– Мин – бик ашыгучан кеше. Миңа һәрвакыт тиз кирәк: тиз пешсен, тиз эшләнсен, тиз ясалсын, тиз нәтиҗә бирсен. Әтием дә шундый иде, кызу канлы булды. Кешеләрне дә ашыктырганым бар. Үземнекеләрне дә ашыктырып торам. Моның дөрес булмавын да аңлыйм инде. Туктап, сабыр итеп, көтәргә кирәк икәненә төшенә башладым. Иң кирәкле нәрсә – сабырлык. Яшь барган саен, сабырлыкка күбрәк өйрәнәсең. Ашыкмаска кирәк, һәр нәрсә үз җае белән барырга тиеш. Нидер барып чыкмый икән, аның әле вакыты җитмәгән, димәк. Артык акырын кешеләрне аңламыйм. Җитез кешеләрне яратам.

Чыганак : "Ватаным Татарстан"

Запись Айгөл Бариева: «Миңа һәрвакыт тиз кирәк» впервые появилась Tatar Today - татар яңалыклары..

Чыганак: Ватаным Татарстан

Запись Айгөл Бариева: «Тормышка ашмаган хыялым бар, ләкин мин әле өметемне өзмим» впервые появилась Tatar Today - татар яңалыклары..

Айгөл Бариева Америкадагы яшәүче туганнары белән Казанда гаилә бәйрәмендә күрешә. Алар популяр җырчының әтисе Шамил Бариевның бертуган абыйсы Наил абый Бариев һәм аның хатыны Сурия апаның 80 яшьлек юбилеена җыелганнар. Бу хакта ул инстаграмда яза.

Айгөл Бариева туганнан туган сеңлесенең кызлары турында ерак Америкада тууга һәм шунда яшәүләренә, Россиядә беренче тапкыр булуларына карамастан, татар телен, традицияләрен, культурасын онытмауларын әйтә.

“Кызлар дәү әни һәм дәү әтиләре өчен ”Кәрия-Зәкәрия” җырын махсус яңача үзгәртеп башкаралар”, – ди җырчы.

Халык артисты әйтүенчә, алар хәтта бик еракта, башка илдә яшәсәләр дә, туганлык хисләре барыбер бер-берсен шунда ук сизде.

Шушы постлар астында кызык кына фикер алышу да бара. “Бик кыю кызлар, афәрин, бәхетле булсыннар”, “Бу балаларның ата-аналары молодцы, туган телне өйрәткәннәре өчен, Казанда яшәп тә, татарча белмәгән татар балалары бик күп”, “Афәрин, бик матур татарча җырлыйлар”, – дип язалар.

View this post on Instagram

A post shared by Айгуль Бариева засл Артист РТ (@aigul_barieva)

Мәгълүмат Айгөл Бариеваның инстаграм битеннән

Запись Айгөл Бариева Америкадагы туганнары белән нинди телдә сөйләшә? впервые появилась Tatar Today - татар яңалыклары..

– Айгөл, бар кешене уйландырырга мәҗбүр итәрлек үзгә концерт куйдыгыз. Шәхсән үзегез концерттан канәгать калдыгызмы?

– Бик канәгать калдым. Нәрсә теләдем, шуны эшләдем. 2007нче елдан бирле нинди генә форматта концертлар куйган булмады. Мондый концерт турында күптән хыялландым. Шигъри-музыкаль кичә дип әйтер идем. Биредә бернинди дә алып баручы булмады. Хәтта тәнәфес тә ясамадык. Тагын бер үзенчәлекле ягы бар: монда шагыйрьләр шигырьләрен үзләре укыды. Гадәттә, артистлар укый бит.

– Әти-әниегезгә багышланган номерлар аеруча да матур башкарылган иде.

– Ул инде яңалык түгел. Мин аларны һәр концертымда телгә алам. Аларны гына түгел, арабыздан киткән олы шәхесләрне концертларымда искә алырга тырышам. Кызганыч, алар елдан-ел күбәя бара. Әтиемнең киткәненә – 24, әниемә 20 ел тулды.

– «Кызлар пати» клубыннан яраткан кызларыгыз да җан атарга килгәннәр иде. Әлеге клубның оештыручысы буларак, ул нинди максат белән барлыкка килде? Нинди эшләр башкарасыз?

– Көннәрдән беркөнне тирәмдәге кызларымны җыеп, шундый бер төркем оештырырга булдык. Арабызда җырчылар гына түгел. Визажистлар, «Нечкәбил» конкурсында катнашкан хатын-кызлар да бар. Минемчә, хатын-кызлар үзара аралашып яшәргә тиеш. Бер язма укыган идем. Хатын-кызлар бер-берсе белән аралашканда энергия туплыйлар. Аннары шул энергияне өйдәгеләргә алып кайта. «Кызлар пати» клубы 6 кешедән башланган иде. Хәзер инде бездә 25 кеше. Бөтенләй чит хатын-кызларның да клубыбызга керәсе килә. Минемчә, хатын-кыз аралашуга барыбер мохтаҗ.

«Ватсап»та «Кызлар пати» дигән төркемне булдырдык. Шунда төрле темага языша алабыз. Теләсә нинди проблеманы хәл итәбез. Кызлар белән башта театрларга, концертларга, төрле кичәләргә бергәләп йөри идек. Хәзер инде үзебез концертлар куябыз. Төрле хәйрия концертлары оештырабыз.

Мактанып әйтмим: Аллаһы Тәгалә миңа оештыру сәләтен биргән. Аннары үзем дә төгәллекне, тәртипне яратам. Кешеләр белән дә конкрет сөйләшәм. Шуңа күрә бу клубны оештыруны да үз өстемә алдым.

– Кырымга да барып кайттыгыз.

– Кырымның Феодосия шәһәреннән оештыручы Халидә ханым хатын-кызлар форумына чакырды. Ул мине «Инстаграм»нан эзләп тапкан иде. Безгә чакыру кәгазе җибәрде. Кырымда 3 ел рәттән халыкара хатын-кызлар форумы үткәрелә. Анда төрле илләрдән киләләр. Эшмәкәрләр, артистлар һәм актив булган хатын-кызлар. Форум кысаларында без шулай хәйрия концерты куйдык. Әйтергә кирәк, бу форум кысаларында анда беренче тапкыр концерт оештырылды.

– Кырым татарларын күрдегез, димәк.

– Форумда Кырым татарлары күп түгел иде. Андагы татарлар безнекеләрдән нык аерыла. Аларның үзләренең мәдәнияте, теле дигәндәй. Феодосия шәһәрендә 2 көн булдык. Форумның концерт өлеше безнең өстә булды. Калган вакытта музейларда йөрдек. Без күбрәк йөрергә, күрергә тырыштык.

– Казаннан сезне әзерләп җибәрделәрме? Чыгымнарны кем каплады?

– Бар чыгымнарны үзебез капладык. Кырымны карарга бардык, ял да иттек. Моның өстенә хәйрия концерты куеп, изге эш тә башкардык.

– «Кызлар пати» клубына эләгү чиклеме?

– Төрле илләрдән хатын-кызлар «Кызлар пати»га кертүләрен сорап язалар. Әлбәттә, ул чикле түгел. Ә менә «ватсап»тагы төркем ябык безнең. Бөтен кешене дә кертә башласак, алай серләшеп утыра алмыйбыз дигән сүз. «Ватсап»та башка төркем булдырырга кирәк, диләр кызлар. Физик рәвештә вакытым җитми.

– «Кызлар пати» рәсмиләштерелгәнме?

– Юк шул. Клуб 2017нче елның 9нчы мартында оешкан иде. Хәзер «Кызлар пати»ны бөтен җирдә дә беләләр, таныйлар. Киләчәккә планнарыбыз да бар. Анысын вакыты килеп җиткәч сөйләрмен.

– Айгөл, сез гел хәрәкәттә. Бер тик тормыйсыз. Иҗат та итәсез, ял да итә беләсез. Гаиләгә вакыт каламы? Ирегез ачуланмыймы?

– Холкым шундый. Гел нидер эшләргә кирәк (елмая). Ирем усал түгел, ә җитди. Гомумән, гаиләдә мин усал. Шундук әйтәм. Кырыс, тәртипне ярата торган кеше. Ирем хәрби кеше буларак, таләпчән. Күп сөйләшми һәм күп эшли торган (көлә). Шулай булырга тиештер дә. Гомумән, ир ягыннан мин уңдым. Иҗат кешесе булгач, тик тора белмим. Шуңа минем белән яшәве җиңелләрдән түгелдер дип уйлыйм. Кәефем мең төрлегә үзгәрә. Сөйләшмәскә дә мөмкинмен. Безнең татар хатын-кызлары гомер буе басылган. Шулай да элекке заманнан китеп барабыз. «Ирем нәрсә әйтер», – дип куркып яшиләр иде бит. Заманалар үзгәргәч, хатын-кыз үз фикерен әйтә ала. Минемчә, гаиләдә ир дә, хатын-кыз да бертигез булырга тиеш. Килешмәгән очраклар да була. Әмма тора-бара кешегә күнегәсең. Гаиләдә минем холкыма өйрәнеп беттеләр инде. Кәефем булмаганда миңа тияргә генә кирәкми. Парым чыга да, шуның белән бетә. Озакка бармый. Өйдә ясаган тәртипне бетерсәләр генә ачуым чыга (көлә).

– Ирегез кайсы өлкәдә эшли?

– Ирем хәрби кеше булгач, 35 яшьтә үк лаеклы ялга чыкты. Куркынычсызлык хезмәте буенча эшли. Аның да командировкалары булгалый. Аллага шөкер, хәзер инде безгә җиңелрәк. Тормышның төрле чаклары булды. Акча җитмәгән чаклар да булмады түгел. Кияүгә чыккач, бер ел Себердә яшәдек. Аннан кире Казанга кайткач, иремнең һәм минем эшем булмады. Бик авыр иде. Бер-бер артлы кызыбыз, улыбыз туды. Әти-әни булмагач, җиңелләрдән булмады. Шулай әкренләп барысын да үзебез булдырдык. Аллага шөкер, инде балалар икесе дә мөстәкыйль. Үсеп җиттеләр. Шуңа күрә үземне тулаем иҗатка да, башка эшләргә дә багышлый алам.

– Улыгыз Камил «Хәлимә» фильмында төште. Ул да сезнең кебек иҗат юлыннан китәргә уйламыйдыр бит?

– Әлеге фильм миңа бик ошады. Улым уйнаганга гына түгел. Кинода бер дә төшмәгән балаларны җыйганнар. Аларның аның хәтле тәҗрибәләре дә булмаган. Бөтенесе дә яшьләр. Аннары сценарий дә бик кызыклы. Юлия Захарова үзе язды һәм үзе төшерде дә. Фильм Халыкара мөселман фестивалендә махсус тәнкыйтьчеләр призына ия булды. Улымның уйнавына килгәндә, ул мине шаккаттырды (елмая). Бик оста уйный алуы дәү әтисе Шамилдән күчкән аңа. Кайсы һөнәрне үзләштерәчәген киләчәк күрсәтер. Башта бик хафаланган идем. Кайсы юлдан барасын балалар үзләре сайларга тиеш. Аларның юлына аркылы чыгарга ярамый. Бары Аллаһы Тәгаләдән исәнлекләрен генә сорарга кирәк. Быел Камил 11нче сыйныфны тәмамлый инде. Кызыбыз Айлинә КАИның беренче курсында укый. Физика һәм математика буенча лицейны тәмамлап, әлеге уку йортына укырга кергән иде. Әлбәттә, анда укуы җиңелләрдән түгел. Бик авыр. Шулай да бик тырыша. Хатын-кызга физика нәрсәгә дип, каршы чыкмадым. Үзе теләп, әлеге юнәлеш буенча укырга керде бит.

– Айгөл, «Инстаграм» челтәрендә бик актив утырасыз. Көн саен берәр яңалык яки булган хәл белән уртаклашасыз.

– «Инстаграм» – шәхси көндәлегем, аралашу чарасы. Артистлар арасында «Инстаграм»да иң беренче теркәлгән кеше. 4 ел буе аның бите ябык иде. Белгән кешеләрне генә кертеп бардым. Быел гына ачарга булдым. Шулай да яхшы кешеләр күбрәк. Араларында авыру кешеләр дә бар. Мин аларны авыру дип әйтәм. Ниндидер өстәмә бит ачып, йөзләрен күрсәтмичә, миңа теләсә нәрсә язып ятучылар. Аларның дуслары да юк, үзләрен дә дуслыкка алмыйлар. Андый кешеләрне куркак дип саныйм. Алар өчен кәефемне төшермим. Белгән кеше язса, бер хәл әле. Монда бөтенләй чит кешеләр яза.

– Иң ошамаганы нәрсә турында язганнар иде?

– Ял итәргә баргач, купальниктан төштем. Нәрсәләр генә язып бетермәделәр. «Син намаз укыйсың», «оятсыз». Тегеләй дә, болай да. Әйтәсем килгән сүзем шул – намазга 33 яшемдә килдем һәм моңа үзем килдем. Өйдә барысына да өйрәндем. Ләкин тулысынча яулык бәйләп, 5 вакыт намазны укып, өйдә утыра торган кеше түгелмен. Тулаем дингә килеп җитмәдем. Сәхнә кешесе буларак, әле әзер түгел. Моны мактанып әйтмим. Мин Европада яшим. Мин бит шәрә килеш төшмәдем. Бу инде минем шәхси эшем. Нәрсә эшләргә телим, шуны эшлим. Ә бит бар шундый кешеләр. Алар намаз да укыйлар, мәчеткә дә йөриләр, яулыгын да бәйләгән. Ләкин алар ашта гайбәт сатып утыралар. Күңелләрендә явызлык. Алар һаман ниндидер ачулы, кешеләрне өйрәтеп йөриләр. Ә мин 5 вакыт намазны да укымыйм, яулык та бәйләмим. Әмма Аллаһы Тәгалә каршында намусым чиста. Мин бик нык Аллаһы Тәгаләгә ышанам. Ай буе ураза тотам. Мине белгән кеше белә. Ураза вакытында мин өйдә торам. Бер җиргә дә бармыйм. Концертларга чакырсалар, барып җырлап киләм. Кунакларга йөрешмим. Ашларга гына йөрим. Сәхнә кешесе өчен өйдә утыруы шулай ук авыр. Намаз укыйм, дип, беркайда да мактанып әйткәнем булмады. Мин көн дә намаз укымыйм. Әмма укырга кирәк һәм мин аны беләм.

– Сәяхәттә, дөресрәге чит илләрдә булырга яратуыгызны беләбез. Ничә илне күрергә насыйп булды?

– Чыннан да без сәяхәт итәргә яратабыз. Бу яктан ирем белән без бик охшаш. 22 илдә булдык. Кайбер илләрдә берничә тапкыр булырга туры килде. Һәрбер сәяхәт кешене яхшы якка үзгәртә һәм үстерә. Элек чит илдә генә пенсия яшендәге апа-абыйлар сәяхәт кылып йөриләр иде. Хәзер безнең апа-абыйлар да сәяхәт итә башладылар. Бик сөендерә. Яшәгән саен гына бер әйберне аңлый башлыйсың. Машиналар, фатирлар, байлык кемгә кирәк ул?! Әмма артыгы кирәкми. Хәзер мин ничә машина алмаштырганымны санамыйм. Бары сәяхәтләрне генә искә төшереп утырам. Ничә туным булганын да санап утырмыйм. Ул миңа кирәкми! Чит ил кешеләре марка, байлык артыннан кумый. Утырып йөрергә машина бар икән, ул шуңа канәгать. Алар бар акчасын сәяхәт кылырга тота. Хәзер кешегә сәяхәт кылу гына шатлык китерә ала. Мин моңа күпме инандым инде.

– Әңгәмәбезне йомгаклап, әйтер теләкләрегезне дә җиткерсәгез иде.

– «Яши-яши аңлыйбыз шул, без мәңгелек түгелләр». Нәкъ җырдагыча. Эшлисе килгән эшләрне исән чакта башкарып чыксак иде. Аннары үкенечкә калмасын өчен. Кешеләрне рәнҗетмичә, чиста намус белән яшәргә өйрәнсәк иде. Бар теләгем шул! Барыгызга да бәхетләр теләп калам.

Әңгәмәдәш Эльза ГАЗИЗОВА, Безнең гәҗит

Фото: соцсети

Запись Айгөл Бариева: “Нәрсә теләдем, шуны эшләдем” впервые появилась Tatar Today - татар яңалыклары..

Аларга җавап итеп Айгөл: “Бу фотоларда ниндидер начарлык, оятсызлык, гөнаһ күргән кешеләргә минем шуны гына әйтәсем килә: Гафу итегез! Беркемне дә рәнҗетергә уемда да юк иде.. Ләкин миңа авыр сүзләр язарга, мине рәнҗетергә беркемнең дә хакы юк!» диде.

Әмма интернетта гауга басылмады, киресенчә, кызганнан-кызды гына. Айгөл Бариеваны яклап язучылар да шактый булуга карамастан, тәнкыйть уты яудыручылар күбрәк булып чыкты. Җырчы аларга яңа мөрәҗәгать белән чыгып, тынычлануларын сорый:

“Дусларым! Тынычланыгыз инде. Сезнең язганнардан мин яхшырак та, начаррак та булмыйм! Иң мөһиме – мин үземне һәм минем якыннарым минем чынлыкта нинди икәнлегемне белә! Эчке дөньямны да белә! Бу минем өчен күпкә мөһимрәк!Нервыларыгызны бетермәгез зинһар! Бик күп тәти кыяфәт килештереп йөргән кешеләрне дә беләм, ләкин эчке дөньялары… Кем нәрсә тели шуны күрә инде. Киңәшем сезгә – музейга, фотовыставкаларга барып кайтыгыз, театрларга, сәяхәтләргә… Иманым камил, кайберәүләрегез ул фотолар астына язылганын да укымый… Иң мөһиме, кереп өрергә… Кем монда шәрәлек күрә, кызганыч… Минем өчен һәрвакыт кешенең эчке дөньясы, кешеләргә карата эшләгән гамәлләре күпкә мөһимрәк иде” дип яза Айгөл Бариева.

 

Посмотреть эту публикацию в Instagram

 

Дусларыыыым!Тынычланыгыыз инде?‍♀️???))))Сезнең язганнардан мин яхшырак та,начаррырак та уже булмыйм?‍♀️!Иң мөһиме-Мин үземне! һәм минем якыннарым минем чынлыкта нинди икәнен беләләр!Эчке дөньямны да беләләр!Бу минем өчен күпкә мөһимьрәк…!!!Нерваларыгызны бетермәгез зинһар!Бик күүүп тәти кыяфәт килештереп йөргән кешеләрне дә беләм,ләкин эчке дөньялары…..?белән тулган..Кем нәрсә тели шуны күрә инде..Киңәшем сезгә-музейга,фотовыставкаларга барып кайтыгыз,театрларга,сәяхәтләргә…Һәм блокировать тә итмим мин сезне..Үзләре дә бит подпискадан китмиләр…??Һәрбер комментыгыз өчен рәхмәт!!!Иманым камил,кайберәүләрегез ул фотолар астына язылганын да укымый…Иң мөһиме,кереп,өрергә….Кем монда шәрәлек күрә кызганыч…Хәер,миңа барыбер!Мин бу калган гомеремне кемгәдер, нидер исбатлар өчен яшәмим инде..Минем өчен һәрвакыт кешенең эчке дөньясы,кешеләргә карата эшләгән гамәльләре күпкә мөһимьрәк иде…Шуңа күрә,кәефегезне дә,нервагызны да,вакытыгызны да әрәм итмәгез лучше!Займитесь своей жизнью!!!И тогда вам будет некогда до чужой?,как мне например!Чаптым яме ,матур эшләр,матур очрашулар,матур гомерем көтә…???????

Публикация от Aigul Barieva ???Бул гына (@aigul_barieva) 27 Мар 2019 в 1:36 PDT

Запись Айгөл Бариева интим фотоларын күрсәткәннән соң, яңа мөрәҗәгать белән чыга впервые появилась Tatar Today - татар яңалыклары..

Әтисе – Камал исемендәге Татар дәүләт академия театры артисты Шамил Бариев – уенына сокланып үскән Айгөл яшьтән үк музыка белән кызыксына, үзешчән сәнгатьтә катнаша. Педагогика институтының музыка факультеты каршындагы “Хыял” хорында, милли-мәдәни үзәктә төзелгән “Сорнай” ансамблендә җырлый. 1996 елда “Синең өчен” дигән тәүге кассетасын чыгара.

Айгөл Бариева “Ашкыну”, “Синең өчен”, “Чабата”, “Туй” һ.б. җырлары белән халык күңеленә үтеп кергән. Ул сопрано тавышына ия, татар җәмгыятенең рухи тормышын баетуда актив эшли, хәйрия чараларында катнаша, диелгән әлеге хәбәрдә.

Әлеге иҗат кичәсендә Айгөл Бариева халыкка танылган җырларын башкарачак. Чарада шулай ук аның иҗатташ дуслары, якыннары да катнашыр дип көтелә.

Очрашу кичке биштә башлана.

Запись Айгөл Бариева иҗат кичәсенә чакыра впервые появилась Tatar Today - татар яңалыклары..

7 февральдә җырчы Айгөл Бариева Инстаграмында язылучылары алдында ачылырга теләп, үзе турында 13 факт язган. Алар барысы да холкының начар ягын тасвирлый. “Һәр кешенең уңай һәм тискәре яклары бар. Мин, әлбәттә, искәрмә түгел. Бүген тискәре яклар турында сөйләшәсем килә. Сезгә барысын да сөйләргә, алдыгызда ачылырга кирәк, дип саныйм”, дигән Айгөл ханым һәм начар сыйфатларын бер-бер артлы тезеп төшкән. 

“1. Мин кызып китүчән, туры сүзле кеше һәм тормышта бу миңа бик комачаулый.
2. Артык таләпчән, кайвакыт усал.
3. Бик туры сүзле, кайчак дәшми кала алмыйм! Ә кирәк булыр иде!
4. Еш кына кешеләрне бүлдерәм, ахыргача сөйләп бетерергә бирмим.
5. Эштә һәм мөнәсәбәтләрдә (дуслык, мәхәббәттә) артык бәйләнчек һәм таләпчән. Әмма бу башкаларга гына түгел, үземә дә кагыла.

6. Гел ашыгам…
7. Барысын да йөрәккә бик якын кабул итәм һәм үз-үземне тикшерү белән шөгыльләнәм (бу да тискәре күренеш дип саныйм).
8. Бөтен эштә дә тәртипне артык яратам, бу миңа да, тирә-юньдәгеләргә дә комачаулый.
9. Дөреслекне ачыкларга тырышам, хәтта кирәк булмаса да.
10. Тиз рәнҗи торган, йомшак күңелле һәм үпкәчел (моны да тискәре сыйфатларга кертәм).
11. Артык кире, көнчел, сабырсыз һәм үзсүзле.
12. Артык ышанучан.
13. Һәм соңгысы – кемне дә булса яратам икән, сөяк миенә кадәр яратам, шулай ук моны дөрес түгел дип саныйм.

Гомумән, сез хәзер минем тискәре якларны беләсез, бәлки, сез тулыландыра аласыздыр? Гадел һәм ачык итеп языгыз. Үземә башка күзлектән карыйсым килә. Нәтиҗәләр ясарга һәм үз өстеңдә эшләргә беркайчан да соң түгел, теләк кенә булсын”, дип язган Айгөл Бариева.

View this post on Instagram

A post shared by Айгуль Бариева засл Артист РТ (@aigul_barieva)

Әлеге пост астында Айгөл Бариеваның язылучылары бик теләп фикер алышканнар. “Син ситуацияне җибәрә белмисең, йөз дә бишенче тапкыр кире кайтасың. Бу явызлык түгел, бу синең тәэсирләнүчәнлегең. Гомумән, оныт! Аз уйла, яхшы бел: бу тормышта барысы да кире әйләнеп кайта! Барысы да! Син чын, ихлас! Рәхмәт Син булганың өчен”, “Айгөл, Сез санап үткән барлык сыйфатлар да чынбарлык. Аларны яхшы да, начар да дип атап булмый, нәкъ менә алар кешенең шәхси үзенчәлекләрен тәшкил итә. Без бит үзебез булып калырга телибез! Ә бу иң мөһиме. Әлбәттә, идеалга, үз-үзеңне камилләштерүгә омтылыш кирәк”, дип язганнар аңа.

Запись “Көнчел, үзсүзле…” – Айгөл Бариева үзенең 13 тискәре ягын саный впервые появилась Tatar Today - татар яңалыклары..

Монда камыр кабарганын көтәсе юк, бар да берьюлы әзерләнә.

Камыры:
2 стакан җылы сөт
2 аш кашыгы көнбагыш мае
1 пачка коры чүпрә
Тоз һәм он

Ничек пешерергә:

1. Сөтне җылытып, чүпрә салабыз.

2. Тоз, йомырка, он салып камыр басабыз.

3. Фаршка суган, тоз, борыч салып болгатабыз.

4. Әзер камырны кисәкләргә бүлеп җәябез.

5. Камыр өстенә ит салабыз һәм уртада тишек калырлык итеп бөгәбез.

6. Әзер пәрәмәчләрне уртача зурлыктагы май салынган табада ике яклап кыздырабыз.

АШЛАРЫГЫЗ ТӘМЛЕ БУЛСЫН!

View this post on Instagram

A post shared by Рецепты от @aigul_barieva (@reseptyotaigulbarie)

Запись Айгөл Бариевадан “Мишәр пәрәмәче” рецепты впервые появилась Tatar Today - татар яңалыклары..

– Заманында Марсель Сәлимҗанов «Антоний һәм Клеопатра» дигән спектакль чыгарды. Төп рольдә – Алсу Гайнуллина. Ул бик шаулап узды. Бер күренештә күп-күп солдатлар катнашырга тиеш иде. Мәскәүгә гастрольгә баргач, моның өчен махсус чын солдатларны алып килделәр. Алар бихисап, йөздән артык булгандыр. Чыгалар да, чыгаралар, бетмиләр генә. Шушы күренеш әле дә күз алдымнан китми. Ни кызганыч, спектакль катлаулы булгач һәм чыгымнар таләп иткәч, озак бармады.

Безнең балачак сәхнә артында уйнап, әти-әнигә ияреп гастрольләрдә йөреп узды инде. Театрның иске бинасында баскычтан чабып төшүләр, куышып йөрүләр! Ни гаҗәп, шелтә белдерүче дә, ачуланучы да юк иде. Берара бакча бирделәр, шунда җыела башладык. Кичен аллеяда учак ягабыз, Искәндәр Хәйруллин гитара алып чыга, җырлыйбыз. Ерак түгел чишмә бар. Иртә-кич салкын су белән коенырга йөрибез. Казлар кебек тезелешеп китәбез, тезелешеп кайтабыз… Әй, күңелле, безгә – балаларга бернинди лагерь кирәк түгел иде. Тик менә әти ни өчендер мине спектакльләрдә катнаштырырга теләмәде. Сәхнәгә беренче мәртәбә ундүрт яшемдә генә аның белән дуэт җырларга чыктым. Әни белән икәү әтинең уйнаганын бирелеп-бирелеп карый идек. Аңа гел тискәре образлар эләгә, шул ачуны китерә иде. Һәркемнең үз әтисен герой итеп күрәсе килә бит! Хәзер инде үземнең балалар театрга тартыла, моны күреп сөенәм. Миңа ул рухи азык кына биреп калмый, ә балачакка, яшьлегемә алып кайта, шуннан көч алам.

Фото: инстаграм

Запись Айгөл Бариева: «Шушы күренеш әле дә күз алдымнан китми» впервые появилась Tatar Today - татар яңалыклары..

Исегезгә төшерәбез, быел Әнгам Атнабаевның тууына 90 ел тулды. Аның шигырьләре бүгенге көндә дә актуальлеген җуймый.

Ә.Атнабаев “Әнкәемә…” Бу шигырьне яздырырга авыр иде??…Шуңа артык гаеп итмәссез…ИҢ КАДЕРЛЕ,ИҢ ГАЗИЗ КЕШЕЛӘРЕБЕЗГӘ БАГЫШЛАНА…Әнкәйләргә озын гомер телик…???❤❤❤ Дәвамы икенче биттә? #шигьрият #шигьридоньям #әнкәйләргәозынгомертелик #иҗаттаяшим #булгына #яратканэшем #айгөлбариева #аллагашөкер #меңрәхмәтРаббыма?❤

Публикация от Aigul Barieva ???Бул гына (@aigul_barieva) 5 Сен 2018 в 7:33 PDT

Әнгам Атнабаев 1928 елның 23 февралендә Башкортстанның Тәтешле районының Күрдем авылында туган. Атасы Касыйм сугыш яланында ятып калган. Мәрзия апа кулында җиде бала торып кала. Аларның иң зурысы Әнгам була. Күрдемдә 7 еллык мәктәпне тәмамлый. Атнабаев Казанга барып, Казан педагогика институтына укырга керә. Укып кайткач, Аксәет авылы мәктәбендә татар теле укытучысы булып эшли башлый. Мәктәп аның җитәкчелегендә нинди генә кичәләр, ярышлар оештырмый. Кайда гына катнашса да, дипломнар, алдынгы урыннар яулый. Ул матур шигъри дәресләр үткәрә. Укучылар аны Һади Такташка охшата. 1950 елда Ә.Атнабаев Уфага килеп, «Кызыл таң» редакциясендә эшли башлый. 1958 елда Әнгам Атнабаевның «Йөрәк белән сөйләшү» дигән беренче шигырь җыентыгы дөнья күрә. Алга таба язучының дистәләгән китаплары бер-бер артлы чыгып кына тора. Әнгам Атнабаев милли әдәбиятыбызга бай рухи мирас калдырды. Күбрәк талантлы шагыйрь булып танылса да, оста драматург буларак та үзен ача алды ул. Аның дистәдән артык пьесалары Башкортстан һәм Татарстан театрларында сәхнәләштерелде. Кайбер тамашалар әле дә байтак театрлар репертуарыннан төшми. Уфа дәүләт «Нур» татар театры 80 еллык юбилеена туры китереп, Әнгам Атнабаевның «Игезәкләр» пьесасын сәхнәгә куйды. Әнгам Атнабаев, зур талант иясе булу өстенә, үз халкының сөекле һәм тугры улы да иде. Башкортстанда татарча язу һәм үз әсәрләреңне сәхнәләрдән ана телендә уку хупланмаган элекке елларда да Әнгам Атнабаев бары тик татар телендә генә иҗат итте һәм шигырьләрен дә фәкать татар телендә генә яңгыратты. Үзенчә бер каһарманлык билгесе булды бу.

adiplar.belem

Запись Айгөл Бариева иң газиз кешесенә багышлап елата торган шигырь укый [видео] впервые появилась Tatar Today - татар яңалыклары..