Айдар (Айдар Ракипов) июль аенда “Болгар радиосы” оештырган ачык һавадагы концертларда чыгыш ясады. Аны сәхнәдә сыйфатлы җырлар башкаручы, моңлы тавышлы җырчы буларак тәкъдим иттеләр. Бар җирдә дә җырчының чыгышын бик җылы каршыладылар, тамашачылар рәхәтләнеп биеде, ахырдан дәррәү килеп кул чапты.

Апаста узган концертта  Айдар стилле, өр яңа киемнән чыкты. Җырчы моңа кадәр дә  үзенчәлекле сәхнә киемнәре белән башкалардан аерылып тора иде,  хәзер тагын да кискен үзгәрешләр керткән. Бу исә, үз чиратында, тамашачыларда шау-шулы фикерләр уятты.

View this post on Instagram

A post shared by ПРОДЮСЕРСКИЙ ЦЕНТР 🎤 МИНСТАР (@minstarproduction)

Сүз уңаеннан, Айдар 30 августта Пирамида күңел ачу үзәгендә “Болгар радиосы” концертында чыгыш ясаячак. Анда нинди киемдә чыгар, оештыручылар әлегә сер итеп саклый.

Җырчы ныклы, ышанычылы адымнар белән эстрадада үз урынын яулый, яңа җырлар яздыра, клиплар төшерә.

View this post on Instagram

A post shared by АЙДАР РАКИПОВ (@aidar_rakipov)

Айдар июль ае дәвамында ТНВ телеканалында барган “Кайнар хит” хит-парадында “Син минем теләгем” җыры белән беренчелек өчен көрәшә. 27 июль (шимбә) көнне туры эфирда хәлиткеч ярыш булачак. Иң күп тавыш җыеп, Айдар җиңә калса, ул ел ахырында дәрәҗәле “Болгар радиосы” премиясен алачак. Бу җиңүгә үз өлешегезне Сез дә кертә аласыз.  Шимбә көнне Мәскәү вакыты белән сәгать 10:00-11:00 вакыт аралыгында 8(843)2215832 номеры буенча шалтыратып, тавыш бирү мөхим. Шалтыраткач, берни әйтергә кирәкми. Автоҗавапкайтаргыч тавышыгыз кабул ителү турында үзе хәбәр итәчәк. Шалтыратулар саны чикләнмәгән. Бушлай.

Запись Җырчы Айдарның шау-шу куптарган сәхнә киемен күрдегезме? впервые появилась Tatar Today - татар яңалыклары..

Яңа буын татар-башкорт җырчысы Айдар Рәкыйпов Татарка, Лейна иҗатларына әллә ни исе китмәвен әйтә. Ул үз иҗатында кавказ халкы биюләренә аерым урын бирә, бала чагындагы җанисәпне хәтерли.

Татар эстрадасында юлын Гөлназ Шакирова белән дуэт буларак башлап, “Мәхәббәтем” клибы аша күпләргә таныш булган Айдар Рәкыйпов хәзерге вакытта шәхси иҗатын үстерә, татар һәм башкорт телләрендә җырлар яздыра, клиплар төшерә. Азатлык хәбәрчесе җырчы белән очрашып, халык санын алуга, Татарка клипларына мөнәсәбәте, иҗат иреклеге хакында сөйләште.

– Айдар, сез татармы, татар-башкортмы? 2020 елда халык санын алганда кем булып язылачаксыз?

Өйдә ничек сөйләшәсең, туганнарың белән ничек аралашасың, нинди телдә уйлыйсың, шул милләткә керәсең

– Исемдә, мәктәптә укыган вакытта, халык санын алуда, татар булсаң да, “башкорт” дип язып китәләр иде. Мин үземне татар дип саныйм. Кәгазьгә нәрсә генә язылса да, өйдә ничек сөйләшәсең, туганнарың белән ничек аралашасың, нинди телдә уйлыйсың, шул милләткә керәсең. Минемчә, нинди генә милләт дип язсалар да, бар яхшы кеше, бар начар кеше – мин шуны гына аерам.

https://www.instagram.com/p/Bt5XjJOgOu4/

– Сезнең кебек яңа буын татар җырчыларына халык санын алуда татарларның күп булуы мөһимме?

– Җырчы буларак кына түгел, ә Русия ватандашы буларак, халык санын арттырып язып кына әллә ни эшләп булмый дип уйлыйм. Бүгенге көндә халыкка моны эшлә, тегене эшлә дип кенә булмый, чөнки халыктан да зур, көчле нәрсә юк, иң мөһиме – тату яшәү. Чөнки сугышалар, халык, җир бүләләр. Татармы ул, урысмы, башкортмы, илебез тыныч, күгебез аяз булсын.

– Татар-башкорт киемнәре белән клип төшердегезме әле?

– Әлеге вакытка кадәр андый клип төшергән булмады. Бәлки киләчәктә эшләрбез дә, чөнки элекке киемнәрдә милләтнең, халыкның мәдәнияте сакланган. Без алар белән горурланырга, сакларга тиешбез.

– Айдар, “Бәхет телим, шатлык телим” җыры клибында кавказ биюләрен, тау халкын күрсәттегез. Нинди максаттан?

– Бу җырның көе кавказ мотивында булгач, монда башка бию кую урынлы да түгел. Ә нигә көе кавказча дигәнгә килсәк, иҗатка, музыкага карата ниндидер чикләүләр булырга тиеш түгел дип саныйм. “Бәхет телим, шатлык телим” җырын мондый стильдә башкару – минем өчен яңалык. Мөмкинлек булганда, без аны эшләп карарга тиеш дип уйладым. Һәрбер җырым үзенчәлекле, аларны үзем аша үткәрәм, югары дәрәҗәдә башкарырга тырышам. Ә кайсысы яхшырак, көчлерәк икәнен халык үзе хәл итә.

– Кавказ халыклары вәкилләре ирекле, кыю. Алар татарларга үрнәк була аламы?

– Милләтләрне чагыштыру дөрес түгел дип саныйм. Чөнки һәр милләтнең үз тарихы, йоласы, теле, тәрбиясе. Нинди генә милләт вакиле булуга карамастан, горурланырлык яхшы эше булсын.​

– Бәлки үзегез дә шундый кыю, ирек сөючән җырчы булырга телисездер?

– Чыннан да, минем иҗатымда ниндидер чикләүләр юк. Булдыра алганча төрле телләрдә, стильләрдә җырлап, яңалык кертә алсам, мин аны эшләячәкмен.​

– Татар яшьләре арасында телне ничек пропагандалап була? Сез бу эштә катнашыр идегезме?

Әби-бабаларыбыздан калган телебезне, җырларыбызны, без саклап, киләсе буынга тапшырырга тиешбез

– Әлбәттә, әби-бабаларыбыздан калган телебезне, җырларыбызны, без саклап, киләсе буынга тапшырырга тиешбез. Кешегә барып: “Син татарча сөйләшергә тиеш”, дип әйтеп кенә пропаганда эшләү, әлбәттә, дөрес түгел. Аның өчен телне дөрес кулланып, шул ук иҗат, музыка аша дөрес реклама эшләргә кирәк. Мәсәлән, Казакъстанда, Америкада дусларым яши, алар телне, илне бик сагына, шуңа күрә, пропаганда буларак, шул чит илләргә дә татар җырларын, моңнарын алып барып җиткерү – минем өчен зур бәхет булыр иде.

– Филүс Каһиров Америкага концертлар белән барып кайтты, аннан Ришат Төхвәтуллин да Азатлыкка шулай ук чит илгә барырга теләген белдерде. Сездә андый планнар бармы?

– Беренчедән, мин аларның икесе белән дә аралашып торам. Алар минем өчен үрнәк, акыллы, тәрбияле дуслар, чөнки әйткән сүзләре, теләкләре чын күңелдән. Икенчедән, татар җырчысының чит илгә барып концерт куюын горурлык дип саныйм, мин моңа бик шатмын. Әлбәттә, һәрбер җырчының андый теләге бардыр. Мин дә баш тартмыйм, бәлки без дә оештыра алырбыз. Әлегә алдан нидер ышандырасым килми. Ходай насыйп итсә, барырбыз.

– Әлегә экраннарга чыкмаган яңа клибыгызны татар авылында төшердегез, ни өчен анда, авыл темасы искерде түгелме?

– Авыл кешесе буларак, минем авыл тормышын, экраннар аша күрсәтү теләге бар иде. Бүгенге көндә авылларның әһәмияте бик зур, клип сюжеты аша без шуны да җиткерергә теләдек.​

– Ул клипта татар кызлары нинди итеп сурәтләнәчәк, авыл кызлары образы әле дә элеккеге кебекме, әллә башкамы инде?

– Мин үзем ясалма әйбер яратмагач, һәр күренешнең кызлар тарафыннан да чынлап эшләнүен теләдем. Алар тирестә дә аунады, печән дә чапты, утын да ярды. Монда кызларның кирәк икән, иң авыр авыл эшен дә башкарганлыгын, кирәк икән, матур да була алганлыгын күрсәттек.

– Өчпочмак кебек милли атрибутлар күренде, алар нигә керде, миллилекне күрсәтүме бу, әллә хайпмы?

– Бар милли әйберләр дә авылдан килә, шуңа күрә аларның бу клипта булуын мөһим дип санадык.

View this post on Instagram

A post shared by АЙДАР РАКИПОВ (@aidar_rakipov)

– Яңа заман татар кызы образын клип аша тудырып була дип уйлыйсызмы?

– Төгәл генә әйтә алмыйм, без андый максат куймадык. Монда һәр кешенең күз аллавыннан, карашыннан тора. Татар кызы кем өчендер ул авылда сыер савып, ашарга пешереп, балалар караган, кемгәдер матурлык бәйгесендә җиңгән кыз булырга мөмкин. Без бу клипта гади авыл кызы образын гына күрсәттек.

– Җиде ел элек сез Гөлназ Шакирова белән дуэт буларак таныла башлаган идегез, клипларыгыз чыкты. Нигә кинәт сезнең дуэт таркалды, Гөлназ Шакирова белән ник аерылыштыгыз?

– Без Казан мәдәният һәм сәнгать университетында укып кына йөри идек. Клип төшерү тәкъдиме Гөлназ ягыннан булды. Анда ясалма, уйлап чыгарылган түгел, саф хисләр күрсәтелде, чын күңелдән төшерелде. Үзенчәлекле, яхшы сыйфатлы клип чыкты дип уйлыйм. Чөнки ул вакытта андый клиплар юк иде. Озынлыгын гына алсаң да, 5 минуттан артык. Ялгышмасам, аңа кадәр телевидениегә мондый озын клипларны алганнары булмаган. Ләкин безгә шалтыратып, клибыгыз ошады, дип ТНВ, “Мәйдан” каналлары сорап алды.

Хәзер кемне дә булса гаепләп утырасым килми, аерылышу яки кавышуны егет белән кыз үзе хәл итә. Шулай булды һәм шулай булырга тиеш булгандыр. Сәбәбе – безнең икебезнең арада гына, шунда калсын. Халыкның үз проблемнары да җитәрлек. Аңа продукт кирәк. Безнең яхшы продукт килеп чыкты, бу очракта экран артындагысын сөйләү – дөрес түгел дип саныйм.

– Әлеге клипка хәзер мөнәсәбәтегез нинди, дуэт таркалгач бетереп ату теләге тумыймы?

– Дөресен әйткәндә, кире кайта торган гадәтем юк, нәтиҗә ясыйм да, алга таба эшлим. Ә ул клипны һаман да “Мәйдан” каналы күрсәтә, ялгышмасам. Күргәндә, киресенчә, рәхәт тойгылар урап ала, күңелләр күтәрелеп китә, Чөнки Гөлназ минем беренче мәхәббәтем иде. Ул тормышымда, йөрәгемдә якты хатирә булды һәм шулай булып калачак та. Мин моңа бик шатмын.

– Сезне Ришат Төхвәтуллин белән чагыштыралар кайвакыт тавышларыгызны бутыйлар дип ишеттек. Бу чынмы?

– Ришатка килгәндә, без аның белән күптәнге дуслар, кечкенә чакта конкурсларда күрешә идек, шуннан бирле аралашабыз. Иҗатта ул миңа киңәшләрен бирә, һәрвакыт ярдәмгә әзер. Җырдан тыш безне волейбол бәйли, чөнки икебез дә бу спорт төрен яратабыз.

Тавышларга килсәк, чыннан да халыкның андый сүзләр язганы бар, “Сылукай” җыры чыккач, репетиция вакытында: “Нигә кеше җырын җырлыйсың?”, дип килеп әйткәннәре дә булды. Ләкин алар охшаш түгел дип уйлыйм, чөнки һәр кешегә үзенә генә хас моң, кабатланмас тавыш бирелә. Ә чагыштыру һәрвакытта да булган һәм булачак. Бәлки чагыштырмасалар, җырчылар башкалардан аерылып торырга тырышып, үз өсләрен яхшыртмаслар иде.

View this post on Instagram

A post shared by АЙДАР РАКИПОВ (@aidar_rakipov)

– Бу җәйдә Татарка исемле дөньякүләм популяр башкаручы Чаллы кызы “Ау” дигән татарча клип чыгарды, Лейна исемле Кукмара кызы да татарча-урысча клибы белән танылу алды, сез аларны карадыгызмы? Кайсы күбрәк ошады?

– Минем интернетка кереп, махсус кемнең нәрсә эшләгәнен, нинди клип төшергәнен карап утырганым юк. Миңа ул кызык та түгел, чөнки үз планнарым, эшләрем, максатларым бар, ләкин бу клипларның икесен дә күрдем. Мин ошады дип тә, ошамады дип тә әйтә алмыйм. Бармы? Бар.

– Лейна, мәсәлән, татарча-урысча, күбрәк урысча җырлап, бераз татар сүзләре кыстырып күп карау, тиз популярлык алырга тели дигән хис калмыймы сездә?

– Эстрадада мондый җырларга да урын бар дип уйлыйм. Безнең бер җирдә дә татар кешесе татарча гына, урыс кеше урысча гына җырларга тиеш дип язылмаган. Татар телен пропагандалау ягыннан карасак, бу дөрес адым, чөнки аны татар кешеләре генә түгел, интернетка кергәч, төрле телдә аралашучылар карый, тел белән дә кызыксына, хәтта кабатлап җырлап йөри башлый. Бу начар түгел.

– Мондый иҗат татар телен ваклый, боза, “солянка” (урысча-татарча) телгә әйләндерә дип уйламыйсызмы?

– Телне “солянкага” дөрес тәрбия бирмәү әйләндерә. Татар кешесенең өйдә урысча сөйләшеп, балаларын шул телдә тәрбияләве, җәмгыятьтә урысча аралашуы, телне күберәк боза. Бүгенге көндә без сөйләшкән телне саклап, үзебезнең балаларга җиткерә алсак, бу бик яхшы булачак.

– Татар эстрадасында иҗат иреге бармы?

– Бар. Безнең эстрадада төрле стильләр, юнәлешләр бар. Ләкин шул иректә үзебезнең халык җырларын да онытмаска тиешбез, аларны саклап калу да безнең бурычыбыз. Аларны саклаган очракта гына, сәнгатебез үсәчәк. Элекке җырларның бит тирән мәгънәсе, тарихы бар. Башкорт халык җырларын җырлап үсеп, аларның тарихын өйрәнгәннән әйтәм. Әлеге вакытта җыр язу берни тормый. Миңа шундый җыр кирәк дип шалтыратасың да, язып бирәләр. Шуңа күрә, кайбер заманча җырлар бер көнлек, ә халык җырлары мәңгелек дип саныйм.

– Алга таба нинди стильдә үсәргә телисез? Урысча-татарча җырлар идезме?

– Стильга килгәндә, бер яктан, бездә татарча гына, татар мотивы белән җырларга кирәк, урысча җырларга кирәкми, диләр. Кайбер вакытта чит телдә җырласаң да көләләр. Ләкин вокалның нигезе Италиядән килә. Бу җырлар тавышны үстерә һәм музыка өлкәсендә белемне арттыра. Бүгенге көндә үземә чикләр куям дип әйтә алмыйм. Мин башка телләрдә дә җырлый алам. Шуңа күрә, булдыра алсам, кирәк булса, башка телдә дә җырлармын дип өметләнәм. Ләкин мин җырчы һөнәренә укыган кеше буларак, ул җырны аерым йә татар, йә урыс, йә башка телдә башкарачакмын.

 

Чит ил агентлыгы Azatliq.radiosi сайтыннан алынды

Запись Айдар Рәкыйпов: “Ул минем минем беренче мәхәббәтем иде… Аерылышуыбызның сәбәбе – …” [әңгәмә] впервые появилась Tatar Today - татар яңалыклары..

8 июльдә җырчы Айдар Ракиповның “Син минем теләгем” җырына төшерелгән клибы дөнья күрде һәм барлык социаль челтәрләр буенча таралды. Кыска гына вакыт эчендә дә клип бик күп караулар, фикерләр җыярга өлгерде.

Әлеге клипның тасвирламасында: “Клипның сценариясеннән башлап, сезнең тарафка кадәр җиткерү өстендә, ТНВ телекомпаниясенең баш режиссеры Алмаз Акберов җитәкчелегендәге команда эшләде. Аларга зур рәхмәтләребезне җиткерәбез”, дип язылган.

Шунысын искәртик, моңарчы ТНВ каналының беркемгә дә клип төшергәне булмады. ТНВ Айдар өчен искәрмә ясаганмы, яки җырчы телеканалның беренче, бердәнбер тәҗрибә эшеме, вакыт күрсәтер. 

Әйтергә кирәк, Айдар бу җыры белән “Болгар радиосы”нда һәм ТНВ каналында барган “Кайнар хит” хит-парадында да катнаша. Монда кайсы җыр җиңәчәген тамашачы хәл итә. Җырчы җиңгән очракта, ул ел ахырында “Болгар премиясе” белән бүләкләнә.

View this post on Instagram

A post shared by АЙДАР РАКИПОВ (@aidar_rakipov)

Запись Моңарчы булмаган хәл: Нинди хезмәте өчен ТНВ беренче клибын Айдар Ракиповка үзе төшергән? [видео] впервые появилась Tatar Today - татар яңалыклары..

Күптән түгел Казанда Сабантуйлар гөрләп узды. Бу көнне бәйрәм аланнары эстрада  җырчыларын бергә җыйды. Тынычлык бистәсендәге сәхнәдә Резеда Шәрәфиева, Данир Сабиров, Ришат Төхвәтуллин, Гөлназ Батталова, Айдар Ракипов, Алинә Шәрипҗанова һәм башкалар чыгыш ясады.

Бу көнне сәхнә артында чыгышка әзерләнгәндә җырчы Айдарның тәнендә күгәргән урыннар һәм кулының яраланган булуын күргәннәр, моны күрүчеләрдә “җырчы әллә сугышты микән?”, дигән фикерләр туган.

Барысына да ачыклык кертер өчен без Айдарның үзе белән аралаштык, тәнендәге җәрәхәтләрнең кайдан булуын сорадык.

“Әйе. Чыннан да тәнемдә яралар бар. Алдагы көнне клип төшергәндә берничә тапкыр егылырга туры килде. Мин ясалма әйбер яртмыйм, шуңа күрә чынлап егылдым. Бүгенге көндә ясалмалык болай да күп. Кайбер вакытта дөреслекне ялганнан аеруы авыр.  Дуслар, сөйгән ярлар, хисләр дә ясалма булырга мөмкин хәтта”, дип уртаклашты Айдар.

View this post on Instagram

A post shared by АЙДАР РАКИПОВ (@aidar_rakipov)

Запись Җырчы Айдар Ракипов тән җәрәхәтләре алган. Әллә сугышкан? [видео] впервые появилась Tatar Today - татар яңалыклары..

Шушы көннәрдә җырчы Айдарның “Бәхетемне килә табасым” җырына клип төшерү эшләре бара. Съемкалар барган урыннарның берсендә без дә булып кайттык, Айдарның үзе, клипта катнашучылар, төшерүчеләр белән аралаштык. Бу күңелле мизгелләрне, эш барышының берничә өлешен, Айдар белән әңгәмәне безнең репортаждан карый аласыз.

Авылда клип төшерү – Айдарның күптәнге хыялы булган икән, шуңа күрә, бу сюжетка бик теләп ризалашкан. Ә сюжет буенча ул кызлар гына яшәгән авылга рәис булып кайта һәм аларны үзенә гашыйк итә. Бу кызлар арасында егет йөрәгендә урын өчен көрәш башлана.

View this post on Instagram

A post shared by АЙДАР РАКИПОВ (@aidar_rakipov)

Сүз уңаеннан, клипка кызлар эзләве хакында Айдар Инстаграмында хәбәр иткән иде. Шуңа күрә актрисаларның күбесен Айдар үзе сайлаган.

Клип кызыклы, көтелмәгән күренешләр белән баетылган. Аларны уйлап чыгаручылар, фото-видеога төшерү белән шөгыльләнүче – Alfavizion group төркеме егетләре.

Запись “Бал кортлары чагып бетерде, кызлар тирестә аунады”: җырчы Айдарга нинди клип төшерәләр? [видеорепортаж] впервые появилась Tatar Today - татар яңалыклары..

Җырчы Айдар (Айдар Рәкыйпов) Инстаграмында клипта төшү өчен кызлар эзләве турында хәбәр итте. Аның сүзләренчә, “Бәхетемне килә табасым” җырына төшереләчәк клип өчен 19-30 яшьтәге, буе якынча 165-190 сантиметр булган, камера каршында үзләрен иркен тоткан кызлар чакырыла.

Әлеге клипка съемкалар 18-19 июньдә Казаннан ерак булмаган бер авылда үтәчәк. Катнашу өчен монда басып, Айдарның үзенә язарга була.

Исегезгә төшерәбез, әлеге җыр моңа кадәр татар телендә сөйләүче радиолардан гына ишетелсә, күп санлы сораулар буенча, шушы көннәрдә ул интернет челтәрләрендә дә чыкты һәм күпләрнең яраткан җырына әйләнергә өлгерде.

Запись Бар да бик җитди: җырчы Айдар кызлар эзли [видео] впервые появилась Tatar Today - татар яңалыклары..

Җырчы Айдар Tatar today укучыларыннан һәм шәхсән үзенә килгән сорауларга җавап бирде. Бу юлы ул җырларына һәм иҗатына кагылганнарына ачыклык кертте. Килгән сорауларның берсендә җырчының сәхнәгә чыгар алдыннан ничек әзерләнүен сораганнар. Айдар: “Распеваться итәбез, җырларны кабатлыйбыз, белгәннәребезне укыйбыз”, дип җавап кайтарды.

View this post on Instagram

A post shared by АЙДАР РАКИПОВ (@aidar_rakipov)

Аранжировкасы туктаганда яки ут беткәндә нишләве хакында да кызыксынганнар. “Мондый хәлдә калсам, җырлавымны дәвам итәр идем дип уйлыйм. Әмма андый хәлнең булганы юк”, диде җырчы.

Кайбер сорауларга җавап бирер өчен Айдар якташы, дусты Илфат Шәеховны чакырган. Чөнки аның баянга гына кушылып һәм яңа чыккан җырларының берсен башкаруын үтенгәннәр.

Запись Айдардан тамашачы нинди сорауларга җавап сораган? Ни өчен ярдәмгә гармунчы Илфат Шәеховны чакырган? впервые появилась Tatar Today - татар яңалыклары..

–        Айдар, сине бии белми дип әйтәләр, бию дәресләре ала башладың әллә?

–        Әйе, хәзерге вакытта бию белән дә шөгыльләнәм. Элегерәк кирәк дип тапмый идем. Күберәк вокалга басым ясадым. Артист кеше бар яктан да килгән булырга тиеш, дип уйлыйм, шуңа күрә, эстрада бию күнегүләрен дә үзләштерәм.

Кечкенәдән татар халык җырларын ишетеп, биюләрен биеп үскәнгә күрә, алар миңа якын. Ә эстрада биюләре минем өчен яңалык, авыррак бирелә. Без моның өстендә эшлибез, тырышабыз. Киләчәктә куйган максатларга ирешербез дип уйлыйм.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

–        Моңа кадәр бию белән шөгыльләнгәнең бар димәк?

–        Әйе, мәктәптә укыганда, сыйныфташлар белән, бик яратып, бию түгәрәгенә йөрдем. Ул вакытта халык биюләре белән генә шөгыльләндек. Хәзер инде алар да онытылып бара.

–        “Бәхет телим, шатлык телим” җырына чыккан клибың каршылыклы фикерләр уятты, нишләп татар җырына кавказ көе?

–        Төрле мәҗлесләрдә, туйларда кавказ музыкасын куйсалар, бөтен кеше биеп китә, мин татар, дип тормый. Моның бер начарлыгын да күрмим. Сәнгатьнең теле, милләте юк. Нишләп мин мондый мотивта җыр җырламаска тиеш? Ямьсез сүзләр әйтмим, сүгенмим, киресенчә, бәхет телим, шатлык телим, дип җырлыйм. Җыр – ул төрле булырга тиеш. Бу җырга кагылышлы бик күп уңай фикерләр дә җиткерделәр. Миңа калса, үзенчәлекле җыр.

View this post on Instagram

A post shared by АЙДАР РАКИПОВ (@aidar_rakipov)

–        Айдар, син кызларны талгын биюгә еш чакыра идеңме?

–        Иң беренче тапкыр талгын биюгә бер кызны лагерьда ял иткәннең соңгы көнендә чакырдым. Аннан соң, нишләп беренче көнне үк чакырмадым икән, дип уйладым. 7 классны тәмамлагач булды бу хәл. Аңа кадәр мине биергә кызлар үзләре чакыра иде, шат кына була идем, чөнки бик оялчан булдым. Минем өчен ул уйланылган адым булырга тиеш иде. Хәзер дә биюгә чакыруга җитди карыйм. Бөтен кеше белән дә биемим.

–        Ә Гөлназ Шакированы биергә чакырганың булдымы? Дискотекаларга йөри идегезме? Хәзер нинди мөнәсәбәттә сез?

–        Әйе, биегән булды, ә менә дискотекаларга йөргәнне хәтерләмим. Без бит аның белән җитди мөнәсәбәтләрдә идек, бергә иҗат иттек, клиплар төшердек.

Ул бик тәрбияле, акыллы кеше. Бергә уздырган вакытлар минем тормышымда бер матур хатирә булып калды. Әмма шулай язгандыр, юлларыбыз аерылды. Уртак дусларыбыз Гөлназ турында хәбәрләр җиткереп тора. Бүгенге көндә аның бар да яхшы, матур кыз үстерә. Интернетта бер-беребезне күзәтеп торабыз. Мин аның өчен бик шатмын.

Запись Айдар: “Аның белән уздырган вакытлар матур хатирә булып калды…” [эксклюзив әңгәмә] впервые появилась Tatar Today - татар яңалыклары..

Tatar today танылган артисталарны гына түгел, эстрадага ныклы адымнар ясаучы, танылып кына килүче яшьләрне дә күзәтеп тора. Шундыйларның берсе – җырчы Айдар (Айдар Ракипов). Үзебезнең сорауларны туплап, без Айдар белән экспресс-әңгәмә кордык. Иҗаты, холкы, иҗаттан тыш шөгыле, яраткан кешесе турында сораштырдык.

–        Айдар, кечкенәдән җырчы булырга теләдеңме? Бу теләк кайчан туды?

–        Балалар бакчасына йөргәндә, мәктәптә укыганда төрле җыр конкурсларында катнашсам да, киләчәктә җырчы буласам килә, дигән теләк юк иде. Уфа сәнгать училищесын тәмамлап, Казан мәдәният һәм сәнгать университетына кергәч кенә, шушы теләк белән янып, үз өстемдә тырышып эшли башладым.

–        Бүгенге көндә иҗатыңның максаты нинди?

–        Эчтә булган хисләремне, әйтәсе килгән сүзләремне тамашачыга җырларым аша җиткерергә телим.

–        Эстрадада популяр булыр өчен нәрсә кирәк дип уйлыйсың?

–        Әлбәттә талант, тырышлык, кыяфәт, яхшы җырлар, клиплар һәм матди яктан ныклы булу кирәк.

–        Синең матди яктан таянырдай терәгең бармы?

–        Бүгенге көндә матди яктан остазым, киңәшчем бар.

–        Син үзеңне “йолдыз” дип саныйсыңмы?

–        Дөресен әйткәндә, мин “йолдыз” сүзен аңлап та бетермим, яратмыйм да. Бу тормышта һәр кешенең үз юлы, үз эше. Мин дә калган кешеләр кебек үз эшемне башкарам. Ул – җыр, иҗат өлкәсендәге эш. Ә йолдызлар бит ул күктә генә була.

–        Үзеңне 5 сүз белән тасвирла.

–        Тырыш, төгәл, игелекле, тыйнак, таләпчән.

View this post on Instagram

A post shared by АЙДАР РАКИПОВ (@aidar_rakipov)

–        Иҗаттан тыш, нәрсә белән шөгыльләнәсең?

–        Спорт белән. Волейбол һәм йөзү.

–        Бер күрүдә гашыйк булуга ышанасыңмы?

–        Әйе, ышанам.

–        Синең белән андый хәлнең булганы бармы?

–        Әйе, мин бит егет кеше.

–       Бүгенге көндә йөргән кызың бармы?

–        Аралашкан кызлар күп, әмма йөрәгемдә урын алып торган, яраткан кешем юк.

–        Көндәлек тормышта кайсы телдә күбрәк аралашасың? Татарчамы? Башкортчамы?

–        Татарстанда да, Башкортстанда да дусларым күп, татарча да, башкортча да рәхәтләнеп аралашам.

Запись “Сылукай” дип җырлаучы Айдар кызларга өмет бирә [видеоәңгәмә] впервые появилась Tatar Today - татар яңалыклары..