Казахстанның Уральск шәһәренә чыгыш ясарга барганда “КАРАШ” төркеме күңелсез хәлгә очырый, ярты юлда машиналары ватыла.  “Әлеге вакытта без юлда торабыз. Ничек барып җитәсен үзебез дә белмибез. Әле яныбызга бер машина килеп туктады. Иң кызыгы шунда, машинаның артына “Надежда”, дип язылган. Егетләр белән, “Надежда прибыла”, дип көлештек. Үзебезнең машинаны кабызып җибәрергә Коля исемле абый ярдәм итә”, дип сөйләде безгә төркемнең администраторы Земфира. 

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Бераздан Земфира Коля абыйның ярдәм итә алмыйча, Уральскка кадәр алып барып җиткерергә тәкъдим итүен әйтте. “Без юл өстендәге бер авылга кадәр машинаны буксир белән алып килдек, аны шунда калдырып, юлны “попутчиклар” белән дәвам итәбез”,  дип уртаклашты Земфира.

Запись АШЫГЫЧ ХӘБӘР: “КАРАШ” төркеме юлда күңелсез хәлгә очырый [фото-видео] впервые появилась Tatar Today - татар яңалыклары..

Күптән түгел “ПРОДВИЖЕНИЕ” иҗат студиясендә оешкан “КАРАШ” төркеме татар эстрадасында уңышлы гына чыгыш ясап, танылып килә. Шуның белән бәйле рәвештә, бу төркемгә карата берникадәр сораулар да туа. Шундыйларның берсе – егетләрнең нинди жанрда җырлаулары турында. Чөнки бии-бии җырлаучы төркем эстрадада яңа күренеш. Озакка сузмыйча, без бу сорауны егетләргә бирдек. Иҗатларын нинди жанрга кертүләрен белештек. 

“Соңгы арада безне еш К-рор жанры белән чагыштыралар. Моны аңларга да була, чөнки моңарчы татар эстрадасында тере тавышка җырлап, хип-хоп стилендә биюче төркемнәр юк иде. Хәзер дөньякүләм шоу-бизнесында К-рор көчле дулкын, феномен булу сәбәпле, күпләр төркемебезнең нигезе корея шоу-бизнесыннан алынган дип уйлый. Ләкин безне К-рор дип атап, алар ялгышылар.

View this post on Instagram

A post shared by КАРАШ (@karash_official)

К-рор жанры артисты булу өчен, беренчедән, корея телендә җырларга кирәк. Чөнки “К-рор” төшенчәсе корея поп-музыкасы дигән сүзләрдән барлыкка килгән, димәк корея телендә башкарылган җырлар. Дөньяда шулай ук С-рор (кытай поп-музыкасы), J-pop (япон поп-музыкасы), Q-pop (казах поп-музыкасы) һәм башка бик күп төрле жанрлар бар. Алар бер-берсеннән стилистика һәм, иң мөһиме, телләре белән аерылып торалар. Шуңа күрә безнең хакта К-рор дию дөрес булмас.

Икенчедән, музыкаль төркемнәр бик күп еллар элек, әле дөньяда К-рор төшенчәсе булмаган вакытта ук барлыкка килгәннәр. Шул ук The Beatles, ABBA, Backstreet Boys, N’sync, Рәсәй эстрадасына килсәк, Иванушки кебек төрле төркемнәр искә төшә. Безнең татар эстрадасы өчен генә җырлап биюче төркем яңалык һәм без бу яңалыкны кертүебезгә шатбыз. Әлбәттә, безнең бу эшне хурлаучылар бар, ләкин хуплаучылар да җитәрлек. Социаль челтәрләрдә “Әйдәгез, татар шоу-бизнесын үстерегез, татар телен танытыгыз, Т-рор жанрын барлыкка китерегез” дип язалар. Бу, әлбәттә, куандыра. Һәм без безгә ышанган тыңлаучыларыбызның өметләрен акларга тырышачакбыз.

К-рор-ка килгәндә, без аларның үсешләре, җиңүләре белән илһамланабыз. Чөнки әлеге жанрның җырчылары аркасында бар дөнья корея теле һәм менталитеты белән танышты. Ник соң мондый күренеш татар җырларына хас булмаска тиеш?”, диде “Караш” төркеме егетләре.

Запись “КАРАШ” төркеме: “Татар эстрадасы өчен бу яңалык һәм без бу яңалыкны кертүебезгә шатбыз…” впервые появилась Tatar Today - татар яңалыклары..

Күптән түгел “КАРАШ” төркемендә бишенче кешегә кастинг игълан ителүе хакында язган идек. Шушы көннәрдә әлеге кастинг төгәлләнгән һәм 3 егет сайлап алынган. Шул 3 егетнең берсе  генә төркемгә эләгәчәк, аңа кадәр аларның имтиханнар тапшырасылары, төркемгә туры килүләрен дәлиллиселәре бар. “КАРАШ” төркеменә ни өчен бишенче кеше кирәк булган соң? Кастингта ничә кеше катнашкан? Төркемнең алга таба юнәлеше нинди?  Бу хакта “ПРОДВИЖЕНИЕ” иҗат студиясенең җитәкчесе Айназ Нагимова белән аралаштык.

– Айназ Илсуровна, “КАРАШ” төркемендә бишенче кешегә ихтыяҗ каян барлыкка килде?

– “ПРОДВИЖЕНИЕ” иҗат студясенең җитәкчеләре төркем җыю карарына килгәндә үк, составта 5 кеше булуын теләделәр. Ләкин төркем бергә дәресләргә йөрү, чыгыш ясау белән генә тәмамланмый. Анда бер-береңне аңлау, ишетү, бер-берең белән бер дулкында булу, карашлар уртак булу мөһим. Шуңа күрә барлык килгән егетләр арасыннан бер-берсен тулыландырып торган, һәр кайсысы аерым вазыйфалар башкарган егетләрдән төркем җыелды.

Нәтиҗәдә төркем 4 кешелек булды. Әммә хореография ягыннан бу бик уңайлы түгел, чөнки җөп санлы состав белән бию перестроениеләргә, геометрик рәсемнәргә бай булмый. Бию белән шөгыльләнгәннәр моны аңларлар. Киләчәктә төркемнең чыгышларын, номерларын баету теләге белән әлеге кастинг игълан ителде. Бишенче кеше булу-булмавын вакыт күрсәтер, чөнки монда бик күп аспекталар бар. Әлбәттә, җырлый белү, бию ягыннан сәләте булулары мөһим. Шуңа өстәп, “командный игрок” кирәк. Төркемнең инде үз атмосферасы, үз кагыйдәләре, “приколлары” бар, яңа катнашучы бу атмосфераны тулыландырырга яисә, киресенчә, бозарга мөмкин. Шуңа күрә бишенче катнашучыны сайлауга без бик җаваплы карыйбыз. Егетләр бу процесста үзләре дә катнаша.

– Бу кастингта катнашу өчен ничә кешедән материал кабул ителде?

– Егермегә якын анкета кабул ителде. Иң кызыгы – анкеталар җибәрүчеләр арасында кызлар да бар иде. Кабул ителгән анкеталардан 7 кешене сайлап алып, шәхсән очрашуга, әңгәмәгә чакырдык. Шул әңгәмә нәтиҗәләре буенча 3 егетне җыр һәм бию (аеруча бию) дәресләренә чакырдык. Дәресләр июнь ахырында башлана. Аннары егетләргә “КАРАШ”лар тапшырган имтиханнарны тапшырырга туры киләчәк. Шул имтихан нәтиҗәләре кем төркемдә бишенче булачагын билгеләячәк.

–  “КАРАШ” алга таба ниндирәк юнәлештә эшләячәк?

– Төркемнең төп максаты – заманча популяр музыка аркылы балаларда, яшьләрдә татар теленә карата кызыксыну уяту. Әкренләп, төпле адымнар белән алар бу зур максатка илтүче юлны башладылар. Кайда гына чыгыш ясамасыннан, яшьләр аларны җылы каршылыйлар, дәррәү күтәреп алалар. Бу, әлбәттә, куандыра. Димәк мондый форматагы музыка яшьләргә кирәк, аларга мондый җырларны тыңлау, чыгышларны карау ошый. Соңгы арада “Без татарча сөйләшмибез, ләкин сезнең җырлар татар сүзләрен аерырыга өйрәтте, аерым-аерым сүзләрне аңлый башладык” дигән комментарийлар ешайды. Шулай ук директка “Бу җырда нинди сүзләр, аңлатыгыз әле” дип тә язалар. Бу иң мөһиме, иң куандырганы.

View this post on Instagram

A post shared by КАРАШ (@karash_official)

Төркемнең барлыкка килүенә әле 5 ай гына һәм егетләрнең сүзләре буенча, бу кыска арада барлыкка килгән нәтиҗәләр аларны “канатландыра”. Егетләр алга таба да шул юнәлештә эшләвен дәвам итәчәкләр.

Ә инде якын арадагы планнарга килгәндә, белүегезчә, егетләр җырларының сүзләрен үзләре язалар. Чыгышлардан, репетицияләрдән тыш, әлеге вакытта алар бар вакытларын җырлар иҗат итүгә багышлыйлар. Булачак альбом концепциясен алар үзләре уйлап таптылар һәм әлеге концепцияга туры килердәй җырлар өстендә эшлиләр.

– “КАРАШ”ның остазлары, рухландыручылары кемнәр?

– Егетләрнең остазларын, тренерларын КАРАШ-реалитиның чыгышларын карап беләргә мөмкин. Барлык чыгышлар егетләрнең YouTube каналында бар.

Ә аларны рухландыручылар, илһамландыручылар ул, әлбәттә, аларның тыңлаучылары. Чыгыштан соң килеп, фотога төшүчеләр, “рәхмәт” диючеләр, директка язучылар. Алар үзләре һәр чыгыштан тагы да ныгырак дәртләнеп, янып кайталар. Шуңа күрә, форсаттан файдаланып егетләргә җылы сүз язган, әйткән һәр
кешегә командабыз исеменнән рәхмәтләребезне белдерәбез!

Запись “КАРАШ” төркеменә бишенче кеше нигә кирәк булган? [видео] впервые появилась Tatar Today - татар яңалыклары..

Төркем 4 егеттән тора.
Айназ Ахунов – әйдәп баручы вокалист, лидер.
Дамир Зиннәтуллин – вокалист.
Булат Нәбиуллин – рэпер, әйдәп баручы биюче.
Руслан Жакипов – вокалист.

Егетләр 2018 елның сентябрь аеннан башлап, көн саен студиядә вокал, хип-хоп, акробатика, актерлык осталыгы, сәхнә сөйләме, гомумфизик әзерлек кебек юнәлешләрдә шөгыльләнәләр. Шулай ук үз номерларын кую өстендә эшлиләр.

View this post on Instagram

A post shared by КАРАШ (@karash_official)

Төркемнең төп максаты: заманча сыйфатлы музыка аша балалар һәм яшьләр арасында татар телен популярлаштыру. Алар яшьләрнең татар телендәге җырларга карашын үзгәртергә, татар музыкасының заманча поп-музыка тенденцияләреннән калышмавын күрсәтергә тели. Шуңа төркеменең исеме дә – «КАРАШ» дип атала.

Шунысын да әйтеп үтәргә кирәк, күптән түгел егетләрнең “Шаян ТВ” каналында егетләр турында барган реалити-шоу тәмамланды, барлык чыгышлар да аларның ютуб каналында урнаштырылган.

“Караш” төркемен зур проектлар, планнар һәм үсеш көтә. Шуңа күрә аларга бишенче катнашучы кирәк. Әгәр синең әлеге төркем белән бергә эшлисең, иҗат итәсең килсә, аларга кушылырга ашык.

Моның өчен нибары түбәндәгеләрне үтәргә кирәк:

1. Инстаграм аккаунтына #КАРАШкастинг хэштегы белән җырлы видеоязмаңны куярга.

2. Анкета тутырырга һәм өстәмә фото-видеоматериаллар белән җибәрергә. Анкетага сылтама https://forms.gle/4hneMbUzceugkdUw5

3. Булган бар сәләтләреңне күрсәтергә.

Анкеталар 16 июньгә кадәр кабул ителә. “КАРАШ” нәкъ менә сине көтә!

Запись “ШАЯН ТВ” каналында реалити-шоудан соң, “КАРАШ” төркеме нигә кастинг оештыра? впервые появилась Tatar Today - татар яңалыклары..

Тиздән татар телевидениесендә моңарчы булмаган хәл, беренче реалити-шоу старт ала. Эстрадада күптән түгел барлыкка килгән “Караш” төркеме шаккаттыруын дәвам итә. Егетләр ничек яши? Ни белән шөгыльләнә? Ничек иҗат итә? Бу хакта “Шаян ТВ” каналы “Караш” реалити-шоу тапшыруы күрсәтәчәк. Аны беренчеләрдән үзегез күрә алачаксыз.

Премьераны 22 апрельдә “Шаян ТВ” каналында карагыз!

Эфирга чыгу вакытлары:  9:25,  15:25,  21:15,  03:00

Запись “Караш” шаккатыруын дәвам итә: ТВда татарча реалити-шоу ача впервые появилась Tatar Today - татар яңалыклары..

– Егетләр, клип озак төшерелдеме? Нинди кызыклы яки кыен хәлләр булды? 
Айназ. Клипка күчкәнче, җырның тарихын сөйләп үтәсе килә. Аның тарихыннан чыгып, клипның сюжет идеясы барлыкка килде. Төркем буларак дебютыбыз 9 февральдә, “Пирамида”да “Продвижение” иҗат студиясенең 10 еллык юбилей концертында булды. Соңгы имтиханны тапшырганнан соң, безгә дебют җырыгызда нинди тема кузгатасыгыз, нәрсә турында җырлыйсыгыз килә дигән сорау бирделәр.

Без уйлаштык та, гадәти “яратам, синсез үләм” яисә “очраштык, таныштык, кавышытык” кебек темага җырлар болай да күп, андыйны башкарасы килми, дигән фикергә килдек. Бер-ике көн уйлашканбыздыр… Һәм үзебезгә якын, һәрберебезнең тормышында булган тематикада тукталдык. Һәр кешенең тормышында җавапсыз мәхәббәт булгандыр. Мәсәлән, син кыз артыннан йөрисең, аның игътибарын яулар өчен әллә ниләр эшлисең, ә ул сиңа “ноль внимания”. Шундый ачу чыга, дөресен әйткәндә… Миңа калса, бу бездә генә түгел, бик күп егетләрнең тормышында булган хәлдер.

Руслан. Егетләрнең генә түгел, кызларның да андый җавапсыз мәхәббәте булганы бардыр.

Булат. Ләкин бу “мин синсез яши алмыйм” дип җырларга кирәк дигән сүз түгел. Син киресенчә, бөтен кыюлыгыңны җыясың да, шул кызның янына барып: “Сүземне тыңла, хисләрдән курыкма, горур булма һәм гел артыңнан йөрермен дип уйлама”, дип әйтергә бер сәбәп.

Айназ. Шул темага таянып, бергәләп сүзләрен яздык. Рәсим Фасыйхов музыкасын язып бирде. Шулай җыр туды да инде.

Дамир. Мондый җавапсыз мәхәббәт мәктәп елларына, студент чорына хас, шуңа да без клипта булган сюжет линиясен мәктәп бинасында төшердек. Клипны караган һәр укучы, студент “бу бит минем турында”, ә инде мәктәпне күптән тәмамлаган олы кешеләр “минем дә бар иде шулай юләрләнеп, бер кыз артыннан йөргән чаклар” дип карасын өчен.

Төшерү процессына килгәндә, без клипны ике көн төшерергә тиеш идек, ләкин Айназны кинәт эшеннән командировкага җибәрделәр, шуңа күрә без төшерү процессын бер көнгә сыйдырдык. Төшерү көннәрен күчерергә дип тә уйлаган идек, ләкин без планнар буенча соңарырбыз дидек, чөнки Айназ ике атнадан гына кайтырга тиеш иде. Төшерү командасы тупланган, ләкин бер көндә барысын да төшереп өлгермәбез, дип борчылдык. Иртә таңнан төшерә башладык, чөнки кичке унда Айназны самолетка озатырга кирәк иде.

Беренче чиратта, аның катнашындагы эпизодларны төшерергә тырыштык. Нәтиҗәдә, барыбер ярты сәгатькә соңга калдык. Инде Айназ самолетка өлгермәс, дип борчыла башладык. Аллага шөкер, җитеште. Без инде аннары тыныч күңел белән төшерүне дәвам итек. Сәгать төнге бердә-икеләрдә таралыштык бугай.

Руслан. Безнең белән эшләгән командага зур рәхмәт әйтәсе килә! Алар белән эшләве бик уңайлы, рәхәт иде!

Булат. Эмоцяләрне аңлатып бетерлек түгел! Бу бит безнең беренче клип! Г-горурлык! (көләләр)

– Сезнеңчә матур клиплар төшерердәй заманча музыка нинди булырга тиеш?

Дамир. Заманча музыка сүзе, миңа калса, үзе өчен үзе үк әйтеп тора. Димәк, заман тәлапләренә таянып язылган. Заманча яңгырашлы, сыйфатлы музыкаль контент дигән сүз. Шуны да әйтеп узасы килә, безнең төп максат: заман тенденцияләренә таянып ясалган татар телендәге җырлар аша, балаларда, яшүсмерләрдә татар теленә карата кызыксыну уяту. Без бит никтер сүзләрен аңламасак та, чит ил җырларын тыңлыйбыз, аннары аерым-аерым сүзләрен отып та алабыз, кушылып җырлыйбыз. Чөнки җыр, заманча әйтсәк, “качает”. Ни өчен мондый күренеш татар җырлары белән булмаска тиеш әле? Бары тик эшләргә генә кирәк.

View this post on Instagram

A post shared by КАРАШ (@karash_official)

– Кайсы сыйфатларыгыз сәхнәдә танылырга ярдәм итәр дип уйлыйсыз?

Айназ. (егетләргә) Әйдәгез, һәрберебез берәр сыйфат әйтеп чыгабыз. Мин башлыйм. Тырышлык.

Дамир. Үзгәрешләрдән, экспериментлардан курыкмаска.

Булат. Оптимист булырга кирәк.

Руслан. Иҗатыңның максаты булырга тиеш.

Запись “Караш” төркеме: “Минем дә бар иде шулай юләрләнеп йөргән чаклар”, дип карауларын теләдек [яңа клип, эксклюзив әңгәмә] впервые появилась Tatar Today - татар яңалыклары..

Күптән түгел татар эстрадасында барлыкка килгән “Караш” төркеме беренче клипларын төшергән һәм аның кыскартылган төрен тәкъдим итә. Әлеге эксклюзив видеоны Tatar today укучылары беренчеләрдән күрә. Мондый дулкынландыргыч мизгел уңаеннан, без “Караш” егетләре белән эксклюзив әңгәмә кордык. Төркемгә ничек эләккәннәре, иҗаттан тыш үзара ничек аралашулары хакында белештек.

– Егетләр, төркемгә эләгү сезнең өчен авыр булдымы? Моңа кадәр бер-берегез белән таныш идегезме?

Айназ: Һәрберебезгә бик нык тырышырга туры килде. Кастингның берничә этабын узарга һәм имтиханнарны тапшырырга кирәк иде.

Иң башыннан сөйләсәң, кастингның беренче туры, русчалап әйткәндә, “прослушивание” 2018нче елның 7нче маенда булды. Килдек, анкета тутырдык, безне тыңладылар, карадылар, төрле биремнәр биреп сынадылар һәм “Килгәнегез өчен рәхмәт, шалтыратырбыз” дип кайтарып җибәрделәр.

Май ахырында шалтыраттылар һәм икенче турга чакырдылар. Беренче турдан аермалы буларак, икенче турда 1,5 ай дәвамында бию белән шөгыльләнергә кирәк иде. Июнь аеннан башлап без – беренче турдан сайланып алынган 12 егет – “Продвижение” иҗат студиясенә бию дәресләренә йөри башладык. Без барыбызда әзме-күпме җыр белән бәйле идек, ә менә бию белән, аеруча, заманча биюләр (ә ул хип-хоп, папинг, эстрада биюләре) белән  таныш түгел идек. Булаттан башка инде, аңа җиңелрәк туры килде, ул бию белән шөгыльләнгән кеше.

Берәүләр шул 1,5 ай эчендә төшеп тә калды: алар өчен ниндидер шәхси эшләре күнекмәләрдән өстенрәк булып чыкты, күрәсең. “Бию минем өчен түгел” диючеләр дә булды. Ә икенчеләре имтихан тапшырганнан соң төшеп калдылар.

Шул имтихан – 3-нче тур булды да инде: 1,5 ай эчендә биргән белемнәргә таянып без бер сольный бию, бер парлы бию һәм коллектив бию куярга тиеш идек. Имтиханның нәтиҗәләре буенча 2 кешене сайлап алдылар: мине һәм Булатны.

Булат: Шуңа күрә, төркемнең төпчек катнашучысы булсам да, мин “старичок”! (көлә)

Айназ: Аннары безне ялга җибәрделәр һәм сентябрьдан махсус расписание буенча дәресләр башланды. Студиядә өстәмә сайлаулар булды. Егетләр килә торды, китә торды. Монда инде “естественный отбор” кебек. Дәресләр саны да артты. Без көн саен шөгыльләнәбез: биюгә өстәп, вокал, актерлык осталыгы, акробатика, физик әзерлек кебек дәресләр өстәлде – кичке алтыдан төнге ун-уникегә кадәр без күнекмәләрдә. Бик күпләр чыдамыйча биреште, ярты юлда ташлап калдырдылар. Без инде Булат белән икәү генә калырбыз дип уйлаган идек. Шул вакытта Руслан килде. Аннары Дамир килеп кушылды. Октябрь-ноябрь айлары иде. Без бик тиз уртак тел таптык, аеруча Дамир килгәч тупландык, ниндидер гармония барлыкка килде. Менә шулай булырга тиеш, Ходай шулай язган дигән фикер туды.

Дамир: Һәм шул вакытта аяз көннәребез караңгыланды (көлә), декабрь аенда төркем өчен имтихан игълан ителде. Безгә имтиханга 6 номер әзерләргә тиеш идек: төркемнән бер сольный җыр (сүзләрен үзебезгә иҗат итәсе), бер парлы бию, коллектив бию, 3 җырлы-биюле номер. Башта алдыбызга репертуарны эзләп табу проблемасы басты.

Безнең татар эстрадасында яңгыраган җырларга хип-хоп биеп булмый, ә безгә шуны биергә кирәк. Тоттык та чит ил җырларына татарча итеп үзебезнең сүзләрне яздык. Язуын яздык та ул, ә аны җырларга өйрәнергә, номерын куерга, бөтен нечкәлекләрен уйлап бетергә кирәк…

Булат: Әйтеп үтергә кирәк, безне алдан ук кисәтеп куйдылар, икенче имтихан студиянең укучылары һәм укытучылары алдында булачак дип. Беренчесе җитәкчеләр алдында гына булса, монысы инде тамашачылар алдында дигән сүз. Шунысы бик дулкынландырды!..

Айназ: Нәтиҗәдә, без имтиханны тапшырмадык! Әзерлек җитмәгәнгәдер… Безнең ялгышлар бик күп булды, анысын сөйләп тормыйк. Без барыбыз да шушы икенче имтиханга тиешле җитдилек белән карамадык кебек…

Руслан: Ох, аннары оят булды… Мин сүзләрне оныттым, биюне оныттым, микрофоным сүнде…

Дамир: Мин иң соңгысы булып килдем төркемгә, әле кайда икәнлегемне дә аңлап бетермәдем, ә монда – имтихан! Минем андый форматтагы имтиханнарны, гомүмән, биргәнем юк иде. Ә монда җырла да, бие дә, тамашачы белән дә визуаль контакт тот… Ләкин бу бик кирәкле тәҗрибә!

Айназ: Имтихан ахырында безгә барлык җитешсезлекләрне әйттеләр… Йөзләреннән аңладым, өметләрен акламадык. Аннары сөйләшергә чыгып киттеләр…

Булат: Тормышымдагы иң озак ярты сәгать…

Айназ: Минем дә (егетләр көлешәләр). Кире кергәч, тагын бер мөмкинлек бирәбез диделәр. Ике атнадан шушы ук программаны шомартылган, җиренә җитеп эшләнгән килеш тәкъдим итәргә кирәк иде яисә безнең проект ябылачак диделәр.

Дамир: Шул чорны искә төшерсәм, һаман каз тәннәре йөгерә. Әллә нинди вакыт иде…

Айназя: Һәм аннары башланды эш! Ут төрткәннәр мени! Без көн саен төнге 3-4-кә кадәр бию залында идек. Шул ике атнада “төркем” сүзенең мәгънәсенә тулаем төшенгәнбездер дә. Кемдер килә алмаса, эш туктый, калганнар эшли алмый… Әле монда уку, эш, сессия… Шул вакытта без уңыш бер кешедән генә түгел, ә барыбыздан да тора икәнен аңладык.

Руслан: Менә шул соңгы ике атнада безнең бердәмлек хисе барлыкка килгәндер дә. Һәм менә шул бердәмлек безгә имтиханны “бишле”гә тапшырырга ярдәм итте дип уйлыйм. Без дебют алдык!

Айназ: Шулай итеп, сезнең соравыгызга җавап – төркемгә эләгү җиңелләрдән булмады.

Дамир: Ә таныш идекме соравына килгәндә, без Айназ белән бер-беребезне белә идек. Якын түгел, ә менә кешене йөзенә беләсең, ләкин аралашмыйсың – шундый форматта.

Айназ: Шуңа күрә, ул октябрьда безнең тренировкага килеп кергәч, ушым китте. (көлә)

Дамир: Ә калганнар белән инде студиядә таныштык.

View this post on Instagram

A post shared by КАРАШ (@karash_official)

– Төркем эчендә тиз, җиңел аңлашасызмы? Иҗаттан кала, тормышта да дусмы сез, аралашасызмы?

Дамир: Аңлашырга өйрәндек. Имтиханнар өйрәтте (көләләр). Дөресен әйткәндә, без ул имтиханнарга бик рәхмәтле! Бер-беребезне тыңларга, аңларга, ихтирам белән аралашырга өйрәндек. Һәм шул ук имтиханнар эш вазыйфаларын бүлергә өйрәтте. Мәсәлән, Айназ тәртип һәм репетицион процесс җитәкчесе, илһам килгәндә моңланып көйләр яза, укытучысыз шөгыльләнгәндә распевканы оештыра. Мин җырларның сүзләрен язам, аннары бергә шуларны төзәтәбез, шомартабыз. Булат бию өчен җаваплы, ул бик тиз укытучы биргән “связкаларны” отып ала, аннары дәрестән тыш безгә аңлап бетергә ярдәм итә. Руслан кәеф чыганагы һәм бөтендөнья шоу-бизнесының яңалыкларын җиткереп торучы.

Булат: Әле Русланның һәрчак берәр нинди тәмле ризыгы бар. Аның белән ачтан үлмисең! (көләләр)

Айназ: Иҗаттан тыш та аралашабыз. Бергә туган көннәрне үткәргәнебез бар, чангы, сноуборда шуарга бардык…

Булат: Әле бергәләп квэстка бардык, куркып үлә яздык!… (көләләр)

Руслан: Төнге өчтә аэропортка Айназны каршы алырга бардык: аңа әйтмичә, имеш сюрприз ясыйбыз. Ә аның самолеты төнге икедә үк килеп төшкән икән. Без аэропортта утырабыз аны көтеп, ә ул инде Казанда!

Булат: Ә ни өчен?! Ә чөнки Дамир рейсны дөрес карамаган!

Дамир: Соң миңа диспетчер сәгать өчтә диде! (көләләр)

Айназ: Әйе, без иҗаттан тыш та аралашабыз! (көләләр)

View this post on Instagram

A post shared by КАРАШ (@karash_official)

Запись “Караш” төркеменең ЯҢА ВИДЕОсын Tatar today укучылары беренчеләрдән күрә [эксклюзив әңгәмә] впервые появилась Tatar Today - татар яңалыклары..

Күптән түгел татар эстрадасында яңа төркем – “КАРАШ” барлыкка килде. “КАРАШ” төркеме «ПРОДВИЖЕНИЕ» иҗат студиясе базасында оешкан. Егетләр төркемгә кастинг аша эләгә, 1,5 ай дәвамында хореография студиясендә шөгыльләнеп, имтиханнарны тапшырганнан соң, төркемнең ахыргы составы формалаша.

View this post on Instagram

A post shared by КАРАШ (@karash_official)

Төркем 4 егеттән тора.
Айназ Ахунов – әйдәп баручы вокалист, лидер.
Дамир Зиннәтуллин – вокалист.
Булат Нәбиуллин – рэпер, әйдәп баручы биюче.
Руслан Жакипов – вокалист.

Егетләр сентябрь аеннан башлап, көн саен студиядә вокал, хип-хоп, акробатика, актерлык осталыгы, сәхнә сөйләме, гомумфизик әзерлек кебек юнәлешләрдә шөгыльләнәләр. Шулай ук үз номерларын кую өстендә эшлиләр.
Төркемнең төп максаты: заманча сыйфатлы музыка аша балалар һәм яшьләр арасында татар телен популярлаштыру. Алар яшьләрнең татар телендәге җырларга карашын үзгәртергә, татар музыкасының заманча поп-музыка тенденцияләреннән калышмавын күрсәтергә тели. Шуңа төркеменең исеме дә – «КАРАШ» дип атала.

9 февральдә “КАРАШ” төркеме «Газаплама» дигән беренче җырын тамашачыларга тәкъдим итә. Әлеге чыгышны тамашачылар бик җылы каршы алган.

Запись Татар эстрадасында яңа төркем: “Безнең музыкага үзебезнең караш” [видео] впервые появилась Tatar Today - татар яңалыклары..