Туристлар сүзләренчә, күл яры буйлап кечкенә аю баласы белән ир йөри. Теләгән һәркем яшь ерткыч белән фотога төшәргә мөмкин. 40 градуслы эсседә аю баласы өчен яр буйлап йөрү чын сынауга әверелә. Башкортстаннан һәм Татарстаннан ял итәргә килгән туристлар бу аюны инде беренче генә тапкыр күрмәүләрен билгеләп үтә. Аю баласын яклап, урындагы хайваннар дөньясын яклаучылар да чыгыш ясады. Алар, чара күрүне сорап, компетентлы органнарга мөрәҗәгать итәргә җыена.

Фото: Кызыл Таң

Чыганак: Кызыл Таң

Запись Башкортстанда су коенучылар янына аю чыккан. Каян килгән? впервые появилась Tatar Today - татар яңалыклары..

Фаҗига 9 июльдә булды. Аучылар һәм инспекторлар җәнлекне эзләделәр. Бу хакта бүген ТР Министрлар Кабинетында узган брифингта хәбәр иттелəр.

Башлангыч мәгълүматларга караганда, бала белән гаилә турбазада ял иткән. Әни ялгыз гына Урман күле буенда йөрергә чыгап китә. Шунда ерткыч ташлана.

Беренче булып ярдәмгә ире килә, ашыгыч ярдәм чакырта. Зыян күрүчене хастаханәгә алып баралар, тик ул юлда вафат була. Урынга шунда ук тикшерү-оператив төркем чыкты. Шунда ук аюны эзләү башланды.

Искәртеп узабыз, быел шул яктагы торак пунктларга чыккан биш аюны атканнар инде. Төньяк Енисей районында аю атны эзләп барып, балалар мәйданчыгына керә. Икенче ерткычны Красноярск аэропорты янындагы бакчачылар күрә.

Чыганак: Вести

Запись Хатынга аю ташлана: ире каршында җан бирә… впервые появилась Tatar Today - татар яңалыклары..

– Кичә кич безнең умарталыкка аюлар һөҗүм иткән, – дип хәбәр итә “Кызыл Йолдыз” умарчылыгы инстаграмдагы аккаунтында.

Балык Бистәсе районында соңгы 10 көн эчендә бу аюларның икенче тапкыр һөҗүм итүе икән. Алар алты умартаны юк иткәннәр.

Запись Татарстанда аюлар һөҗүм итә. Фотолары чыкты впервые появилась Tatar Today - татар яңалыклары..

Ерткыч хайванны соңгы тапкыр танкодром янында, Казан шәһәре читендә күргәннәр, дип хәбәр итә Русия Гадәттән тыш хәлләр министрлыгының Татарстан буенча баш идарәсе.

Хайваннар дөньясы объектларын саклау һәм файдалану идарәсе белгечләре кышкы йокыга талмаган аю кешегә зур куркыныч тудыруын кисәтә. Шуңа күрә мөмкин кадәр саклык чараларын күрергә, игътибарлы булырга өнди.

Күргән кешеләр Казан тирәсендә йөргән аю бик зур, аның карга баскан аяк эзе 20 сантимертдан зуррак булуын әйтә.

Татар-информ

Запись Татарстанда кышкы йокыга талмаган аюлар кешеләрне куркуга сала [фото] впервые появилась Tatar Today - татар яңалыклары..

“Көнтүгештә мөгезле вак терлекләрен гомум көтүгә кушмаган шәхси хуҗалыклар бар. Күпчелек ихаталарда асралган сарыклар ирекле көтүләнә. Гадәттә, алар авылдан ерак китмиләр”, дип яза “Балтач таңнары”.

“Сарыкларым һәркөнне 19:00 сәгатьтән соң ихатага кайталар иде. 4 октябрь көнне 17:00 сәгатьтә аларны гел көтүләнгән урыннарында күрдек. Үзем унике баш сарык асрыйм, бу көнне кич 4 сарыгым кайтмады. Эзләдек, ләкин кайтмаган сарыкларны таба алмадык. Иртәнгә малларга бүреләр һөҗүм итүе турында билгеле булды. Өч сарыгымның үләксәләрен таптык. Берсенең язмышы билгесез. Бүре тырнагыннан исән калган бер сарыгым иртән ихатага кайткач бәрәнләде”,  дип сөйләгән зыян күрүчеләрнең берсе Рәфисә Гәрәева.

Ерткычлар тешеннән зыян күргән сарыкларның кайсының муены җәрәхәтләнеп каны эчелгән. Тиресе генә торып калган корбаннар да бар. Бүреләр балаларын өйрәтергә чыккан булгандыр, күрәсең. Җәрәхәтләнеп, ерткыч тырнагыннан исән котылган маллар да бар.

“Иртән бер сарыгыбыз җәрәхәтләнеп кайтты. Муеныннан кан килеп тора иде. Җәрәхәт урынын эшкәртеп, “бәхетле” сарыкны абзарга кертеп ябып куйдым”, ди гомер буена ветеринария хезмәткәре булып эшләгән Фидаим Сабиров. Аның да бер сарыгы табылмаган.

Хәмзә Фәезов, Фигать Шамсуновлар ихатасында асралган малларга да бүреләр зыян китергән.

Август—октябрь айларында Көнтүгеш авылында мондый хәл ел саен диярлек теркәлә.

“Бу хәлдән соң кич урамга чыгарга да куркабыз,” диләр көнтүгешлеләр.

baltaci.ru

Татар-информ

Запись Башкортстанда аюлар артыннан бүреләр дә малларга ташлана башлаган [фото] впервые появилась Tatar Today - татар яңалыклары..

Элегрәк аюның умарталыкта бал ашавын рәсемнәрдә генә күрсәк, соңгы елларда әлеге урман патшасы көтелмәгән кунак буларак авылларга да килә башлады. Билгеле, мультфильмдагы кебек Маша белән дә уйнамый, бал кортлары белән дә ярышмый ул, ә күп очракта, авыл халкының өнен алып, шактый зур зыян салырга  өлгерә.

– Безнең урманнарда аюлар йөзләгән ел яшидер, – ди Ишембай районының Макар авыл җирлеге башлыгыИлнур Мөхьянов. – Ел да бер-ике малга аюлар ташланмый калмый. Быел исә артыккарак китте. Көн саен ук булмаса да, ашалган яки таланган малларны күрергә туры килә.

Макар – зур авыл. Анда 1500 кеше яши. Авылның озынлыгы дүрт чакрымга сузыла. Урта мәктәп, балалар бакчасы, почта, 10 кибет, бер мәчет халыкка хезмәт күрсәтә. Бик тиздән икенче мәчет тә калкып чыгарга тиеш. Авыл халкы мал-туарны күп асрый. Шуңа күрә көтү дә ике төрле оештырылган. Берләре терлекләрен чиратлап көтә, икенчеләре исә көтүче яллаган. Бер сыер көтүдә йөргән өчен аена 350 сум түлисе.

– Гадәттә, аю көтүгә йөрмәгән малларга ташлана. Кайбер авылдашлар иртән малкайларын “ирекле агым”га чыгарып җибәрә. Аның бит дүрт аягы бар, бер урында гына тормый. Куе урман эченә дә, андагы аланнарга да кереп китә. Менә шунда инде ач аю үзенең корбанына ташланмый калмый, – ди җитәкче.

Макар авылында малларын айлар буе эзләүчеләр дә юк түгел. Соңыннан урманда  бары тик сөякләре генә табыла. Бер-ике көн кайтмаган терлекләр дә бар. Кайвакытта аларның үле гәүдәләренә тап була хуҗалары. Шунысы кызык: аю үзенең ризыгын ашап бетермичә ташлап китми. Әгәр бу аланнан китәргә туры килсә, ул аны җиргә күмеп калдыра. Бер сыер өч-дүрт көн буе аюның тамагын тук итә.

– Күп очракта югалган малларны таба алмыйбыз. Яраланып кайтучылары да бар. Андыйларны хуҗалар тиз арада чалу ягын карый. Чөнки мондый һөҗүмнән соң ул барыбер тернәкләнеп китә алмый, шок кичергән хайван ашаудан кала, ябыга. Җәрәхәте тирән булса, үлеп тә китә, – ди авыл җирлеге башлыгы.

Күптән түгел Гыйльмановларның иртән чыгарып җибәргән сыер белән үгезе кайтмый кала. Икенче көнне авылдашлары хуҗабикә Әминә ханымга аларныкына охшаган сыерның урман буенда ятуын хәбәр итә. Ире белән барып карагач, чыннан да алар үзләренең малын таный. Ул аю һөҗүменнән яраланып беткән була. Бәхеткә, үгезләре ике көннән үз аягы белән әйләнеп кайта. Әмма аңа да урман патшасы үзенең имзасын салырга өлгерә: арткы ягында, муенда тырналган эзләр табыла.

Башкортстанда быел җәй бик коры килә. Башка елларда балан, миләш белән тукланган аюга быел ашарга юк: җимешләр көеп беткән. Шуңа күрә урман патшасы иген, көнбагыш кырларына чыгарга мәҗбүр. Билгеле, юлына очраган итле “деликатес”тан да баш тартмый ул. Шуңа күрә ишембайлыларга бары бер юл: мал-туарны күзәтүсез калдырырга тырышмаска кирәк.

http://intertat.ru/                                                                                                                                              Чулпан ШАКИРОВА

Запись Сабада аю үгезне яралаган, сыерларны юк иткән впервые появилась Tatar Today - татар яңалыклары..

Запись Башкортстанда аюлар малларга ташлана [видео] впервые появилась Tatar Today - татар яңалыклары..

Эчке эшләр министрлыгының төбәк идарәсе матбугат хезмәте белдергәнчә, фаҗига якшәмбе Ольск шәһәр округында урманда булган.

“Русия Эчке эшләр министрлыгының Магадан өлкәсе буенча идарәнең кизү бүлегендә торак пунктларның берсеннән ерак түгел урман массивында аю 47 яшьлек гөмбәче ир-атка һөҗүм итүе турында хәбәр ителгән. Нәтиҗәдә ир-ат үлгән”, дип сөйләгәннәр полициядә.

Полиция хезмәткәрләре фаҗиганың ничек булуын ачыклый.

Татар-информ

Запись Гөмбәчене урманда аю ботарлап үтергән впервые появилась Tatar Today - татар яңалыклары..

Шулай, ана аю, балаларын ияртеп, су коенырга дип пляжга килгән. Комлыкта кешеләрнең күп булуы да аны куркытмаган.

Аюлар тирән кермичә, яр буенда гына уйный-уйный су коенган. Ана аю хәтта бер баласын йөзергә дә өйрәтеп караган. Аю гаиләсе үзләрен бик тыныч тоткан һәм ял итүчеләргә игътибар итмәгән.

Мәгълүмат chelny-izvest.ru  сайтыннан алынды.

Запись Ана аю, балаларын ияртеп, кеше тулы пляжга су коенырга килгән [видео] впервые появилась Tatar Today - татар яңалыклары..

Мамадыш районының Уразбахты һәм Дегетле авылы тирәсендә, халык җиләккә йөри торган урында була бу хәл. Районда эшләүче репортер җиләк җыярга туктый. Тапталган кыр аша урман янәшәсендәге посадкага китә.

Юлында җиләкле чиләкне күреп, янәшәдә генә хуҗасы да бардыр дип уйлый. Шуңа күрә агачлар арасында кыштырган тавышка да башта әллә ни игътибар итми. Әмма бераздан арткы аякларына басып, агачтан нәрсәдер алырга маташкан аюны күреп ала. Ир-ат исә машинасына утырып, тизрәк кайтып киткән.

Җиләккә йөрүчеләргә еланнардан гына түгел, аюлардан да сакланырга киңәш итәбез, дип хәбәр итә Мамадыш районының Нократ мәгълүмат сайты.

Запись Татарстан урманнарында аюлар йөри, җиләкчеләр сак булсын впервые появилась Tatar Today - татар яңалыклары..