Рөстәм Хәйруллин, «Гаилә» мәчете имам-хатыйбы:
– Бу – бик үзенчәлекле сорау. Без Мөхәммәт галәйһиссәләмнең һәр атнаның дүшәмбе көнендә ураза тотканын беләбез. Бервакыт аннан, ни өчен нәкъ менә атна башында ураза тотасың, дип сораганнар. Ул, мин дүшәмбе көнне туганмын, дөньяга килүемә рәхмәтле булганга тотам, дигән. Димәк, пәйгамбәребез туган көнен елга бер мәртәбә генә түгел, атна саен искә алган. Безнең туган көнгә мөнәсәбәт башкача. Без ул көнне үзебезгә игътибар һәм бүләкләр көтәбез. Ләкин бит бу – баладан бигрәк, ата-ана өчен шатлыклы көн. Бу очракта табын янына туганнарыңны җыеп Коръән уку һәм рәхмәт әйтеп ата-анага бүләк бирү, әгәр инде алар исән түгел икән, алар рухына дога кылу дөресрәк. Үзеңне беренче урынга кую – эгоизм галәмәте инде ул.

Чыганак: "Ватаным Татарстан"

Запись Туган көннәрне билгеләп үтәргә ярыймы? впервые появилась Tatar Today - татар яңалыклары..

Чыганак: Татар-информ

Запись Чистайда яшәүче хатын-кыз туган көнен сайлау участогында уздырган впервые появилась Tatar Today - татар яңалыклары..

10 нчы гыйнвар – Халык артисты Салават Фәтхетдиновның 60 яшьлек юбилее. Бик күп иҗатташ дуслары, шәкертләре аны әлеге истәлекле көне белән котлап, матур теләкләр җиткеделәр. Татар Тудей аша да танылган шәхесләр Салават Фәтхетдиновны гомер бәйрәме белән тәбрикләде.

Журналист, Татар Тудей порталы җитәкчесе Рөстәм Исхакый:

– Иң элек Зәки абыйга һәм Тәкълимә апага Алланың рәхмәте яусын, татарларга сезне – кыю, батыр, фикерле чын халык артисты үстереп биргәннәре өчен! Зәки абыйның рухы шат, урыны җәннәттә булсын! Тәкълимә апага һәм Сезгә тән һәм җан саулыгы, хәерле гомерләр, тиешле байлык-муллык, ата бәхете, дәү әти бәхете, ир-ат бәхете, яңа уңышлар, хәерле гастрольләр телим!

⠀
⠀Җырчы Дәниф Шәрәфетдинов: 

– 1992 елда аның җырларын тыңлап, көйләп укырга кердем мин. Бик зур рәхмәт аңа! Салават Зәкиевич бик күп җырчыларга сәхнәгә чыгарга этәргеч бирде. Бәхет, озын гомер телим. Якыннары янәшәсендә матур гомер кичерергә, һаман да шулай халкыбызны җыр-моң белән баетып яшәргә язсын!

Җырчы Асылъяр: 

– Аны тыңлап үстек. Хәзер дә гаиләләребез белән яратып тыңлыйбыз, җырлыйбыз. Шушы саекмас моңыгыз белән без – яшьләр өчен маяк булып калыгыз. “Татар моңы” конкурсын җитәкләвегез дә милли җырыбызны, моңыбызны саклауда зур роль уйный. Татар җырларын хәзер алай да болай да итәләр, ләкин милли моңыбызның асылын тамашачыга җиткерүче конкурслар 2-3 кенә. Сезнең кулыгызда – көч, җаныгызда моң бар. Шушы моңны халкыбызга тапшырыгыз киләчәктә дә һәм яшьләрне үз артыгыздан әйдәгез.

Шагыйрә Ләйлә Дәүләтова:

– Хәзерге җырчыларның барысын да бергә җыйганнан соң бер Салават килеп чыга. Анда хәйләкәрлек тә, акыл да бар. Җырның эчтәлеген аның кебек җиткерә белүче җырчыны минем әле күргәнем юк. Салават абыйның 60 яшьлеген генә түгел, 70, 80, 90 да бөтен җырчылар бергә җыйнаулашып үткәрергә насыйп булсын!

Запись Татар Тудей, Асылъяр, Дәниф Шәрәфетдинов, Ләйлә Дәүләтова Салаватка нинди теләкләр теләделәр? [видео] впервые появилась Tatar Today - татар яңалыклары..

Россия авторлар җәмгыятенең Татарстан вәкиллеге җитәкчесе, Татарстанның халык артисты Зөфәр Хәйретдиновның бүген, 5 август, 60 яшьлек юбилее! 

ТНВ каналында чыгучы “Адәм белән Һава” тапшыруыннан Зөфәр Хәйретдинов белән интервьюдан өзек:

— Иҗаттан тыш вакытыгызны ничек үткәрәсез?

— Бабай булдык дип, җылы түшәккә яту ягын карамыйм. Актив тормыш рәвешен яратам. Мөмкин булган кадәр, волейбол уеннарына йөрим. Вакыт барыбер үзенекен ала инде ул, элеккеге кебек, сикерә-сикерә, уйнап булмый. Киләсе елга алтмышны тутырабыз Алла боерса!

— Иҗатка карашыгыз үзгәргән, ә гаиләгә караш үзгәрәме?

— Гаиләгә карата караш яхшы якка үзгәрде. Чыннан да, гаиләнең тәме, рәхәтен, олыгая башлагач, аңлыйсың икән. Кеше кай чорда бер-береңнән туеп, аерылырга мөмкин дигән сорау биргәннәр. 5−10 ел эчендә аерылмасаң, аерылу пронценты кими. Без әлеге чорларны үттек Аллага шөкер. Бүген иң якын кешем — ул хатын.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Запись Зөфәр Хәйретдиновны шатлыклы көне белән тәбриклибез! впервые появилась Tatar Today - татар яңалыклары..

28 июль татар эстрадасында үз исемен танытып өлгергән җырчы Гүзәлем гаиләсе, якыннары белән туган көнен үздырып җибәргән булса, 29 июль шул уңайдан мөмкинлекләре чикле булган балаларга күңелле бәйрәм оештырды. 

Әлеге күркәм чара Казанда урнашкан “Тантана” ресторанында узды. Инде менә икенче ел рәттән, шау-шу, пиар тудырмыйча, Гүзәлем туган көнендә изге гамәл кыла: балаларга, әти-әниләргә зур бәйрәм оештыра. Бәйрәмдә игътибарга лаек, көчле рухлы балалар җыелган.

Җырчы үзе әйтүенчә, бу бәйрәмне оештыруда олы йөрәкле ярдәмгә килүчеләр дә шактый булган. Инстаграмга күз салсак, бәйрәмдә балаларның күңелен күрергә нинди генә әкият геройлары килмәгән, нинди генә кызыклы уеннар булмаган.Көн саен яшәү өчен көрәшкән сабыйларга шушындый эчкерсез, якты бәйрәм оештыручыларга мең рәхмәт диясе генә кала!

View this post on Instagram

A post shared by Гузэлем (@guzelem_official)

Мәгълүмат Гүзәлемнең инстаграмыннан

Запись Җырчы Гүзәлем янәдән шаккатыра впервые появилась Tatar Today - татар яңалыклары..

Бүген, 28 июль, халык артисты Салават Фәтхетдинов һәм татар эстрадасының популяр җырчысы Салават Миңнеханов хатыннарының туган көннәре. Алар икесе дә әлеге истәлекле көндә тормыш иптәшләренә җыр багышлый.

Салават Фәтхетдинов хатыны Ләйсәнгә үзенчәлекле котлау сүзләре яза һәм аңа багышлап җыр башкара.

View this post on Instagram

A post shared by Салават Закиевич Фатхутдинов (@salavat_fatkhutdinov_official)

Салават Миңнеханов исә хатынына туй көнендә әйтелгән сүзләрен искә ала һәм котлау сүзләрен юллап, Гүзәлемгә багышлап яздырылган җырны тәкъдим итә.

View this post on Instagram

A post shared by САЛАВАТ МИННИХАНОВ (@salavat_minnikhanov)

Мәгълүмат Салават Фәтхетдинов һәм Салават Миңнехановның инстаграмыннан алынды

Запись Ике Салават та хатыннарына бер үк бүләк бирәме? впервые появилась Tatar Today - татар яңалыклары..

Татарлар турында киң кулланыла торган стереотиплар бик күп. Менә аларның кайберләре:

1. Татар кухнясында ризыклар ит һәм камырдан гына тора.

“Түбәтәй” хезмәткәрләре 4 ел дәвамында заманча татар кухнясын барлыкка китерү һәм моның киресен исбатлау өстендә эш алып бара. Монда төрле ризыкка өстенлек бирүче кешеләр үзләренә ошаганны таба ала. Һәр көнне тәкъдим итәргә мөмкин булган файдалы ашлар, салатлар, кыстыбургерлар турында әйтеп тә торасы юк.

2. Хәләл ризык мөселманнар өчен генә.

«Хәләл» төшенчәсе ашамлыкта дуңгыз ите булмавын гына аңлатмый. Бу сүз, беренче чиратта, ризыкның югары сыйфаты, натураль булуы турында сөйли. Әлеге төшенчә шулай ук бизнес алып барудагы гаделлекне һәм коллективта бер-береңә булган хөрмәтне дә үз эченә ала.

3. Күпләр татарларны саран дип, саный. Бу алай түгел.

“Түбәтәй” рестораннарында еш кына хәйрия чаралары үтә. Рамазан аенда алар күпләрне түләүсез кабул итте. Шулай ук аларның «Күңел биреп яшә” (“Живи душой”) дигән төп изге акцияләре турында да онытмаска кирәк. Ул һәрвакыт мохтаҗларга ярдәмгә килә. Бу изге гамәлләр ресторан кунаклары белән бергәләшеп башкарыла. Юмарт булганыгыз өчен дусларыбыз без сезгә рәхмәтлебез!

❗14 ИЮНЬ “ТҮБӘТӘЙ”  СЕЗНЕ – КРЕМЛЬ УРАМЫ 21 ЙОРТКА ҺӘМ БАУМАН УРАМЫ 47 ЙОРТТА УРНАШКАН РЕСТОРАННАРЫНА ТУГАН КӨННЕ БЕРГӘЛӘП БӘЙРӘМ ИТӘРГӘ ЧАКЫРА!

14 ИЮНЬНЕ УЗАЧАК ЧАРАЛАР ИСЕМЛЕГЕ:

9:30-11:00 – Кремль урамы, 21 – “4 ел дәвамында татарлар һәм татар кухнясы турында стереотипларны җимерәбез” дигән темага иртәнге бизнес-аш.

10:00-11:00 – Бауман урамы, 47 – өчпочмак пешерү буенча балалар мастер-классы. Мастер-класс билетыннан җыелган акчалар хәйриягә кулланылачак. Бу “Күңел биреп яшә” (“Живи душой”) хәйрия акциясе буларак үткәрелә.

16:00-17:00 – Бауман урамы, 47 – Яңа меню презентациясе. Ризыкларны ашап карап та булачак. Дегустация көтелә. Кунаклар белән яңа менюдагы кыстыбургерларны әзерлиячәкләр.

17:00-20:00 – һәр ике ресторанда да балалар өчен анимация эшлиячәк.

18:00-20:00 – Бауман урамы, 47 – Күңел ачу программасы: җырлар, биюләр – барысы да без яратканча булачак.

❗БӘЙРӘМ КӨННЕ ЯҢА КЫСТЫБУРГЕРЛАР 99 СУМ ГЫНА ТОРАЧАК! “ТҮБӘТӘЙ”ДӘГЕ ЯҢА РИЗЫКЛАРДАН АВЫЗ ИТӘРГӘ АШЫГЫГЫЗ!!!

Мәгълүмат Тюбетей | Түбәтәй | Tubatay Вконтакте битеннән

Запись “Түбәтәй” милли тиз туклану рестораннар челтәрләре туган көненә чакыра! впервые появилась Tatar Today - татар яңалыклары..

2010 ел. Мин бик көчле авырдым. Микроинсульт, инфаркт кичердем. Палатада икәү. Төн уртасында палатадашымны хәле авыраю сәбәпле, реанимациягә күчерделәр. Мин әлегә бик авырлык белән булса да селкенәм, үз хаҗәтемне үзем үтәргә омтылам. Төнге сәгать бер. Төш күрәм. Палатаның пыяла ишегеннән миңа берәү бик текәлеп карап тора. Кулында ак конверт. Минем күзләремне ачканны күреп, миңа ак конвертны суза.
– Мин Рөстәмнең әтисе, Нургали абыең булам, сеңелем.
– Гафу итегез, Нургали агай, мин сезне белмим,кайсы Рөстәм?
– Син, сеңелем, Рөстәмне беләсең! Сиңа зур бүләкне кем тапшырды, мәктәп ишек төбендә кем такты күкрәгеңә медаль?
– Әәәә, ул Рөстәм мени?! Аны беләм, Нургали агай!
– Гафу итегез, мин бит йөри алмыйм әле, хәлем авыр… Сезнең янга да бара алмыйм.
– Кирәкми дә! Мин сиңа әманәт калдырам бу конвертта. Ишегеңә кыстырып… Торгач, укырсың!
– Аны нишләтергә, Нургали агай?
– Улыма тапшырырсың!
– Мине аның янына кертерләрме соң?
– Ә син аңа минем сүзем барып җитәрлек хәбәр яз!
… Мин уянып, караватта торып утырмакчы булам.”Нургали агай миңа ни әйтергә теләде икән?”, дип уйланам. Хастаханәдән чыгуга, бу әманәтне җиткерергә көч бирүен сорап. Аллаһыма ялварам.
3 атна дигәндә, мин аякка бастым. Өстемдә – Нургали агаемның әманәте тора. Өйгә кайткан көнне үк күңелемә килгән беренче уйларымны кәгазьгә төшердем, беркаян, беркемнән берни сорамыйча, утырдым да яздым. Үзеннән-үзе сүзләре дә, фикерләре дә телемә килеп торды.

Поэмамны икенче көнне мәктәпкә алып барып, коллегаларыма укыдым. Ә иң кызыгы – ул көнне Рөстәм Нургалиевич Буага килде. Тормышның серле мизгелләре дими ни дисең моны?! Күңелем белән поэма басылган папканы Рөстәм Нургалиевичка тапшырырга да уйлаган идем дә, уемнан кире кайттым. Янындагылар аңламаслар кебек тоелды.

2012 елда “Өч мизгел” дигән китабымны чыгарырга туры килде. Поэма шул китабымда үз урынын алды.
2017 ел гаиләбезгә килгән авырлык күпере кабат президентыбызга барып тоташты. Бүген балаларыбызның яраткан әтисе, минем гомерлек юлдашым, иремнең исән-сау булуында Рөстәм Нургалиевичның да ярдәме зур булды.

Хөрмәтле Рөстәм Нургалиевич!
Сезне туган көнегез белән гаиләбез исеменнән ихлас котлыйбыз. Ватандашларыгыз киләчәген кайгыртып яшәүче йөрәгегезгә сокланып, исәнлек, гаиләгезгә иминлек, бәхет телибез. Туган җиребездә шатланып эшләгез, һәркайсыбызга үрнәк булып яшәгез!

Тирән ихтирам хисләре белән Гөлнур һәм Азат Айзетулловлар.

Безнең теләкләргә балаларыбыз гаиләләре дә кушыла..Буа шәһәре.
“Урманчы улы” дигән поэмам Сезгә туган көн бүләге!

ВКонтакте: Гульнур Айзетуллова

Запись Язучы Гөлнур Айзетуллова: “Гомерлек юлдашымның исән-сау булуында Рөстәм Нургалиевичның ярдәме зур булды” впервые появилась Tatar Today - татар яңалыклары..

ХӨРМӘТЛЕ ПРЕЗИДЕНТЫБЫЗ!

Сез дөньядагы татарларның, Татарстаныбызның президенты! Сезне хөрмәт итәбез, сәламәтлек, җан тынычлыгы, ир-ат бәхете, ата бәхете телибез!!!

Сезгә үз конституциябез булган Татарстан республикабыз өчен җаваплы ТАТАР ШӘХЕСЕ буларак тәнкыйть тә ишетергә туры килә, без дә кайвакыт Сезнең милли мәсьәләләрдә кыюрак адымнар ясавыгызны телибез, әйтәбез! Зинһар гафу итегез, әгәр эшкә караганда сүзебез күп китсә! Тәнкыйтьләү яки “Нигә болай булды соң бу?” дип язу ул Сезгә каршы килүебез түгел, ә хәлне уңай якка үзгәртү юлларын эзләү. Сезнең аша татар теле әйбәтрәк халыкка таралачак дип әйтергә теләү! Шуңа да безнең кебек үз көннәрен үзе күрүче, татарлар өчен эшләүче, татар телен күбрәк кулланырга, татарларның хокукларын якларга тырышкан, үзләре татар порталлары, сайтлары ачкан, татар гәҗит-журналлары ачып дөньяга таныткан шәхесләргә, безнең кебек журналистларга да игътибар итсәгез иде. Рәсми матбугат чаралары вәкилләре белән очрашуда без дә Сезгә теләк-сорауларыбызны бирә алсак иде!

2018 елга йомгак ясау очрашуында рәсми матбугат чараларына Сез Рөстәм әфәнде татар теленә бәйле шәп фикерләр әйттегез – “БАРСЫДА ҮЗЕБЕЗДӘН ТОРА. ТАТАР ТЕЛЕН БЕЛМӘҮ – ҮЗЕҢНЕҢ ТАРИХЫҢНЫ, АТА-БАБАЛАРЫҢНЫ ХӨРМӘТ ИТМӘҮ. УЛ ДӨРЕС ӘЙБЕР ТҮГЕЛ! ЭШНЕ ҮЗЕБЕЗДӘН БАШЛАРГА КИРӘК!”дидегез. Шул сүзләрегезнең чынга ашыун, бөек, зирәк, батыр йөрәкле, халкының сулышын тоеп яшәүче, рухи һәм материал хәлен кайгырткан ТАТАРСТАН ПРЕЗИДЕНТ булып калуыгызны телибез! Дин кардәшебез, БРАТЫГЫЗ РАМЗАН КАДЫЙРОВ ӘЙТКӘНЧӘ, СЕЗНЕҢ БЕЛӘН ТАТАРСТАН ЧӘЧӘК АТАЧАК! Аллаһ рәхмәте белән шулай булсын!

СЕЗНЕҢ ХЕЗМӘТЕГЕЗГӘ, АКТИВЛЫККА, 24 СӘГАТЬ ХӘРӘКӘТТӘ БУЛЫП ТАТАРСТАНЫБЫЗ ӨЧЕН ТЫРЫШУЫГЫЗГА БАШ ИЯМ! ИҢ ИХЛАС ТЕЛӘКЛӘР БЕЛӘН “ТАТАР ТУДЕЙ” ПОРТАЛЫ ХУҖАСЫ, ЖУРНАЛИСТ, ҖӘМӘГАТЬ ЭШЛЕКЛЕСЕ, ХӘЙРИЯЧЕ РӨСТӘМ ИСХАКЫЙ!

Запись Tatar Today порталы хуҗасы Рөстәм Исхакый Рөстәм Миңнехановны туган көне белән котлый [видео] впервые появилась Tatar Today - татар яңалыклары..

3 февральда Фирдүс Тямаев туган көнен билгеләп үтте. Быел аңа 36 яшь тулды.

Фирдүс Тямаев беренче бүләген төнге сәгать 12 тулып киткәч кабул иткән, ләкин бу бүләк кемнән икәнен аңлый алмаган. “Беренче бүләкне кабул иттем, ләкин курьер әйтмәде кемнән икәнен, зинһар әйтегез әле кем бирде? Кыен хәлдә калдым. Рәхмәт бик зур” дип язган ул.

View this post on Instagram

A post shared by Фирдус Тямаев (@firdustyamaev_official)

Көн дәвамында Фирдүсне иҗатташ дуслары инстаграмда төрледән-төрле фотолар куеп котлады.

Мәсәлән, алып баручы Айрат Ильясов: “Яхшырак фото юк иде. Туган көнең белән”, дип язып Фирдүс Тямаевның паспортындагы фотосы белән котлау кертте.

View this post on Instagram

A post shared by Айрат Ильясов "Эссе" (@airat_maratovich)

Җырчы Ләйсән Мәхмүтова исә Фирдүс Тямаев белән кызык видео урнаштырып: “Фирдүүүс… Син кыздыручы, акылдан язган, шәп, үзеңне җәлләми торган, кызык кеше. Берүк, ул ташып торган көчен бетмәсен, гел тулландырып торсын тамашачы мәхәббәте белән, үсеп, кубәя барсын. Гаиләгездә бәхетегез ташып торсын, иң изге, ак теләкләр. Машинада сез уйлаган нәрсә түгел”, дип котлады.

View this post on Instagram

A post shared by Ляйсан Махмутова (@laismaxm)

Марат Мухин “Аңлашылмый, әмма Туган көнең белән @firdustyamaev_official“, дип язган.

View this post on Instagram

A post shared by Марат Мухин Studi️️o️️ (@maratmuhin)

Җырчы Илсөя Бәдретдинова “@firdustyamaev_official. Брат, туган көнең белән! Уважуха… КЕШЕ син! Чын!”, дип язып котлаган.

View this post on Instagram

A post shared by Ильсия Бадретдинова (@ilsiiabadretdinova)

Фирдүс Тямаев быел туган көнен дус ир-егетләр белән Казанның бер ресторанында бәйрәм итте. Фирдүснең дуслары бу бәйрәмнән мизгелләр белән сторисларда уртаклашты. Без аларга үзебезнең инстаграм битендә күзәтү ясадык.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Данир Сабиров бу бәйрәмнән соң: “Хатын миннән: “Фирдүснең туган көнендә нәрсә эшләдегез?” – дип сорый. Өч малай барабан кактык, ә кызлар карап торды, дим. Ышанмый”, дип язган.

View this post on Instagram

A post shared by Данир Сабиров (@danir_sabirov87)

Узган елны туган көнендә Фирдүс Тямаев “Пирамида” концертлар залын гөрләткән иде.

https://www.instagram.com/p/BevU7hYgYuc/

Фирдүс әфәнде! Ихластан туган көнең белән котлыйбыз! Сәламәтлек, яшәү дәрте, иҗади уңышлар телибез!

————————————————————————————————————————————————————————————

Tatar Today порталы җырчыларның концертларыннан фото-видео репортажлар, махсус видеотапшырулар ясый, яңалыклар яза. Кем үзләрен күрергә тели шалтыратыгыз, элемтәгә керегез! 

тел: 240-24-99 

СЕЗ БЕЗГӘ ЯРДӘМ ИТӘ АЛАСЫЗ – https://money.yandex.ru/to/410017377157443

WhatsApp: +7966-240-24-99 (Сбербанк Онлайн) 

Запись Фирдүс Тямаевның туган көне Instagramда [күзәтү] впервые появилась Tatar Today - татар яңалыклары..