V татар музыкаль премиясе 2020 елның 20 августында тапшырылачак. Ул 2020 елның 5 апрелендә узарга тиеш иде, ләкин илдә булган сәбәпләр аркасында күчерергә туры килде.

4 ел рәттән бүләкләр бирү берничә номинация буенча башкарыла. Һичшиксез, җыр, җырчылар, төркемнәр, клиплар арасында иң яхшыларны сайлап алачаклар.Бу язда кичәнең барлык лауреатларына һәм кунакларына яңадан бу язның иң көтеп алынган, эксклюзив, позитив һәм истә калырлык атмосферасына чумарга туры киләчәк. Кызыл юлда Айдар Галимов, Гүзәл Уразова , Илдар Хәкимов, Ришат Төхвәтуллин, Ризат – Зинирә Рамазанова, Ләйсән Гыймаева, Нәфкать Нигъмәтуллин, Иркә, Чәчкә, Хәмдүнә Тимергалиева кебек танылган татар башкаручылары булачак.

Татар эстрадасы

Юлия Зарга

Әнвәр Нургалиев белән Юлия Зарга

Запись Казан Экспода иң популяр татар җырчылары очраша [ фото/видео ] впервые появилась Tatar Today - татар яңалыклары..

30 март җырчы Иркә Инстаграмында өйдә утыруы турында сөйләп, бик моңлы абыйсы белән таныштыра. Шулай ук ул иҗатына кагылышлы фикерләре белән дә уртаклаша.

“Хәерле көн, якыннарым! Өйдә утыруның файдалы яклары күп икән бит…Тукталдык…Туганнар белән аралашырга вакыт табылды…

Бу видеоны куеп, сезне тагын бер туганым белән таныштырасым килде.
Әниемнең бер туган энесе, Минзахит абыем! 1957нче елгы, бүгенгесе көндә ул гаиләсе белән Алабуга шәһәрендә яши. Яшь чагында КАМАЗ заводында хезмәт куя, аннан милициядә эшләгәнен хәтерлим. Минем инде әйткәнем бар, әни ишле гаиләдә туган дип. Һәрберсе өздереп гармун, баянда уйный, һәрберсендә диярлек моңлы тавыш. Мин бу нәселдәнн булуым белән бик горурланам. Әниемнең энекәшләре, абыйлары белән очрашкан мәҗлестә ничек итеп утыруы рәхәт икәнен белсәгез иде. Алардагы юмор, уен көлке, җыр, моң…Минзахит абыйның мин ул сөйләгәндә, авызына гына карап торам. Сокланам, яратам. Алар җыелганда мин инде шыпырт кына аларны тыңлыйм, үрнәк алам. Бездә кеше сөйләп утыру юк, безнең аңа вакыт калмый, без җырлыйбыз… Рәхәтләнеп җырлыйбыз…Бу видео бүген төшерелмәгән, без өйдә, чыкмыйбыз, бары телефон аша гына аралашабыз. Җәйләр җитеп, Алла теләсә, исән имин булып, күрешергә язсын сезнең белән, туганнарым, якыннарым… Сезнең кебек туганнарым булганда, сездән үрнәк алып,сезнең өчен дә җырлыйм әле мин. Минем хакым юк, җырламаска…” дип яза җырчы.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Мәгълүмат Иркәнең Инстаграмыннан

Запись Җырчы Иркә: “Минем җырламаска хакым юк…” [видео] впервые появилась Tatar Today - татар яңалыклары..

Татарстанның атказанган артисты Иркә инстаграмда еш кына әти-әнисе, авыл турында кызыклы язмалары белән бүлешә килә. Бу юлы җырчы кызы Әминәнең авылда май язып утырган видеосын урнаштырып, әнисенә соклануын белдергән.

“Авыл иртәсе, үз мәшәкатенә чумган авыл иртәсе бу… Иртән уянгач та, әллә ничек оялып куясың, чөнки әнием инде урынында юк. Каяндыр абзар ягыннан әнинең җырлый-җырлый тавыклар ашатып йөргәнен ишетәсең… Әни күптән уянган, безнең күзгә күренми торган эшләрен күптән эшләгән. Мунча морҗасыннан төтен дә күренер-күренмәс кенә күтәрелә, димәк, инде мунча күптән ягылган… Хәзер әни керәчәк, тавыклар ашаткан буш табагын тотып. “Тордыңмы?”, дигән сорауга җавапны көтеп тормыйча, миңа әзерләп куйган эшләрен тезеп китәчәк. Бу – әни, минем газиз әнием, аның һәр хәрәкәтен, әйткән сүзләрен өзелеп яратам, кадерле ул миңа… Эшне кушарга ярата, әгәр инде вакытында эшләмәсәң, үзе эшләп куя торган гадәте дә бар, менә монда без – балаларга бик оят инде, шуңа без эшне кушуга ук эшләргә өйрәнгән… Әнә минем кызларны да ул авыл эшенә өйрәтә. “Майны ипигә ягып ашарга яратасыз, каян килеп чыкканын да сез белергә тиеш”, ди ул. Миңа бик кызык әнинең минем кызларны эшкә өйрәтүен карап тору. Дәшмим. Кызлар да шыпырт кына тыңларга өйрәнгәннәр… Вак-төяк авыл эшләрен инде җиренә җиткереп эшлиләр”, дип яза җырчы Иркә һәм әнисенә хөрмәт хисен белдерә.

View this post on Instagram

A post shared by Иркә | Певица (@irke_official)

Мәгълүмат Иркәнең инстаграмыннан

Запись Җырчы Иркә: “Дәшмим. Кызлар да шыпырт кына тыңларга өйрәнгәннәр…” [видео] впервые появилась Tatar Today - татар яңалыклары..

Җырчылар, ә алар бу юлы 9 кеше иде, гадәттәгечә, “Барс Медиа” безне кеше итте дип аңа мәдхия укыды һәм көтелгәнчә җырчы Иркәне тискәре яктан телгә алдылар. Азатлык берничә тапкыр Иркәне гаепләүнең максаты нидә, нинди нәтиҗә көтәсез дигән сорау бирде, әмма анык җавап ишетелмәде. Күп очракта янә җырчы Ландыш Нигъмәтҗанова сөйләде.
⠀
Очрашуда ялган детектор аппараты булды, әмма анда барысы да таралгач, Ландыш кына җавап бирде. Журналистларга “бу озак процесс һәм җырчы шәхси сорауларга җавап бирәчәк, аны яздыру тыелган” дип аңлатылды. Болай да берничә сәгатькә сузылган очрашудан соң соңга калган журналистлар да таралды.
⠀
Әлегәчә кадәр “Барс Медиа” җитәкчелеге дә, җырчы Иркә дә гаепләргә җавап бирер өчен аерым матбугат очрашуын да җыймады, рәсми белдерү дә ясамады.

Мәгълүмат чит ил агентлыгыннан

Запись Ландыш һәм аның командасы Иркә белән талашны “Хак” дигән ток-шоуга әйләндерә [видео] впервые появилась Tatar Today - татар яңалыклары..

Барс Медиа ширкәте белән бәйле, гомумән Ландыш Нигъмәтҗанова һәм Иркәгә кагылышлы фикерләрен Хәмдүнә Тимергалиева да белдерде. 

Җырчы Инстаграмда утырмый, аның өчен бик күп буш вакыт кирәк ди. Әмма шулай да җырчылар арасында туган низагны ул белмичә калмаган. Бу хакта аның фикерләре күпчелектән аерылып тора.

“Без – артистлар. Артисларның дәрәҗәсен төшерергә кирәкми. Бу ямьсез күренеш кемгә кирәк?! Без халыкка рухи азык бирә торган җан ияләре. Артислар арасында да, башка җирдә дә ыгы-зыгы булмый калмый. Аны халыкка чыгарып селкергәме?! Халык бездән яхшылык, матурлык көтә… Иркәгә нык ташланганнар инде. Соңгы елларны Иркә күп халык җыеп эшли. Шуңа көнләшү дип, атыйм мин моны. Мин үзем дә кичердем мондый хәлне…”, дип сөйли Хәмдүнә Тимергалиева.

Запись Гаҗәп әле бу! Иркә һәм Ландыш низагына Хәмдүнә Тимергалиева үз фикерен әйтте [видео] впервые появилась Tatar Today - татар яңалыклары..

4 февраль  җырчы Айгөл Рәхимова  Инстаграм битендә “Барс Медиа” ширкәтенә кагылышлы вакыйгаларга тукталды.

“Бу ширкәттә мин 7 ел буе низагларсыз эшләдем. Динә Маратовна белән дә мөнәсәбәтләребез яхшы иде. Әмма барысы да бер көндә үзгәрде. 2019 елның 26 февралендә җырчы Иркә белән бер зур чарада эшләргә туры килде. Ул  миңа шат түгел иде, хәтта тавыш күтәрде. Мин аңа игътибар итмичә генә эшләдем. Икенче көнне миңа продюссерым шалтратып, мине телевидениядән, радиолардан һәм TMTV каналы премиясеннән алдылар дигән хәбәр җиткерде. Шунысын да әйтергә кирәк: премиягә 5 көн калган иде. Башта беркем дә миңа карата бернинди дәгъва белдермәде, әмма теге чарадан соң әллә нинди сылтамалар табып, мине премиядән төшереп калдырдылар. Сәбәбен дә төгәл генә аңлата алмадылар. Бу кемнең эше икәне шунда ук аңлашылды. Мин үпәләдем, нык борчылдым. “Барс Медиа”га карата хөрмәтем зур булганга гына тавыш күтәрмәдем. Әмма хәзер берсе артыннан берсе әллә нинди куркыныч вакыйгалар булып тора. Шуңа күрә мин дә сүз әйтергә булдым. Мин гаделлек ягында. Гади генә артист башка шундый ук артистлар белән җитәкләргә тиеш түгел” – дип сөйли җырчы.

Мәгълүмат Айгөл Рәхимованың Инстаграм битеннән

Запись “Ул миңа …” – Иркә Айгөл Рәхимова нәрсә эшләгән? [видео] впервые появилась Tatar Today - татар яңалыклары..

1 февраль Азат һәм Алсу Фазлыевлар Инстаграм битләрендә “Барс Медиа” һәм җырчы Иркә белән булган низагка бәйле үзләре белән булган авыр хәлләрне сөйләделәр.

“Безнең дә әйтер сүзебез бар. Ландышның сүзләре хак. Бу вакыйга барыбызга да гәйбәт түгел, ә гыйбрәт булсын иде”,- дип сүзне башлый Азат Фазлыев.

Алсу Фазлыева исә Иркә белән дус булулары, гаиләләр белән аралашып яшәүләре турында сөйли. Әмма аларның дуслыклары озакка сузылмаган, чөнки соңрак Иркәнең чын йөзе ачылган.

“2019 елның май аенда без аңа бик зур суммада акча бирдек, чөнки ул елап ярдәм сорады. Бу акчаны без әниебезгә дип җыйган акчаларны кире кайтару, бурычларыбызны каплар өчен җыйган идек.  Иркәне һәм аның гаиләсен якын итеп, без шушы акчаны ышанып аңа тапшырдык. Әмма бу акчаларны алганнан соң Иркә безне бөтен җирдә “блокка” тыкты, аның белән элемтәгә керү мөмкин түгел иде”, – дип сөйлиләр Фазлыевлар.

Шулай ук җырчы Иркә Фазлыевлар гаиләсе турында төрле начар сүзләр сөйләп йөргән, имеш бу акчаларны алар үзләштергән һәм Азатның әнисенең авыруын пиар булган.

“Без бик күп төгәл мәгълүмат беләбез. Хәзергә бер кечкенә өлешен генә сөйләдек. Шактый кеше зыян күрде, әмма алар дәшмиләр, бәлки куркалардыр. Иң авыр йөк яңа гына сәхнәгә күтәрелеп килгән Хәйретдиновлар җилкәсенә төште. Бәлки алар да киләчәктә ачыклык кертерләр”,- дип, Фазлыевлар барысын да ачып бетермичә сүзләрен тәмамладылар.

Мәгълүмат Азат Фазлыев Инстаграм битеннән

Запись Азат һәм Алсу Фазлыевлар Иркәнең аларга китергән зур зыянын әйттеләр [видео] впервые появилась Tatar Today - татар яңалыклары..

Илдар Насыров үзенең Инстаграм битендә җырчы Иркәгә булган мөнәсәбәтен, аның белән эшләгән вакытларын искә төшереп, кызыклы язма керткән. Шулай ук Иркәнең Илдарга карата әйтән сүзләре белән видео да куйган.

“Мин Ландыш Нигъмәтҗанованы хуплыйм. Әйе, мине күбесе белә, Иркәнең “поклоннигы”, зурлап йөртүче дияләр иде, әмма чиге бар бит аның! Мин дә кушылыйм әле!”- дип, ул сүзен башлап җибәрде.

Видеодан аңлашылганча, Иркәнең Ульяндагы концертын оештыруда Ильдар Насыров катнашкан булган. Шуңа бәйле рәвештә, Иркә Ильдарга да ярдәм итәрмен дигән, әмма бу ярдәм сүздә генә калган.

“Хәтерлисезме, ничәдәр ел элек мин аның Вконтакте социаль челтәрендәге төркемендә администратор идем. Менә аз гына дөреслекне кертим әле: ул безгә админстарторларга төркемне ябырга кушты, имеш аның бала тапканнан соң корсагы бик тә күренә. Без аның сүзләренә кагылышлы  комментарийны алып атмадык, шуңа Иркәнен ачуы килде һәм ул безне шул төркемен ябарга мәҗбүр итте!”- дип, Иркә белән булган вакыйгаларны искә төшереп үтте Илдар.

https://www.instagram.com/p/B8AE-z2i5lV/?igshid=eg3z0opu623d

Мәгълүмат Илдар Насыров Инстаграм битеннән

Запись Илдар Насыров Иркә белән бәйле булган вакыйгаларга ачыклык кертте впервые появилась Tatar Today - татар яңалыклары..

Татар эстрадасының популяр җырчысы Илсөя Бәдретдинова Татарстанның атказанган артисты Ландыш Нигъмәтҗанова башлаган темага кагылышлы сорауларга ачыклык кертте.

Җырчы Илсөя Бәдретдинова:

– Соңгы вакытта эстрадада булган шау-шулы хәлләрдән соң, минем үземә дә бик күп сораулар килә. “Аңлатыгыз әле, нәрсә соң бу? Нигә Ландаш Нигъмәтҗанова үзенә пиар ясый?” Ландыш үзенә пиар ясамый. Бу – чынбарлыктагы хәл… Бер генә очракны сөйләп китәм. Мин ул вакытта берничә йөз километрдагы ераклыкта гастрольләрдә идем. Миңа “Татар радиосы”ның ул вакыттагы җитәкчесе Айваз Садыров шалтыратты, “Илсөя ханым, безнең радиода иртәгә бәйрәм, сезне хөрмәтләп, туры эфирга чакырабыз, сез килсәгез бик шат булыр идек”, диде. Мин кайтып киттем Казанга, тортлар “заказать” иттем, икенче көнне бардым туры эфирга дип, ләкин мине радиога кертмәделәр. Әйе, мин яшермим, минем күңелгә тиде, чөнки мин бала-чага түгел… Соңрак мин беләм: Динә Маратовна минем туры эфирга киләчәкне белгән, һәм Иркә ханыма бу ошамаган, “юк, ул килмиячәк”, дигән… Минем дә үз фикерем бар, алай кеше башыннан йөрергә ярамый…

Запись “Алай кеше башыннан йөрергә ярамый” – Ландыш башлаган темага Илсөя Бәдретдинова да кушылды [видео] впервые появилась Tatar Today - татар яңалыклары..

31 гыйнвар Ландыш Нигъмәтҗанова матбугат очрашуында катнашты.  Ул тормыш иптәше Фәрит Таишев белән иң кызыклы сорауларга җавап бирде.

“Бу бернинди пиар түгел. Миңа реклама да кирәкми. Әлек “Барс-Медиа” гөрләп торды, ә хәзер без “баттык”. Динә Маратовна килгәннән бирле бу оешма бетте. Без эшли алмыйбыз”, – дип сүзен башлады җырчы.

Динә Маратовна үз башы белән уйлап эш итми, аның белән җырчы Иркә идарә итә дигән фикергә берничә тапкыр тукталды ул.

“Алинә Сәфиуллина, Дилә Нигъмәтуллина, Мөнир Рахмаев, Илмира Нәгыймова, Руслан Кирамутдинов, Илназ Баһ, Раяз Фасыйхов – барысы да “күткә тибеп” чыгарылган җырчылар”, – дип ярсуын тыя алмыйча, Ландыш үзенең коллегалары турында да әйтеп үтте.

Бу низаг турында җәмәгатьчелек җырчының Инстаграм битендә чыккан видео мөрәҗәгатеннән белде. Шул видео аркасында Ландыш Нигъмәтҗановага төрле янаулар да булган, шул исәптән шәхсән Динә Маратовнадан да. Аның җырларын Tatar Radiosi архивыннан алып атканнар, башка канналларга да Ландышның җырларын җырлатмаска, клипларын күрсәтмәскә дигән хатлар килгән.

Бу конфликтны бетерү юллары бармы дигән сорауга, җырчы көлемсерәп кенә: “Белмим, кем бетерергә тиештер. Миңа калса, Динә Маратовна үз башы белән уйлап эшли башларга тиештер.”

Фәрит Таишев та тормыш иптәшенең сүзләренә кушылып, Динә Маратовнага каршы булмауларын әйтте.

“Сөенмәсеннәр. “Барс-Медиа”дан киттем, әмма татар эстрадасыннан китмәтем. Җырларымны алсалар, яңаларын яздыртырмын”, – дип сүзен тәмамлый Ландыш Нигъмәтҗанова.

Мәгълүмат Азатлык чит ил агентлыгы

Запись Ландыш Нигъмәтҗанова “Барс Медиа” тирәсендәге җәнҗалга аңлатма бирде [видео] впервые появилась Tatar Today - татар яңалыклары..