Илсөя Бәдретдинова бандасы белән Теләче урманында җыелып, клип төшерәләр.

Алмаз Мирзаянов белән Гүзәл Карамиеваның видеоларына күз салсак, клип бик кызык килеп чыгарга тиеш! Алмаз Мирзаянов сүзләре буенча: Апада начар әйбер булмый!

Видео Гузель Карамиева һәм Алмаз Мирзаянов инстаграм битеннән

Запись Илсөя Бәдретдинова яңа клибын Теләче урманында төшерә! Кызык буласыга охшаган [видео] впервые появилась Tatar Today - татар яңалыклары..

Арсен Камакаевның “Сине очратканга” исемле җырына төшерелгән яңа клибында әти роле, заманча матур гаилә бик тә урынлы төшерелгән. Шуңа да бәйрәм көнне сезгә бу клипны тәкъдим итәргә булдык.

Әлеге клипта Арсен Камакаевның тормыш иптәше һәм улы да катнаша.
⠀
“Гаиләм-балаларым, авырлыкларны бергә җиңәрлек, мине аңлаучы тормыш иптәшем булганга мин бик бәхетле. Клипта да шушы хисләрне тамашачыга җиткерәсебез килде. Һәр кешегә шундый бәхет телим, диде безгә Арсен Камакаев. Үзе ул гаиләсе белән Пермь өлкәсе Барда районында яши. “Сине очратканга” җырына клипны 2020 елның гыйнварында Казанда төшерәләр. “Татарстан башкаласы безгә бик тә ошый”, ди Арсен.

Арсен Камакаевка уңышлар теләп, тагын шундый матур клиплар көтеп калабыз.
⠀

Запись Арсен Камакаев быелгы кышкы Казанның, бәхетле гаиләсенең матурлыгын бер клипка сыйдыра [видео] впервые появилась Tatar Today - татар яңалыклары..

Бу көннәрдә җырчы, продюсер, клиплар төшерүче Салават Миңнеханов космоска очкан яңа клибын тәкъдим итәчәк. Анда беренче тапкыр нәни кызы Мәдинә дә катнаша, гомумән клипта Миңнехановлар тулы составта төшәләр.

“ТАТАRSTAR КОСМОС ҮЗӘГЕ” дигән татарча язуны яңа клипның өзегендә күргәч, Һолливуд кадрлары дип торабыз. Ә бу Салават икән бит, Миңнеханов космоска оча, татарлар космоста.
⠀
Тиздән Салават Миңнехановның “СИНЕҢ ХАКТА” дигән өр-яңа клибы чыгачак. Мәхәббәт, тугрылык, гаиләле ир язмышы, космос турында булачак, ди. Салават әйтүенчә, бу клипны “Тайна печати дракона” фильмын төшергән, Джеки чан, Арнольд Шварценеггер белән эшләгән егетләр әзерли. Салават Миңнехановныкы булса, шундый булыр инде, “космос булган бу” дип әйтерлек. Тулы клип 23 гыйнвар 19:00дә Миңнехановларның ютуб каналында чыгачак.

View this post on Instagram

A post shared by САЛАВАТ МИННИХАНОВ (@salavat_minnikhanov)

Запись Салават Миңнеханов һәм Гүзәлемнең нәни кызлары белән беренче космик клиплары [видео] впервые появилась Tatar Today - татар яңалыклары..

Җырчы Вәли Фазлыйәхмәтов “Сәләмү галәйкә йә Расүлүллаһ” җырына клип төшерү белән мәшгуль.  Клипны төшерергә урынны ничек сайлавы, съемкалар вакытында нинди хәлләр булуы турында безгә сөйләде.

—Клипны  төшерү өчен үзенчәлекле, матур урын сайлагансыз. Бу урынны сайлауга нәрсә этәрде?

—Без башта клипмейкер Илнур белән Крымга барырга теләгән идек. Чөнки кырымда шундый таулы, кыялы, болынлы урыннар бар. Диңгез дә шунда гына. Самолетка билетлар карый башладык, ә анда инде урыннар юк иде. Һәм инде аннары Илнур “Билетлар булмагач, әйдә Кама Тамагына барабыз. Анда да шундый матур урыннар бар” диде. Шунда барырга булдык. Иртәнге 3тә юлга чыктык, 6-7 без инде килеп җиткән идек. Бераз карап йөрдек, урыннарны билгеләп куйдык. Шулай итеп шунда  төшерә башладык.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

—Клипны төшергәндә, кыялардан сикерергә туры килгән икән… Шуның турында бераз сөйләп китсәгез иде.

—Әйе шул, төшергәндә төрле кыялардан сикерергә, таулардан йөгерергә туры килде. Бер таудан әле төшеп тә киттем.  Хәтта кулымны  да җәрәхәтләдем.  Ул, мин кулымны битемә куйган моментта, хәтта  клипта да күренә.

View this post on Instagram

A post shared by Вали Фазлиахметов (@vali_fazliakhmetov)

Әле тагын шундый матур костюм белән суга керергә туры килде. Кергәндә суы бик җылы иде, хәтта су коенасы килеп китте.

View this post on Instagram

A post shared by Вали Фазлиахметов (@vali_fazliakhmetov)

—Клипның премьерасын кайчанаг планлаштырасыз?

—Әйе, бу әле “черновой” кадрлар. Төрле төзәтүләр, үзгәртүләр булырга мөмкин әле.Алла Боерса, бу клипны татар телеканалларыннан күрсәтергә телим. ТНВдан, Мәйданнан… Әгәр худсовет кабул итеп алса инде. Шунда клибымны бик күрсәтәсем килә.

—Озак төшерелдеме клип?

—Бер көн.

Запись “Хәтта кулымны да яраладым” – Вәли Фазлыйәхмәтов нәрсә турында сөйли? впервые появилась Tatar Today - татар яңалыклары..

Бу көннәрдә Винарис Ильегетнең “Чиялектә” җырына клип төшерәләр. Җырчы эксклюзив кадрлар, хис-кичерешләре белән уртаклашты. Монда Винарисны җырлатып кына калмыйлар, биетәләр дә, хәтта атта да йөрттерәләр. “Менә алар минем белән нәрсәләр эшлиләр”, ди җырчы.

View this post on Instagram

A post shared by ТАТАРЧА ЯЛ🔥/ ТАТАР АФИША🎠 (@tatarafisha)

“Һава торышы бик начар, ләкин без җәйне уйныйбыз. Кызык килеп чыгарга тиеш. Режиссерыбыз Ләйсән Мәхмүтова, опрератор Илнур Абдуллин”, дип уртаклашты Винарис Ильегет.

Запись Винарис Ильегет: “Менә алар минем белән нәрсәләр эшлиләр” [ВИДЕО] впервые появилась Tatar Today - татар яңалыклары..

Шушы көннәрдә җырчы Айдарның “Бәхетемне килә табасым” җырына клип төшерү эшләре бара. Съемкалар барган урыннарның берсендә без дә булып кайттык, Айдарның үзе, клипта катнашучылар, төшерүчеләр белән аралаштык. Бу күңелле мизгелләрне, эш барышының берничә өлешен, Айдар белән әңгәмәне безнең репортаждан карый аласыз.

Авылда клип төшерү – Айдарның күптәнге хыялы булган икән, шуңа күрә, бу сюжетка бик теләп ризалашкан. Ә сюжет буенча ул кызлар гына яшәгән авылга рәис булып кайта һәм аларны үзенә гашыйк итә. Бу кызлар арасында егет йөрәгендә урын өчен көрәш башлана.

View this post on Instagram

A post shared by АЙДАР РАКИПОВ (@aidar_rakipov)

Сүз уңаеннан, клипка кызлар эзләве хакында Айдар Инстаграмында хәбәр иткән иде. Шуңа күрә актрисаларның күбесен Айдар үзе сайлаган.

Клип кызыклы, көтелмәгән күренешләр белән баетылган. Аларны уйлап чыгаручылар, фото-видеога төшерү белән шөгыльләнүче – Alfavizion group төркеме егетләре.

Запись “Бал кортлары чагып бетерде, кызлар тирестә аунады”: җырчы Айдарга нинди клип төшерәләр? [видеорепортаж] впервые появилась Tatar Today - татар яңалыклары..

Винарис Ильегет белән Ләйсән Мәхмүтова дуэт буларак уңышлы гына эшләп киләләр. Узган елны алар “Мәхәббәт күбәләге” җыры белән “Болгар милли музыкаль премиясе”н дә алдылар, әлеге җырларына клип та чыгрдылар. “Клипны төшерү бик уңышлы килеп чыкты. Аның режиссеры Ләйсән Мәхмүтова, Илнур Абдуллин белән сентябрь аенда төшердек. Ул  вакытта Казансу елгасына керергә кирәк булачагын белгәч, миңа шок булган иде”, дип искә алды Винарис Ильегет.

Күптән түгел  Винарис Ильегет һәм Ләйсән Мәхмүтова бер төркем артистлар белән себер якларында гастрольләрдә булып кайттылар. Җылы иҗади мөнәсәбәтләре әле да сакланамы? җырчыларның холыклары туры киләме? Винарис Ильегеттән шул хакта белештек.

“Ләйсән Мәхмүтова белән эшләү бик җиңел, рәхәт. Без бер-беребезгә күңел торышларыбыз белән дә туры киләбез, уртак фикерләребез дә күп.  Шунысы бар, икебез дә тиз кызып китүчән кешеләр, аңлашылмаучанлыклар да булгалый, ләкин юл да куя беләбез.

Ләйсәнгә илһам килгән вакытта, ул аның белән янып йөри, баш-аягы белән шуңа чума. Көчле, ташып торучы энергиясе күп аның. Мин үзем дә шундый. Беренчесе безнең үз гаиләләребез булса, икенче гаиләм итеп Ләйсәнне саныйм. Мин аны бик хөрмәт итәм. Без бер-беребезне таптык”, дип уртаклашты җырчы Винарис Ильегет.

Запись Винарис Ильегет: “Без бер-беребезне таптык….” впервые появилась Tatar Today - татар яңалыклары..

– Егетләр, клип озак төшерелдеме? Нинди кызыклы яки кыен хәлләр булды? 
Айназ. Клипка күчкәнче, җырның тарихын сөйләп үтәсе килә. Аның тарихыннан чыгып, клипның сюжет идеясы барлыкка килде. Төркем буларак дебютыбыз 9 февральдә, “Пирамида”да “Продвижение” иҗат студиясенең 10 еллык юбилей концертында булды. Соңгы имтиханны тапшырганнан соң, безгә дебют җырыгызда нинди тема кузгатасыгыз, нәрсә турында җырлыйсыгыз килә дигән сорау бирделәр.

Без уйлаштык та, гадәти “яратам, синсез үләм” яисә “очраштык, таныштык, кавышытык” кебек темага җырлар болай да күп, андыйны башкарасы килми, дигән фикергә килдек. Бер-ике көн уйлашканбыздыр… Һәм үзебезгә якын, һәрберебезнең тормышында булган тематикада тукталдык. Һәр кешенең тормышында җавапсыз мәхәббәт булгандыр. Мәсәлән, син кыз артыннан йөрисең, аның игътибарын яулар өчен әллә ниләр эшлисең, ә ул сиңа “ноль внимания”. Шундый ачу чыга, дөресен әйткәндә… Миңа калса, бу бездә генә түгел, бик күп егетләрнең тормышында булган хәлдер.

Руслан. Егетләрнең генә түгел, кызларның да андый җавапсыз мәхәббәте булганы бардыр.

Булат. Ләкин бу “мин синсез яши алмыйм” дип җырларга кирәк дигән сүз түгел. Син киресенчә, бөтен кыюлыгыңны җыясың да, шул кызның янына барып: “Сүземне тыңла, хисләрдән курыкма, горур булма һәм гел артыңнан йөрермен дип уйлама”, дип әйтергә бер сәбәп.

Айназ. Шул темага таянып, бергәләп сүзләрен яздык. Рәсим Фасыйхов музыкасын язып бирде. Шулай җыр туды да инде.

Дамир. Мондый җавапсыз мәхәббәт мәктәп елларына, студент чорына хас, шуңа да без клипта булган сюжет линиясен мәктәп бинасында төшердек. Клипны караган һәр укучы, студент “бу бит минем турында”, ә инде мәктәпне күптән тәмамлаган олы кешеләр “минем дә бар иде шулай юләрләнеп, бер кыз артыннан йөргән чаклар” дип карасын өчен.

Төшерү процессына килгәндә, без клипны ике көн төшерергә тиеш идек, ләкин Айназны кинәт эшеннән командировкага җибәрделәр, шуңа күрә без төшерү процессын бер көнгә сыйдырдык. Төшерү көннәрен күчерергә дип тә уйлаган идек, ләкин без планнар буенча соңарырбыз дидек, чөнки Айназ ике атнадан гына кайтырга тиеш иде. Төшерү командасы тупланган, ләкин бер көндә барысын да төшереп өлгермәбез, дип борчылдык. Иртә таңнан төшерә башладык, чөнки кичке унда Айназны самолетка озатырга кирәк иде.

Беренче чиратта, аның катнашындагы эпизодларны төшерергә тырыштык. Нәтиҗәдә, барыбер ярты сәгатькә соңга калдык. Инде Айназ самолетка өлгермәс, дип борчыла башладык. Аллага шөкер, җитеште. Без инде аннары тыныч күңел белән төшерүне дәвам итек. Сәгать төнге бердә-икеләрдә таралыштык бугай.

Руслан. Безнең белән эшләгән командага зур рәхмәт әйтәсе килә! Алар белән эшләве бик уңайлы, рәхәт иде!

Булат. Эмоцяләрне аңлатып бетерлек түгел! Бу бит безнең беренче клип! Г-горурлык! (көләләр)

– Сезнеңчә матур клиплар төшерердәй заманча музыка нинди булырга тиеш?

Дамир. Заманча музыка сүзе, миңа калса, үзе өчен үзе үк әйтеп тора. Димәк, заман тәлапләренә таянып язылган. Заманча яңгырашлы, сыйфатлы музыкаль контент дигән сүз. Шуны да әйтеп узасы килә, безнең төп максат: заман тенденцияләренә таянып ясалган татар телендәге җырлар аша, балаларда, яшүсмерләрдә татар теленә карата кызыксыну уяту. Без бит никтер сүзләрен аңламасак та, чит ил җырларын тыңлыйбыз, аннары аерым-аерым сүзләрен отып та алабыз, кушылып җырлыйбыз. Чөнки җыр, заманча әйтсәк, “качает”. Ни өчен мондый күренеш татар җырлары белән булмаска тиеш әле? Бары тик эшләргә генә кирәк.

View this post on Instagram

A post shared by КАРАШ (@karash_official)

– Кайсы сыйфатларыгыз сәхнәдә танылырга ярдәм итәр дип уйлыйсыз?

Айназ. (егетләргә) Әйдәгез, һәрберебез берәр сыйфат әйтеп чыгабыз. Мин башлыйм. Тырышлык.

Дамир. Үзгәрешләрдән, экспериментлардан курыкмаска.

Булат. Оптимист булырга кирәк.

Руслан. Иҗатыңның максаты булырга тиеш.

Запись “Караш” төркеме: “Минем дә бар иде шулай юләрләнеп йөргән чаклар”, дип карауларын теләдек [яңа клип, эксклюзив әңгәмә] впервые появилась Tatar Today - татар яңалыклары..

Шушы көннәрдә ИлГәрәйнең “Мин сине ятларга калдырмам” җырына яңа клибы дөнья күрде. Анда ИлГәрәй хатыны һәм кызлары белән төшкән. “Тормыш дулкыным Айгөл белән төшмәсәк, матур булмас дип уйладым. Кызларым Адилә дә, Камилә дә төштеләр”, дип уртаклашкан җырчы Инстаграм битендә.

Әлеге клип күпләрнең күңеленә хуш килгән. “Бик матур булган. Елый-елый карадым. Рәхмәт Сезгә”, “Кинодагы кебек. Бигрәк матурлар инде үзегез, балалар искиткеч, күз тимәсен”, “Искиткеч җыр. Рәхәтләнеп еладым”, дип фикерләр калдырганнар бу клипка карата.

Запись “Мин сине ятларга калдырмам”. ИлГәрәй гаиләсе белән елата торган клип төшергән [видео] впервые появилась Tatar Today - татар яңалыклары..

15 февральдә Гүзәл Уразова Мәскәүдә узачак концертлары буенча очрашу булганын язып, фотолар керткән. Шул сурәтләрнең берсендә, оештыручылар арасында утырган Илдар Хәкимовны да танырга була. Гүзәл Уразованың язылучылары чыннан да Илдармы, дип кызыксынган, әммә Гүзәл әлегә җавап бирмәгән.

Әлеге фотоларны Гүзәл Уразова болай дип имзалаган: “Хәерле кичләр дуслар!
Бүген Мәскәүдә зур очрашу булды. Кремльдәге концертка әзерлек – 100 процент. Без ышанабыз дуслар, бу иң яхшы концерт булачак. Әле генә Сургуттан 15 кеше киләбез, дип билет алдылар. Самарадан, Уфадан килучеләр бар. Килегез дуслар! Шәп булачак!”.

View this post on Instagram

A post shared by Гузель Уразова певица (@guzelurazova)

Бу пост 2 сәгать эчендә 8 меңгә якын “лайк” һәм 40тан артык фикерләр җыйган. Язылучылар концертта Илдар Хәкимов та булачакмы, дип кызыксынган. “Илдар әлбәттә була”, дип җавап кайтарган Гүзәл Уразова.

Запись Илдар Хәкимовның тән җәрәхәте алганнан соң беренче фотосы чыкты впервые появилась Tatar Today - татар яңалыклары..