Архивы укытучы - Tatar Today - татар яңалыклары.

Казанда танылган татар мәктәбе директоры эшеннән китә, кем киләсе билгеле [кайнар хәбәр]

Рамиля Валиахметова — Wed, 05 Aug 2020 12:32:41 +0000

Аның урынына Казанның 13нче татар гимназиясе мөдире Рамил Гайнуллин билгеләнәчәк.

Камәрия Хәмидуллина Казанның Шиһабетдин Мәрҗани исемендәге 2нче татар гимназиясе мөдире вазифасыннан китә. Бу хакта Азатлыкка үз чыганаклары хәбәр итте. Аның урынына башкаланың 13нче татар гимназиясе мөдире Рамил Гайнуллин килә.

Камәрия Хәмидуллина гимназияне 1993 елдан бирле җитәкләде.

Ул һөнәри эшчәнлеген 1971 елда Казанның 13нче мәктәбендә математика укытучысы буларак башлый. Казан шәһәр думасы депутаты, Татарстанның халык укытучысы исеме иясе.

Гимназия соңгы елларда Казанда фәннәрне тулысынча татарча укыткан бердәнбер мәктәп буларак билгеле. Гимназиясенең үз балалар бакчасы бар. Уку йортын зурайту өчен янкорма төзү карары кабул ителгән иде.

Рамил Гайнуллин Казан дәүләт университетының татар филологиясе һәм тарихы факультетын тәмамлаган. Шиһабетдин Мәрҗани исемендәге тарих институтында аспирантурада белем алган. 2013 елда урыс төркемнәре өчен татар телен укыту курсын узган. Казанның 13нче татар гимназиясен бер ел җитәкләгән.

Кәмәрия Хәмидуллина

Кәмәрия Хәмидуллина - Казанның 2нче татар гимназиясе мөдире.

1949 елның 5 ноябрендә Татарстанның Саба районы Шекше авылында туган.

Казан дәүләт педагогия иниститутын тәмамлап "математик" белгечлеге алган. 1971-1990 елларда Казанның төрле мәктәпләрендә тәрбияче, укытучы булып эшләгән.

1990 елдан Казанның 2нче татар гимназиясендә математика һәм информатика укытучысы, 1991 елдан мөдир урынбасары, 1993 елдан 2020 елга кадәр мөдир булып эшләгән.

Татарстанның атказанган укытучысы (1992), Татарстанның халык укытучысы (2014) исеме иясе.

Чыганак: Азатлык Радиосы сайты

Запись Казанда танылган татар мәктәбе директоры эшеннән китә, кем киләсе билгеле [кайнар хәбәр] впервые появилась Tatar Today - татар яңалыклары..

Татарстан укытучылары 1 миллион сум акча алачак

kadria — Sat, 11 Jul 2020 09:52:38 +0000

“Земский учитель» конкурсында җиңгән Татарстан педагоглары 1әр миллион сум акча алачак.
Федераль программада катнашу өчен иң күп гаризалар Татарстан укытучылары тапшырган.

«Земский учитель» конкурсына Россиянең 21 регионыннан 68 педагог документлар тапшырган. Шуларның 18ен Татарстан укытучылары җибәргән. Бу хакта ТР Мәгариф һәм фән министрлыгы хәбәр итә.

“Земский учитель «федераль программасының конкурс комиссиясе җиңүчеләрне билгеләде инде – алар илнең төрле төбәкләреннән 13 укытучы булды, шуларның дүртесе-Татарстан укытучылары.

10-20 июль көннәрендә педагоглар администрация һәм коллектив белән танышу, биш ел дәвамында эшкә урнашырга ризалык бирү өчен үзләре сайлаган мәктәпләргә чыгарга тиеш. Дәүләт ярдәме чарасы сыйфатында аларның һәркайсы бер миллион сум күләмендә акча алачак, – дип билгеләп үттеләр Татарстан Мәгариф һәм фән министрлыгында.

Исегезгә төшерәбез, «Земский учитель» федераль программасының инициаторы Владимир Путин булды. Инициативаның максаты-Россия төбәкләренең ерак районнары һәм авыл мәктәпләре укытучыларына дәүләт ярдәме күрсәтү.

Чыганак: KazanFirst

Запись Татарстан укытучылары 1 миллион сум акча алачак впервые появилась Tatar Today - татар яңалыклары..

Үсмер укытучысын таларга өенә керә һәм пычак белән…

kadria — Sat, 11 Jul 2020 09:33:54 +0000

Вакыйга һич уйламаганда коточкыч фаҗига белән тәмамланган.

Новосибирск өлкәсенең Смоленский поселогында 8нче сыйныф укучысын мәктәпнең завучын үтерүдә гаепләп кулга алганнар. Бу хакта “Вести Новосибирска” хәбәр итә.

Фаҗига 9 июль төнендә булган. Хокук сакчылары фаразы буенча, үсмер хатынны таларга уйлый, моның өчен аның торагына үтеп кергән. Күрәсең, ханым, шау-шудан уянып, укучыны тоткарларга маташкан, шунда ул аңа берничә тапкыр пычак белән чәнечкән. 56 яшьлек укытучы шунда ук җан биргән.

Полиция хезмәткәрләре үсмерне калдырган әйберләре — перчаткасы һәм кроссовкасы аркасында оператив тоткарлый алган. Ул җинаять кылуда гаебен таныган. Үтерү факты буенча җинаять эше кузгатылган, укучы кулга алынган.

Фото: vladtime.ru

Чыганак: Кызыл Таң

Запись Үсмер укытучысын таларга өенә керә һәм пычак белән… впервые появилась Tatar Today - татар яңалыклары..

Укучысын “эчкече” дип сүккән

Alina — Mon, 02 Mar 2020 07:25:56 +0000

Шушы көннәрдә Салават районының Мөрсәлим авылында яшәүче кызның әнисе Кеше хокуклары буенча комитет әгъзасы Динар Зәйнуллинга мөрәҗәгать иткән. Ул аңа кызының дәрестә ясаган аудиоязмасын биргән, анда укытучы үзенең укучыларына кычкыра.

Әйтик, бер укучыдан педагог кем белән яшәвен сорый, шуннан соң аны «кечкенә эчкече» дип сүгә башлый.

Син кем белән яшисең? Гаилә белән? Яки спиртлы эчемлекләр кулланган бабаң белән? Менә шундый тәрбия, үзеңне кечкенә эчкече кебек тотасың! Тәрбиясез, таркаусың, – ди укытучы һәм чинауга күчә, гәрчә аудиоязмада ишетелгәнчә, бала аңа тыныч кына җавап бирә.
10 ел эчендә мин үзем 13 мәктәптә укыдым. Минем 150дән артык педагогым бар иде. Тик аларның берсе дә алай кычкырмады, – дип яза Динар Зәйнуллин социаль челтәрләрдәге биттә. – Мондый педагоглар безгә кирәк түгел!

Башкортстанның мәгариф һәм фән министры Айбулат Хаҗин да бу хәлгә шунда ук җавап биргән.

Педагог үзен дөрес тотмаган… Тикшерәчәкбез, – дип ышандырган ул.

Мәгълүмат Кызыл Таң

Запись Укучысын “эчкече” дип сүккән впервые появилась Tatar Today - татар яңалыклары..

Исерек укытучы турындагы видеоязма социаль челтәрләрдә шау-шу уятты

Alina — Tue, 25 Feb 2020 14:56:10 +0000

Азнакай районы укучылары төшергән исерек хезмәт укытучысы турындагы видеоязма социаль челтәрләрдә шау-шу уятты.

Күпләр бу вакыйгага карата, бу кыяфәттә мәктәпкә киләләрмени, мондый укытучыларны мәктәптән куарга кирәк, дигән фикерләр калдырган.

Без әлеге педагогның язмышы белән кызыксындык.
Видеоязмадан күренгәнчә, укытучы хезмәт дәресе кабинетындагы өстәлдә утыра. Ул кулындагы кәгазь төргәген селкеп, балаларга нәрсәдер аңлаткан була. Берничә секундтан идәнгә үк егылып төшә. Шулай итеп, укучылары янында хурлыкка калган. Балаларга кызык, аларга көләргә булсын.

Әлеге хәлгә ачыклык кертү өчен Азнакай районының мәгариф идарәсе башлыгы Зөлфия Гыйләҗева белән элемтәгә кердек.

– Мин бу вазыйфага күптән түгел генә билгеләндем. Әлеге вакыйга Азнакайның 7 нче мәктәбендә килеп чыккан. Анда әлеге технолог уңай яктан күрсәткән. Дәресләрен калдырмаган, вакытында укыткан. Хезмәттәшләре бары уңай яктан гына бәяли. Аны оста куллы, диләр. Мәктәп теплицасын төзегән. Укучылары белән төрле күргәзмәләрдә, бәйгеләрдә катнашып, уңышлар яулаган. Бу – беренче очрак. Аның ни өчен шундый кыяфәттә килүенә бәя бирә алмыйбыз. Хезмәт Кодексы нигезендә педагог эш урыныннан җибәрелде, – диде Зөлфия Гыйләҗева.

Сәрия Мифтахова

Мәгълүмат Ватаным Татарстан

Запись Исерек укытучы турындагы видеоязма социаль челтәрләрдә шау-шу уятты впервые появилась Tatar Today - татар яңалыклары..

Укытучы биергә дә тиеш түгелме?

Alina — Sat, 25 Jan 2020 08:34:42 +0000

Самара өлкәсенең Шигон районындагы авылда информатика укыткан Ксения кичен шәһәрдәге төнге клубларның берсендә шәрык биюен башкарган. Бу видеоны кемдер челтәргә сала, укытучы турында мәгълүмат тарала.

«Шәрык биюен биесәң, шуның белән шөгыльлән. Син бит Укытучы!» дип гаеплиләр аны. «Моны укучылар күрергә мөмкин бит!» — дип язалар. Бу видео чыкканнан соң җитәкчелектә укытучы белән сөйләшкәннәр һәм ул эшеннән китеп барган.

“Интертат” язуынча, җитәкчелек укытучының бу адымын педагог эшенә туры килми торган дип бәяләгән. Ксения клубта Джавхара псевдонимы белән чыгыш ясаган. Шәрык биюе белән ун ел шөгыльләнә икән. Ә мәктәптә ярты ел гына эшләгән. Әти-әниләр дә, мәктәп җитәкчелеге дә бу шөгылемне беләләр, дигән ул. «Ксения мәктәпсез яшәр, ә менә кем балаларга информатика укытыр. Авыл мәктәбенә килергә теләүчеләр бармы әллә. Видеоны Ксениядән көнләшкән кешеләр салган», — дигән авылда яшәүче Татьяна. Ксения эшеннән киткәч, аны яклап язучылар арткан.

Мәгълүмат Кызыл таң

Запись Укытучы биергә дә тиеш түгелме? впервые появилась Tatar Today - татар яңалыклары..

Авыл укытучысының эш көненә үзгәрешләр кертмәкчеләр

Лейла — Tue, 19 Nov 2019 11:53:04 +0000

Соңгы атнада авыл халкы күптән түгел кертелгән үзгәрешләр турында фикер алыша. 13 ноябрьдә Россия Федерациясе Президенты Владимир Путин авыл җирендә яшәүче хатын-кызлар өчен эш көнен киметүне күздә тоткан законны имзалады.

Яңа регламент буенча авылда яшәүче хатын-кызларның эш вакыты атнасына 36 сәгатьтән артмаска тиеш. Укытучыларыбыз үзгәрешләрне ничек бәяли? Бу сорауга җавапны белер өчен Мөслим районы Вәрәшбәш мәктәбе укытучысы Миләүшә Хәсәнова белән сөйләштек.

— Авыл кешесенең эше чыннан да күп: иртән кояш чыгуга, әтәчләр белән бергә торасың да, йорт-җирдәге эшләргә тотынасың: сыерын савасың, тавыгын, казын карыйсың, бакчасында казынасың, ашарга пешерү, өй җыештыру, кер юу кебек эшләрне инде санап та тормыйм. Бу көнлек эшләр, — дип сөйләп китте әңгәмәдәшебез.

Закон ярдәмендә авыл хатын-кызларына гаилә, йорт эшләре һәм хуҗалыкка вакыт бушаячак дип көтелә.

— Президентыбыз имзалаган әлеге закон турында коллегаларыма да җиткердем. 18 укытучының 14 е уңай тамга куйды һәм үз фикерләрен җиткерде: «Бу закон бик кирәкле, мөһим!, Ял кирәк, бүгенге заман таләпләре арыта, гаиләне күрү, аралашу аз!» — диючеләр бар. Калган 4 педагог тискәре бәя бирде, — диде Миләүшә Хәсәнова.

Миләүшә Хәсәнова уку планнарын кыскартып кору авырлыкларга китерергә мөмкин дип саный. Дәресләр 6 көнлек уку планын күздә тотып булдырылган бит.

— Беренчедән, әгәр дә укытучыларга 5 көнлек эш көне ясыйлар икән, атналык нагрузка безгә генә түгел, ә балаларга да бик авырга төшәчәк. Чөнки укытылырга тиешле предметлар алты көнгә түгел, ә биш көнгә сыеп бетәргә тиеш була. Башлангыч сыйныф укучылары тиз арый, болай да 5 сәгатьле көннәрдә алҗап бетәләр. Расписаниене СанПин таләпләренә туры китереп төзү дә авыррак булырга мөмкин. Икенчедән, мин эшемдә ял итәм, өйдәге мәшәкатьләрдән арынып торам. Болай да ял көннәрендә арып, алҗап бетәм. Ярый да ул шәһәр кешесе, ишеген бикли дә, нинди дә булса күңел ачу урынына китә. Ә бездә алай түгел, бездә тәртипләр башка: якшәмбе — йорт эшләре көне дип, тәрҗемә ителә. Шулай булгач, 5 көнлек эш көне булган очракта, йорт эшләре көне ИКӘҮ гә әйләнәчәк, — дип белдерде укытучы.

Чыганак: Мәгариф

Запись Авыл укытучысының эш көненә үзгәрешләр кертмәкчеләр впервые появилась Tatar Today - татар яңалыклары..

Әлмәтнең бер мәктәбендә укытучы балаларның авызын скотч белән ябыштырган

Alfia — Mon, 21 Oct 2019 15:45:49 +0000

Әлмәт прокуратурасы шәһәрдәге бер мәктәптә укытучының балаларның авызын скотч белән ябыштыруы турындагы мәгълүматны тикшерә. Бу хакта Татарстан прокурорының өлкән ярдәмчесе Руслан Галиев хәбәр итте.

Моңа кадәр социаль челтәрләрдә бер ана язма калдырган булган. Ул 25нче мәктәптә дәрестә сөйләшкән өчен укытучының беренче сыйныф укучыларының авызларын скотч белән ябыштыруына зарлана.

Бу хәбәр астында бер малайның әтисе дә комментарий калдырган. Ул әлеге хәл турында полициягә гариза язуы хакында хәбәр иткән. Әмма, аның әйтүенчә, укытучыны беркем дә эшеннән алырга җыенмый.

Күзәтчелек ведомствосы белгечләре алдында әлеге хәлне тикшерү бурычы тора. Тикшерү нәтиҗәләре буенча тиешле чаралар күреләчәк.

Мәгълүмат: tatar-inform.tatar

Запись Әлмәтнең бер мәктәбендә укытучы балаларның авызын скотч белән ябыштырган впервые появилась Tatar Today - татар яңалыклары..

Казан укытучылары «чишенә» башлаган – Шәһри Казан

Лэйсирэ — Thu, 28 Mar 2019 14:14:59 +0000

Күптән түгел Барнаулда рус теле һәм әдәбияты укытучысы Татьяна Кувшинникованы купальник киеп төшкән фотоларын социаль челтәргә урнаштырганы өчен мәктәптән куганнар иде.

Хәзер аны яклап Россиянең барлык укытучылары да “чишенә” башлаган. Флешмобка Казан мөгалимнәре дә кушылган, дип яза ШК.

Әйтик, бер Казан укытучысы Яна Абдуллина Инстаграм челтәренә купальниктан төшкән фотосын куеп, кешеләрне гадел булмауларында гаепләгән.

– Безнең дә шәхси тормыш булырга тиеш. Безнең дә купальник кияргә, пирсинг кадарга, татуировка ясартырга, ни белән дә булса кызыксынырга хакыбыз бар. Без шәхси тормышыбызны мәктәпкә алып килмибез. Интернетта чын мәгънәсендә укытучыларга каныгалар, – дип язган ул.

Тагын бер постында май аенда мәктәптән китүе, мәктәп һәм укыту системасы белән килешмәве турында да әйткән ул.

Казан укытучысы Гүзәл Мөсабирова да әлеге проблемага үз фикерен язган.
– Минемчә, укытучылар, табиблар, полиция хезмәткәрләре ирекле рәвештә социаль челтәрләргә үз фикерен белдерергә, фотолар куя алырга тиеш, – дигән кыз һәм ял иткән вакыттагы фотосын челтәргә куйган.

Барнаул мәгариф министры Максим Костенко да укытучыны яклап чыккан, аңа яңа эш табарга кушкан. Ләкин Татьяна Кувшинникова башка мәктәпкә кайтмыйм, дигән.

Посмотреть эту публикацию в Instagram

К чему это фото, не имеющее никакой художественной ценности? Нет, я не собралась на моря и не хвастаюсь новым купальником. Я просто напоминаю всем, что #мытожелюди То, что сейчас происходит – травля. Вечный спор о том, должен ли хороший учитель быть хорошим человеком перешёл все допустимые границы. Мы имеем право на личную жизнь. На купальники, пирсинг и татуировки. На хобби и увлечения. На, прости господи, секс. Помните, что мы можем играть разные социальные роли. И мы не тащим свою частную жизнь в школы. Так и вы не лезьте в нее своими грязными ручонками, моралфаги. Не холодно вам там, на вершинах ваших моральных принципов? Напоминаю, что в 2016 году в Красноярске уволили учительницу музыкальной школы Марию Шестопалову – по жалобе активиста Тимура Булатова (Исаева), который старательно собирал компромат на учителей и рассылал его по инстанциям. Основанием для увольнения стал пирсинг нижней губы. По его же жалобе была уволена (и затем переехала в другой город) магнитогорская учительница Ольга Бахаева – за перепосты постов ЛГБТ-сообществ на своей страничке в Вконтакте. Он пытался добиться увольнения и петербургской учительницы Екатерины Богач (тоже из-за поддержки ЛГБТ-сообщества), но за нее вступились ее бывшие ученики, подписавшие открытое письмо. #увольняйте #учителятожелюди #мытожелюди

Публикация от Yana Abdullina (@widewide_river) 27 Мар 2019 в 8:03 PDT

Посмотреть эту публикацию в Instagram

#мытожелюди Я занимаюсь преподавательской деятельностью в г. Казань и хочу поучаствовать во флешмобе с тегом #мытожелюди. Хочу акцентировать внимание На том что все учителя, врачи, полицейские имеют право на полноценную жизнь в соц.сетях, на самовыражение без какой-то вульгарности.

Публикация от Гузель Мусабирова (@vasiliskiss7) 27 Мар 2019 в 8:26 PDT

Запись Казан укытучылары «чишенә» башлаган – Шәһри Казан впервые появилась Tatar Today - татар яңалыклары..

Укытучылар өчен күңелле хәбәр бар

Лэйсирэ — Thu, 07 Mar 2019 08:33:54 +0000

Бердәм дәүләт, 9 һәм 11 сыйныфлар өчен дәүләт чыгарылыш имтиханнарын уздыруда катнашачак педагогларның барысына да компенсация түләнәчәк, дип яза Мәгариф. Бу хакта ТР Министрлар Кабинетында узган брифингта мәгариф һәм фән министры Рафис Борһанов әйтте.

– 2019 елгы дәүләт йомгаклау аттестациясенең мөһим яңалыгы – ТР Министрлар Кабинетының «Бердәм дәүләт имтиханына әзерлек һәм уздыру эше өчен педагогик хезмәткәрләргә компенсацияләр турында» Карарына үзгәрешләр кертелүе, — диде министр.

Рафис Борһанов компенсация күләме сәгатенә 19 сум 28 тиен тәшкил итүен белдерде.

Быел Татиарстанда имтиханнарны оештыруда 7 000 якын укытучы катнашыр дип көтелә.

Фото: Пиксабай

Запись Укытучылар өчен күңелле хәбәр бар впервые появилась Tatar Today - татар яңалыклары..