20 сентябрь, Казанда студент кыз Пионерская урамындагы тулай торакның 5нче катында, тәрәзә юганда егылып төшә һәм фаҗига урынында үлә.

Бәхетсезлек очрагы Пионерская урамындагы студентлар тулай торагында була. Мәгълүматлар буенча, 20 яшьлек кыз Казан дәүләт медицина университетында укыган, бүлмәдә ялгызы яшәгән. Ул 5нче каттагы тәрәзәне юганда иске тәрәзә рамына таяна һәм егылып төшә. Студент кыз фаҗига урынында үлә.

Чыганак: Татарстан24 

Запись Студент кыз 5нче каттан егылып төшә. Үз-үзенә кул салу, әллә очраклы хәл? впервые появилась Tatar Today - татар яңалыклары..

Төбәк мәгариф министры Виталий Гутман сүзләренә караганда, узган ел 38 укучының икесе генә БДИ тапшырган. Калган укучылар “БДИны тапшыра алмаячакларын” аңлап, мәктәпне имтихан кампаниясе башланыр алдыннан ташлап киткән.

Министрлыкта мәктәпне ябу законнарга туры килә, укучыларны башка белем бирү оешмаларына күчерү планлаштырыла, дип саныйлар. Мәктәп бинасын өстәмә белем бирү учреждениесенә тапшырачаклар.
Гутман билгеләвенчә, шәһәр хакимияте вәкилләре мәктәп ябылу уңаеннан ата-аналар белән очрашкан һәм “аларның күпчелеге белән уртак тел тапкан”.

Чыганак: Кызыл Тың

Запись Мәктәпне бөтенләйгә ябалар, чөнки… впервые появилась Tatar Today - татар яңалыклары..

Хәзер аның әти-әнисенә дә, үзенә дә янаулар башланган.
Ямал-Ненец автономияле округының Тарко-Сале шәһәрендә балада һәм башка гаилә әгъзаларында коронавирус була торып, укучыны әти-әниләре БДИ тапшырырга җибәргән. Әлеге мәгълүматны тиешле органнар тикшерә. Бу хакта Znak.com. хәбәр итә.
Басма мәгълүматлары буенча, авыру гаиләдә симптомсыз узган, әмма “Роспотребнадзор” үзизоляцияләү турында карар биргән, ә укучының ата-анасы аны бозган.
ЯНАО мәгариф департаменты инфекцияле укучы белән элемтәгә кергән кешеләргә карата чикләү чаралары турында карарны “Роспотребнадзор” кабул итәчәк, дип белдерә.
Моннан тыш, бу хәл социаль челтәрләрдә дә актив тикшерелә. Әлегә әти-әнисенең авырып киткән үсмерне ни өчен имтиханга җибәрүе ачыкланмаган, әмма челтәрдән файдаланучылар аны җәберли башлаган. Мәгариф департаментында чыгарылыш сыйныф укучысына һөҗүм итү урынсыз, ә төбәктә БДИ үткәрүне өзү өчен шартлар юк, дип ассызыклыйлар.

Чыганак: Кызыл Таң

Запись Коронавируслы укучыны БДИ тапшырырга ничек уздырганнар? впервые появилась Tatar Today - татар яңалыклары..

Әйтик, бер укучыдан педагог кем белән яшәвен сорый, шуннан соң аны «кечкенә эчкече» дип сүгә башлый.

• Син кем белән яшисең? Гаилә белән? Яки спиртлы эчемлекләр кулланган бабаң белән? Менә шундый тәрбия, үзеңне кечкенә эчкече кебек тотасың! Тәрбиясез, таркаусың, – ди укытучы һәм чинауга күчә, гәрчә аудиоязмада ишетелгәнчә, бала аңа тыныч кына җавап бирә.

• 10 ел эчендә мин үзем 13 мәктәптә укыдым. Минем 150дән артык педагогым бар иде. Тик аларның берсе дә алай кычкырмады, – дип яза Динар Зәйнуллин социаль челтәрләрдәге биттә. – Мондый педагоглар безгә кирәк түгел!

Башкортстанның мәгариф һәм фән министры Айбулат Хаҗин да бу хәлгә шунда ук җавап биргән.

• Педагог үзен дөрес тотмаган… Тикшерәчәкбез, – дип ышандырган ул.

Мәгълүмат Кызыл Таң

Запись Укучысын “эчкече” дип сүккән впервые появилась Tatar Today - татар яңалыклары..

Моңа кадәр социаль челтәрләрдә бер ана язма калдырган булган. Ул 25нче мәктәптә дәрестә сөйләшкән өчен укытучының беренче сыйныф укучыларының авызларын скотч белән ябыштыруына зарлана.

Бу хәбәр астында бер малайның әтисе дә комментарий калдырган. Ул әлеге хәл турында полициягә гариза язуы хакында хәбәр иткән. Әмма, аның әйтүенчә, укытучыны беркем дә эшеннән алырга җыенмый.

Күзәтчелек ведомствосы белгечләре алдында әлеге хәлне тикшерү бурычы тора. Тикшерү нәтиҗәләре буенча тиешле чаралар күреләчәк.

Мәгълүмат: tatar-inform.tatar

Запись Әлмәтнең бер мәктәбендә укытучы балаларның авызын скотч белән ябыштырган впервые появилась Tatar Today - татар яңалыклары..

“Прокуратура социаль челтәрләрдә эпилепсия белән авыручы малайны кыйнау турында таралган мәгълүматны тикшерә. Әлеге хәл ачыкланып расланган очракта, ул тикшереләчәк. Шулай ук мәктәп администрациясе тарафыннан учреждение территориясендә куркынычсызлыкны тәэмин итү бурычларын үтәү ачыкланачак”, – дип шәрехләделәр прокуратурада.

Бүген социаль челтәрләрдә ике бишенче сыйныф укучысы классташларын кыйнау турында аноним пост пәйда булды, дип яза ТИ.

“Авыру баланы ничек итеп кыйнарга?! Кыргыйлар буыны үсә! Тәрбиясез, әдәпсез, алар урамда картларны да кыйный ала бит! Баланы мәктәпкә җибәрү куркыныч”, — дип язган социаль челтәрләрдән кулланучы.

Фото: https://pixabay.com

Запись “Кыргыйлар буыны үсә!” – Чаллыда эпилепсияле баланы кыйнау турында җәнҗал чыга впервые появилась Tatar Today - татар яңалыклары..

«Мәгариф» һәм «Гаилә һәм мәктәп» журналлары порталында бүлек мөхәррире Таһир Сабирҗановның «Татар теленең киләчәк язмышы олимпидаларда сынала» язмасы дөнья күрде. Татарстанның төрле шәһәр һәм авылларында урнашкан мәктәпләрдә хезмәт куючы укытучылар бу хакта үз фикерләрен белдерделәр.

«Татар төркемендә укыган укучылар арасында әдәбияттан олимпиадага барырга теләүчеләр тора-бара бетәр ул, кызганыч. Бер сәгать өйрәнелә. Әсәрләрнең кечкенә генә өзекләре. Өйгә эш бирергә куркабыз: кайбер ата-аналар баласын әдәбият укып зыян алыр дип курка, рус төркеменә күчерергә сәбәп эзли!», — дип белдерде бер укытучы.

Фикер алышуда катнашкан мөгаллимнәр арасында олимпиада биремнәре белән килешмәүчеләр дә бар.

«Рус мәктәпләренең татар төркемнәрендә дә олимпиада узды. Татар теленнән кайбер сыйныфлар өчен биремнәр катлаулы иде. Ләкин олимпиадада бик тә белемле, тырыш укучылар катнашырга тиеш булгач, минемчә, бу — гадәти күренеш. Ә әдәбияттан сораулар белән килешмим. Без ФГОС дәреслекләре белән укыйбыз. Мәсәлән, 7 нче сыйныфта. Ә сораулар иске дәреслек буенча төзелгән. Дөрес, без ике төрле дәреслек буенча да әзерләндек. Барыбер мәсьәләнең бу ягына игътибар итәргә кирәктер», — дигән фикердә укытучы.

Мәгариф

Фото: https://pixabay.com

Запись Татар әдәбияты укытучысы: «Өй эше бирергә куркабыз» впервые появилась Tatar Today - татар яңалыклары..

Чаллыда ике автомобиль, балаларны бәрдереп, авария урыныннан качып киткән. Бу хакта җирле Дәүләт автоинспекциясе хәбәр итә.

Ике юл һәлакәте дә бер үк көнне булган. 6 октябрьдә Шамил Усманов урамындагы 8нче йорт ишегалдында «Кио Рио» автомобилен идарә итүче 30 яшьлек ир-ат 10 яшьлек кызны бәрдергән. Автоинспекция мәгълүматлары буенча, шофер машинасын авария булган урыннан читкәрәк күчергән, өстәвенә аның иминият полисы да булмаган. Төрле тән җәрәхәтләре алган кызны ашыгыч медицина ярдәме хастаханәсенә озатканнар.

Шул ук көнне кичен «Лексус» автомобилен идарә итүче 68 яшьлек ир-ат, Яшьлек проспекты буйлап Сөембикә проспектына таба барганда, светофор булмаган җәяүлеләр кичүендә 12 яшьлек малайга юл бирмәгән. ЮХИДИ мәгълүматлары буенча, авария урыныннан качып киткән «Лексус» шоферын соңрак полицейскийлар эзләп тапкан.

Шаһитлар әйтүенчә, шофер малайны машинага утырткан һәм хастаханәгә алып барырга вәгъдә иткән. Әмма аны, хастаханәгә илтәсе урынга, өенә алып кайтып, әнисенә тапшырган, әни кеше «Ашыгыч ярдәм» чакырткан. Төрле тән җәрәхәтләре алган малайны ашыгыч медицина ярдәме хастаханәсенә озатканнар.

Чыгынак: Татар-информ

Фото: pixabay.com

Запись Балаларга сан юк: Чаллыда ике машина укучыларны бәрдерә дә, кача [коточкыч] впервые появилась Tatar Today - татар яңалыклары..

Укучы  кичке сәгать җиделәр тирәсендә Ромашковая урамында урнашкан фатирда, үз өендә була.  Инде шул вакытка аның берничә сәгать буе үле килеш ятканлыгы ачыклана. Асылынган яшүсмерләрнең төрле мәктәпләрдә укулары билгеле.

Чыганак: ProKazan.ru

Фото: pixabay.com

Запись Казанда укучылар бер-бер артлы асылына… [коточкыч] впервые появилась Tatar Today - татар яңалыклары..

Кукмара районы прокуратурасы балигъ булмаган балаларның хезмәт хокуклары үтәлүен тикшергән. Тикшерү “Кукмараның 4 номерлы  урта мәктәбе” муниципаль бюджет белем бирү учреждениясендә булган. 

РФ Хезмәт кодексы буенча хокук бозу ачыкланган –  12 яшьлек укучыны мәктәп территориясендәге үләнне чабарга мәҗбүр иткәннәр. Шулай ук, бу хезмәт өчен яшүсмер бензин чалгысы  кулланган. Инструкция буенча, 18 яшькә җитмәгәннәр бу корал белән эшләргә тиеш түгелләр. 

Моннан тыш, язгы вакытта, белем бирү оешмасы администрациясе тарафыннан  мәҗбүри хезмәткә 30 балигъ булмаган бала тартылган була.  Хезмәт килешүендә, хезмәт шартлары һәм түләү, шулай ук эш вакытлары күрсәтелмәгән була. Укучыларны, эшкә алу һәм хезмәт килешүенең вакыты чыгу белән эштән азат ителү турындагы боерык белән таныштырмаган булалар.

Тикшерү нәтиҗәләре буенча, прокуратура “Кукмараның 4 номерлы урта мәктәбе” директорына карата, РФ Административ хокук бозулар буенча кодексның 5.27 маддәсенең 4 өлеше, (хезмәт турындагы законны һәм хезмәт хокуклары турындагы башка норматив актларны бозу) шулай ук, РФ АК ның 5.27 маддәсенең 3 өлеше  нигезендә (РФ федераль законнарында һәм норматив актларында каралган хезмәт саклау буенча дәүләт кагыйдәләрен бозу) административ хокук бозу буенча эш ачкан. 

Мәктәп директоры 25 мең сум күләмендә штрафка тартылган. 

Запись 12 яшьлек укучыны мәктәп территориясендәге үләнне чабарга мәҗбүр иткәннәр впервые появилась Tatar Today - татар яңалыклары..