Гүзәл Уразова үзе дә шундый сорау белән Инстаукучыларына мөрәҗәгать итә. “Безнең гаиләдә кызык: кемдер балаларны гел миңа охшаган ди, кемдер, киресенчә: “Гүзәлгә, янәсе, бер дә охшамаган, хас Илдар”, – диләр. Ә кайчагында: “Гүзәл, сез Илдар белән шундый охшаш!” – диләр. Сездә дә шулаймы ул? Нәтиҗәдә кем-кемгә охшаган? “, дип юморга борып яза.

View this post on Instagram

A post shared by Гузель Уразова певица (@guzelurazova)

Запись Уразова – Хәкимов гаиләсендә кем-кемгә охшаган? впервые появилась Tatar Today - татар яңалыклары..

Алда 15нче юбилей сезоны. Шушы көннәрдә аңа ныклы әзерлек эшләре бара. Шулай итеп, Гүзәл-Илдар төркеменә кемнәр кирәк? Менә алар:

– Концертларны алып баручы

– Баянчы

– Гитарада уйнаучы

– Бэк-вокалчы кыз

– Ике биюче егет

Гүзәл Уразова төркемендә эшләү җиңел түгел. Алда бөтен Русия буйлап гастрольләр көтә. Шәһәрләр дә, районнар да, авыллар да бар гастрольләр графигында. Сезне бөтен илебез тамашачысы күрәчәк, дисәк, бер дә арттыру булмас. Әмма, авыр булса, да бу иң кызыклы эшләрнең берседер, мөгаен. Әгәр сез иҗади, актив, талантлы кеше икәнсез – тәвәккәлләп карагыз!

Үз тәкъдимнәрегезне, эшләрегезне, портфолиоларыгызны Гүзәл Уразованың “Инстаграм”дагы битенә кереп директка шәхси хәбәр итеп юллагыз. “Талантыгызны яшермәгез, безгә килегез. Әле соң түгел!” – ди Гүзәл.

urazova.ru

Запись Гүзәл Уразова командасына кемнәрне эзләвен әйтте [видео] впервые появилась Tatar Today - татар яңалыклары..

– Җәй көне безнең киләсе концертларга әзерлек чоры. Сезон ябу белән сезон ачу арасы бик кыска.

Дөресен әйтим, без инде күптән ял иткән юк. Соңгы тапкыр ялга ел ярым элек барган идек. Минем уйлавымча, ял итәргә гаилә белән, балалар белән, вакытың күп булганда барырга кирәк. Ә быел сезоныбыз бик кайнар, графигыбыз да тыгыз булды. Ялга вакыт әлегә калдырмадык. Аллага шөкер, үзебездә дә һава торышлары матураеп китте. Әби-бабайлар да “безгә кайтыгыз” дип авылга чакырып торалар. Шуңа күрә быел чит илдә түгел, үзебездә рәхәтләнеп ял итәрбез дип уйлыйбыз. Безнең җәйге яллар Башкортстан һәм Пермьдә үтәчәк. Олы кызыбыз Эллария лагерьда ял итә, Камилә белән Самир авылга кайтып-китеп йөри, – диде җырчы.

– Яңалык буларак, бездән бөтенесе дүртенче бәби көтә. Әмма үзебез көтмибез әле. Ул сорауны еш бирәләр. Быел 15 юбилей сезоныбыз. Шул 15 ел эчендә чыккан хитларыбызны бер программага сыйдырырга тырышырбыз. Әмма ул мөмкин түгел, билгеле. Без һәрвакыт тамашачы, яраткан халкыбыз өчен иҗат итәбез. Халык безне кабул итсә, җырлап та, биеп тә, сөйләп тә күрсштергә мөмкинбез. Чөнки ул безнең иҗатыбыз һәм аны үстерү юнәлешендә күп еллар эшлибез, – ди Гүзәл Уразова.

Интертат

Запись Гүзәл Уразова дүртенче бәбиен көтү-көтмәвен аңлата впервые появилась Tatar Today - татар яңалыклары..

Мөнир Рахмаевның ризыкка карата бернинди критерияләре дә юк. Билгеле ул тәмле булырга тиеш, ә менә нинди милләтнеке булуы миңа бик тәэсир ясамый, диде ул.

Дамир Зиннатуллинның әлегә зур сәяхәтләргә чыкканы юк. «Мине барысы да алда көтә», — дип елмайды егет. Ә менә Оренбург өлкәсендә кунак булганда егеткә ат иттеннән ясалган казылык ашатканнар. Аның тәмлелеген белсәгез, дип уртаклашты Дамир. Аннан соң җырчының бака ашыйсы килә икән. Арагызда баканы тәмле пешерүче булса, Дамирны сыйларга онытмагыз. 

Ә менә шәп итеп пицца пешерергә өйрәнәсегез килсә, Рамил Закировка мөрәҗәгать итегез. Ул бу эштә «ас»! Рамил Закиров  италия кухнясын бик ярата икән. Хәтта үзе пицца, төрле пасталар пешерә ала. «Якыннарым әлеге сыйфатымны белеп, еш кунакка киләләр, һәм пиццаның төрлеләренә заказ да бирәләр әле», — дип көлде Рамил. 

Артур – Марат дуэтына да тукталып узыйк. Егетләр темпераментлары буенча бер-берсенә бик охшаган булсалар да, аш-суга карата фикерләре төрлерәк. Марат пешерергә, тәмле ашарга бик ярата, ә Артур исә, тәмле ашарга яратса да, аш-су бүлмәсенә ашарга гына керә икән. «Әгәр дә Марат ресторан ачса, мин анда гына ашап йөрер идем. Ул бик тәмле пешерә»,- дип өстәде Артур.

Татар эстрадасының танылган җырчыларның берсе — Гүзәл Уразова быел Кытайда ял итеп кайткан. «Андагы милли ризыклар дөрестән дә селкенә” -көлеп сөйләде Гүзәл. Ләкин җырчы андыйларын урап узган. Дөге, балык, роллыларга ошаган ризыклар белән генә тукланган.

Запись Дамир Зиннәтуллин бака, Гүзәл Уразова “селкенә” торган ризыклар ашый впервые появилась Tatar Today - татар яңалыклары..

Challenge’ның исеме: “Кем мине яхшырак белә?” дип атала. Уенның кагыйдәләре бик җиңел. Гүзәлне кем яхшырак белә икән: 14 ел бергә гомер иткән тормыш иптәше Илдар Хәкимовмы, әллә туганнан бирле бүгенге көнгә кадәр (Гүзәл әнисенә кияүгә биргәнчегә хәтле дисә дә) тәрбияләп үстергән әнисеме?

Җырчы алдан ук якыннарына сораулар да әзерләп куйган. Гүзәл ирен һәм әнисен тылсымлы тартма эчендә бик тирән мәгънәле һәм көтелмәгән сораулар да булырга мөмкин дип, алдан кисәтеп куя. Кем сорауга җавапны алданрак әйтә ала, шул сыбызгыдан сызгырырга (бу уен коралы Илдарга эләгә) һәм барабан кагарга (босы әнисенә) тиеш була.

Беренче сорау: “Нинди җырга минем беренче клибым төшерелгән иде?” Әнисе барабан кага һәм дөрес җавап кайтара. Гүзәлнең беренче клибы “Нигә болай ашкынасың йөрәк?” җырына төшерелгән икән, ләбаса. Илдар Хәкимов шунда ук әйтеп тә куя: “Мин әле ул вакытта синең тормышыңда юк идем бит, әни шуңа беренче дөрес җавапны бирде инде”, ди.

“Мин пешереп караган беренче ризыгым ул нинди?” дигән сорауга Илдар сыбызгыдан сызгырырга баш тарта. “Моны әнидән кала яхшырак белүче юктыр”, ди ул. Дөрестән дә, әнисе белеп: “Аш. Кычыткан ашы”, ди.

“Гүзәлнең иң яраткан шоколады?”, “Яшүсмер вакытта иң яратып тыңлаган җырчысы?”, “Кечкенә чакта Гүзәлгә әйтелгән кушамат нинди?”, “Күңелен күтәрә торган әйбер?”, “Ничә яшьтә ул җырлый башлый?”, “Аның үскәч кем буласы килә иде?”, “Яраткан фильм актеры кем?” дигән кызыклы сораулар, аларга үзенчәлекле һәм күңелле җаваплар яңгырый.

Бу юлы дуслык җиңмәде әле. Җиңүче һәм отылучы бар. Кем җүңүче, кайсы отылган икән? Бер баллга күбрәк җавап биргән Гүзәлнең әнисе Фира ханым җиңде. Ә Илдарны алдан ук уйланып куелган җәза көтә икән. Нинди җәза булганын видеоны карагач, белеп булыр, дуслар.

Запись Гүзәл Уразованың әнисе кызының беренче пешергән ризыгын, ире балачак кушаматын сөйли впервые появилась Tatar Today - татар яңалыклары..

View this post on Instagram

A post shared by Гузель Уразова певица (@guzelurazova)

Клип махсус Уразованың 35 яшьлек юбилей уңаеннан нәкъ тә шушы көнне чыгарылды. Баш геройлар Нияз һәм Зиләне сайлап алыр өчен дә, 500дән артык катнашырга теләүче каралган. Клипның кунагы “Чара” кушаматлы эт, көтмәгәндә, уйламаганда шулай ук, төп каһарман була, хәтта иң кирәкле һәм мөһим герой дип әйтсәк дә ярыйдыр.

Зилә белән Нияз бәхетле һәм гүзәл бер гаилә. Ләкин аларның тормышын әлегә кара козгындай болыт каплаган. Алар бер-берсен сагыналар, тормыш мизгелләрен искә төшерәләр.

Менә шул искә алуларның берсендә төшерелгән өзек кызык тудыра да инде. Ул һич көтелмәгән була.

Нияз белән Зилә ресторанда, романтик мөхиттә, шәраб эчеп, ашап утыралар икән.

Кинәт, Нияз шампан шәрабын ачканда бөкесен каты итепме, дөрес түгел ачып Зиләнең күзенә эләгә яза. Бер яктан шушы вакытта кызның йөз хәрәкәте, ишарәләре кызык уятса, башкача караганда аның өчен куркыныч булып куя. Әздән генә коточкыч хәл булмый калмый бит.

Юморга борып, клип төшерүче: “Менә бу ичмасам кадр! Болай булмаса, әле алай ук кызык та булмас иде”, дип өсти.

Запись Гүзәл Уразованың яңа клибында көтелмәгән хәл: геройга куркыныч янап, шәраб бөкесе шартлый впервые появилась Tatar Today - татар яңалыклары..

Клип “Синең белән минем сөю” җырына төшерелгән. Ләкин баш геройлары Гүзәл Уразова һәм Илдар Хәкимов түгел, ә Нияз һәм Зилә исемле яшь пар. Ул гына да түгел, клип төшерүдә бик теләп катнашкан “Чара” кушаматлы эт тә бар.

Видеога зур тормыш мәгънәсе салынган. Нияз белән Зилә өйләнешкән булуларына карамастан, бер-берсе белән талашта, ачу саклап яшиләр. Ләкин геройлар сагыну хисе белән кичергән бәхетле мизгелләрне искә алалар.

“Синең белән минем сөю бәйләнгән бер төенгә”, дип җырлый Гүзәл. Геройлар да аның сүзләрен исбат иткән кебек, мәхәббәтләре әле дә барын аңлыйлар. Аларны дуслаштыручы, кавыштыручы дүрт аяклы дуслары – “Чара” эте. Клип бәхетле, матур парның янәдән бергә булулары белән тәмамлана.

Сүз уңаеннан, Гүзәл Уразованы туган көне белән тәбрик итәбез! Татар тудей сайты җырчыга корычтай сәламәтлек, бәхет-шатлыклар, гаилә иминлеге, иҗади үсешләр, яңа матур җырлар теләп кала!

Запись Гүзәл Уразованың 35 яшьлек юбилее уңаеннан өр яңа клип [артист тормышы] впервые появилась Tatar Today - татар яңалыклары..

Димәк, иң зур гонорар алучы – Салават Фәтхетдинов, икенче урында – башкорт җырчысы Ришат Төхвәтуллин, өченче һәм дүртенче урыннарны Айдар Галимов белән Elvin Grey бергә бүлделәр.

Хәния Фәрхи, шулай ук, уздырмый икән. Концерт программасы, биючеләр, яшь җырчылар белән ул кич буе кунак күңелен күрә. Бөтен төркеменә Хәния ханым 130 меңләп акча ала.

Гүзәл Уразова белән Илдар Хәкимов чыгышлар графигы алдан ук язылып куйган һәм тыгыз булганлыктан, бар кешегә дә җырларга бармый. Бары тик аларның дәрәҗәсенә туры килгән чыгышлар ясыйлар. 10-12 җыр башкарганнары өчен алар 100 меңгә якын гонорар ала.

Ә менә Фирдүс Тямаев алай сырланып тормый. Ул кем чакыра, шуңа барырга, шунда җырларга әзер. Кайвакыт бушлай да җырлый ул. Ятим, гарип балалар өчен. Ә болай уртача җырлаганына 100 мең бирәләр.

Зәйнәп Фәрхетдинова белән Зөфәр Билалов дуэты Фирдүскә караганда 20 меңгә азрак алалар. Ләкин алар анысына да шат.

“Зө-ләй-лә” төркеме корпоративларда 8 җыр башкарганнары өчен 60 мең ала.

Артистлар исемлеге күп, тиздән иң күп алучы белән бергә, иң аз гонорарлы җырчыны да язачакбыз. Татар тудей белән бергә булыгыз.

Запись Гонорар саныйбыз: Уразова сырланып кына җырласа, Тямаев кайда да чыгыш ясарга әзер впервые появилась Tatar Today - татар яңалыклары..

Запись Җәвит Шакиров юбилеенда Салават, Гүзәл, Данир, “Мунча ташлары” кыздырды [фоторепортаж] впервые появилась Tatar Today - татар яңалыклары..

Гүзәлнең иртән тору белән яңа куллар булуы ачыклана. Тыңлаусыз, йоннар үскән куллар. Ләкин ул барысы да яхшы, шулай булырга тиеш дип уйлап, үзенә иртәнге аш һәм каһвә ясарга дип аш бүлмәсенә чыга.

Иртәләрен яратып ашый торган күкәй тәбәсен пешерергә уйлый ул. Тик никтер куллар гына бүген аеруча тыңламыйлар икән. Көнбагыш мае да тигез салынмый, тузган чәчләрне дә алып куеп булмый, табаның кызганын да абайламый куллар.

Авызын сөртеп алганда да кыланып алалар, салфетка да чүп чиләгенә түгел, идәнгә генә ыргытыла. “Баш эшләми шул бүген… Баш! Ә, юк кул эшләми икән”, ди Гүзәл тыңлаусыз кулы белән башын кашый һәм салат ясарга керешә.

Салаты да булгач, никтер һаман шул куллар чәнечке, калаксыз гына ашарга теләп, ризык эченә үк кереп китәләр. Ләкин мондый борылышның уңай ягы да бар. Мәңге ачылмас кайнатма банкасы бу юлы бик тиз генә ачыла. Ник дигәндә, куллар бүген көчле бит.

Нидә икән соң хикмәт? Серне ачарга вакыт җитте. Бу сәер иртәнең аңлатмасы бик җиңел икән. “Күрүегезчә, без сезгә яңа Challenge эшләп күрсәттек. “Минем куллар белән түгел” (“Не моими руками”) дип атала. Кемнең куллары икәнен сез видео астына яза аласыз”, ди Уразова ачыклык кертеп.

Запись Гүзәл Уразова ир-ат кулыннан ашый башлаган, кемнеке булуын үзе әйтми [видео] впервые появилась Tatar Today - татар яңалыклары..