Архивы балалар бакчасы - Tatar Today - татар яңалыклары.

Чаллыда 220 урынлык “Шаян” балалар бакчасы ачылды [фото]

Алсу Мансурова — Tue, 25 Aug 2020 05:47:44 +0000

//Татар Тудей// Татар Бүген//

Шаянның нәни дуслары «ШАЯН» дип исемләнгән балалар бакчасына йөри алачак. Бүген Чаллы шәһәрендә шул исемдәге бакча үз ишекләрен ачты.

Чаллыда яңа “Шаян” балалар бакчасы ачылу тантанасы

220 урынга исәпләнгән балалар бакчасында сабыйларның интеллектуаль һәм шәхси үсеше, сәламәтлекләрен ныгыту һәм саклау өчен барлык мөмкинлекләр дә бар. Унике төркемнең алтысы – ясле яшендәгеләр төркеме. Шулай ук логопед төркеме дә бар.

“Шаян” балалар бакчасы ачылу тантанасы

Балаларны тәрбияләү өчен монда барлык шартлар тудырылган: йокы бүлмәләре белән төркемнәр өчен бүлмә, музыка һәм спорт заллары, медицина блогы, азык-төлек блогы, юу бүлмәсе, яшелчәләр саклау урыны.

Әти-әниләр, балалар өчен бик шатлыклы көн булды бүген. Тантаналы чарада «ШАЯН ТВ» каналының төп герое Шаян да балалар белән күңел ачты, истәлеккә фотога төште.

Чыганак: Шаян ТВ сайты

Запись Чаллыда 220 урынлык “Шаян” балалар бакчасы ачылды [фото] впервые появилась Tatar Today - татар яңалыклары..

Чаллының балалар бакчасында шкаф җимерелә: биш яшьлек бала…

Гульназ Рашитова — Wed, 12 Aug 2020 17:12:06 +0000

Яр Чаллының 22нче “Кыңгырау” балалар бакчасында тәрбияләнүче биш яшьлек бала ике күкрәк умыртка сөяген сындырган. Зыян күрүчене 10 августта Кама балалар медицина үзәгенә китерделәр.

Боларның барысы да җиһазларның төзек булмавы аркасында килеп чыккан. Өстәвенә, башка кием-салым шкафларын да карап чыккан вакытта шундый ук җитешсезлекләр ачылган. “Кыңгырау” хезмәткәрләре ниндидер сәбәпләр аркасында аларны төзәтмәгән. Моннан тыш, балалар бакчасы администрациясе гамәлгә куючыга бәхетсезлек очрагы турында хәбәр итмәгән, рәсми тикшерү һәм медицина учреждениесендә баланы тикшерү оештырмаган.

Прокуратура «Кыңгырау» хезмәткәрләренә каршы «куркынычсызлык таләпләренә җавап бирми торган хезмәтләр күрсәтү»маддәсе буенча җинаять эше кузгатуны таләп иткән. Башкарма комитет җитәкчесе Фәрит Сәлахов адресына җитешсезлекләрне бетерү һәм гаеплеләрне дисциплинар җаваплылыкка тарту таләбе белән күрсәтмә керттеләр. Җавап бирү актлары каралуда, дип күзәтчелек ведомствосы матбугат хезмәте хәбәр итә.

Фото: KazanFirst

Чыганак: KazanFirst

Запись Чаллының балалар бакчасында шкаф җимерелә: биш яшьлек бала… впервые появилась Tatar Today - татар яңалыклары..

Татарстан Президенты бу мәсьәләдә халыкны ишетте: балалар бакчасына ял көннәре өчен түлисе булмаячак

Alina — Fri, 03 Apr 2020 14:42:16 +0000

3 апрель Татарстан Президенты Рөстәм Миңнеханов эшләми торган көннәрдә балалар бакчасы өчен түләүне гамәлдән чыгарырга кушты. Бу хакта республика җитәкчесе Инстаграм сәхифәсендә язган.

«Миңа әти-әниләрдән күп мөрәҗәгатьләр килә. Хөкүмәткә эшләми торган көннәрдә балалар бакчаларында абонент түләвен гамәлдән чыгарырга куштым. Бу чорда түләргә өлгерүчеләрнең барысына да яңадан исәп—хисап ясалачак», – дип язган Рөстәм Миңнеханов.

Элегрәк Россия Президенты Владимир Путин илдә Covid-19 коронавирусның таралуын профилактикалау максатыннан 30 апрельгә кадәр түләүле ял көннәре игълан итү турындагы указга имза куйды. Төбәк җитәкчеләренә чикләү чаралары комплексын гамәлгә ашыру каралган территорияләрне билгеләү, халык һәм транспорт чаралары хәрәкәтенең аерым тәртибен билгеләү күрсәтмәсе бирелде.

Указ хакимият органнарына, медицина оешмаларына, өзлексез производство циклы булган предприятиеләргә, шулай ук халыкны беренче чиратта кирәкле азык-төлек һәм товарлар белән тәэмин итүче сәүдә нокталарына кагылмый.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Мәгълүмат Татар Информ

Запись Татарстан Президенты бу мәсьәләдә халыкны ишетте: балалар бакчасына ял көннәре өчен түлисе булмаячак впервые появилась Tatar Today - татар яңалыклары..

Лилия Галимова: “Балалар бакчасы өчен түләү мәсьәләсе хәл ителә”

Alina — Fri, 03 Apr 2020 06:45:17 +0000

Казанда коронавирус белән авырган 4 кеше терелеп, хастаханәдән чыгарылган. Татарстан Президенты матбугат хезмәте җитәкчесе Лилия Галимова журналистлар белән онлайн очрашуны шушы куанычлы хәбәрдән башлады. Юллар ябык, таләпләрне үтәмәгән өчен штрафлар, белешмәсез чыгу юк – брифингта шулар хакында сүз барды.

Республиканың 14 шәһәрендә махсус шәһәргә керү һәм аннан чыгу тәртибе кертелде. Бу пунктларда һәрбер автомобилне җентекләп тикшерәләр.

– Хәзер Казан, Чаллы, Әлмәт, Түбән Кама, Яшел Үзән, Лениногорск, Нурлат, Бөгелмә, Чистай, Азнакай, Баулы, Зәй, Менделеевскига керү-чыгу юллары ябык. Юлларда ЮХИДИ, Росгвардия һәм полиция хезмәткәрләре тора. Алар барлык юлчыларны да туктата, эш бирүчедән алынган белешмәне күрсәтүне сорый, – диде Лилия Галимова. Сүз уңаеннан, өйдән чыгу мөмкинлеген биргән рөхсәт кәгазьләренең ялганнары да пәйда булды. Социаль челтәрләрдә мондый кырын эш белән шөгыльләнүчеләр күренә башлады. Аларның игъланнарын хәзер хокук саклау органнары тикшерә.

– Әгәр дә шәһәргә керү-чыгу постындагы тикшерүчеләрнең белешмәгезгә карата шиге туа икән, кешенең шәхесен, дөрестән дә шушы оешмада эшләвен, бу оешманың эшчәнлеген дәвам иттерүчеләр исемлегенә керүен ачыклаганчы алар аны сездән алырга хокуклы. Эш бирүче кулыннан алган белешмәләр реестрга кертелә. Белешмә Министрлар Кабинеты чыгарган формага туры килмәсә, алып калалар, – дип аңлатты Лилия Галимова.

Ялган хәбәрләр дигәннән, Татарстанда 7 фейк-мәгълүмат таратучыны җаваплылыкка тартканнар. 61 кешегә исә карантин режимын бозган өчен “эләккән”. Алар рәтенә чит илдән кайтып, ике атна өйдә утырмаучылар да, таләпләргә җитди карамаучылар да кергән. Барысына да штрафлар каралган.

Балалар өйдә утыра, ә урын өчен барыбер түлисе. Балалар бакчаларына йөрүче сабыйлары булган ата-аналар шундый ризасызлык белдерде. Казан Кремленең бу сорауга җавабы бармы?
– Ата-аналардан сораулар күп килә. Бу хакта сөйләшүләр бара, хәбәр итәрбез, – диде Президентның матбугат үзәге җитәкчесе.

Мәктәп укучыларына килгәндә, алар өчен тиздән каникул төгәлләнә: 6 апрельдән дистанцион укуга күчәчәкләр. Әлегә мондый уку форматы күпмегә кадәр дәвам итәсен әйтеп булмый.

Башкорстанда 1 апрельдән кичке якта кибетләрдә, бар һәм кафеларда алкоголь сатуны тыйдылар. Искерткеч эчемлекләрне иртәнге 10нан кичке 6га кадәр сатып алырга була. Күршеләрдән үрнәк алырбызмы? Лилия Галимова әйтүенчә, Татарстанда алкогольны тыю-тыймау мәсьәләсн көн кадагында тормый әле.

Мәгълүмат Ватаным Татарстан

Запись Лилия Галимова: “Балалар бакчасы өчен түләү мәсьәләсе хәл ителә” впервые появилась Tatar Today - татар яңалыклары..

“Кечкенә кабәхатләр” – балалар бакчасы хезмәткәре сабыйларны шулай атаган…

Alfia — Thu, 30 Jan 2020 11:06:43 +0000

Костроманың балалар бакчасында бер әни, баласын калдыргач, чыгып китмичә, ата-аналар күрмәгәндә нинди хәлләр булганын бераз тыңлап торырга булган һәм коточкыч сүзләр ишеткән.

“Кечкенә кабәхатләр, барыгыз да тәрәзә төбеннән тастымаллар алдыгызмы?! Барыгыз да элеп куйдыгызмы? Карагыз аны, кемдер тастымалы юклыкка зарланасы булмасын!” – Яшерен төшерелгән видеода бала караучы няня шулай кычкыра. Бу видео “ВКонтакте” социаль челтәрендәге “Жизнь Костромы” төркемендә урнаштырылган.

Балалар бакчасы хезмәткәренең балалар белән дорфа сөйләшүе, үзенең кәефе юклыкка зарлануы ишетелә. Шәһәрнең мәгариф идарәсендә бу хезмәткәргә әлегәчә зарланучы булмавын билгелиләр. Күңелсез хәл буенча тикшерү башланган.

Мәгълүмат: kiziltan.rbsmi.ru

Запись “Кечкенә кабәхатләр” – балалар бакчасы хезмәткәре сабыйларны шулай атаган… впервые появилась Tatar Today - татар яңалыклары..

Чаллыда бала кайнар суга пешкән бакча җитәкчесен прокуратура җәзага тартачак [видео]

Alfia — Thu, 02 Jan 2020 16:14:00 +0000

Чаллыда бала кайнар су белән пешкән бакча җитәкчесен прокуратура җәзага тартуны таләп итә. Бу хакта «Татар-информ»га Татарстан прокурорының өлкән ярдәмчесе Руслан Галиев сөйләде.

Социаль челтәрләрдә Чаллыдагы балалар бакчаларының берсендә җылылык батареясы торбасы шартлап, кыз баланың кайнар су белән пешүе турында мәгълүмат пәйда булды.

Әлеге факт буенча республика прокуратурасы тикшерү үткәрде, аның нәтиҗәсендә закон бозу очраклары ачыкланды.

«Тикшерү материаллары Республика тикшерү органнарына җинаять-хокукый бәя бирү өчен җибәрелгән. Тикшерүдән эшкә салкын карау һәм кулланучылар тормышы һәм сәламәтлеге иминлек таләпләренә җавап бирми торган хезмәтләр күрсәтү гамәлләре ачыкланган»,- диде Галиев.

Моннан тыш, Чаллы башкарма комитеты җитәкчелеге адресына җитешсезлекләрне бетерү һәм балалар бакчасының вазифаи затларын җаваплылыкка тарту таләбе белән күрсәтмә бирелгән.

Мәгълүмат: tatar-inform.tatar

Запись Чаллыда бала кайнар суга пешкән бакча җитәкчесен прокуратура җәзага тартачак [видео] впервые появилась Tatar Today - татар яңалыклары..

Түбән Камада балалар бакчасында төшерелгән сурәтләр котны ала [фото]

Гузель — Sat, 19 Jan 2019 18:00:50 +0000

Сүз Түбән Каманың 25-нче номерлы балалар бакчасы турында бара. Фотолар “Түбән Кама Вконтакте” төркемендә барлыкка килде, дип яза Kazan First. Аноним чыганак язганча, җирле халык мондый шартларга балаларын йөртә. Стеналарда күгәрек, түбәдән тамчы тама.

KazanFirst редакциясе килеп туган вәзгыять буенча җавап алган. Мэриянең матбугат хезмәте җитәкчесе Марина Камелина хәбәр иткәнчә, рәсемнәрдә сурәтләнгән төркемнәргә берәү дә йөрми.

“Әйе, балалар бакчасы, чыннан да, капиталь ремонтка мохтаҗ, ул 2020 елгы программага кертелгән. Төркем таратылган, балалар башка төркемнәргә йөри, анда мондый хәл юк. Атна саен бу мәйданда гөмбәгә каршы көрәш алып баралар.

https://kazanfirst.ru/news/482607

Запись Түбән Камада балалар бакчасында төшерелгән сурәтләр котны ала [фото] впервые появилась Tatar Today - татар яңалыклары..

“Балага нәрсә ашатабыз?”- ди Чаллыдан ачулы ана. Сабые бакчадан черек алма алып кайта

Гузель — Sat, 19 Jan 2019 09:39:57 +0000

Чаллыда черек алманы балага бакчада биргәннәр. Сабый аны өенә алып кайтып, әнисенә күрсәткән. Әни кеше бу хәл буенча «Халык контроле»нә шикаять язган, дип хәбәр итә Kazan First.

“Балалар нәрсә ашый? Сез ничек контрольдә тотасыз? Мөгаен, черек бәрәңге боламыгы һәм башкалар”, – дип борчыла ул.

Шикаять язучы бу “сый”ны тәкъдим иткән оешма номеры һәм исеме турында хәбәр итмәгән. Әмма аның Вахитов проспекты, 26 адресы буенча урнашуын күрсәткән. Ачык чыганаклардан алынган мәгълүматларга караганда, сүз 30-нчы номерлы “Тиенкәй” балалар бакчасы турында бара.

Бу шикаятькә башкарма комитет вәкиле җавап биргән. Аның сүзләренә караганда, бу хәл турында ул мәгълүматны мәктәпкәчә учреждение һәм ҖЧҖ «Мәктәп туклануы» җитәкчеләренә җиткергән.

“Мондый хәлләрдә җиләк-җимешне алыштыру өчен төркем тәрбиячеләренә мөрәҗәгать итүегезне сорыйбыз”, – дип киңәш иткән ул.

Запись “Балага нәрсә ашатабыз?”- ди Чаллыдан ачулы ана. Сабые бакчадан черек алма алып кайта впервые появилась Tatar Today - татар яңалыклары..

Мәгариф министрлыгы Татарстанда балалар бакчасы өчен түләү ни өчен артканын аңлатты

Люция — Sat, 12 Jan 2019 04:59:57 +0000

Татарстан Мәгариф һәм фән министрлыгы 1 гыйнвардан балалар бакчаларында баланы карау-тәрбияләү өчен ата-ана түләүләре 4,3 процентка арту турында аңлатма бирде. Бу турыда министрлыкның матбугат хезмәте хәбәр итте, дип яза “Татар-информ”.

Министрлыкта аңлатуларынча, ата-ана түләүләре мәктәпкәчә оешманың төренә, бакчаның эш режимына һәм баланың яшенә бәйле. 10,5 сәгатьлек режимда эшли торган гомуми үсеш төркемнәренә йөрүче 3-7 яшьлек балалар өчен ата-аналарның түләүләре 3 251 сум тәшкил итте. Узган ел белән чагыштыргана, быел ул 134 сумга арткан.

“Ата-ана түләүләре әлеге оешмаларның чыгымнары үсүе, шул исәптән, азык-төлек, көнкүреш-хуҗалык товарларына бәяләр, хезмәт күрсәтүче эшчеләрнең хезмәт хаклары артуга бәйле”, – диелгән ведомство хәбәрендә.

Шул ук вакытта ведомствода, баланың ата-анасы өчен барлык ташламалар һәм компенсацияләр саклануын әйттеләр. Аерым алганда, беренче балага – уртача түләүләрнең 20 проценты күләмендә компенсация алырга ярый. Икенче балага – 50 процент, өченче һәм калган балаларга – 70 процент күләмендә.

Муниципаль дәрәҗәдәге компенсация ата-ананың кеременә бәйле. Аны бер кешегә айлык керем 20 мең сумнан азрак булган гаиләләр алырга хокуклы. Республикада күп балалы гаиләләргә ташламалар каралган: алар билгеләнгән түләүләрнең 50 процентын гына түли.

Моннан тыш, инвалид балалар, туберкулез интоксикациясе булган балалар, ятим һәм ата-ана тәрбиясеннән мәхрүм калганнар балалар бакчаларына бушлай йөри.

Фото: pixabay.com

Запись Мәгариф министрлыгы Татарстанда балалар бакчасы өчен түләү ни өчен артканын аңлатты впервые появилась Tatar Today - татар яңалыклары..

“Балам салкын тиеп 1,5 ай авырып ятты”. Казандагы балалар бакчасының берсендә балаларны махсус туңдыралар?

Алина — Fri, 26 Oct 2018 12:47:02 +0000

ProKazan порталына 113 номерлы балалар бакчасына йөрүче балаларның ата-аналары мөрәҗәгать итә. Борчылган әниләр сүзләренә караганда, балалар бакчасыннан балалар өшеп, туңып кайталар.

– Төркемдәге балалар балалар бакчасында нык туңалар, аннары цистит һәм ларингофарингит белән хастаханәдә яталар, – дип сөйләде биш яшьлек Стивның әнисе Лиана Тимерханова.

– Минем бала да салкын тидереп 1,5 ай авырып ятты. Прокуратурага киттем. Баксаң, 2015 елдан башлап анда, балалар төркемнәре белән авырый башлаган. Балаларны туңдырганнар, аларга кычкырганнар икән. Балалар аяк киемнәрен балалар бакчасының җылытылмаган өлешендә калдыра, аннары яланаяк салкын идән буенча 2 катка менә. Аннары кире яланаяк салкын идәндә басып торалар, салкын аяк киемнәрен кияләр. Ничек монда бала туңмасын инде?

5 яшьлек Сабина исемле кызның әнисе дә кызында көтмәгәндә цистит барлыкка килүен сөйләде.

– Циститны дәваладык, 1 ноябрьгә УЗИга язылдык. Цистит һәм стресс аркасында, бала бик нык хәлсезләнде һәм ангина белән авырый башлады. Биш көн 39-40 температура белән йогышлы авырулар хастәханәсендә яттык. Тик әле дә кадәр терелеп бетә алмыйбыз. РОНОга гариза яздык, вакыйганы ничек бар шулай тасвирлап бирдек, җавап көтәбез. Аларның җаваплары нигезендә, прокуратурага шикаять төзиячәкбез.

Ата-аналар балалар бакчасы хезмәткәрләре балаларны махсус туңдыра, дип саный. Шул рәвешле бакчага балаларның яртысы гына йөри, тәрбиячеләргә эш кими, ә ата – аналар баребер шул ук акчаны түли-Татарстан Мәгариф һәм фән министрлыгы сәясәте әнә шундый, ди алар. Ата-аналар шикаять язалар, әмма берни дә үзгәрми. Алар барысы да балаларын әлеге балалар бакчасына йөртмәскә мәҗбүр булалар.

Шәһәр хакимияте матбугат хезмәте әйтүенчә, әлеге факт буенча тикшерү үткәрелгән. Агымдагы уку елында балаларның бакчага йөрү табеле, балаларның медицина картасы өйрәнелә. Балалар бакчасы мөдиреннән аңлатма алынган. Казан Башкарма комитетының мәгариф идарәсе бу эшне контрольгә алган.

Запись “Балам салкын тиеп 1,5 ай авырып ятты”. Казандагы балалар бакчасының берсендә балаларны махсус туңдыралар? впервые появилась Tatar Today - татар яңалыклары..