Әлеге максат турында тулырак мәгълумат бирү өчен уздырылган матбугат очрашуында Бөтендөнья татар яшьләре рәисе урынбасары Айрат Фәйзрахманов әйтеп үткәнчә, әлеге форум 30 елдан соң татар яшьләрен күз алдына китерергә ярдәм итәчәк. Шуңа күрә чараларның күбесе киләчәкне барлауга юнәлдерелгән.

Бөтендөнья татар яшьлре форумы рәисе Тәбрис Яруллин кыскача программа белән таныштырып үтте:

– Без интеллектуаль, белемле яшьләрне җыярга тырышабыз. Шуңа күрә махсус шул өлкәдәге кунакларны чакырдык. Алар мотивацион лекция укыячак. Төп игътибар авыл темасына игътибар юнәләчәк. Шуңа күрә делегатлар бүленеп төрле якларга сәяхәт кылачаклар. Элек Арчага барсак, бу юлы һәр районның үз темасы күрсәтеләчәк. Бездә бит иҗади делегатлар да катанаша. Сүз уңаеннан, Ришат Төхвәтуллин Казан сәхнәсендә беренче тапкыр форумда чакта чыгыш ясаган булган.

Ә форумның программасында исә, пленар утырыш, татар яшьләре проектлары аллеясе, округлар буенча проектлар сессиясе, 7 юнәлеш буенча дискуссион мәйданчыклар оештырылачак. Форум кысаларында лекцияләргә, музейларга, Татарстанның һәм Казанның тарихи-мәдәни урыннарына бару һәм төрле мастер-классларда катнашу каралган. Мәсәлән, 5 нче августта уздырылачак “Печән базары” фествалендә Әстерханлылар балыктан өчпочмак пешереп күрсәтәчәкләр.

Рәфидә Галимҗанова // Tatar-today порталы

Запись Татар яшьләре форумы белән Ришат Төхвәтуллин да бәйле булып чыкты, меңләгән яшьләр Казанга җыена впервые появилась Tatar Today - татар яңалыклары..

Ул “Аргамак” оешмасының чагыштырмача күптән түгел – 2015 елның язында барлыкка килүен билгеләп, оешманың яшьләр өчен генә түгел, ә балалары булган урта яшьтәге кешеләргә дә кызыклы булуын әйтте. Ник дигәндә, оешманың төп максатларыннан берсе – балаларга татар телен өйрәтүгә шартлар булдыру. Чит илдә туган сабыйларга бу аеруча кирәк. “Аргамакка” йөрүчеләр арасында Германиягә күптән күчкәннәр дә, студентлар да бар, дип сөйләде Гөлназ Вәлиева.

Проектның төп максатлары – милли үзаңны үстерү һәм саклау максатыннан, Германиядә, гомумән, Европада яшәүче татарларны берләштерү, аларны милли рухлы чаралар үткәрүгә өндәү, Татарстанны, татар халкын, аның мәдәниятен башка милләтләр арасында таныту, чит илләрдә популярлаштыру. “Көзге очрашу”га, гадәттә, Европаның төрле илләреннән 150ләп кеше килә, диде ул.

“Очрашу гаилә белән кич утыру форматында үтә. Профессиональ башкаручылардан кала, һәркемгә чыгыш ясау мөмкинлеге бирелә. Шул рәвешле, кунаклар да бәйрәмнең режиссеры була ала. Теләгән кеше татарча шигырь сөйли, җыр җырлый. Балалар өчен аерым бүлмә эшли. Анда татар мультфильмнары күрсәтелә. Кунаклар өчен сабыйлар катнашында татарча спектакльләр дә куела”, дип сөйләде “Аргамак” вәкиле. Ул Германиядә “Көзге очрашу”дан тыш та, мәдәни чаралар, татар милли тәм-томнары кичәләре, балалар өчен очрашулар уздырылуын әйтте.

Гөлназ Вәлиева тумышы белән Казаннан. Германиядә 10 ел чамасы яши. Хәзерге вакытта интерьер өлкәсендә эшли торган алман фирмасында тәрҗемәче вазифасын башкара. Бүген яшь әни декрет ялында.

“Казанга елга 1-2 тапкыр кайтып килергә тырышабыз. Интернет аркылы Татарстандагы, Казандагы вакыйгаларны, шулай ук милли дизайн өлкәсендәге яңалыкларны күзәтеп барабыз”, – диде ул.

Гөлназ Вәлиева Татарстаннан читтә яшәүче татарларны борчыган проблемалар турында да сөйләде.

“Минем ике балам бар. Олысына беренче тел итеп татар телен өйрәттек. Аңа хәзер 5 яшь. Ул саф татар телендә сөйләшә. Әмма балага кимендә тагын 3 тел өйрәнергә кирәк: Германиядә яшәгәнгә күрә – немец телен, Россиягә кунакка кайтканда аралашыр өчен – рус телен, шулай ук халыкара саналган инглиз телен. Әлбәттә, бу җиңелләрдән түгел. Шундый очраклар да була: әтисе яки әнисе татар булган катнаш гаиләдә туган бала көннәрдән бер көнне татар телендә сөйләшүдән бөтенләй баш тарта. Әнисе татар телендә эндәшсә дә, ул аңа алман телендә җавап бирә. Башка милләт вәкилләрендә кияүдә булган татар дус кызларым еш кына балам татарча сөйләшми дип елап шалтырата”,  дип, Гөлназ чит илдә туган тел мәсьәләсенең кискен торуын ассызыклады. Аның фикеренчә, татар телле мохит, ана телендә башка балалар белән аралашу мөмкинлеге булмагач, сабыйларның телне өйрәнәселәре килми. Гөлназ Татарстаннан читтә яшәүче татар яшьләренең гаилә кору өчен пар таба алмавын да билгеләп үтте.

“Чит илдә үз милләтеңнән булган күңелгә ошаган парны табу да җиңел түгел. “Көзге очрашу” һәм башка чаралар исә әлеге проблеманы хәл итүгә, татар гаиләләре коруга мөмкинлек булдыра”, дип саный ул.

Татар информ

Запись Германиядә яшәүче Гөлназ Вәлиева: “Дус кызларым балам татарча сөйләшми дип елап шалтырата” впервые появилась Tatar Today - татар яңалыклары..

Көн шактый эссе булуга карамастан, аның кысаларында оештырылган чараларда катнашырга, тәкъдим ителгән милли төсмерле эшләнмәләрне сатып алырга килүчеләр саны артканнан арта гына барды. Ярминкә кунаклары арасында кече яшьтәге балалардан алып әби-бабайларга кадәр бар иде. Милли үзенчәлекне күрсәтү максатыннан, киеменә татар элементы кертеп җибәргән – калфак, читек, түбәтәй, камзул киеп, милли бизәнү әйберләре тагып килгәннәр дә шактый булды. Оештыручыларның андыйларга бүләк тапшырылачагы турында әйтүен дә искәртик. Шул рәвешле, бүгенге чарада катнашкан һәркемгә XIX гасыр ахыры – XX гасыр башы чоры киемнәре, көнкүреше белән танышу, үзен шул чор кешесе буларак хис итә алу мөмкинлеге булдырылды.

Быелгы “Печән базарында” Казан, Мәскәү, Чиләбе, Төмән, Перьм дизайнерлары татар милли үзенчәлекле продукцияләрен – төрле сәнгать эшләнмәләре, бизәнү әйберләре, сувенирлар, шамаилләр, стильләштерелгән татар киемнәре, шулай ук татарча әдәби китаплар һ.б.ларны тәкъдим итте.

Бөтендөнья татар яшьләре форумы рәисе урынбасары Айрат Фәйзрахманов милли дизайнерлар санының елдан-ел артуын, яңа милли формаларның табылып торуына игътибарны юнәлтте. Ул ярминкәдә 7 төбәктән 70кә якын дизайнер катнашуын искәртеп: “Кайсы халык милли юнәлештә эшли торган 70 дизайнеры белән мактана ала? Минемчә, дөньяда андый милләтләр күп түгел. Милли үзенчәлекләрне истә тотып, яңа әйберләр эшләүчеләр мәдәниятне үстерә. Хәтта чәчәк сату бизнесында да шушы юнәлештә эшчәнлек алып баручы дизайнерларыбыз бар”,  диде.

Ярминкәнең уку паркында укырга яратучылар өчен  татарча китаплар тезелгән “Укы” сүзе рәвешендәге киштә тәкъдим ителде, шулай ук сирәк очрый торган татар китаплары буккросингы һәм әдәби квест оештырылды. Биредә үк республиканың татар телендә чыга торган журналларына язылу, аларны сатып алу мөмкинлеге булдырылган иде.

“Уку паркы”ның төп максаты – белем тарату. Биредә һәркем китап алып укып утыра ала. Китапларны бушлай өләшүчеләр дә бар. Әйтик, Балык Бистәсеннән килгән өлкән буын вәкиле – Равил Сафин анда үзенең кулъязмаларын тәкъдим итә һәм китап бастыру өчен иганәче эзли”, дип сөйләде Айрат Фәйзрахманов.

“Печән базары” кысаларында “Сабыйлар” балалар үзәге тарафыннан оештырылган балалар мәйданчыгы эшләде. Әлеге үзәк вәкиле Ләйлә Нурмөхәммәтова мәйданчыкта сабыйлар өчен квест оештырылуын әйтте.

“Сабыйлар 4 урында төрле биремнәр үтәде. Иҗади мәйданчыкта балалар үз куллары белән таякка беркетелгән калфак, түбәтәй яисә рәсем ясады. Моннан тыш, алар вак моториканы үстерүгә юнәлтелгән остаханәдә катнашты, уеннар уйнады, физик күнегүләр ясады, викторина сорауларына җавап бирде. Әлеге мәйданчыкта Габдулла Тукайның “Печән базары яһүд Яңа Кисекбаш” әсәре дә уен формасында сәхнәләштереләчәк”,  диде ул.

“Быелгы “Печән базары”ның тагын бер үзенчәлеге – Иске татар бистәсе буенча экскурсияләр оештыру. Экскурсияләрне Г.Камал исемендәге Татар дәүләт академия театрының әдәби бүлек мөдире Нияз Игъламов, ТР Президенты киңәшчесе Олеся Балтусова, күренекле архитекторторлар Айвар Саттаров һәм Нияз Халит, бистәнең үзендә яшәүче 86 яшьлек Нурания әби Биктимерова уздыра. Алар Иске Татар бистәсе турында җирле халык күзлегеннән сөйли”,  диде Айрат Фәйзрахманов.

Моннан тыш, ярминкә кунаклары тарихи квестта, викторинада катнашты, интерактив әкият тыңлый алды. Мастер-класслар, ди-джейлар, заманча татар башкаручылары чыгышлары чараны тагын да ямьләндерде.

“Печән базары”нда Шигьри перформанс та үтте. Яшь шагыйрьләр үзләренең шигырьләрен төрле көйләргә сөйләделәр. Катнашучылар арасында Илнар Нотфуллин, Азат Миргаязов, Гүзәл Закирова, Рузилә Әмирова һ.б.лар бар иде.

Тәмле мәйданда “Түбәтәй” милли фастфуд челтәре, борынгы рецептлар буенча әзерләнгән ризыклар тәкъдим ителде. Фотомәйдан эшләде. “Кисекбаш” арт объекты тәкъдим ителде.

Әйтик, Пермьнан килгән Әлфия Галина – “Әкият” блок-остаханәсе җитәкчесе. Ул милли бизәкле киемнәр тегә. “Печән базары”нда дизайнерның икенче тапкыр катнашуы.

Казаннан Алсу Борһанова ярминкәдә КФУның “Tatar style” дизайнерлык студиясе эшләнмәләрен тәкъдим итте. Әлеге студия Идел буе татарларының мәдәниятен өйрәнеп, милли үрнәкләрне кул эшләрендә куллана. Шулай ук борынгыдан килгән челтәр үрү һөнәрен торгызуны да максат итеп куйганнар.

Алсу Борһанова әйтүенчә, кулланучыларны күбрәк күн мозаикасы, шамаилләр кызыксындыра. “Хәзерге вакытта милли мәдәниятне алга этәрергә тырышучылар шактый күп. Татар милли мәдәнияте үсә, аның белән татарлар гына түгел, Казанга килгән туристлар, бигрәк тә чит илләрдән килүчеләр бик кызыксына. Бу сөенечле күренеш”,  диде ул.

“Юлбасма” нәшрияты җитәкчесе Гүзәл Хәсәнова ярминкәгә нәниләргә “Үчтеки”, “Чырык чыпчык” китапларын, карточкалар алып килгән. Әлеге нәшрият әзерләгән Иске Татар бистәсе буенча юлкүрсәткеч “Печән базары”на килгән беренче мең кунакка бушлай таратылды.

Зәрканче Наил Сөбханкулов гаиләсе белән Башкорстанның Уфа шәһәреннән килгән.  Ул зәркан сәнгате белән 40 ел шөгыльләнә, милли бизәнү әйберләрен дистә еллап эшли. Чакмагыш районында кибет тә тоталар. Башкорстанда бу юнәлешкә беренчеләрдән булып ул игътибар биргән. Наил әфәнденең “Печән базарында” беренче мәртәбә катнашуы. Зәрканчы, нигездә, алкалар, изүләр эшли. Аларның эскизларын да үзе ясый.

Омскида туып үскән Равил Хөсәенов бүген Казанда яши. Ул ярминкәдә “Татар чәе”н тәкъдим итте. Егет Себер һәм Татарстанда үскән хуш исле үләннәрдән чәй ясап сата. Бизәкле чәй капларын Томск өлкәсендә ясаталар, чәйне исә Мамадышта тутыралар. Чәйгә мәтрүшкә, сары мәтрүшкә, кура, җир җиләге яфраклары кергән. Шулай ук уникаль үлән – саган дайля дә кушылган. Соңгысы безнең якларда юк, бу бары тик таулы якларда үсә торган үлән.

Искәртеп үтик: “Печән базары”на бүген Болгардан кайтып төшкән VII Бөтендөнья татар яшьләре делегатлары да килеп кушылды. Алар да үзләренең ярминкәгә кагылышлы фикерләре белән уртаклашты.

“Борынгы заманнарда үткәрелгән Печән базарлары турында ишеткәнем бар. Бу традициянең яңартылуы шатландыра, әлбәттә. Үземнең дә Чиләбе өлкәсендә милли идея белән сугарылган кафе ачасым яисә киемнәр җитештерәсем килә. Ихтыяҗ булыр дип уйлыйм”,  диде Чиләбе өлкәсеннән килгән 26 яшьлек Дилшат Галиев.

Казан делегаты Алмаз Гыйниятуллин фикеренчә, “Печән базары” ярминкәсе татар милли мәдәниятен популярлаштыра. Ул “Укы!” дигән китап киштәсенең бик файдалы проект булуына игътибарны юнәлтте. “Казан үзәгендә яшьләр күп йөри. Алар, киштә янында туктап, татар китаплары белән кызыксына. Мине ярминкәгә әбиләрнең күпләп килүе дә сөендерә. Бәлки, бу әбиләрнең инде туган авыллары да юктыр. Ләкин алар, “Печән базарына” килеп, яшьлек хатирәләрен яңартып, күңелләрен хушландырадыр төсле тоела”,  диде ул.

“Печән базары” мине Казанга аеруча тартып торган проектларның берсе булды. Эшләнмәләр барысы да сыйфатлы, матур, һәркем кызыгырлык. Мин татар курчагы һәм чәе алдым”, дип билегеләп үтте Украинаның Киев шәһәре делегаты Илдар Кантиев.

Иң мөһиме сатучылар канәгать булып кайтып китте. Һава эссе булуга карамастан сәүдә яхшы барды. Бераз гына кызыклы саннар: “Печән базарында” 70 оста үз иҗат җимешләре – кул эшләнмәләрен тәкъдим итте. Барлыгы 123 түбәтәй, 74 милли бизәкле түштамга, 58 казылык, 98 “Baldan” брендының балы, 500 өчпочмак, 400 өлеш, 200 чәкчәк, 100 вак-бәлеш, 200 литр җимеш суы сатылган. Махсус технология бәлен ясалган бизәкле туңдырма белән 150 кеше сыйланган. 2017 елның “Тәмле календаре”нең 100 данәсе бер сәгать эчендә таралып беткән. Махсус мәйданчыкта “Сабыйлар” үзәге тамаша оештырып 60 баланың күңелен күргән. Әмма  иң сорала торган тауар ул су булды. Тик Печән базарында гына аны сатучы күренмәде. Салкын су саткан кеше, һишчиксез, кесәсен калынайтып кайтып китәр иде. Бу юлы чаттагы киоск хуҗаларыннан кешеләр өзелмәде.

Татар-информ, Азатлык радиосы

Запись Заманча “Печән базары” нинди тауарлар тәкъдим итә? [фото] впервые появилась Tatar Today - татар яңалыклары..

Акыл фабрикасының “Мәгариф һәм тәрбия” секциясендә мәктәпләрдә балаларны укыту, татар теленә, татар мәгърифәтенә карата кызыксыну үстерү һәм инглизчә, заманча,  укып та миллилек югалтмау, якшәмбе мәктәпләре турында сөйләнде. Чыгышларның кайберләре рус телендә баруы купләрнең куңеленә хуш килмәде. Залдан, “үзегез дә татар телен белмәгән килеш, балаларга ничек  өйрәтмәкче буласыз”, дигән сораулар яңгырады.  Спикерларның кайберләре фикерен татарча аңлатырга тырышса да, көч хәл белән русчадан тәрҗемә итеп сөйләүләре сизелә иде.

Уфадан Элвира Гыйльфанова татар якшәмбе мәктәбенең эшчәнлеге белән таныштырды. Әлеге уку йортында ата-аналар өчен дә төркемнәр оештырыла, тик 13-14 яшьтәге укучылар юк икән. Бүгенгесе көндә, әлеге мәктәп шул мәсьәләне хәл итү алдында тора.

Социаль челтәрләрдә дә әлеге дәрес турында  тискәре фикер белдерүчеләр табылган. “Оештыручыларның идеясы бик шәп, ләкин оештыручылар татар рухы, татар теле, татар тәрбиясе нәрсә икәнен онытканнар.  Чыгышлар да күбрәк реклама булды”, дип ВКонтакте челтәрендә Зилә Сөбхәнкулова үз фикерен бәян иткән.

«International School of Kazan» мөдире урынбасары Илсур Сәлимгәрәев, үз чыгышында, балалар заманадан калышмаска тиеш дигән фикерен җиткерде. Шуның өчен аларның мәктәпләрендә уку-укыту инглиз телендә бара.

“Мәгариф һәм тәрбия” дәресе катнашучыларын, укыту замана шартларына ияргән очракта, миллилек, тел саклану мәсьәләләре борчый. Сораулар да күбрәк шул уңайдан яңгырады.

Запись “Оештыручылар татар рухы, татар теле, татар тәрбиясе нәрсә икәнен онытканнар…” впервые появилась Tatar Today - татар яңалыклары..

“PR һәм журналистика” дәресендә Татарстанда журналистика бармы,  нәрсә ул хәзерге заманча ММЧ кебек сорауларга җавап эзләделәр. Чарада Татарстан президентының матбугат хезмәтенең җитәкчесе Эдуард Хәйруллин, Wright Tutors и Wright English (London) маркетинг һәм PR мөдире Айгөл Дәүләтшина, “Татарстан республикасы мәгьлүмати технологияләр үзәге” оешмасының электрон мәгариф бүлегенең баш белгече Әлфия Бадретдинова чыгыш ясады.

“Мәгариф һәм тәрбия” секциясендә мәктәпләрдә балаларны укыту, татар теленә, татар мәгърифәтенә карата кызыксыну үстерү һәм инглизчә, заманча,  укып та миллилек югалтмау, якшәмбе мәктәпләре турында сөйләнде. Биредә «International School of Kazan» мөдире урынбасары Илсур Сәлимгәрәев чыгыш ясады. Очрашуны Актанышның гуманитар гимназия-интернат мөдире Артур Галиәхмәтов алып барды.

“Татар теле һәм интернет” секциясен Рашат Якупов һәм Ленария Мөслимова алып барды. Белгечләр: Римма Бикмөхәммәтова, Эльза Нәбиуллина, Гүзәл Йосыпова һәм Айдар Шәйхин. Спикерлар Эльвина Сәгдеева (Ш. Мәрҗәни исемендәге тарих институты), Әлфия Бәдретдинова (Татарстан Мәгълүмәти технологияләр үзәгенең электрон мәгариф бүлегенең белгече), Джулия Герасимова (Алмания), Наил Бәдретдин (Финляндия), Марат Төхвәтуллин (Мәскәү, “По ступеням татарского языка” проекты), Илдар Әюпов (“Әлбәттә” проекты), Айдар Шәйхин (“Гыйлем” сайты), Данил Әхмәтшин (“MAKSAT” проекты), Гүзәл Гыйзәтуллина (“Панорама яңгырашы” проекты) интернетта татар телендәге проектлары белән таныштырды. Биредә сүз  татар теленең интернетта кулланылышы,  хакында  барды.

“Тарих һәм туризм” секциясе кысаларында татар мәдәнияте юлыккан проблемалардан алып, тарих, туризм белән бәйле булган мәсьәләләр дә күтәрелде. Әлеге дәрестә, тәнкыйтьче, Камал театрының әдәби-драматик бүлеге җитәкчесе Нияз Игламов, Ауропа университеты профессоры Альфред Бустанов, тарихчы Илдар Шафиков, журналист, политолог Руслан Айсин бәхәс корды.

“Этномәдәни проектлар” секциясендә проектларның ничек барлыкка килүе, аларга пиар ясау һәм уңышка ирешү өчен мөһим элементлар каралып үтте. Биредә форумның рәисе Тәбрис Яруллин чыгыш ясады,  рәис урынбасары Гөлназ Бәдретдин дә үз фикерен бәян итте.

Запись Татар яшьләре форумында катнашучылар Универсиада авылында ничек сабак алды? впервые появилась Tatar Today - татар яңалыклары..

Соңрак форумның пленар утырышы башланды. Татарстан Дәүләт шурасы рәисе Фәрит Мөхәммәтшиннан башка зур түрә, министлар күренмәде. Быел беренче тапкыр форум президиумсыз гына узды. Оештыручылар бу утырышның заманча форматта узуын теләдек дип әйтә.

Татарстан Мәгариф һәм фән министры урынбасары Илдар Мөхәммәтов сүз тотты. Ул республикада милли телләрне үстерү концепциясен бәян итте.

Халык арый башлады, алгы рәттә утырган шагыйрь Ркаил Зәйдулла “яшьләр татарча авыр сөйләшә, күңелгә тия” дип зарланып утыра. Шәһәр татар яшьләренең теле урысчарак шул, акцент көчле”, ди ул.

Әстерханнан Динара Мәҗитова чыгышын татарча башлап, авырсынып урыс теленә күчте. Форум рәисе татарча чыгыш ясауны сорады. “Бу – безнең өчен приципиаль”, диде ул.

Гомуми утырыш тәмам булгач, секцияләр үз эшен башлап җибәрде 

Татар теле һәм интернет секциясендә татар телен ничек популярлаштыру турында фикер алышалар. Казанда татар теле аксый. Бу уңайдан яшьләр зур штрафлар кирәк дигән фикердә. Татарча элмә такталар булсын өчен хосусый ширкәтләргә субсидияләр биреп татар телен кулланырга кызыктырырга мөмкин, диләр. Яшьләр фикеренчә, татар телен үстерү өчен дәүләт тә җаваплы булырга тиеш.

Татар теле һәм интернет секциясендә Халыкара татар теле олимпиадасында җиңгән Наил Бәдретдин Финляндия татарларының туган телне саклау тәҗрибәсе белән таныштыра.

“Әлбәттә” проекты җитәкчесе Илдар Әюпов татар телендә видеолекцияләр, аларны эшләү юллары белән таныштыра.

Запись Татар яшьләре форумының икенче көне ничек уза? [җанлы блог] впервые появилась Tatar Today - татар яңалыклары..

Быелгы форум эшчәнлегендә беренче тапкыр Русиянең 7 өлкәсеннән, чит илләрдән: Австрия, Венгрия, Голландия, Грузия һәм Молдова вәкилләре дә бар.

Казан кунаклары  эшлекле уеннарда катнашырга, танышулар үткәрергә дә өлгерде инде. Алар әлеге чаралар барышында үзләрен актив күрсәттеләр.  Тәбрис Яруллин Форумның командасы, эшчәнлеге турында сөйләде, бер-береңне якыннанрак белү өчен уеннар тәкъдим итте. Танышу барышында, иң зур делегация Башкортостаннан икәне ачыкланды. Анда барлыгы 48 кеше икән.

Катнашучыларның 55 % кызлар, ә 45 % егетләр тәшкил итә. Аларның күбесе өйләнмәгән һәм кияүдә булмаган студентлар.

Килгән кунаклар һәм катнашучылар игътибарына, көн дәвамында төрле чаралар тәкъдим ителәчәк.

Запись Татар яшьләре форумчыларын гаиләле, гаиләсез булуларын чүгәләтеп карадылар [фото] впервые появилась Tatar Today - татар яңалыклары..

Бүген Казанда 7нче Бөтендөнья татар яшьләре форумы башланып китте. Быел форумда 30 илдән, 60 төбәктән 800дән артык вәкил катнаша. Аларның уртача яше – 26. Беренче тапкыр быел Маҗарстан, Швеция татар яшьләре дә килә.

Татар конгрессы бинасы иртәдән кырмыска оясын хетерләтте. Мәш килеп форумга килүчеләрне теркәү эше бара. Бераз гына статистика: делегатларның 55%ы – кызлар, 45%ы – егетләр. Форумда катнашучыларның 15%ы гаиләле, 70%ы югары белемле.

Казанның һава аланында, тимер юл вокзалларында кунакларны каршы алып, теркәп тордылар.

Төркәлүләр тәмамлангач, Казан милли-мәдәният үзәге артында форумга килгән яшьләр танышты.

Запись 1000гә якын егет-кызны җыйган Татар яшьләре форумы башланды [җанлы блог] впервые появилась Tatar Today - татар яңалыклары..

Форум үз эченә “Акыл фабрикасы” проектлар мәктәбе форматында узучы 5 юнәлештәге пленар һәм  секцион утырышларны ала. Алар арасында – “Тарих һәм туризм”, “Тәрбия һәм белем”, “Этномәдәнияти проектлар менеджменты”, “Tatweb 2.0” (Татар теле һәм интернет), “PR һәм журналистика”. “Акыл фабрикасы” проектлар мәктәбе лекторлары – татар дөньясының алдынгы спикерлары һәм экспертлары. Проектлар кысаларында тренинглар, семинарлар, дискуссияләр узачак.

Форумның рәисе Тәбрис Яруллин белдергәнчә,  әлеге чарада халкыбызның телен, мәдәниятен саклау һәм үстерү, яшь буынның милләтебезнең үзенчәлеген саклауда тоткан роле каралачак.

Запись Казанга бөтен дөньядан татар яшьләре җыела впервые появилась Tatar Today - татар яңалыклары..

Форум эшчәнлегендә 30 чит илдән, Россия Федерациясенең 60 регионы һәм Татарстан районарыннан 900дән артык делегат катнашыр дип көтелә. Форумда халкыбызның телен, мәдәниятен саклау һәм үстерү, яшь буынның милләтебезнең үзенчәлеген саклауда тоткан роле каралачак.

VII Бөтендөнья татар яшьләре форумы Бөтендөнья татар конгрессы Башкарма комитеты, Татарстан Республикасы Яшьләр эшләре һәм спорт министрлыгы һәм Бөтендөнья татар яшьләре форумы тарафыннан оештырыла.

Яшьләр оешмасы, заманча проектларны гамәлгә кую белән беррәттән, агымдагы тормышта нинди эшләр башкарырга тиеш? Татар яшьләре оешмасы нинди уңышларга иреште һәм киләчәккә нинди максатлар куя? Әлеге һәм башка сорауларга җавапны  «Дөнья» студиясе баш мөхәррире Римзил Вәли яшьләр форумы рәисе Тәбрис Яруллин һәм аның урынбасары Айрат Фәйзрахманов белән берлектә эзләде. Айратка Римзил Вәли авыз да ачтырмаса, Тәбриз әле үз сүзен әйтеп өлгерә алды.

Видео Бөтендөнья татар конгрессы сайтыннан алынды

Запись Татар яшьләре форумы алдыннан Тәбрис Яруллин, Айрат Фәйзрахманов мөхәррир-журналиcт Римзил Вәли белән бәхәскә керә [видео] впервые появилась Tatar Today - татар яңалыклары..