Инстаграм битендә Әнвәр әфәндегә берәүләр, «Син – колхозник» дигән фикер калдыра. Җырчы моны игътибарсыз калдырмый, болай язучыны ул «фәрештә» ди һәм туган авылында, бозауларны иркәләп, җавап бирүен дәвам итә. «Әйе колхоздан, авылдан, мин горурмын шуның белән. Тиресен дә түктек, көтүен дә көттек, комбайнда да, зернотокта да эшләдек. Рәхмәтлемен Ходаема. Кем авылда үсмәгән, алар ипи, сөт тәмен белми!», – дип җөпләп куя фикерен Әнвәр Нургалиев.

Запись Әнвәр Нургалиев “колхозник” диючегә җавап бирә [видео] впервые появилась Tatar Today - татар яңалыклары..

«Үз авылыма вертолет белән кайтып, туган йорт артындагы печән җиренә төшергә күптән хыял бар иде – бүген чынга ашты! Әле балалар белән энекәшләрне дә йөртеп килде пилот абый😊», дип инстадуслары белән бүлешкән ул.

Җырчының әлеге язмасы астында аның иҗатын сөючеләр күпсанлы шәрехләр калдырганнар.

«Шәп бит бу…минем әнием Әгерҗе районында тора..гел кайчан кайтасың дип сораган саен мин менә вертолетка бензин салам да кузгалам дип көләм…их менә шулай утыр да очып кына кайтып җит икән ул…»

«Мактанчыклар бригадасы диеп атала бу куренеш 🤦🏽‍♂️»

«Помидор кәбестәне бетерә язды».

«Салаваттан кабатлыйсың».

Танылган алып баручы Гөлназ Сәфәрова исә болай дип язып калдырган: «😂😂Минем әби валлахый төшерттермәс иде😂печән важнее))».

View this post on Instagram

A post shared by Раяз Фасихов (@rayazfasikhov)

Чыганак: Шәһри Казан

Запись Җырчы Раяз Фасыйхов туган авылына вертолет белән төшкән впервые появилась Tatar Today - татар яңалыклары..

22 сентябрь Фирдүс Тямаевның Башкортостанның Яркәй районында узган концертында улына килен табылган.

Җырчы инстаграм аккаунтына  Алинә исемле кызның сәхнәгә менеп:”Алла бирса үзем булам Тямаевның килене!” дип җырлаганын урнаштырды. Әлеге видео астына җырчы: “Киленебез бар” дип язып куйган. Шулай булгач, таныша торыгыз!

Ә җырны кем өйрәткән дип уйлыйсыз? Сорауга җавап видеода!

View this post on Instagram

A post shared by Фирдус Тямаев (@firdustyamaev_official)

Видео "Инстаграм"нан алынды.

Запись Таныш булыгыз – Фирдүс Тямаевның килене Алинә? [ВИДЕО] впервые появилась Tatar Today - татар яңалыклары..

23 сентябрь җырчы Илвина татар эстрадасында беренчеләрдән булып, әле яңа гына сатуга чыккан iPhone 11 Pro Max-ка фотога төшереп күрсәтте. Әлеге телефон бүген иң кыйммәтлеләрдән санала. 

Илвина инстаграм акаунтына фитнес үзәктә төшкән фотосын куеп: “Атна башы белән” дип фото кертте. Сүрәте матур – сүз дә юк. Җырчы үзенең көзгегә карап торганын төшергән. Кулында iPhone 11 Pro Max. Интернет кибетләрдә бу модельләр 89 меңнән алып 131 мең сумга кадәр тора. Илвина бит ул затлы, үзенчәлекле җырчы санала, кыйммәтле, 130 меңгә якын торучы кәттә телефонны үзе алгандыр дип аның өчен бер сөенеп куик…

Җырчының "Инстаграм" аккаунтыннан

Запись Илвина якынча 130 меңлек телефонын күрсәтте [ФОТО] впервые появилась Tatar Today - татар яңалыклары..

Бишенче урында – Әнвәр Нургалиев. Өч социаль челтәргә аның барлыгы 200 меңнән артык язылучысы бар.

Дүртенче урында – Илсөя Бәдретдинова. Ул Әнвәр Нургалиевны беразга гына узып киткән. Аның язылучылары саны шулай ук  200 меңнән артык икән.

Өченче урында – “Мишәрләр, вперед!” шигаре белән сәхнәнең иңеннән буена сикергәләп йөргән мишәр егете Фирдүс Тямаев. Топ-5лекне исәпләгән вакытка аның 342 меңнән артык язулычысы булган.

Икенче урында – чыгышы белән Пермь өлкәсенең Барда районыннан булган Гүзәл Уразова. Өч социаль челтәрдәге язылучылар санын кушып исәпләгәндә аның 430 меңгә якын язылучысы бар.

Беренчелек кемдә икәнен аңлагансыздыр инде. Топ-5лекнең башында – Башкортстан егете Elvin Grey. Радик Юлъякшинның язылучылары 621 меңнән артып киткән.

Өмет

Запись “Җырчылар рейтингы”: Әнвәр Нургалиев, Гүзәл Уразова, Elvin Grey бер-берсеннән күпмегә калыша впервые появилась Tatar Today - татар яңалыклары..

Соңгы арада Ришат Фазлыйәхмәтов сәхнәдән китә икән, сүзләр таралды. Баксаң, бу хак сүзләр икән. Җырчы әлеге мәсьәләгә ачыклык кертеп, Инстаграм битендә үзе хәбәр җиткерде. 

“Хөрмәт иткән, яраткан тамашачым!

Сәхнәдән китәм, дигән сүзем, дөрес!

Минем белән бергә булганыгыз өчен, хөрмәтегез өчен рәхмәтемне белдерәм!

Рәхмәт сезгә!”, дип язган Ришат Фазлыйәхмәтов.

“Алда куп концертлар калмады, рәхмәтемне белдерәм. Кемнәр минем белән булды, барыгызга да рәхмәт”, дип белдергән җырчы.

Ришатның бу сүзләрен Инстаграмдагы дуслары игътибарсыз калдырмаган. Карарының сәбәбе белән кызыксынганнар һәм кире уйлавын үтенгәннәр.

https://www.instagram.com/p/BvIjySDFmyU/

2018 елның август аенда ук Ришат Фазлыйәхмәтов: “Менә бу яңа концерт программамны тиешенчә итеп әзерләп, клиплар төшереп карыйм да, халыкка кирәк булмый икән – икенче елга тулысынча эстрададан китәргә ниятлим”, дип әйткән була.

https://www.instagram.com/p/Bp877ulgtml/

Запись Ришат Фазлыйәхмәтов сәхнәдән нигә китә? впервые появилась Tatar Today - татар яңалыклары..

15 февральдә үзенең сәхифәсендә Рифат Зарипов концертларының кичектерелүе хакында хәбәр итеп, видеомөрәҗәгать яздырган. Моңа кадәр ул авыруы турында әйткән иде һәм бер концертын күчергән иде. Әмма 14 февраль көнне, терелеп беттем дип уйлап, ул чыгыш ясарга була. Ләкин хәле тагын да начарая һәм хәзерге вакытта ул чыгышларын туктатып торырга мәҗбүр булуын җиткерә. Терелергә диеп, Рифат әти-әнисе янына авылга кайткан һәм 3-4 көннән концертларын дәвам итәргә планлаштыра.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Запись Рифат Зарипов концертларын туктатырга мәҗбүр [видеомөрәҗәгать] впервые появилась Tatar Today - татар яңалыклары..

Лилия Хәйруллинаның шәхси тормышы белән кызыксынып, әлеге темага берниниди комментарий бирмәгәне өчен гаепләүчеләргә Лилия үзенең сәхифәсендә җавап биргән. Ул, барыннан да элек, шәхси тормышын ни өчен күрсәтергә теләмәве хакында язып, начар язучыларга фикерләрен җиткергән.

“Минем аңлавымча: шәхси тормыш – барыннан да элек шәхси эш. Кемнеңдер шәхси тормышы җәмгыять өчен ачык. Моны һәркем үзе хәл итә. Әгәр син сәхнә кешесе икән, моның турында сөйләргә/ язарга/ күрсәтергә кирәк дигән кагыйдә юк”, ди Лилия Хәйруллина.

“Минем адреска күп сораулар килә, хәтта шелтә дә белдерәләр… (Кайчагында кешеләр миңа караганда да күбрәк беләләр). Кайберләре шулкадәр борчыла ки, минем шәхси тормышым турында бернидә белмичә, ниндидер киңәшләр бирә.

Моның турында башка сорамавыгызны сорыйм. Шәхси тормыштан кала да минем күрсәтердәй һәм сөйләрдәй әйберләрем бар. Минемчә, һәркем шәхси киңлеккә хокуклы. Мин моны рейтинг һәм өстәмә популярлык алу чарасы итеп кабул итмим. Мин – ул мин.

Әйе, мәктәптә/ институтта укыганда мин сыйныфтан/ төркемнән булган егет белән йөрергә хыялландым… Үзара мөнәсәбәтләрне кешегә күрсәтергә, тәнәфесләрдә бергә басып торырга, коридорлардан җитәкләшеп узарга теләдем. Аннары сине барысы да сөйли һәм бармак төртеп күрсәтә. Минем белән мондый хәл булды.  Бу артык күп игътибар җәлеп ителә һәм проблемалар тудыра. Үттек. Кызык иде. Рәхмәт.

Хейтерлар болай да җитәрлек.
Начар язучылар турында: тискәре якка уйлавыгыз бик кызганыч… начар сөйләү кешене уңай якка үзгәртми. Әгәр син үз өстеңдә эшләмисең икән, сиңа бернәрсә дә ярдәм итмәячәк. Дөньяны үзгәртергә теләсәң, үзеңнән башларга кирәк.

Күп тапкырлар уздым… хәзер мин мондый сүзләргә тыныч карыйм, хәтта уңай ягын да күрәм. Алар белән кызык видеолар төшереп, актерлык сәләтен үстерегә була. Бәлки кинәт кинога алырлар.
Чынлыкта барысы да гади”, дип белдергән Лилия Хәйруллина.

View this post on Instagram

A post shared by 🅻🅸🅻🅸🆈🅰️ 🅺🅷🅰️🅸🆁🆄🅻🅻🅸🅽🅰️ (@liliya_khairullina_official)

Запись Лилия Хәйруллина шәхси тормышына бәйле сорауларга нокта куя впервые появилась Tatar Today - татар яңалыклары..

Азат Фазлыев әнисен яман чирдән дәвалауга җыелган акчаларны авыру балаларга тараткан. Бу хакта ул 13 февральдә шәхси инстаграм битендә хәбәр итте. Хәзерге вакытта әнисен алар кредит акчаларына дәвалыйлар икән. Хәйрия концертларыннан кергән, карталарга күчерелгән акчалары ул балаларга таратырга карар иткән. Шунысын да әйтергә кирәк, Азат бу балалар һәм аларның әти-әниләре белән шәхсән күрешеп аралашкан.  

“Кадерле дуслар! Табибларның әнигезгә тиз арада операция кирәк дигән сүзе дөньябызның астын-өскә китерде. Нишләргә дә белмичә калдык. Әнә шул чакта без сезгә, хөрмәтле дусларыбызга, мөрәҗәгать иттек.

Гаиләбезгә килгән бу кайгыны үзенеке кебек кабул итүчеләр күп булды. Безне хөрмәт итүчеләр күплегенә күңел сөенде. Һәркем өчен ӘНИ иң якын кеше. Безгә гомер биргән, өчебезне дә аякка бастырган газиз кешебезне югалтудан курыктык. Ничек кенә булса да яшәтәсебез килде.

Әле дә без Әниебез өчен барысына әзер. Тик ул яшәсен, авыртмасын, сызланмасын гына!
Белгәнегезчә, әни Төркиягә барып кайтты. Организмындагы ялкынсыну процессын бетереп булды. Чит ил табиблары аңа химия бирде. Әлегә ул өч ай шуны эчә.

Әнигә зур сумма кирәк булгач, хәйрия чаралары узды, картага акча күчерүчеләр булды. Кызганыч, өч баласының берсе дә донор буларак туры килмәдек. Әле дә әнигә донор эзлиләр. Үзебез бурычка алган миллоннарны әни өчен тотабыз. Ә инде халыктан җыелган акчаны без бүген авыр хәлдә булган балаларга таратырга булдык. . “Ватаным Татарстан” газетасы язмышлары бәян ителгән балаларны тәкъдим итте. Барысы да ярдәмгә мохтаж аларның. Мин үзем һәр гаиләдәге сабыйны күрдем, аларга чынлап та ярдәм кирәклегенә инандым. Бу адымга мин бик озак килдем. Кешедән җыйган акчаларның авыру балаларга ярдәме тисен, дидем.

Әле бит акча җыю гына түгел, Аллаһы Тәгалә алдында алар өчен җавап та тотасы бар. Әлеге акчаларда өлеше булган һәркемгә Ходай савабын бирсен, эшләгән игелекләрегез меңе белән әйләнеп кайтсын! Газиз кешеләрегез, якыннарыгыз, балаларыгызга авырырга язмасын! .

Барыгыз алдында башыбызны иябез Ярдәм иткән балалар @gulnaziarullina7847 @gulziraminnullina @timfazliev Миронов Владислав Дмитриевич, @leisan1231@tazetdinova51 @dianashagieva2015“, дип уртаклашкан Азат Фазлыев.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Әлеге пост астында Азат әфәнденең бу гамәлен хуплап, уңай фикерләр калдырганнар, әнисенә сәламәтлек, озын гомер теләгәннәр.

Запись Азат Фазлыев авыру әнисе, җыелган акчаларга бәйле көтелмәгән карарын әйтте. Өсләрендә миллионлаган бурыч впервые появилась Tatar Today - татар яңалыклары..

Атна азагында җидесе узачак Димитровград шәһәренең “Карлыгач” ансамбле җитәкчесе Фәния Хәлиуллованың сәхнәдә җырлаганда егылып үлүен җырчылар гаҗәпләнеп, шок хәлендә кабул иткән. Хәтта кайбер артистлар бу темага фикер әйтүдән дә баш тартты.

Җырчыларга без, “Сәхнәдә үлүдән куркасызмы, үлем куркынычы янаган вакыт булдымы?”, дигән сорауны юлладык. Берничәсенең әлеге темага гомумән сөйләшәселәре килмәде. Сорауны җавапсыз калдырдылар. Фикер җиткерүчеләр дә Фәния ханым белән булган хәлне авыр кабул иткән. Бу очрактан соң күбесе уйга калган.

“Үлем хәбәре – матур хәбәр түгел. Ул кая гына килсә дә кешегә, ничә яшендә килсә дә, үлем хәбәре – авыр хәбәр. Бу хәбәрне ишеттем. Күп кешенең телендә уенда, бу хәл, авыр кичерә”, дип уртаклашты җырчы Динә Латыйпова.
Аңа үз гомерендә берничә тапкыр үлем белән күзгә-күз очрашырга туры килә. Авыр, катлаулы операцияләр дә кичерә.

“Ничек без мәңгелектән килдек, мәңгелеккә китәчәкбез. Без бу дөньяның кунаклары гына. Ләкин яшисе килә, тормышның иң матур чагында иртә китү бик аяныч”, дип сөйләде ул.

Хәлсезлек булган очракта да шулай ук җырчы ире Рафаэль әфәнде белән сәхнәгә чыгалар. Үзләрен начар хис иткәндә, дару кабып куярга тырышалар икән. Динә ханымның кан басымы борчымаса да, кайвакыт тамагы шешеп, каты авырып температурасы булгалаган. Төрле юллар белән бер-ике көн эчендә тиз генә тавышларын чыгарырга тырышканнар. Авырып сәхнәгә чыйкмый калган вакытлары булмый диярлек.

“Чөнки залда тамашачы булганда, “Хәлем юк әле, мин чыкмыйм” дип әйтә алмыйсың. Концерты өзмәү – ул медицинада Гиппократ анты кебек. Без, артистлар, шундый карашта. Сәхнәгә ничек булса да чыгарга, эшләргә тырышабыз. Бик каты кискен халәт булганда, анда аерым сәбәп. Анда чыгалмыйча калуың да ихтимал”, диде Динә Латыйпова.

Урта буын җырчысы Раяз Фасыйховка Фәния ханымның сәхнәдә егылып үлү видеосын Тинчурин театры сәхнәсенә чыгасы көнне – Фирзәр Мортазинның концерты алдыннан күрсәтәләр.

“Сәхнәдә вакытта шул видео искә төште бит, йөрәк чәнчеп җибәрде – вәт курыктым, мин дә үләм микән, дидем”, ди Раяз.

Аның сүзләренчә, бер ара сәхнәгә чыгар алдыннан, начар була башлый аңа, табиплардан ношатырка алып иснәп, чыгарга туры килгән. “Күз тигән, өшкерегә кирәк”, дигәннәр. Шулай эшләгәч, беткән. Бервакыт кан басымы күтәрелеп, сәхнәдә егалы ук язган. “Сәхнәдә үлмәскә иде”, диде Раяз фикерен тәмамлап.

Элмира Сөйләйманова да бу хәбәрне авыр кичерә. “Бик кызганыч, туганнарына Алла ярдәм бирсен, кайгыларын уртаклашам”, диде ул.

Шушы көннәрдә Ленинагорск шәһәрендәге концертның соңгы номерында әллә кан басымы төшеп киттә, әллә менеп китә, аңламый кала үзе дә. Шушы ханым исенә төшә. “Аллама сакласын, андый хәлдән”, ди җырчы.

“Үлем куркынычы бар инде, кемдә юк ул? Без бит гомер буе юлларда йөрибез. Ләкин яшисе килә, балаларның үскәнен күрәсе килә, әби булу бәхетен күрәсе”, дип уртаклашты Сөләйманова.

Эльмира ханымның сәхнәдә авыр булган, баш әйләнгән чаклары да була. Тавышы өзелеп берәр хәл була калса, дип үзенең оператор егетләрен дә кисәтеп куя икән. Әмма никадәр авыр булса да моңа кадәр җырлап бетерергә тырышкан.

“Сәхнәгә чыкмый калган чаклар юк, ләкин концертны берничә минутка соңга калдырып чыккан бар, ләкин чыктык, эшләдек. Озын гомерле, исән сау булырга язсын барыбызга да”, диде Эльмира Сөләйманова.

Алып баручы, татарча шансон башкаручы Зөлфәт Зиннуров үзендә үлем куркынычы булган вакытны әйтә алмады. Андый очрак хәтерендә калмаган.

Кайвакытны, артык дулканланудан, каушаудан яки зур җаваплылыктан сәхнәгә чыгар алдыннан йөрәге “дөп-дөп” килгән вакытлары булган, ләкин сәхнә чыкмый калмаган.

Ул да сәхнәдә үлүдән курка. “Кем генә курыкмый микән? Андый кеше юктыр инде ул. “Менә мин сәхнәдә үлүдән курыкмыйм!”, дип җавап бирүче кеше булса, миңа да әйтерсез. Кем булыр икән ул!?”, диде Зөлфәт әфәнде.

Запись Җырчылар сәхнәдә үлүдән куркамы? впервые появилась Tatar Today - татар яңалыклары..