан татар клипларында җитешсезлекләр булса да, соңгы вакытта камилләшә барабыз – моны тамашачы да сизә. Минем беренче клибым 60 меңгә төште. Аннан соң 150, 250 меңгә дә төшердек. Популяр Мәскәү лейбллары клиплар төшерү өчен 5 миллион сораса, бездә 5 меңгә дә төшерергә мөмкин”, ди.

Посмотреть эту публикацию в Instagram

Был на днях на съемках очередной передачи – “Прожарка татарских клипов”. Много смеялись, но не думайте, что над другими певцами, ребята открыли мне глаза. Я вспомнил неувязки и своих клипов и дома долго смеялся. Ребята делают правильную работу, это позволяет более внимательно и трезво посмотреть на свои клипы, в будущем снять более содержательные, интересные и качественные клипы. Бу көннәрдә тагын бер кызык тапшыруда катнаштым – татар клипларын “кыздырдык”. Бик кызык һәм көлке булды. Башка җырчылардан көлә дип уйламагыз, үземнең клиплардагы җитешсезлекләрне уйлап көлдем! Егетләр күп нәрсәгә күзне ачтылар. башка күзлектән чыгып карасаң, чыннан да көлке икән. Бу, әлбәттә, минем өчен зур сабак булды. Егетләр дөрес эш башкаралар дип уйлыйм! Алга таба клипларның сыйфаты, мәгънәсе һәм эчтәлеген уйлаганда тагын да таләпчәнрәк булачакмын. #ришаттухватуллин

Публикация от Ришат Тухватуллин (@rishat_thv) 3 Ноя 2018 в 3:50 PDT

Күрми калганнар өчен «Прожарка татарских клипов»ның беренче дүрт чыгарылышын тәкъдим итәбез:

Запись Ришат Төхвәтуллин татар җырчылары төшергән клиплардан көлә [видео] впервые появилась Tatar Today - татар яңалыклары..

Ришат Төхвәтуллин Карамалы-Гобәйдә оештырган бәйрәмдә сюрприз ясый [фото-видео]

Лэйсирэ — Sun, 29 Jul 2018 05:18:15 +0000

28 июль Туймазы районы Карамалы-Гобәй авылында Ришат Төхвәтуллин “Җәйге очрашулар” исемле бәйрәм оештырды. Бу бәйрәмне җырчы 7 ел элек үзенең авылында мәчетне төзеп бетерү өчен акча җыю максатыннан үткәрә башлаган иде.

3 ел дәвамында, мәчет төзелеше тәмамланып, эшли башлагач та, хәйрия чаралары үткәрү туктатылмады. Үзган ел бер авыру балага һәм балалар бакчасын төзекләндерүгә акча бирелде. Быел да хәйрия концертында җыелган акчалар изге эшкә тотыла.

Әлеге кичтә Ришатның иҗатташ дусларыннан Филүс Каһиров катнашты. Әлбәттә, җырчының төркем артистлары һәм Алия Карачурина чыгыш ясады.

Сюрпризлар моның белән генә бетми: интернеттагы язмалардан аңлашылганча, Карамалы-Гобәйдә Ришат Төхвәтуллин белән бергә Гүзәл Уразова да җырлаган. Бәйрәмгә 10 меңнән артык кеше җыелган.

Интернетчылар концерттан фото һәм видеолар белән уртаклаша:

Ришат Тухватуллин и гость Гузель Уразова #rishat_thv #guzelurazova #годовщинасвадьбы #gulnara6281 #khafiz_asainov

Публикация от Хафиз Асаинов (@khafiz_asainov) 28 Июл 2018 в 8:08 PDT

Когда приехал на концерт к @rishat_thv а там ещё сюрприз @guzelurazova ??Всё как всегда оч круто ,записала песни которые знаю ??#ришаттухватуллин #карамалыгубеево

Публикация от @ guzelbatyrgareeva 28 Июл 2018 в 3:30 PDT

10000 человек-это было мощно?? #ильнуррамазанов #ришаттухватуллин #карамалыгубеево

Публикация от Ilnur Ramazanov (@ilnur_ramazanov) 28 Июл 2018 в 2:52 PDT

#ришаттухватуллин #карамалыгубеево

Публикация от Liliya_ilmir & → (@lilyailmir2011) 28 Июл 2018 в 12:30 PDT

Ҙур рәхмәт Ришат ағай! Огромная была честь ввступать вместе с вами?? Спасибо за поддерждку? Ни разу ещё не выступал между Ришатом Тухватуллинным и Гузель Уразовой? и перед аудиторией 10000 людей. У меня непередаваемые эмоции? #ришаттухватуллин #ильнуррамазанов #гузельуразова

Публикация от Ilnur Ramazanov (@ilnur_ramazanov) 28 Июл 2018 в 3:04 PDT

Спасибо за шикарный концерт #ришаттухватуллин #ильнуррамазанов #рифарслан #карамалыгубеево @rishat_thv @ilnur_ramazanov эксклюзивные фотографии с племянниками Ришата Тухватуллина ?☝️

Публикация от Rif_Arslan (@rifarslan) 28 Июл 2018 в 12:59 PDT

Запись Ришат Төхвәтуллин Карамалы-Гобәйдә оештырган бәйрәмдә сюрприз ясый [фото-видео] впервые появилась Tatar Today - татар яңалыклары..

Гүзәл Уразова, Төхвәтуллин, Тямаев – эстрада “олимп”ында торучы җырчыларның билет бәясе кыйбатмы? [күзәтү]

Гузель — Sat, 22 Apr 2017 08:49:49 +0000

Татар эстарадасының олимпында кемнәр? Кемнең билет бәясе кыйммәтрәк? Уртача билет бәясе ничә сум? //Интертат.ру//

Соңгы 5 елда татар эстрадасы бик зур үзгәрешләр кичерә, кайчандыр дан тоткан йолдызлар арткы планга күчте, аларга алмашка йөзләгән җырчы килде. Һәр көн саен яңа җырчы күреп барсаң да, аптырамассың.Буын алышына, соңгы арада ул аеруча да сизелә. Олы һәм яшь җырчылар сәхнә бүлешә алмыйлар, берсен берсе тәнкыйтлиләр. Шул ук Салават Фәтхетдинов һәм Элвин Грей конфликтларын гына алыйк, икесенең дә төрле юнәлеш, төрле тынлаучы, төрле буын, ә нәрсә җитми? Салават абыйга 14 яшьлек кызлар мәхәббәтеме? Яки Элвин Грейга 50 яшьлек олы апаларның концертларында сикереп торулары кирәкме?

Гомумән алганда, татар эстрадасы үзгәрешләр кичерә, элек бар җырчы да тигез рәвештә популяр булса, хәзер эстрада “олимп”ында бары тик берничә җырчы гына: Ришат Төхвәтуллин, Гүзәл Уразова, Элвин Грей, Фирдүс Тямаев һәм Рифат Зарипов. Ә калганнар икенче планда, яки, гомумән, “сүнгән йолдызлар”, авыл клубларын да тутыра алмыйлар.

Әле моннан өч ел элек кенә ике җырчының үзара сөйләшкәннәрен күзәтергә туры килгән иде. Алар: “Үзен хөрмәт иткән җырчы банкетларда йөрми, йөргән очракта да, йолдыз икәнен онытмаска тиеш, атна саен банкетларда түгел, ә шәхес буларак дан тотарга тиеш”, – дигән фикер әйттеләр. Дөрес, хәзер җырчыларыбыз концертлардан түгел, банкетлардан кайтып керә алмый, бер яздырып куйган җырларын кешенең “колаклары шиңгәнче” җырлыйлар һәм чәйниләр. Шуннан соң аптырыйлар – ни өчен алар арткы планда, ни өчен халык аларны түгел, ә Элвин Грейны ярата? Сорау биреп карагыз әле үзегез дә, хөрмәтле җырчылар, сез Элвин Грейны, Гүзәл Уразованы, Ришат Төхвәтуллинның банкетларда халык алдында “шут” булып йөргәннәрен күргәнегез бармы? Булган очракта да бик сирәктер, чөнки зур шәхес булыр өчен, акча артыннан куарга түгел, ә үзеннен имиджың, репертуарын һәм авторитетың өстеннән эшләргә кирәк.

Җырчыларның уртача билет бәяләренә күз салыйк. Мәгълүмат җырчыларның үзләренең, рәсми һәм фан-төркемнәренең ВКонтакте битләреннән, билетлар сату белән шөгыльләнүче сайтлардан алынды.

Рамил Закиров 200 сум.
Азат һәм Алсу Фазлыевлар – 200 сум.
Винарис Ильегет – 200 сум.
Иркә – 250 сум.
Ризат һәм Зинирә Рамазановлар – 300 сум.
Әнвәр Нургалиев – 300 сум.
Мөнир Рахмаев – 300 сум.
Филүс Каһиров – 350 сум.
Казан егетләре – 350 сум.
Салават Миңнеханов һәм Гүзәлем – 350 сум.
Раяз Фасихов – 350 сум
Гүзәл Уразова һәм Илдар Хәкимов – 400 сум.
Илназ Гарипов – 400 сум.
Рифат Зарипов – 400 сум.
РишатТөхвәтуллин – 450 сум.
Данир Сабиров – 400-500 сум.
Салават Фатхетдинов – 600-650 сум.
Элвин Грей – 1300 сум (Казанда булачак концертында билетлар 950 сумнан 2000 сумга кадәр)

“Арзанлы” бәяләрне күреп, болар өч тиенлек икән дип уйлый күрмәгез. Болар – концерт куеп, халыкны җыярга алырга сәләтле җырчылар. Билет бәясен ун сум куеп та, халыкны җыя алмый торган җырчылар да бар. Шуңа күрә андыйлар концерт та куеп мәшәкатьләнми. Тамадалык белән шөгыльләнә, банкетларда җырлый, мәдәният министрлыгы тирәсенә елышып, дәүләт үткәргән чараларда катнашып, бераз гына булса да гонорар өмет итеп йөри. Аларын кемнәр дип атарга?

Телевизорны кабызып карасаң, кешеләр нинди җырлар тыңлый икәнен игътибар итеп тыңласаң, халыкның нинди җырчыларны яратканын аңлап була. Әлбәттә, билет бәясе – популярлык күрсәткече түгел. Билет бәяң кыйбат, ә үзең өч тиенлек тә булмасаң, халыктан мәхәббәт таләп итеп булмый.

Булат АБДРАХМАНОВ

Запись Гүзәл Уразова, Төхвәтуллин, Тямаев – эстрада “олимп”ында торучы җырчыларның билет бәясе кыйбатмы? [күзәтү] впервые появилась Tatar Today - татар яңалыклары..

Ришат Төхвәтуллин үзенең 5 концерт сезоны тәмамлануга хисле сүзләр әйтә [видео]

Редактор1 editor1 — Fri, 31 Mar 2017 11:22:16 +0000

Җырчы Ришат Төхвәтуллин концертларының 5 сезоны ахырына якынлаша. Ришат үз чиратында, эшләнелгән эшкә нәтиҗәләр ясап, видео ясаган. //Tatar Today//

View this post on Instagram

A post shared by Ришат Тухватуллин 🎶 (@rishat_thv)

“5 сезон ул – тере тавыш, хисләр тайпылышы, кайсы гына шәһәрне алма, тамашачыларның сине аңлавы, хөрмәтләве, синең аларга карата булган хөрмәтең һәм мәхәббәтең. 5 сезон – җаннарның берләшүе, кунакчыллык, оныта алмаслык очрашулар һәм аерылышулар…”, диелгән менә шушындый эчтәлекле видео.

“Әле тагын бер айдан артык вакыт калды. Төгәлрәк булсак, 16 шәһәр, 17 концерт, 43 сәгатьлек фонограммасыз тавыш ишетергә калды минем тамашачыларга”, дип яза үзе Ришат.

Аудитория дә аның бу сүзләрен кабул иткәндәй: “Мәңгегә күңелдә истә калырлык сезон”, дигәннәр.

Запись Ришат Төхвәтуллин үзенең 5 концерт сезоны тәмамлануга хисле сүзләр әйтә [видео] впервые появилась Tatar Today - татар яңалыклары..

Ришат Төхвәтуллинның гаилә корасы килгән, халык аңа парны да инде эзләп куйган

Редактор1 editor1 — Mon, 13 Mar 2017 08:10:56 +0000

Җырчы Ришат Төхвәтуллин гаилә кору мәсьәләсенә җитди килгән булса кирәк. Ник дигәндә, соңгы араларда шул сорауга кагылып киткән фото-видеолар пәйдә була башлады. Хәзер Инстаграмда ул яшьлек дуслары фотосы белән бүлешә. Ләкин дусларында үзеннән кала зур үзгәрешләр бар икән. //Tatar Today//

View this post on Instagram

A post shared by Ришат Тухватуллин 🎶 (@rishat_thv)

Алар барысы да гаиләле. Фотога да бәләкәй кызларын тезләренә утыртып төшкәннәр. “Яшьлек дусларым! Нәркиз, Рома, Линар! Мин генә соңга калам”, диеп моңсуланган Ришат.

Фото астына язылган фикерләр аңа өметен өзмәскә, тәвәккәл булырга киңәш бирә. “Сәгате сукса, сизми дә калырсың! Алла кушып”, “Булыр Алла бирсә! Бәлки язмыш сиңа уңганнардан уңганын, чибәрләрдән чибәрен әзерли торгандыр”, “Иии, Ришат, син өйләнәм дисәң, ишек төбеннән китмәсләр иде кызлар, авызыңны ача күрмә, куып җибәрә алмассың!”, “Әнә Асаеваны ал да, алга! Сездән дә матуррак балалар булмас!”, дигәннәр.

Запись Ришат Төхвәтуллинның гаилә корасы килгән, халык аңа парны да инде эзләп куйган впервые появилась Tatar Today - татар яңалыклары..

Ришат Төхвәтуллинга иң кечкенә тамашачысы мәңге истә калырлык бүләк ясый [видео]

Редактор1 editor1 — Sun, 05 Mar 2017 15:36:33 +0000

3 мартта гына туган көнен билгеләп үткән җырчы Ришат Төхвәтуллин үзенең бүләкләре, котлаулары белән Инстаграмында бүлешә. Яңа урнаштырган видеода аңа кечкенә кыз иң сыйфатлы бүләген – җырын башкара. //Tatar Today//

View this post on Instagram

A post shared by Ришат Тухватуллин 🎶 (@rishat_thv)

Кызчыкның җырчының күңелен күтәрер өчен, тырышып-тырышып җырлавы, Ришатның үзен дә шатландыра. Кызның яралып килгән сәләте җырлавыннан күренә. Ул Ришат Төхвәтуллинга “С днем рождения” җырын башкара.

Запись Ришат Төхвәтуллинга иң кечкенә тамашачысы мәңге истә калырлык бүләк ясый [видео] впервые появилась Tatar Today - татар яңалыклары..

Эш беткәч, ял итәргә ярый: Ришат Төхвәтуллин “Ел җырчысы” буларак ничек бәйрәм итә

Редактор1 editor1 — Sun, 26 Feb 2017 08:34:09 +0000

25 февральдә “Пирамида” концертлар залында “Болгар радиосы” милли музыка премиясе тапшыру тантанасы уза. “Синнән башка” җыры өчен “2016 ел җырчысы” исеменә Ришат Төхвәтуллин лаек булды. Җырчының кичәдән соң, нинди хис-тойгылар кичергәнен, ничек бәйрәм иткәненә күзәтү ясадык. //Tatar Today//

View this post on Instagram

A post shared by Ришат Тухватуллин 🎶 (@rishat_thv)

Ул дуслары, төркеме белән түгәрәк өстәл артында шушындый мөһим вакыйганы билгеләп үтә. “Иҗат төркеме белән уртак җиңүебезне бәйрәм итәбез. Рәхмәтемне һәр кешегә дә җиткерәсем килә: әти-әниемә, туганнарыма, якыннарыма, дусларыма һәм минем иң кадерле тамашачыларыма минем терәгем, ышанычым булганыгыз өчен, минем иҗатыма күрсәткән мәхәббәтегез һәм хөрмәтегез өчен мин ихластан шат һәм рәхмәтле! Минем өчен бу зарыгып көткән мөһим бүләк! Үсәргә һәм яңа үрләр яуларга менә дигән стимул! Яратам сезне!”, дип язган Ришат.

Запись Эш беткәч, ял итәргә ярый: Ришат Төхвәтуллин “Ел җырчысы” буларак ничек бәйрәм итә впервые появилась Tatar Today - татар яңалыклары..

Кукмара итекләре Ришат Төхвәтуллинны үзе биетә ахры, сәхнәдә вәт типтертә [видео]

Редактор1 editor1 — Wed, 22 Feb 2017 17:34:13 +0000

Ришат Төхвәтуллинның Кукмара итекләрендә типтергәнен күрәсегез киләме? Алайса, йолдыз урнаштырган видеоны карагыз. Ришат җырчы гына түгел, шәп биюче дә икән бит. //Tatar Today//

View this post on Instagram

A post shared by Ришат Тухватуллин 🎶 (@rishat_thv)

Җырчы шул районда концерт куйгач, Кукмара итекләре бүләккә эләккән үзенә. Ул шул хәтле сөенгән ки, хәтта тамаша бетүгә, итекләрен киеп бии-бии видеога төшкән. Үзенең иҗади төркеме белән дә биеп алган.

Видео астына язучылар бик кызык сүзләр калдырган: “Ришат, итекне тишәсең бит!”, “Кукмара итекләрен кигәч, биисе генә килеп торамы?”, “Шәп сикерәсең!”, “Күңелләр күтәрелеп китте”, диешкәннәр.

Запись Кукмара итекләре Ришат Төхвәтуллинны үзе биетә ахры, сәхнәдә вәт типтертә [видео] впервые появилась Tatar Today - татар яңалыклары..

Ришат Төхвәтуллинның эшләре зурдан: Татарстанның үз “Голос”ын башлап җибәргән [видео]

Редактор1 editor1 — Mon, 20 Feb 2017 20:42:05 +0000

“Беренче” каналдан баручы “Голос” проектын ишетеп кенә түгел, карап та, бәйгедә катнашучы сәләтле яшьләр өчен җан атып та торганыгыз бардыр. Русия масштабындагы бу дәрәҗәле проектны Татарстанда да булдырту мөмкинлеге бармы икән? Җырчы Ришат Төхвәтуллин бу идеяны чынга ашырырга уйлап ахры, республикабызның үз “Голос”ын булдыртырга җыена. //Tatar Today//

View this post on Instagram

A post shared by Ришат Тухватуллин 🎶 (@rishat_thv)

Җырчы Инстаграмына язылучыларга кызыклы видео тәкъдим итә. Тулырак версиясы инде Ютюбта да бар. “Голос” проектын хәтерләп беләсездер инде. Креслоларда утырган өч жюри әгъзәсы. Җырларга чыккан кешене алар күрми, әлегә артка борылганнар. Җырлавы ошаса, махсус җайланмага басып, җырлаучыга таба кире борылалар. Монда да шул ук технология.

Ришат Төхвәтуллин проектны үзенең иҗади төркеме белән башлап җибәргән. Жюри буларак, Ришаттан кала алып баручысы Рөстәм Гатауллин, биюче егет Илгиз Бәдретдинов бар. Ришат үзен “усал остаз”, Илгизне “балерун”, ә Рөстәмне “сатылган музыкаль продюсер” буларак билгели. Беренче дәгъвачы Алия Карачурина. Ул инглиз телендә җыр башкарса да, Ришат, милли рух белән сугарылган егет буларак, “Туган як”ны җырлап башлый.

Беренче карашка кызык, уен гына кебек тоелса да, шушындый яшь талантларны җыйган проектның Татарстанда да киләчәге бар дип ышанасы килә.

Запись Ришат Төхвәтуллинның эшләре зурдан: Татарстанның үз “Голос”ын башлап җибәргән [видео] впервые появилась Tatar Today - татар яңалыклары..

Ришат Төхвәтуллин мода артыннан куыпмы, сәхнәдә телефонга үзен төшереп җырлый башлаган

Редактор1 editor1 — Sun, 19 Feb 2017 08:41:11 +0000

Хәзерге вакытта техника шулай алга киткән, хәтта артистлар сәхнәдән зур камерага төшкән мәлдә дә, үзләрен кечкенәрәк, телефон камерасына төшерергә өлгерә. Җырчы Ришат Төхвәтуллин Шыгырданда концерт биргәндә, сәхнәгә телефонын тотып, бер тамашачысына, бер телефонына карап җырлый. //Tatar Today//

View this post on Instagram

A post shared by Ришат Тухватуллин 🎶 (@rishat_thv)

Мондый гамәлне кемдер кыланыш итеп кабул итсә, кемгәдер хәтта аның яңалык кертүе, фонограммасыз чын тавышка җырлавы ошый да. “Мондый үзегез төшергән видеоларны күбрәк куегыз. Сезне якыннан күрү тагын да әйбәтрәк”, “Ришат, син кыланып та куясың, җырлаганда да селфи…мда”, “Әллә сәхнәгә чыкканда да, камерасыз җырлап булмый инде?”, “Хәзер мондый хәлләр гадәти, ул трендтан калышмаска тырыша”, дип язучылар бар.

Запись Ришат Төхвәтуллин мода артыннан куыпмы, сәхнәдә телефонга үзен төшереп җырлый башлаган впервые появилась Tatar Today - татар яңалыклары..