View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

Шундый арбаларга яшь сабыйны яткырып, өстен матур япма белән ябып, уракка төшкәннәр. Кул астына эләккән тукыма кисәге белән түгел, ә чигеп әзерләнгәне белән.

Кояштан, җилдән, бөҗәкләрдән, кеше күзеннән дә саклаган ул.

– Бүгенге көндә Түбән Кама районы Шәңгәлче авылында яшәүче әнинең сеңлесе, Гильманова Шәмсисрур Ибатулла кызын (1940) мин гел ачык йөзле, ярдәмчел апа итеп белдем, – дип язалар @ostazlar

– Иреннән бик иртә тол калып, 2 баласын үзе аякка бастыра. Гомере буе кайнана белән яши. Кайчан килмә – гел шатланып каршы ала. Чисталыкны, пөхтәлекне, матурлыкны яраткан Шәмсисрур апа.

Аның сакланып калган кул эшләренең саны бик күп. Ул аларны гел дә кадерләп саклап торган. Бала арбасының япмасы да – аның кул эше.

Чыннан да, юклык вакытында да, авыр чакларда да тирә-юньне матур итеп күргәннәр, үзләре дә гүзәлләндергәннәр.

Мондый арбалар булган чордан 50-60 ел узган инде…

Хәзер затлы-затлы кыйбатлы коляскаларда йөртәбез бала-оныкларыбызны.

Тормыш үзгәрде. Чигүле япмаларны кайтарасы килә кайвакыт. Шул вакытларга кайтасы килә…

Запись “Затлы коляскаларың бер җирдә торсын” [видео] впервые появилась Tatar Today - татар яңалыклары..

Сабый 1 февраль көнне дөньяга килгән. Җырчы ир бала тапкан.

Индиваның гаиләсе ишәюе белән без дә тәбрик итәбез! Сәламәт, иманлы, бәхетле бала булып үсүен теләп калабыз!

Запись Тагын бер җырчы әни булуы хакында хәбәр итте впервые появилась Tatar Today - татар яңалыклары..

Рөстәм Нәбиев Инстаграм битендә бала табу мизгелләреннән истәлекле фотолар һәм видео куйган. Шулай ук ул бу вакыйганы ничек кичерүләре турында язган.

Мәгълүмат Рөстәм Нәбиев Инстагармыннан

Запись Рөстәм Нәбиев: “Кызыбызның кендеген дә үзем кистем…” впервые появилась Tatar Today - татар яңалыклары..

“10 гыйнварда Кама Тамагы районында яшәүче ир-ат хатыны белән бергәләп Казанның Вахитов урамы буйлап бара. Кисәк кенә аның авырлы хатынының тулгагы башлана”, – дип сөйләделәр министрлыкта.

Ир-ат машинасын юл кырыена туктата һәм ЮХИДИ инспекторларына мөрәҗәгать итә. Автоинспекторлар патруль машинасының зәңгәр утларын һәм тавыш сигналларын яндырып, ир белән хатынны Республика клиник хастаханәсенә бала тудыру йортына озата. Авырлы хатын вакытында бала тудыру йортына барып җитә һәм шунда бәбили.

Казанда ЮХИДИ инспекторлары машинасы зәңгәр утларын яндырып, авырлы хатынны бала тудыру йортына илтешкән. Бу турыда Татарстан буенча Эчке эшләр министрлыгы матбугат хезмәте “Татар-информ”га хәбәр итте.

Фото: Татарстан Эчке эшләр министрлыгы

Запись Казан уртасында бала таба башлаган хатынга ЮХИДИда мөрәҗәгать итә [видео] впервые появилась Tatar Today - татар яңалыклары..

Бри сюрпризны ясар өчен, Саманта исемле фотографка мөрәҗәгать итә. Ул яшьләрне бушлай фотосессиягә чакырырга тиеш була. Бри белән Брэндон билгеләнгән урынга килгәч, Саманта аларга такта, акбур биреп, бер-берсе турында өч матур сүз язарга куша.

Бри тактага “син әти булачаксың” дип яза. Яшьләр бер-берсенә таба борылгач, Брэндон язуны күреп, елап җибәрә.

“Брэндонның хис-кичерешләре искиткеч иде: уйлану, аннары чиксез бәхет, соңыннан күз яшьләре” ди Саманта. Әлеге фотоны 5 августта социаль челтәрләрдә урнаштыралар. Кыска вакыт өчендә фото 290 мең лайк җыя.

Шуны да әйтергә кирәк, ир-ат туй көнне дә, сөйгәнен күргәч, күз яшьләрен тоеп кала алмаган.

Дөньяда менә шундый нечкә күңелле ир-атлар да бар икән.

Чыганак: deti.mail.ru

Баш фото: www.familienleben.ch

Запись Тиздән әти булачагын белгән ир-атның фотосы, интернетта таралып, аны бар дөньяга таныта [фото] впервые появилась Tatar Today - татар яңалыклары..

24 яшьлек Анастасия һәм  35 яшьлек Руслан Ибраһимовлар гаиләсе,  2015 елның сентябрендә икенче балалары дөньяга килүен көтәләр. Шул исәптән, хатын-кыз шәхси сырхауханәгә исәпкә баса.

Бала дөньяга килә, аны ярып алалар. Бераздан Настя корсак астындагы авыртуларга зарлана башлый. Табиб тикшерү уздырганнан соң, “ялкынсыну барышы, дәваланырга кирәк”, дип  берьюлы ике антибиотик язып бирә.

– Антибиотиклар ярдәм итмәде: температура һәм авыртулар дәвам итте. Голованова тагын бер диагноз куеп, антибиотиклар белән дәвалану курсы язды. Үзгәреш булмавын, иммунитетым көчсез булуы белән аңлатты, – ди Настя ханым.

Бу дәвалану да файдасыз булып чыга. Хатын – кызның корсак астындагы авыртулар тагын да көчәя. Әлеге сырхауханәдә чираттагы УЗИ вакытында табиб җөй янында гемостатик мамык (гемостатическая губка) булуын күреп ала. Әлеге мамык, бала тапканнан соң 3 – 4 атна үткәч, таралырга тиеш булган, күрәмсең, мамык юкка чыкмаган. РКХ (РКБ) табибларының киңәшмәсеннән соң, “ялкынсыну барышы” диагнозы кабаттан раслана һәм Анастасиягә антибиотиклар белән дәвалануның 4 курсын язып бирәләр.

Әлеге курсның да ярдәме тими. Настяга 6 ай дәвамында гормональ дарулар белән дәваланырга кушалар. “Әгәр бусы да файдасыз булса, мамык юкка чыкмый калган очракта, ярты елдан соң операция ясауларын белдерделәр”, ди ханым. Настя бәйсез табибларга мөрәҗәгать итәргә мәҗбүр  була. Алар, оча сөякләре янда мамык тампонга охшаш, чит матдә барлыгын ачыклыйлар.

Ибраһимовлар гаиләсе хокук саклау әгъзаларына гариза яза, баш табиб Марат Садыйков, мәхкәмә – медицина (судебно – медицинский) белгеченә операция барышын күзәтергә ризалык бирә. Белгеч бу хәлне видеоязмага төшерегә тиеш була.

Анастасиягә 7 нче хастаханәдә операция  ясыйлар. Ул билгеләнгән вакыттан алданрак тәмалана.

“Операция  ничек узганын белмим, табиблар җирле наркоз ясарга тиеш иделәр, тик үземне дә кисәтмичә, гомуми наркоз ясаганнар”, дип сөйләде ханым.

Настяның эчендә мамык тампонны тапмыйлар. Табиблар сүзенә караганда, ул анда булмаган да.

Чираттагы УЗИ тикшеренүендә, җөй янында берни дә булмавын күрәләр. Ибраһимовлар гаиләсе, видеоязманы таләп итә, тик аларга язманы күрсәтмиләр.

Шулай да, Руслан һәм Настя видеоязманы ниндидер юллар белән алуга ирешә. Ул берничә өлешетән тора икән, ә канун буенча язма өзлексез булырга тиеш. Бәйсез табиб әлеге видеоязманы карагач, “ә иң мөһим өлеше – корсак куышлыгын тикшерү кайда”, дип гаҗәпләнә.

Анастасия әлеге эшне табиблар ялгышына санап, мәхкәмәгә тапшыра.

“ Минем балаларым ятим калырга мөмкин иде. Шул чорда кичергән  авыртуларны сөйләп аңлата торган түгел”, ди ул.

Мәгълүмат Комсомольская правда сайтыннан алынды.

Запись Бала тапканда хатын-кызның эчендә тампон калдырганнар? впервые появилась Tatar Today - татар яңалыклары..

Декрет ялында Чәчкә чын мәгънәсендә ял итте, кая гына бармады. Һәр атнаны фотога төшеп, бала көтүнең иң матур мизгелләре белән инстаграм аша  бүлеште. Һәм менә, ниһаять, 40нчы атна да килеп җитте.

“Менә шулай рәхәтләнеп йөзеп йөрдек әле бүген! Дубай” дип, язылып урнаштырылган фото күпләрдә сорау уятты. Бала табарга санаулы көннәр генә калды, әллә чыннан да Дубайга киттегезме, дип сораучылар да булды.

Баксаң, Чәчкә Казанда урнашкан “Дубай” исемле кунакханәдә ял иткән икән.

Менэ шулай рэхэтлэнеп йозеп йордек эле буген! #рэхэт #дубай #40недель #ждем #отдыхаем #вожиданиичуда #чэчкэ

Фото опубликовано Чэчкэ (@chachka_liliya) Авг 17 2016 в 11:09 PDT

Без менэ шундый зур устек инде! #чэчкэ #вожиданиичуда #рэхэт #безмакияжа?

Фото опубликовано Чэчкэ (@chachka_liliya) Авг 10 2016 в 10:45 PDT

Запись Җырчы Чәчкә, бала табарга берничә көн кала, Дубайда ял итә [фото] впервые появилась Tatar Today - татар яңалыклары..

Хатын-кыз моңарчы табибларга мөрәҗәгать итмәгән булып чыга. Шуңа да, баланы кесерево сечения ярдәмендә тудыралар.

Акушерлар башта хатын-кызның өч игезәк булыр дип уйлый, әмма дөньяга бер генә бала аваз сала. Сабыйны үлчәгәч, табиблар бик гаҗәпләнә, чөнки аның авырлыгы – 18 кг була.

Моңарчы, дөньяда 17,2 килограммлы бала туган булган икән инде. Әлеге хәл 1839 елда күзәтелгән. Шулай итеп, Австралиядә яшәүче хатын-кыз, бала табып, яңа рекорд куя.

Мәгълүмат, фото life.ru сайтыннан алынды

Запись Австралиядә хатын-кыз 18 килограммлы бала таба [фото-видео] впервые появилась Tatar Today - татар яңалыклары..

Свердловск өлкәсенең Каменск-Уральск шәһәрендә егет белән кыз туй көннәрен соңрак билгелиләр: кәләшнең инде бала табар вакыты да җиткән була.

Яшьләр язылышкач, кунаклар белән бәйрәм итәргә барырга уйлыйлар, әммә кызның кинәт тулгаклар башлана. Бәйрәм мәҗлесе урынына, яңа гына язылышкан яшьләр бала табу йортына ашыга.

“Мин коридорда туй күлмәге кигән яшь кызны күрдем, ул ашыга-ашыга бала табу залына кереп китте”, дип искә ала шул ук хастаханәдә бала тапкан Елена ханым.

Запись Кәләш туй буласы көнне бала тапкан впервые появилась Tatar Today - татар яңалыклары..

“Минем авырлы хатыным, икенче баласын күтәрү чорында минем актив катнашуымны таләп итте: табибларга, УЗИга йөрдем, аның анализларын илттем. Яраткан хатын-кыз өчен ни генә эшләмәдем… Әмма бала табу мине чыгырдан чыгарды. Башта әллә никадәр анализлар бирдем, имза куйдым. Бала тапкан хатын-кызның нинди газаплар кичергәнен үз күзләрем белән күрәчәгемә хатыным куанып йөрде. Күрдем – хәтта парашюттан сикергәндә дә мондый стресс кичергәнем юк иде. Хатыным (аның белән бергә мин) шулкадәр көчәнде, хәтта аны тотып торган кулымны сындыра язды. Аның кычкырулары һәм ыңгырашулары, табибларның: “Сула, көчән, алайса таба алмыйсың” дигән командалары миемне шартлатты һәм мин “йөзеп киттем”. Аңыма килгәндә диванда идем, миңа укол ясадылар, нашатырь иснәттеләр. Аннары бала табу бүлмәсенә кабат керергә тәкъдим иттеләр, мин баш тарттым. Ирләр, чынлап әйтәм, матур күренеш түгел, анда карарлык әйбер юк”, – ди ир.

“Вечерние Челны”га интервью биргән психолог Марина Матвеева ирнең тәкъдимен хуплаган. “Бала тапканда бергә булган ирләрнең 67% проценты хатыннарын хатын-кыз итеп күрүдән туктап, балаларының әниләре генә итеп кабул итә башлый, – дигән белгеч. – Әгәр ир кеше моны үзе теләмәсә, бу хәтта аерылышуга да китерергә мөмкин. Кызлар, әгәр ирегезне бала табу йортына чакырырга уйлыйсыз икән, яхшылап уйлагыз”.

Мәкаләгә комментарий калдыручыларнең фикерләре төрле.

“Кургаш кебек күзләре һәм җир төсле йөзе белән, стенага тотынып, бүлек буенча йөргән шундый бер ирне мин дә күрдем. Әллә чыгу юлын эзли иде, әллә башка җирне”, – дип яза бер ханым. “Баланы ирем белән бергә таптык, аз гына да үкенмим, ул миңа зур терәк булды”, – дип язган икенче берсе.

Яңа туган баласы белән төшкән бәхетле фотосына карап, Иванның бу мөрәҗәгате шаяру һәм чынлыкта ир бу адымга барганына үкенми дип фаразлаучылар да бар.

Татар-информ

Запись Ир-ат, бала тапканда хатыны янәшәсендә булганнан соң, ирләргә мөрәҗәгать белән чыккан [фото] впервые появилась Tatar Today - татар яңалыклары..